#يوميات_طبيب_مناوب
#يوميات_طبيب_جراحة_مقيم 😷

لح نسبق طبيب الداخلية المناوب🤣🤣  ونحكي عن تدبير نقص الكلس
"بعد جراحة الدرق*" بالتفصيل شوي 👌.

أول شي اذا كان عندي أعراض شديدة وهي:
⭕️تشنج رسغي قدمي
⭕️تشنج حنجرة وقصبات(حس اختناق)
⭕️اختلاج
⭕️تطاول Qt على تخطيط القلب.

لازم عالج فوراً بتسريب غلوكونات الكالسيوم وريدياً
كالتالي:
1⃣  نسرب 20 مل  غلوكونات الكالسيوم تركيز 10% في 100 مل سيروم ملحي*
( أو 100 مل سكري)*
ببطء
خلال 10_ 20 دقيقة مع مراقبة ECG

ممكن نكرر العلاج السابق بعد١٠ دقائق لساعة اذا ما تحسنت الأعراض.

وبعدها لح نتابع تسريب الكلس ولكن بجرعة أقل .. بإضافة  11 g غلوكونات الكالسيوم لسيروم ملحي او سكري ليكون الحجم النهائي 1000 مل ونسرب بمعدل 50 مل بالساعة.
ونكرر تحليل كالسيوم الدم*  كل ٤_٦ ساعات.
(لانو بحالتنا سبب نقص الكلس مستمر وغير عكوس).

انتبه إلى أنه من الضروري تسريب غلوكونات الكالسيوم ببطء 👌


2⃣ هلأ اذا كانت الاعراض خفيفة (حس خدر بالاطراف وحول الفم)
منسحب دم لنتأكد من نقص الكلس
(المجال الطبيعي للكلس تقريباً ~ 8.5 _10.5)

اذا كان النقص شديد يعني تحت 7.5 منسرب كلس وريدي متل ما ذكرنا بالحالة1⃣

اذا كان نتيجة فوق 7.5 منعوض الكالسيوم وفيتامين دال فموياً.
واذا كان المريض غير قادر على تناول الادوية الفموية منرجع للتسريب الوريدي  يعني الحالة1⃣


في الختام بأي حالة مما سبق لما يصير المريض قادر على تناول الأدوية فموياً بتابع على فيتامين دال والكالسيوم الفموي.

ملاحظات:
* لا يستطيع الجراح تمييز نسيج جارات الدرق عن النسيج الدرقي دائماً...  لذلك قد يتطور نقص الكلس بعد عمليات استئصال الدرق أو الجارات.

*قيمة الكالسيوم يلي عم نحكي عنها بكل ما سبق هي  الكالسيوم المصحح يعني بعد تعديل رقم الكلس حسب قيمة الالبومين.

*10_20مل من محلول غلوكونات الكالسيوم 10%  تعادل 1 _2 g غلوكونات الكالسيوم تعادل
  90 _ 180 ملغ من elemental calcium.

*نختار السيروم حسب المريض فاذا كان المريض سكري نضع له سيروم ملحي عدا ذلك نختار أياً منهما.

تشخيص الحالة هو حمامى عديدة الأشكال Erythema multiforme😄
رح نحكي لمحة بسيطة عن المرض و نفسر شلون توصلنا لتشخيص حالة المريضة😎

🔴بدايةً الحمامى عديدة الأشكال هي عبارة عن التهاب جلد سمي ناجم عن تفاعل فرط حساسية متواسط بالخلايا تجاه حالات عديدة أشيعها الإنتانات(خاصة الحلأ البسيط) و الأدوية

🔴يبدأ المرض بظهور الاندفاع الجلدي خلال أيام بشكل متناظر على الأجزاء القاصية من الأطراف(الراحتين و الأخمصين)

🔴تتميز آفات اليدين بشكلها المميز "علامة الهدف"🎯 التي تتكون من ٣ مناطق🧐:
منطقة مركزية حمامية قاتمة⬅️يحيط بها حلقة(هالة) شاحبة حمامية وذمية أكثر وضوحاً⬅️ثم حلقة حمراء رفيعة⭕️

