MENI UCHRATGUNCHA

Meni uchratguncha
Mendan oldinroq,
Kimdur bo'lganmidi sening yoningda?
Hayolim o'zingda deysan-u biroq-
Avval kim yashagan fikr-u yodingda...

Meni uchratguncha,
Mendan oldinroq,
Kimdur tutkanmidi nozik qo'lingni?
Mushtoq-zor bo'lib qalbida titroq-
Kutganmidi har kun kelar yo'lingni...

Meni uchratguncha,
Mendan oldinroq,
Kimgadur tavoze aylaganmiding?
Latif ishqi bo'lib qalbingga chiroq-
O'zingga yor etib saylaganmiding...

Meni uchratguncha,
Mendan oldinroq,
Muhabbat sharobin totkanmiding,
ayt?
Kimnidur sog'inib mendan-da ko'proq-
Tunlar g'am-g'ussaga botkanmiding,
ayt...

Meni uchratguncha,
Mendan oldinroq,
Dilda ishq baxoring gul ochganmidi?
Baxting osmonida quyoshdek porloq-
Taftida yondirib nur sochganmidi...

"Meni uchratguncha" -
Og'riqli nechun,
Yo'q, buni o'ylashga qo'rqaman hayhot...
Axir chorak asr yashab, men uchun,
Seni uchratib so'ng boshlangan hayot...
Haqiqiy hayot...

Meni uchratguncha,
Mendan oldinroq...