اعبدوا الله رجاءً وخوفًا

" إنسان "

ربنا يشفيك ويعافيك يا رب، طهور بإذن الله

لأ أنت مش غلط، بالعكس دا الصحيح، ولكن لو بتروحي لطبيب رجل، فاستفتي شيخًا في الأمر، واشرحيله كله المعطيات من الخلوة والحكاية وما إلى ذلك.

" إنسان "

ربنا يبارك فيك، وشكرًا على حسن ظنكم في أخيكم

ولكن إنسان -ربنا يبارك فيه، ويصلح حاله- يغلب على أسلوبه الطابع التربوي حبتين معلش سامحوه، فهو لا يعطي سمكًا، ولكنه يعلم الصيد؛ فأنا ممكن أجاوب عادي، ولكن أنا عايزكم تتعلموا، وتأصلوا المعرفة، فطالما أنت مهتمة بالأمر، فأنا كنت نزلت كتاب الغزو الباطني لدكتور ناصر القفاري، تقدري تقرأيه وهو لغته سهلة وبسيطة وشامل لكل أمر الشيعة بفضل الله.

" إنسان "

المفروض إننا نزلنا ليكم التكليفات على القناة، ولكن في أشياء زي المقال دا كدا (وأظنه الوحيد) مقدرناش نوصله، فنقدر نتخطاه بقى.

ولو حد وصل ليه، نكون شاكرين جدًا لو بعته لينا.

" إنسان "

يا أهل الخير -الله يرضي عنكم- متاخدوش المعلومات إنه أشياء جامدة؛ بعني هنا الكاتب بيتكلم عن الأمور الحياتية زي الشغل والدراسة وما إلى ذلك، ولكن -أنت مسلم- في أشياء مينفعش تسكت عنها، كمثال الصلاة دا أنت بتتكلم في ألف باء إسلام.

وجزئية الطفل فأنا كنت نبهت قبل كدا إن لازم يكون في البيت قيم حاكمة للأسرة كلها ممكن تشوفيها في الرسالة دي:

https://t.me/Answer_Q/916

وأما التفاصيل فتعرفيها بإذن الله في مرحلة التأهيل للتربية.

_

وعامة لو أي حد عنده انتقاد على كتاب "الرجال من المريخ والنساء من الزهرة"، فيحتفظ بيه، والأمر طبيعي خالص؛ لأن الكتاب غربي في الأساس، ولكن بفضل الله بعد ما نخلصه هتلاقينا بنرده للشرع.

" إنسان "

هون عليك، وأبشري بقول النبي -صلى الله عليه وسلم- في حديث السيدة عائشة -رضي الله عنها-: "الماهر بالقرآن مع السفرة الكرام البررة، والذي يقرؤه ويتعتع فيه، وهو عليه شاق له أجران"، فأبشري بالأجرين، فدايمًا فكري نفسك بالحديث دا كدا وقت ما تتخنقي، واكتبيه دايمًا قدامك، وعلى المصحف، وفي كل حتة :")

ولكن مهم أوي إننا نعرف إن حفظ القرآن مينفعش أبدًا يكون لوحدنا، فهل جربت تنزلي لشيخ أو مكتب؟

ومن الأشياء التي تثبت الحفظ أن تصلي بما تحفظين، فمثلًا لو هتحفظي اليوم آيتين صلي كل الفروض بالآيتين دول، وخلي النوافل والقيام تراجعي فيه القديم.

ربنا يبارك فيك يا رب، ويرزقك الثبات، ودايمًا الزمي الدعاء بأن: اللهم اعنا على ذكرك وشكرك وحسن عبادتك؛ وصية خير البرية محمد -صلى الله عليه وسلم- لحبيبه معاذ بن جبل رضي الله عنه.

" إنسان "

من مشاركات المتابعين، ربنا يبارك فيهم يا رب

ِشكرًا جزيلًا

" إنسان "

إحنا هنا نقصد حد مختص مش شيخ رجل حتى لا يلتبس الأمر :')

" إنسان "

عليكم السلام ورحمة الله وبركاته
جزانا الله واياكم

اول حاجة ربنا يفك كربكم ويسدد دينكم ويرزقكم من حيث لا تحتسبون

ثانيا الانسان طبيعته انه بيتعلق بالذكريات ف طبيعي يكون موضوع بيع البيت تقيل عليكم ولكن سداد الدين اولى

والدك ربنا يبارك فيه ويحفظه زي م عمل بيت كبير وحلو ليكم لما كانت الظروف سامحه معاه يقدر بإذن الله يعملكم احسن منه بعد ما يفوق من الديون

وخليكم داعمين لوالدك وانتي اللي المفروض تحثي والدتك انها تشجعه وتصبره لانه اكيد مأخدش القرار غير وهو مضطر

وذكريها بحديث رسول الله ﷺ " نساء قريش خير نساء ركبن الابل ، أحناه على طفل وأرعاه على زوج في ذات يده "

ف النبي ادى افضلية للنساء اللي بتعيش على قد ظروف زوجها وتحافظ على ماله

وسعادتكم المفروض تكون مقرونه بسعادة والدكم وارتياحه ومن بر الزوجة لزوجها انها متخليهوش مضغوط نفسيا
والدين لا شك هو اكبر سبب للضغوط النفسية

والشقة مع راحه البال والرضا وان ميكونش حد ليه قرش عندكوا دي ارحب واوسع من كل البيوت


⚙️

عليكم السلام ورحمة الله وبركاته

نعم حضرتك اتصرفتي صح 100%

⚙️

وعليكم السلام ورحمة الله وبركاته،
بنراجع التقييمات، ولو في خطأ أو نقطة محتاجين نتأكد أكتر منكم هل وصلتلكم بشكل صحيح ولا لأ، بنعلق.
غير كده، يبقى التقييم تمام ومفهوش شيء يستلزم نعلق عليه.