🔴تكون هذه الآفات حاكة أو حارقة أو مترافقة مع ألم💔 و قد تكون غير عرضية😮

🔴يتم وضع التشخيص سريرياً

🔴العلاج: عرضي عادة حيث أن الحالة المحدودة و الخفيفة تتراجع عفوياً بمجرد معالجة السبب
في الحالات الشديدة قد نلجأ لاستعمال الستيروئيدات الجهازية

بحالة مريضتنا كان سبب ظهور الحمامى و نكسها هو إصابتها بالحلأ البسيط (المتظاهر بالقرحات الفموية)
لذلك كان علاجنا كالآتي:
اسيكلوفير جهازي للتخلص من الإنتان بالحلأ
مضاد هسيتامين جهازي و ستيروئيد موضعي للتخفيف من الحكة و الحرقة
(ما استخدمنا ستيروئيد جهازي لانو الحالة كانت خفيفة❤️)

Erythema multiforme - DermNet
https://dermnetnz.org/topics/erythema-multiforme

و هاد رابط فيه شرح جميل للمرض مشان اللي بحب يتوسع أكتر😄
بالتوفيق😊

#يوميات_طبيب_داخلية_مقيم #يوميات_طبيب_جراحة_مقيم 😷

ذات يوم، مريض  مصدوم (صدمة نقص حجم) ضغطو 9 。。 اجا الطبيب وعلق سيروم وفتحه على اكبر سرعة تسريب
بتجي الممرضة بتحط فيه ابرة مضاد اقياء وبتبطئه🤯 💔

⭕️ إذا عم تسرب بوتاسيوم ضمن السيروم نبه على المريض إنو السيروم فيه دوا وإنو لازم يضل عم يتسرب ببطء..
> بعض مرضى بديق خلقن من تعليق السيرومات  وبسرعوه ليخلصو منو (:


ملاحظات بسيطة ولكن بتعمل فرق!
حتى السيروم لما يتركب لمريض
لازم نبهو انو لا يلعب بسرعتو وفهمو السبب بكلمات بسيطة... لحتى يلتزم بتعليماتنا ويطبقها👌

(سؤال: ليش ما لازم سرّب البوتاسيوم بسرعة؟)
💠   💠  💠   💠   💠   💠   💠   💠   💠

#يوميات_طبيب_مناوب
#يوميات_طبيب_جراحة_مقيم

الله يذكره بالخير دكتورنا الهضمية لما كان يقلنا  " الكولون ما بعصب بعمر الخمسين" هلأ تذكّر يعصب!!؟ "

هي مقولة صغيرة بس بتنقذ حياة كتار💔!

متلامة الأمعاء الهيوجة (الكولون العصبي) متلازمة بتبدأ اعراضها بسن الشباب...
وهي أعراض غييير نوعية ما بتوجهني لمرض معين!
يلي بصير انو بيتدايق المريض من أكلات معينة، بصير عندو نفخة، إسهالات (غالباً صباحية بعد وجبة الفطور)، عسر هضم، انزعاج بطني ...الخ

مشكلتنا انو سرطان الكولون بمراحله الباكرة الو نفس الاعراض!
انزعاج بطني، ألم بطني خفيف، عسر هضم ....
ولكن السرطان شائع بأعمار ٤٠_٥٠ سنة
لهيك أي أعراض هضمية بهيك عمر لازم ما طمّن المريض فوراً ومشان ما غلبو بالتحاليل والصور ويطلع ما فيه شي ما اطلبلو ياهن!
وشخصو كولون عصبي وعسر هضم وابعتو عالبيت❌!
لانو متل ما قلنا الكولون ما بعصب بعد الخمسين (:


قصة تأكيد على الحالة: صارت عند مريضة بعمر ٤٥ سنة 
ضلت سنة كاملة مقضيتها رايحة جاية على الدكاترة، للأسف آخر شي حتى دكتور طلبلا شوية استقصاءات زيادة وتشخصت سرطان كولون  وكان عندا نقائل عظمية ورئوية وللدماغ وتوفت خلال شهر!!!

