٢-على اليسار اكو ٦ منافذ من A0 الى A5 هاي كلها منافذ تماثلية analog يعني من تريد تقرة من حساس ينطيك قيمة معيد (رقم معين ) لازم توصل وية هاي المنافذ او انت جاي تستخدم قطعة تحتاج ارقام و قيم محددة لازم تستخدم هاي المنافذ

٣-اعلى اليسار عندك مجموعة منافذ
اول منفذ Vi و هو منفذ الفولتية الداخلة يعني من عندة تغذي الاردوينو بالطاقة .
الثاني و الثالث هي منافذ Gnd الارضي تكدر تغذي او تاخذ من الاردوينو من هاي المنافذ بفولتية ال٠ او الارضية .
الرابع هو منفذ 5v منفذ ينطك اخراج 5v تحتاجه بتشغيل القطع و الشيبات او الموتور .
المنفذ الخامس هو منفذ مغذي بالفولتية ايضاً بس بفولتية مقدارها 3.3V.
المنفذ السادس هو منفذ اعادة التشغيل يعني تنطي اشارة لوجك ١ للمنفذ يسوي اعادة تشغيل للقطعة

طبعا اخر منفذين تقنيات متقدمة شوي شرحها بالانترنت صعب شوي و و باحتمالية ٩٥% مراح تستخدموهن

اي استفسار او اي شي غير واضح
بدون اي تردد تواصلوا معي

ادمن القناة
@yaqeen40

مرحباً
اليوم جبتلكم رابط تحميل برنامج Arduino

https://www.arduino.cc/en/Main/Donate

تدخلون ع الرابط الفوك و تحملون Arduino ide
و الي هي البيئة التطويرية للاردوينو

اعرف راح تواجهون مشكله بتنزيل من الموقع
هسه راح اسويلكم حل مناسب

من تفتحون الرابط راح تظهر الكم هاي الصفحة تضغطون ع العلامة اسفل اليمين .
تضغطون ع just download

ملاحظة برنامج ide لللابتوب .
اكو برامج بالموبايل بس توصيلها شوي يضوج لذلك كل شغلنا ع اللابتوب يصير

الافضل ان تفتحون برنامج تليكرام بلابتوب حتى يكون اسهل الكم وانزللكم التطبيق هنا برابط تحميل مباشر من تليكرام

الي ديواجة مشكلة بالتنزيل او منزل البرنامج خلي يتواصل خاص ونشوف شنو المشكلة
@yaqeen40

زين راح انزللكم رابط هنا تحميل مباشر وحملو
بس لازم تفتح تليكرام باللابتوب وتدخل ع الرابط

راح ننتظر الى ان تنزلون برنامج Arduino ide يلة نكمل لان ما نكدر نشرح اذا البرنامج ما موجود

بعدما تكملون تنصيب arduino IDE راح يفتح البرنامج عدكم بهذا الشكل

قسمت الواجهه الى 3 اجزاء

الجزء 1
نكدر نستدعي بي المكاتب الي نحتاجها بالاضافة الى تعريف المتغييرات الي عدنا .
و هم نكدر نسوي بي classes او function حسب الحاجة .