مرحباً طلاب

طبعاً راح أوقف النشر لمدة اسبوع
لان عندي امتحانات

وأتمنى خلال هذا الأسبوع تراجعون المنشورات وتفهمون اكثر

أسفه مراح اكدر اجاوب ع كل راسئلكم

لذالك انتظروني اسبوع وارجعلكم
بمنشورات ومشاريع كلش حلوه

.......🧚🏻‍♀️

صباح الخير ع الجميع يارب♥

ادري صار هواي ممنزله مشاريع
بسبب الامتحانات ان شاء الله دااشتغل ع مشروع كلش حلو حيعجبكم من أكمله انزله
.
.
.

اليوم حضرتلكم تجربة بسيطة للي يحب يطبقها ..وهي تغيير الوان لد الRGB بوساطة جويستك
طبعا لد الRGB اهم شي يميزه ان يحتوي على 4 منافذ وبامكانه اخراج ٣ الوان وهي الاحمر والاخضر والازرق ولهذا اسمه صار RGB 🌚
الادوات الي راح نحتاجها اليوم هي :
Arduino Uno
Joystick Module
RGB LED

طريقة الربط للمنافذ حتكون كالاتي :
Connections :
GND TO GND
Vcc To 5v
VRx To Pin A0
VRy To Pin A1
SW Pin to 2
RedLed to 9
Green Led to 10
Blue led to 11

خارطة الربط

هذا التطبيق طبعاً هنا اللد اشتغل بـ3 ألوان (اخضر،اصفر،ازرق) بس بالتصوير ماابين

الكود البرمجي

موقع circuits :
هو احد افضل مواقع محاكات الاردوينو
وقد ظهرة هذا الموقع بالتعاون مع شركة اوتستك و circuits و ذلك لتسهيل تعلم الاردوينو من دون الحاجه الى تجهيزات ويمكن العمل به من خلال الدخول المباشر الى الموقع
واليكم الموقع
https://123D. circuits.io

هذا حل مشكله العطل الي صار بالبرنامج

هذا كتاب اردوينو كلش مفيد

مرحباً طلاب
طبعاً اعتذر هاي الأيام مداانزل مشاريع
بس تعرفون امتحانات وتعب




المهم عندي الكم مفاجأة😍😍
بس مو هسه اعلن عنها لا
منتظره عدد القناة يصير 1000

وهم الكل يخلص امتحانات

وأعلن عنها
طبعاً الكل راح يحبها💜💜
انتظروها

وأنا شاء الله انزللكم مشروع جديد خلال هاي الأيام

.......🧚🏻‍♀️🧚🏻‍♀️

خلي نشرح شوية صار هواي مرتاحين🌚✌🏻 ...

1- امر pinMode
هذا الامر اتحكم بي بأطراف الاردوينو ... اما ادخال او اخراج ...
اذا عندي كلوب .. ريلي .. ماطور .. فدشي انت تريد تشغله ... خلي الطرف اخراج

وذا عندك حساس .. مقاومه ضوئيه .. كيبورد .. او اي شي تاخذ منه معلومات ... خلي الطرف ادخال

.... اقره علكيف لتستعجل ...

🙂ناخذ اليوم الاخراج
اولا شلون نخلي الطرف اخراج
نكتب pinMode وراهه رقم الطرف ... وراهه نوعه .. اخراج output
pinMode(13,OUTPUT);

زين اكدر ابدل رقم 13 اخلي بداله غير رقم ؟🤔

اي تكدر ... عندك اطراف من 0 الى 13

تكدر تكتب 7
pinMode(7,OUTPUT);

او اي رقم ... حسب الطرف اللي تريده ...