يعني للأسف  لما يصير تغير بعادات التغوط إمساك او توقف خروج! وتوضح أعراض السرطان بكون وصل لمراحله النهائية فما عادت شطارة اني شخصو للمريض🙆‍♀️💔!

#يوميات_طبيب_جراحة_مقيم
#يوميات_طبيب_جراحة_عايف_حاله😂😂

نقص سكر الدم عند مرضى السكري وما أدراك ما نقص سكر الدم!

حالة  بتصادفها بشكل شبه يومي عند مرضى السكري المقبولين في المشفى.

ضروري نعرف تدبيرها بدقة.

أول خطوة هي تشخيص نقص سكر الدم بملاحظة أعراض نقص السكر

الخطوة الثانية: قياس السكر

لو كان لدى المريض خط وريدي (مريض مشفى ومركبلو قثطرة وريدية):
تدبير نقص السكر تحت 70:
_دفش 80 مل سيروم سكري >>دكستروز 30%。
_دفش 50 مل سيروم >> دكستروز 50%。
_تسريب نص لتر سيروم سكري >>دكستروز 5%   تسريب سريع (شررر).

⭕️المريض ليس لديه خط وريدي:

1⃣وكان السكر أقل من 54:
نعطيه 15 ل 20 غ سكر سريع الامتصاص (سكاكر_حلويات_عصير_رقائق بسكويت...)
نعيد القياس بعد 15 دقيقة.
إن لم يتحسن النقص نعيد ما سبق.
في حال تحسنت أرقام السكر نطلب من المريض تناول وجبة خفيفة أو وجبته المعتادة لصيانة سكر الدم والوقاية من عودة انخفاضه.


2⃣ اذا كان سكر الدم تحت 70 ولكن أعلى من 54:
نعيد المراقبة بعد 15_60 دقيقة.
ونطلب من المريض التوقف عن أداء الأعمال الخطرة (القيادة، السباحة...الخ)


3⃣لو كان النقص أكثر شدة_قد يترافق مع غياب أو تدني وعي لدى المريض _قد يكون سكر الدم غير مقيس:
لا ننتظر فتح الوريد،

العلاج: بخاخ غلوكاغون، أو غلوكاغون (حقن Sc , IM)
والذي يظهر مفعوله خلال ١٥ د عادةً وقد يترافق ذلك مع غثيان وإقياء.
يجب جعل المريض يتناول وجبة خفيفة فور عودة الوعي للوقاية من عودة انخفاض السكر.

سؤالنا هو ...
لو مريض فاقد الوعي، ما عندو قثطرة وريدية ((وطبعاً أي مريض فاقد الوعي ممنوع حط أي شي بتمو)) قسنا سكرو طلع ٣٥، شو التصرف الصحيح السريع بهالحالة ؟؟؟ (تعديل: والغلوكاغون غير متوفر)

#يوميات_طبيب_مناوب

بجولة الحيويات الصباحية🥱
وانت عم تقيس ضغط مريض بيطلع معك 9/5  أو ما بينقاس معك أبداً😨😰!! ((في شي اسمه "ضغط غير مقيس" ))

بتجس النبض الكعبري *اقرأ التنويه في الأسفل👀*  بتلاقيه خيطي (غير ممتلئ بشكل جيد) أو ممكن ما اقدر جسه!

ما سبق يعني المريض مصدوووم!

والصدمة كتعريف هي هبوط الضغط تحت 9。
وهي حالة إسعافية تدبيرها بكون بتسريب السيروم الملحي عبر خطين وريديين. منسرب لتر سيروم ملحي خلال ربع ساعة وبعدين منضل عم نراقب الضغط لنشوف اذا تحسن.
الاجراء السابق منسميه  Fluid chalenge 👌
وهوي كتييير مهم ومنقذ للحياة.


