خلي نشرح السيرفو بشكل بسيييط
نستفاد منه بعدين

شايفين هذا اللي بالصورة ؟
هذا اسمه سيرفو
هذا نوع من انواع الماطورات ... الفرق بينه وبين الباقيات هو انه يتحرك بدرجات معينه ... يعني يتحرك بزاويه ... مو مثل الباقيات... تربطلهن كهرباء ويفترن ... لا ... يتحرك بزاويه انت تحددهه

يعني مثل ايدك ... او اصبعك او اي مفصل من مفاصلك ... بله جرب حرك اصبعك 😂
هو بالضبط مثل اصبعك ... يتحرك درجه معينه يوصل حد ويوكف ...
اكو يتحركن ٩٠ درجه
واكو ١٨٠ ... واكو ٣٦٠
يعني نص دوره ... او ربع دوره او دوره كامله ...

يفيد تستخدمه بالروبوتات تحرك بي مفاصل او تحرك كامره او ترفع بي شي ... او غيرهه من الاشياء اللي تحتاج حركه بزاويه معينه ...

نجي للربط

بي ٣ وايرات اسود واحمر واصفر
الاحمر لل5 فولت
والاسود للGND
ويبقى الاصفر للاشارة ... اكو اطراف بالاردوينو مكتوب عليهه pwm او عليهه هاي الاشاره ~

اربط الطرف الاصفر عليهه

هسه البرنامج ... البرنامج راح يكون عباره عن ارقام تنطيهه للسيرفو ويتحرك عليهه ... تنطي ١٠ يتحرك زاويه بمقدار ١٠ درجات تنطي ١٨٠ يتحرك ١٨٠ درجه والخ ... تتحكم بالدرجات حسب اللي تريده

void setup() {
myservo.attach(9); معناهه الطرف الاصفر ربطناه للطرف رقم ٩
}

void loop() {
myservo.write( 90 ); خلي السيرفو يصير عند زاويه ٩٠
delay(1000); انتظار ثانيه
myservo.write( 180 ); وهنا عند ١٨٠
delay(1000);
myservo.write( 0 ); رجعناه للصفر
delay(1000);
myservo.write( 45 ); زاويه ٤٥
delay(1000);
myservo.write( 135 ); زاويه ١٣٥
delay(1000);
myservo.write( 180 ); زاويه ١٨٠
delay(1000);

}

هذا البرنامج تحريك السيرفو بعدة درجات



@yaqeen40

نرجع نكمل شرح الكود

يلا طلاب تعالو اقرو .....🧚🏻‍♀️

مرحباً طلاب

طبعاً راح أوقف النشر لمدة اسبوع
لان عندي امتحانات

وأتمنى خلال هذا الأسبوع تراجعون المنشورات وتفهمون اكثر

أسفه مراح اكدر اجاوب ع كل راسئلكم

لذالك انتظروني اسبوع وارجعلكم
بمنشورات ومشاريع كلش حلوه

.......🧚🏻‍♀️

صباح الخير ع الجميع يارب♥

ادري صار هواي ممنزله مشاريع
بسبب الامتحانات ان شاء الله دااشتغل ع مشروع كلش حلو حيعجبكم من أكمله انزله
.
.
.

اليوم حضرتلكم تجربة بسيطة للي يحب يطبقها ..وهي تغيير الوان لد الRGB بوساطة جويستك
طبعا لد الRGB اهم شي يميزه ان يحتوي على 4 منافذ وبامكانه اخراج ٣ الوان وهي الاحمر والاخضر والازرق ولهذا اسمه صار RGB 🌚
الادوات الي راح نحتاجها اليوم هي :
Arduino Uno
Joystick Module
RGB LED

طريقة الربط للمنافذ حتكون كالاتي :
Connections :
GND TO GND
Vcc To 5v
VRx To Pin A0
VRy To Pin A1
SW Pin to 2
RedLed to 9
Green Led to 10
Blue led to 11

خارطة الربط

هذا التطبيق طبعاً هنا اللد اشتغل بـ3 ألوان (اخضر،اصفر،ازرق) بس بالتصوير ماابين

الكود البرمجي

موقع circuits :
هو احد افضل مواقع محاكات الاردوينو
وقد ظهرة هذا الموقع بالتعاون مع شركة اوتستك و circuits و ذلك لتسهيل تعلم الاردوينو من دون الحاجه الى تجهيزات ويمكن العمل به من خلال الدخول المباشر الى الموقع
واليكم الموقع
https://123D. circuits.io

هذا حل مشكله العطل الي صار بالبرنامج