مرحبا !


#الجزء_الثاني

بعد ما عرفنه شنو هي المكاتب او المكتبه وشنو يعني استدعائهم ( بالجزء الاول ) .

هسه نجي كيف نخلي جماليه للـ ( Source Code ) او خلينه نكول نحترف شوي استدعاء المكاتب لانه من خلال كتابك للسورس الاشخاص راح يحددو اذا كنت انت محترف او مبتدأ

مثلا انا اريد استدعي مكتبة معينه مثل مكتبة ( requests ) تعال نشوف كيف نستدعيها مثل ما تعلمنا بالجزء الاول :

import requests

كذا استدعاء للمكتبه عادي ومافيه شي وطبعاً هالشي ما يحدد اذا كنت انت محترف اللغه او لا... لا لا اللي يحدد احترافك للغه هوه طريقة اختصارك للاسطر او اسلوب كتابتك

هسه انا مثلا اريد اتفنن بأستدعاء المكتبه اللي اسمها ( requests )

اول شي لازم تعرفو الفنكشن اللي داخل المكتبة

مثلا انا اجاني شخص وكالي سوي تخمين او اداة صص \<يد لحسابات انستكرام طيب هنا انا تلقائيا راح اكول لازم استخدم فنكشن اسمه ( post ) من المكتبة ( requests )

طيب لما اريد استدعي فقط هذا الفنكشن كذا :
from requests import post

شوفو كلمة ( from ) بمعنى ( من ) مكتبة ( requests ) استدعيلي ( import ) فنكشن اسمه ( post )

ملاحضة : الـ ( post ) والمكتبة ( requests ) راح نشرحهم بعدين وحده وحده بس هسه عطيتكم نضره كيف تستدعي فنكشن معين من مكتبة معينه


وبس ...

اللي مافهم يقول 🖤 .

ارححَب !

#الجزء_الاول

اليوم شرح عن مكتبة ( requests ) او مكتبة ( الطلبات) تعتبر هذه المكتبة من المكاتب الاكثر استخداماً وشُهره ولها علاقه بالـ ( Protocol HTTP ) و ايضاً بـ ( Page Web ) او صفحات الويب

request : طلب
requests : طلبات

حيث تم اصدار المكتبه في : ( 2011 / فبراير /13 ) و اخر تحديث للمكتبه في ( 2023 / يناير / 12 )

و يعتبر ( kenneth Reitz ) او ( كينيث ريتز ) صاحب المكتبه

اما عن ( Lukasa ) و ( nateprewitt ) هما عمال صيانه للمكتبه
وتتطلب هذه المكتبه اصدار بايثون عالاقل ( 3.7 )

===========================

بعد ما اخذنا معلومات كافيه عن المكتبه هسه نجي كيف نستخدم هالمكتبه او ما الفائده منها :

تعرفو كيف نستدعي المكاتب مثل ماتعلمنا قبل :
اليوم راح ناخذ شي اسمه ( get ) من مكتبة ( requests ) وايش هي فائدته تع نشوف

import requests
z = requests.get('https://google.com')
print(z)

البايثون راح يطبعها كذا:

<Response [200]>


شوفو ايش سويت المتغير ( z ) يحتوى على ميثود اسمه ( get ) وكيف استدعيت هالميثود من المكتبه ؟ اذا ملاحضين انو انا كتبت بعد الـ ( = ) كتبت ( requests.get ) يعني من مكتبة ( requests ) اعطيني فقط ميثود اسمه ( get )

وطبعاً بعد ما تكتب او تستدعي ميثود الـ ( get ) من المكتبة لازم تفتح قوسين وتحط فيه رابط صفحه ويب او موقع

مثل مو شايفين انا حطيت رابط كوكل والرابط شغال والبايثون طبع الريسبونس ( 200 ) يعني حالة الصفحه اذا كانت موجوده الصفحه راح يطبع 200 واذا الصفحه مو موجوده راح يطبع ( 403 ) او ( 404 )

اللي ما فهم يقول 🖤 .

ههَلو !

#الجزء_الثاني

اخذنه من قبل شي او ميثود اسمه ( get ) من مكتبة ( requesta ) احنه اخذنا واخذنا عليه مثال وشرحنا كيف نستدعي هالميثود من المكتبه

لكن ما شرحنه الميثود نفسه ( get )

شوفو المكتبه ( requests ) معناها ( طلبات )
يعني فيها كثير طلبات مثلا ( طلب ارسال معلومات ) واذا اردت ترسل معلومات لازم تستخدم ميثود اسمه ( post ) طبعاً بعدين ناخذه ...

