فتوى للشيخ مصطفى العدوي
https://youtu.be/thynLfobQm4?si=VROglzjL8ijVVvIW

فتوى للشيخ ابن باز
https://binbaz.org.sa/fatwas/15623/جواز-النظر-للمخطوبة-دون-علمها


فتوى من موقع الاسلام سؤال وجواب للشيخ محمد المنجد
https://islamqa.info/ar/answers/166249/حكم-النظر-الى-من-يريد-خطبتها-بواسطة-شريط-فيديو-سجله-الاقارب

فتوى من موقع اسلام ويب
https://www.islamweb.net/ar/fatwa/276928/حكم-النظر-إلى-صورة-المخطوبة-قبل-الرؤية-الشرعية


اتمنى اني اكون قتلت الشك عندك😅

الشك في الناس اللي بتاخد بالرأي دا يعني
لكن رأيك الخاص سواء بالقبول او لا ف دا يرجع ليكي انتي


⚙️

قال الله عز وجل " أَيَوَدُّ أَحَدُكُمْ أَن تَكُونَ لَهُ جَنَّةٌ مِّن نَّخِيلٍ وَأَعْنَابٍ تَجْرِي مِن تَحْتِهَا الْأَنْهَارُ لَهُ فِيهَا مِن كُلِّ الثَّمَرَاتِ وَأَصَابَهُ الْكِبَرُ وَلَهُ ذُرِّيَّةٌ ضُعَفَاءُ فَأَصَابَهَا إِعْصَارٌ فِيهِ نَارٌ فَاحْتَرَقَتْ كَذَلِكَ يُبَيِّنُ اللَّهُ لَكُمُ الْآيَاتِ لَعَلَّكُمْ تَتَفَكَّرُونَ(٢٦٦)" البقرة
تعالوا نعيش شوية مع الآية دي ونتدبرها
الآية دي فيها معني خطير ، ربنا بيدينا رسالة مهمه جدا
اختلف اهل التفسير فيها علي معنيين
هنتكلم عليهم ف مرتين ان شاءالله عشان متبقاش طويلة

الاول: ربنا سبحانه وتعالي بيتكلم هنا عن اللي بينفق ماله رئاء الناس ، ماله بيروح وهو بيرائي ، فدا زيه زي اللي عنده جنه عظيمه ، مال كتير وكل شوية ينفق منه لكن نيته مش لله ، نيته للناس ، فما اغني عنه الناس من الله من شيء.
جه الراجل دا مات ، المفروض يتنعم في ثمار اللي قدمه في الاخرة لكن ملقاش ثمار الصدقة اللي اخرجها ، ملقاش ثمار التبرعات اللي دفعها ، هو دلوقتي احوج ما يكون للحسنات دي ، زي الراجل اللي ف الايه ، ربنا بيقول واصابه الكبر وله ذرية ضعفاء ، لما كبر بقا احوج ما يكون للجنه اللي عمرها ف شبابه وهو دلوقتي كبير ف السن مش هيقدر يشتغل ، واولاده صغيرين مش هيقدروا يعمروا الجنه تاني ، لقي الجنه بتاعته دي جت عليها ريح فيها نار فاحرقتها كلها ، ابادت جنته.
كذلك المرائي يجي يوم القيامه عايز الحسنات اللي عملها ف الدنيا هيلاقي انها راحت ، احرقتها ريح الرياء ، وهو دلوقتي خلاص مش هيقدر يرجع تاني يعمل طاعات تاني.