لا شك ان الزواج مهم للانسان ووجود حد داعم للشخص وونس زي م بتقولي شيء جميل
لكن دا لا يعني اننا نفقد لذة الانجازات التانية

افرحي بكل خطوة ناجحة ليكي طالما انها في غير معصية


⚙️

التوافق الثقافي والاجتماعي مهم

انا لا احبذ ان شاب يتقدم لبنت اعلى منه ماديا او اجتماعيا بالفرق اللي يخليها شايفاه كدا لانه هيتعب

ف حتى لو انتي وافقتي مثلا لانك تقبلتي شخص
ف تعامل الاهل مع بعضهم مش هيبقى كويس

مع وجود شواذ للقاعدة طبعا لكن هذا الظاهر والله اعلم

⚙️

هو الطبيعي ان هم رافضين فخلاص الموضوع انتهى

بس اكيد اللي بيرفض دا بيرفض لاسباب معينه

ف استمعي لاسبابهم لعلها مقنعه


⚙️

عليكم السلام ورحمة الله وبركاته

لا اعلم
استشيري شيخ او مفسر ذو دين وثقة

⚙️

وعليكم السلام ورحمة الله وبركاته
بعد سداد الغرامة، بنصفر العداد ويبدأ العد من جديد:
المرة الأولى: 10 جنيه
المرة الثانية: 15 جنيه
المرة الثالثة: 20 جنيه، وهكذا بزيادة 5 جنيه كل مرة.

وعند تحصيل الغرامات، نحسب الإجمالي حسب عدد مرات العقاب.
مثلًا، إذا كانت 3 مرات: 10 + 15 + 20 = 45 جنيه.

ويُحتسب العقاب عند:
عدم دخول التقييم بدون عذر مسبق، أو دخول التقييم لكن بمقرر ناقص.

وللتذكرة

عليكم السلام ورحمة الله وبركاته

ايوه ملكيش دعوه بتجربه حد ، ولكن خليكي مركزة على اللي هي قالته هل حقيقي ولا لا
يعني خليها كانها بوينتس كدا تبقي مركزة عليها تعرفيها من وسط كلامه

⚙️

قال الله عز وجل " أَيَوَدُّ أَحَدُكُمْ أَن تَكُونَ لَهُ جَنَّةٌ مِّن نَّخِيلٍ وَأَعْنَابٍ تَجْرِي مِن تَحْتِهَا الْأَنْهَارُ لَهُ فِيهَا مِن كُلِّ الثَّمَرَاتِ وَأَصَابَهُ الْكِبَرُ وَلَهُ ذُرِّيَّةٌ ضُعَفَاءُ فَأَصَابَهَا إِعْصَارٌ فِيهِ نَارٌ فَاحْتَرَقَتْ كَذَلِكَ يُبَيِّنُ اللَّهُ لَكُمُ الْآيَاتِ لَعَلَّكُمْ تَتَفَكَّرُونَ(٢٦٦)" البقرة
تعالوا نعيش شوية مع الآية دي ونتدبرها
الآية دي فيها معني خطير ، ربنا بيدينا رسالة مهمه جدا
اختلف اهل التفسير فيها علي معنيين
اتكلمنا في المعني الاول المرة اللي فاتت ، تعالوا نتكلم في المعني التاني.

التاني: ربنا بيشبه هنا اللي بيعمل طاعات وعبادات واعمال خير كتير لحد م يبقا عنه حسنات كتير جدا باللي عنده جنه من نخيل واعناب تجري من تحتها الانهار ، الراجل عمل كل دا ف بداية حياته وفي شبابه.

الراجل اللي عنده جنه دا ، لما كبر ف السن لقى ان الجنه دي اصبحت رماد ، اصابتها نار احرقتها كلها ومبقاش عنده صحه يعمر ف الجنه دي تاني ويعملها من جديد واولاده صغيرين مش هيقدروا يعمروها ويجددوها
زيه زي الراجل اللي كان بيعمل خير وطاعات كتير ف شبابه ، جه في أخر حياته انقلبت دنيته واصبح بيعمل معاصي وذنوب ، وساب كل أعمال الخير ، وانتهت حياته وهو علي الحاله دي من الفساد والمعاصي ،فأحرقت نار المعاصي كل الحسنات اللي عملها وخلاص مات مش قدامه فرصه تاني يرجع يعمل خير ، فكانت خاتمته سوء والعياذ بالله.

و بيوضح المعني دا كمان حديث النبي صلى الله عليه وسلم " ....إن أحدكم ليعمل بعمل أهل الجنة حتى ما يكون بينه وبينها ذراع فيسبق عليه الكتاب فيعمل بعمل أهل النار فيدخلها وإن أحدكم ليعمل بعمل أهل النار حتى ما يكون بينه وبينها ذراع فيسبق عليه الكتاب فيعمل بعمل أهل الجنة فيدخلها "
العبرة هنا بالخواتيم عشان كدا لازم نحافظ علي الدعاء دا

"اللهم اجعل خير عمري آخره و خير عملي خواتمه ، اللهم أحسن خاتمتي "

⚙️