طلاب هذا برنامج اردوينو متوفر بسوق بلي لكل تلفونات الاندرويد

يكدر اي طالب ينزله بالفون ويشتغل
بدون حاسبه


و بالنسبة للتوصيل فأكو توصالة لكل انواع التلفونات موجودة عد اي مكتب مال تلفونات

طلاب انتبهوا ❗️❗️


اكو شخص يدعي انو هو مهندس
ودخل لهوايه طلاب عن طريق قناتي
ومنتحل شخصيتي

هذا الشخص قفاص انتبهوا
اني المشاريع والأفكار الي دااقدمها
كلها مجانيه

وهذا الشخص هواي اجو كالو ديدخللهم ويطلب منهم فلوس ع المشاريع والأفكار

واني هذا كله مجاني

انتبهوا
اني هذا معرفي الوحيد الي اساعد بي الطلاب
@yaqeen40

غير هذا ماااعندي

خلي نشرح السيرفو بشكل بسيييط
نستفاد منه بعدين

شايفين هذا اللي بالصورة ؟
هذا اسمه سيرفو
هذا نوع من انواع الماطورات ... الفرق بينه وبين الباقيات هو انه يتحرك بدرجات معينه ... يعني يتحرك بزاويه ... مو مثل الباقيات... تربطلهن كهرباء ويفترن ... لا ... يتحرك بزاويه انت تحددهه

يعني مثل ايدك ... او اصبعك او اي مفصل من مفاصلك ... بله جرب حرك اصبعك 😂
هو بالضبط مثل اصبعك ... يتحرك درجه معينه يوصل حد ويوكف ...
اكو يتحركن ٩٠ درجه
واكو ١٨٠ ... واكو ٣٦٠
يعني نص دوره ... او ربع دوره او دوره كامله ...

يفيد تستخدمه بالروبوتات تحرك بي مفاصل او تحرك كامره او ترفع بي شي ... او غيرهه من الاشياء اللي تحتاج حركه بزاويه معينه ...

نجي للربط

بي ٣ وايرات اسود واحمر واصفر
الاحمر لل5 فولت
والاسود للGND
ويبقى الاصفر للاشارة ... اكو اطراف بالاردوينو مكتوب عليهه pwm او عليهه هاي الاشاره ~

اربط الطرف الاصفر عليهه

هسه البرنامج ... البرنامج راح يكون عباره عن ارقام تنطيهه للسيرفو ويتحرك عليهه ... تنطي ١٠ يتحرك زاويه بمقدار ١٠ درجات تنطي ١٨٠ يتحرك ١٨٠ درجه والخ ... تتحكم بالدرجات حسب اللي تريده

void setup() {
myservo.attach(9); معناهه الطرف الاصفر ربطناه للطرف رقم ٩
}

void loop() {
myservo.write( 90 ); خلي السيرفو يصير عند زاويه ٩٠
delay(1000); انتظار ثانيه
myservo.write( 180 ); وهنا عند ١٨٠
delay(1000);
myservo.write( 0 ); رجعناه للصفر
delay(1000);
myservo.write( 45 ); زاويه ٤٥
delay(1000);
myservo.write( 135 ); زاويه ١٣٥
delay(1000);
myservo.write( 180 ); زاويه ١٨٠
delay(1000);

}

هذا البرنامج تحريك السيرفو بعدة درجات



@yaqeen40

نرجع نكمل شرح الكود

يلا طلاب تعالو اقرو .....🧚🏻‍♀️