طبعاً تدبير الصدمة إسعافي متل ما ذكرنا فوق  وبعدين ببحث عن السبب النوعي وبعالجه (هل هي إنتانية أم نقص حجم .... والحكي النظري يلي كلنا منعرفه)



⭕️ تنويه سريري لتقدير الضغط في الحالات الإسعافية:
النبض الكعبري مجسوس بشكل جيد> إذاً ضغط المريض فوق 8 حتماً.

النبض الفخذي مجسوس> ضغط المريض فوق 7.

النبض السباتي مجسوس> ضغط المريض فوق 4 .
النهاية.

كيف بدي ضل متذكر كمية السيروم السكري يلي لازم سربها بنقص السكر 👀؟

💠لما نقول (سيروم سكري 5%) يعني انه يوجد 50 غ سكر في اللتر الواحد💠
يعني 50غ  ب1000 مل يعني النسبة 5%

ولتعويض نقص السكر لازم اعطي المريض ٢٥ غ سكر.
يعني:
💠نص لتر (500مل) دكستروز 5% لنحصل على ٢٥ غ.
💠أو (50 مل) من دكستروز 50% ..
💠أو80 مل من دكستروز 30%.
وهكذا.....

#يوميات_طبيب_مناوب
#يوميات_طبيب_جراحة_مقيم

تدبير ارتكاسات نقل الدم الحادة ⏳🔜

متى نوقف نقل الدم 🚫؟
متى نبطئ النقل ؟
تدبير ارتفاع الحرارة أثناء نقل الدم ؟

#يوميات_طبيب_مناوب
عند ظهور علامات الارتكاس الحاد لنقل الدم*١
اوقف نقل الدم و:
1。قم بقياس العلامات الحيوية.
2。الأكسجة
3。تفقد هوية الآخذ والمعلومات على كيس الدم.
وعندها ستصادف أحد الحالات التالية:
        🔽   🔽  🔽  🔽  🔽   🔽   🔽  🔽   
🔵ارتكاس تحسسي خفيف(شرى_حكة خفيفة)>>> ١٠ ملغ كلورفينامين+ بطّء نقل الدم
وراقب.
🔵الحمى الخفيفة (ارتفاع الحرارة أقل من 1.5 درجة)+المريض مستقر >>> أعطِ سيتامول، بطّء النقل
وراقب.


🔴الاشتباه بتنافر الزمر: أوقف النقل  وابدأ بتسريب المحلول الملحي وريدياً/ راقب نتاج البول (أكثر من 100ml/سا باستخدام لازيكس عند الضرورة).
❗️هل تعلم: تتفاوت شدة الارتكاس الانحلالي الحاد بحسب قوة الأضداد. ويكون أشد عند نقل دم زمرة A لمريض زمرة O
🔴ارتكاس تحسسي شديد>>> اوقف النقل _أعط ١٠ ملغ كلورفينامين، اوكسجين، بخاخ سالبوتامول، في حال هبوط الضغط الشديد>>>(0.5 مل من محلول ادرينالين 1000/0.5 عضلياً).
🔴 شك بارتكاس حاد ناتج عن تلوث جرثومي (له نفس أعراض الارتكاس الانحلالي الحاد)>>> أوقف النقل،  خذ زروع جرثومية من الدم، أعد الدم لبنك الدم. راقب نتاج البول، ابدأ بالصادات واسعة الطيف. علاج داعم، طلب استشارة دموية.
❗️سؤال؛ أي منتج من منتجات الدم هو الأكثر عرضةً للتلوث الجرثومي (البلازما/الصفيحات/الكريات المركزة/الدم الكامل)؟

*١ أعراض/علامات الارتكاس الحاد لنقل الدم؛
حمى، قشعريرة(بردية)، تسرع قلب، ارتفاع ضغط او انخفاضه، وهط، احمرار، شرى، آلام عظمية او عضلية او صدرية او بطنية، زلة تنفسية، غثيان، شعور عام بالتوعك، كرب تنفسي

#يوميات_طبيب_مناوب
طفل عمره ٥ سنوات لديه افة جلدية خيطية الشكل ع الرقبة غير حاكة
لدى أخيه نفس الافة ع الذقن
ما التشخيص؟