هسه الارد افتهم انهُ هذا الطرف راح يشتغل اخراج مو ادخال .. وراح يهيئه النا حتى نستخدمه

هسه الاخراج بي حالتين اتحكم بيهن اما تشغيل HIGH او اطفاء LOW
التشغيل معناهه طرف رقم 13 راح ينطي 5 فولت
الاطفاء معناهه طرف رقم 13 راح ينطي 0 فولت

شلون اتحكم بيهن؟
تكتب digitalWrite وراهه رقم الطرف وراهه اما تشغيل او اطفاء

التشغيل :
digitalWrite(13,HIGH); راح يشتغل الشي اللي رابطه للطرف 13
الاطفاء :
digitalWrite(13,LOW); راح يطفه الشي اللي رابطه للطرف 13

هسه صارت واضحه ؟ اذا اكو اي سؤال اسأل ؟

ملاحظه اخيره ... اكو اطراف اسمهه GND و 5V هذني شنو ؟

الGND معناهه الطرف السالب ( - )...
وال5V معناهه الطرف الموجب ( + ) ...

شو اكو اكثر من gnd ؟
عادي وذا انت شعليك 😂 هو مخلينه الك اكثر من مكان للسهوله ... يعني حسب الاستخدام خاف تحتاج اكثر من طرف سالب

الدوال في لاردوينو

الدوال هي عباره عن كود جانبي يتم استدعائة من اجل القيام بعمليه معينه وقت الحاجه ثم يعود للعمل بالبرنامج الرئيسي... .
هناك الكثير من لاكواد التي يمكن جعلها دوال و استدعائها من البرنامج الرئيسي ،
مثل تحويل درجة الحرارة من الفهرنايت الى السيليزي
او تحويل من المتر الى القدم
او تشغيل الـled و اطفائة .
بعض الدوال يمكن استدعائها من دون ارسال اي قيمه لها وتقوم بعمل معين ثم تنتهي من دون ان ترجع قيمه وتسمى الدوال التي تعمل بهذه الطريقه بـ void
مثل دالة الوميض بسرعه ثابته او دالة الـ panic لاصدار تحذير مرئي او صوتي.
ومن الظروري معرفة الداله هل سوف تعيد قيمه ام لا وما نوع القيمه( intager character float string)
ومن ذلك نعرف ان الداله اذا كانت لا تعيد قيمه يجب ان نعرفها بـ void
مثال
لو كانت لدينا المعادله التاليه
X=am(10)
نريد ان نعرف قيمه اكس من خلال دالة am : -
int ma(int x)
{
Z=y/2;
return z;
}
هذه الداله البسيطه تعيد قيمه معينه من نوع int الى x ،
قام مصمومو لاردوينو بوضع دوال جاهزه لا ترجع قيمه وهي
delay
digitalWrite
digitalReade

المثال التالي يقوم بتحويل درجة الحرارة من الفهرنايت الى السيليزي

Void setup ()
{
int c=ftoc(f);
}
void loop()
{
int ftoc(int x)
{
c=x-32*5/9;
}
}

مرحباً طلاب.....

هواي سئلتوني
ع بيج ثقه تشترون منهم الادوات
وعدهم توصيل لجميع المحافظات الي هو نفس البيج الي اني اشتري منهم
الي يريد البيج راسلوني ادزه الكم
وهم سويتلكم خصم ع جميع الادوات
وبالتوفيق

@yaqeen40

مرحباً بالطلاب والمهندسين الجدد
🌸🌸🌸🌸🌸🌸

الي حاب يتعلم ويدخل بمجال الاردوينو والبرمجه
ضروري اول شي تشوفون الفيديوات الي منزلتهم بالقناة
شارحه بيهن عن للوح الاردوينو والبورد
وراها منزله تجارب وأمثله ومشاريع

راجعو القناة حتلكون هاي الفيديوات

وبعد متشوفون الفيديوات اقروا الشرح الي منزلته بالقناة
وبهيج حاله حيكون عدكم أساس قوي
وراها تبدون تطبقون مشاريع واني وياكم
اي سؤال او استفسار راسلوني
ويارب التوفيق للجميع💙


@yaqeen40 .......🧚🏻‍♀️

مرحباً طلاب.....

هواي سئلتوني
ع بيج ثقه تشترون منهم الادوات
وعدهم توصيل لجميع المحافظات الي هو نفس البيج الي اني اشتري منهم
الي يريد البيج راسلوني ادزه الكم
وهم سويتلكم خصم ع جميع الادوات
وبالتوفيق

@yaqeen40