وعندك طلب ( اخذ المعلومات ) او ( اعطيني معلومات كذا موقع...) واذا اردت تحصل معلومات او شي معين من موقع معين لازم تستخدم ميثود اسمه ( get )

وهذا هوه موضوعنه والزبده من شرحنا اليوم هوه اخذ معلومات معينه من موقع معين

===============================

{ status_code , ok , text , json , contact , headers }

شايفين هذول الـ( 6 ) هذول خلينا نكول يخلوك تتحكم بالطلبات اللي راح تجيك من الميثود ( get ) اذا ما فهمت خليك متابع الشرح :

شوفو مثلا انا لو قلت لك روح جيبلي ( رمز الحاله ) لموقع كوكل طيب انت هنا راح تصفن وتكول ايش هذي اكله ولا نوع من انواع العصاير ؟!!

تع شوف خليني اعطيك نضره بسيطه عن رمز الحاله : من خلاله تقدر تعرف اذا الموقع لسى شغال ولا لا

بأبسط شرح يعني شوفلي كيف حالة الموقع كويسه ولا لا ؟
تع ناخذ مثال بسيط عنها
==============================
لحتى نعرف رمز الحاله لازم نستخدم ميثود ( get ) و نستخدم ( status_code ) اللي مكتوب فوك الـ ( status_code ) يستخدم لجلب ( حالة الموقع )

تع ناخذ مثال بسيط :

import requests
z=requests.get('https://google.com').status_code

print(z)

البايثود راح يطبعا كذا :

200
----------------------------------
شايفين المتغير ( z ) يحتوي على الميثود ( get ) وشرحنا قبل كيف ستدعينا هالميثود من مكتبة ( requests ) ....

وبعدها انا فتحت قويسين وحطيت فيهم رابط موقع ( كوكل ) وبعدها حطيت ( . ) وكتبت ( status_code ) طبعا هنا انا قلت للـ ( get ) عطيني بس رمز الحاله لموقع كوكل

ملاحضة : اذا طبع لك البايثون رمز الحاله ( 200 ) مثل ماطبعلي انا فوق هذا يعني الموقع موجود وشغال 100%

اما اذا طبع ( 403 ) او ( 404 ) يعني الموقع غير شغال


وبس

اذا مافهمتو قولو 🖤 .

اححَم !


#الجزء_الثالث

اخذنا من قبل الـ :
{status_code , ok , text , json , contact , headers}

الـ ( status_code ) شرحناها من قبل ....بالجزء الثاني .

=============================
نجي عالـ ( ok ) فائدته مثل ( status_code ) لكن هنا يختلف ... الـ ( status_code ) كلنا فائدته اذا كانت الصفحه موجوده راح يطبع لك ( 200 ) واذا لا راح يطبع ( 403 ) او ( 404 )

بينما الـ ( ok ) نفس الوضيفه لكن اذا كانت الصفحه او الموقع موجود راح يطبع لك ( بولين ) بمختصر افضل: ( True ) اما اذا كان مو موجود راح يطبع ( False )

مثال بسيط :

import requests
z=requests.get('https://google.com').ok

print(z)

البايثون راح يطبعا كذا :

True

ليش طبع ( True ) لان الموقع موجود بس اذا كان مو موجود راح يطبع ( False )

=============================

عندنا الـ( text ) فائدتها انها تطبع او تجلب لك الكود الخاص بالصفحه او الموقع

يعني مثلا لو كان مبرمج الموقع مسوي الموقع بلغة ( html ) راح تطبع لك الموقع كما هوه مكتوب او اذا كان مسوي بلغة ( php ) راح تطبعه لك مثل مامكتوب

مثال بسيط :

import requests
z=requests.get('https://google.com').text

print(z)

انت جرب ايش راح بطلع لك البايثون لانو الكود كبير ...

============================

وهسه ناخذ الـ ( json ) فائدته هم نفس الـ ( text ) لكن ينطبع بالـ ( json ) وحسب الموقع اذا كانو مستخدمين فيه ( json ) او صاحب الموقع مستخدم ( json )

وخلي نفرض الموقع اللي سويت له طلب بمكتبة ( requests ) وتريد تطبع محتوى او كود الموقع بصيغة ( json ) راح ينطبع بشكل واضح وافضل من ( text )

import requests
z=requests.get('https://google.com').json()

print(z)

اذا كان الموقع مستخدمين فيه ( json ) راح ينطبع بصيغة ( json ) لكن اذا مو مستخدمين الـ ( json ) فيه راح يطبع لك الباثيون كذا :


<bound method Response.json of <Response [200]>>

وبس

اللي مافهم يقول 🖤 .

👀.