راح انزللكم انوع الحساسات ونتكلم عن كل حساس كيفية العمل مالته الي نحتاجها والي نستخدما بافكارنا
اليوم راح اتكلم عن حساس ال
(ultrasonic sensor)

طريقة عمل
(Ultrasonic sensor)
هو ارسال واستلام موجات صوتيه
تم إرسال الموجات الصوتية عن طريق منفذ Trig بعد اصطدام الموجات مع الجسم تنعكس ويتم إستقبلها عبر منفذ Echo ومن خلال الوقت بين إرسال الموجات ووقت استقبلها يتم حساب المسافة .

ولحساب المسافة نستخدم المعادلة الرياضية التالية :
المسافة = الوقت * السرعة

حيث السرعة تكون ثابته وهي سرعة الصوت 340 متر في الثانية ولكن هنا نحسب الاشارة بـ سنتيمتر وسوف تكون سرعة الصوت تساوي 0.0340 سنتيمتر ولكن نلاحظ بالصورة ب أن المستشعر سوف يقوم بإرسال وإستقبال إشارة و بذلك تكون قيمة المسافة مضاعفة ونحتاج لتقسيمها على 2 لتصبح المعادلة بالشكل النهائي

المسافة = الوقت *السرعة / 2 .

وهسه راح انزللكم طريقة الربط مع الاردوينو
مع الكود الخاص بالبرمجة
وباسهل صورة والكل راح يكدر يطبقها

اول شي لازم نعرف شنو يحتوي الحساس

Trig هو المرسل
Echo هو المستلم
Vccهيه الفولتيه الي تشغل الحساس
GND هيه الكراوند
اول شي لازم نحفظ مكان كل pin نربطه
مثلا نربط ال tirg في ال pin6
وثم نربط ال echo في ال pin7
اما ال vcc,GND
هذني منافذ مالتهن موضحه في الاردوينو

هذا المخطط مع الكود

طبعاً اول شي عرفنا المنافذ وفعلنا شاشة الطباعة بعدها عرفنا 2 متغيرات الاول نخزن بي قيمة الاشارة الواصلة من الحساس و نقسمها على 2
بيبنما المتغير الثاني ناتج عملية حسابية حتى نحول الاشارة الداخلة الى ما يكافئها من مسافة بوحدة السنتيمتر و بعدها نطبع النتائج على الشاشة .
الي الغريب اذا لاحظتو مكتوب
delayMicroseconds
هذا الامر هم تأخير زمني لكن الرقم 1 يعادل 1 مايكروثانية بينما امر التأخير الاعتيادي الرقم 1 يعادل 1 ملي ثانية

ان شاء الله ننتضر منكم تطبقون هذه الفكرة البسيطه واي شي غير واضح تكدرون ترسلون مسج واتمنى تحجولي عن شنو تردون نشرحلكم وراح اكون وياكم خطوه بخطوه

زميلتكم يقين باسم
تحياتي

نأسف بسبب ضعف الانترنت
اكو رسالة بعدها موصلت
وهسه راح انزلها الكم هيه شرح عن قطعة الاردوينو

١-على اليمين من رقم ٠ الى رقم ١٣ هاي كلها منافذ رقمية digital يعني هذا المنافذ تستقبل و تنطي اشارة رقمية عبارة عن لوجك ١ او لوجك ٠ .
يعني اذا تحتاج حساس يشتغل ع الاشارات المنطقية تاخذ من ذولية المنافذ .
طبعاً لوجك ١ تساوي ٥ فولت
و لوجك ٠ تساوي ٠ فولت

٢-على اليسار اكو ٦ منافذ من A0 الى A5 هاي كلها منافذ تماثلية analog يعني من تريد تقرة من حساس ينطيك قيمة معيد (رقم معين ) لازم توصل وية هاي المنافذ او انت جاي تستخدم قطعة تحتاج ارقام و قيم محددة لازم تستخدم هاي المنافذ

٣-اعلى اليسار عندك مجموعة منافذ
اول منفذ Vi و هو منفذ الفولتية الداخلة يعني من عندة تغذي الاردوينو بالطاقة .
الثاني و الثالث هي منافذ Gnd الارضي تكدر تغذي او تاخذ من الاردوينو من هاي المنافذ بفولتية ال٠ او الارضية .
الرابع هو منفذ 5v منفذ ينطك اخراج 5v تحتاجه بتشغيل القطع و الشيبات او الموتور .
المنفذ الخامس هو منفذ مغذي بالفولتية ايضاً بس بفولتية مقدارها 3.3V.
المنفذ السادس هو منفذ اعادة التشغيل يعني تنطي اشارة لوجك ١ للمنفذ يسوي اعادة تشغيل للقطعة

طبعا اخر منفذين تقنيات متقدمة شوي شرحها بالانترنت صعب شوي و و باحتمالية ٩٥% مراح تستخدموهن

اي استفسار او اي شي غير واضح
بدون اي تردد تواصلوا معي

ادمن القناة
@yaqeen40

مرحباً
اليوم جبتلكم رابط تحميل برنامج Arduino

https://www.arduino.cc/en/Main/Donate

تدخلون ع الرابط الفوك و تحملون Arduino ide
و الي هي البيئة التطويرية للاردوينو

اعرف راح تواجهون مشكله بتنزيل من الموقع
هسه راح اسويلكم حل مناسب

من تفتحون الرابط راح تظهر الكم هاي الصفحة تضغطون ع العلامة اسفل اليمين .
تضغطون ع just download