قال رسول الله صلى الله عليه وسلم " إن أول الناس يُقضى يوم القيامة عليه رجلٌ استشهد فأُتيَ به فعرَّفه نعمَه فعرفها، قال فما عملت فيها؟ قال: قاتلت فيك حتى استشهدت، قال كذبت، ولكنك قاتلت لأن يقال هو جريء، فقد قيل، ثم أمر به فسُحبَ على وجهه حتى ألقي في النار، ورجلٌ تعلَّم العلم وعلَّمه وقرأ القرآن فأتي به فعرَّفه نعمَه فعرفها، قال فما عملت فيها؟ قال: تعلمت العلم وعلمته وقرأت فيك القرآن، قال كذبت، ولكنك تعلمت ليقال عالم وقرأت القرآن ليقال هو قارئ، فقد قيل ثم أمر به فسُحبَ على وجهه حتى ألقي في النار، ورجلٌ وسع الله عليه وأعطاه من أصناف المال فأتي به فعرفه نعمه فعرفها، قال فما عملت فيها؟ قال: ما تركت من سبيل تحب أن ينفق فيها إلا أنفقت فيها لك، قال كذبت، ولكنك فعلت ليقال هو جواد، فقد قيل ثم أمر به فسُحبَ على وجهه ثم ألقي في النار "
ي شباب المعني دا مهم جدا ، النيه خطيره
لازم قبل م نُقْدِم علي أي عمل نقف شوية مع النية ، لو مش لله اظبط نيتي علي طول.
استعين بالله انه ينزع من قلبي الرياء ، وادعوه انه يرزقني الاخلاص.
مش عايزيين يوم م نكون محتاحين للطاعات اللي عملناها
نلاقيها ... فأصابها اعصار فيها نار فاحترقت.


⚙️

إحنا فعلًا محتاجين نراجع أمورنا مع العبادات والله

ربنا يصلح حالنا

" إنسان "

كنت اتكلمت هنا عن بعض الأشياء كمبادئ عامة في التربية
https://t.me/Answer_Q/916
___

والعنف دايمًا مش كويس في التربية، وخاصة في سنه، بإضافة إن هو صح لما ميحبش يعزم على حد بحاجته؛ هو هنا بيبني في نفسه فكرة الحفاظ على أشياءه الخاصة بشكل عام، وفعلًا مش من حقكم تاخدوا منه أي شيء خاص بيه إلا بإذنه، وأي تدخل منكم في حاجة زي فأنتم بتبهدلوا فكرة الخصوصية عنده، وبتهدموا جواه فكرة الحفاظ على ممتلكاته، وبتبنوا شخص ضعيف الشخصية طوال حياته، أو عدائي بشكل مبالغ فيه (وبالمناسبة دا ممكن يكون سبب عدائيته المبالغ فيها مع أصحابه، وصدامه معاهم).

فأرجوكم أرجوكم أرجوكم اتعلموا واقرأوا واتأهلوا في التربية :')

" إنسان "

ربنا يلطف بيكم، ويرده ليكم سالم غانم يا رب العالمين، وحقك علينا على التأخير دا.

ومعلش للأسف الظروف الآن بتضطرنا لمثل هذه الأشياء، ولكن معلش -ربنا يبارك فيكم، ويفتح عليكم يا رب- حطوا في أولوياتكم إن كام شهر وتتجمعوا كلكم، وتسافروا معاه.

والأفضل تخليك في بيتك، وزيارتك للوالدة -ربنا يعافيها ويشفيها يا رب، ويبارك في عمرها- تكون مجرد زيارة كل كام يوم؛ دا يخليك تتحكمي أكتر في تربية الأطفال ربنا يبارك في عمرهم، وينبتهم نبتًا حسنًا، ويقر عيونكم بيهم يا رب العالمين.

" إنسان "

طب وكنت عايزاها تكمل ليه بالمواصفات دي؟ :'D

يا أهل الخير إحنا بندعوا في الإستخارة "وإن كان شر لي في ديني، ومعادي، ومعاشي، وعاقبة أمري، فاصرفه عني، واصرفني عنه"

ااه قد يكون في زعل للعشرة، والمجهود المبذول في العلاقة، ولكن لا نسأل على أسباب الانفصال، وإن بدت غير منطقية؛ الله يعلم وأنتم لا تعلمون يا أهل الخير.

" إنسان "

أيوا طبعًا ممكن

ربنا يشفيك ويعافيك يا رب، يهمنا إن الكتب تتقرأ بأي طريقة كانت.

" إنسان "

لأ كدا كويس جدًا، حافظي على دول، والتزمي بيهم، وبشوية إدارة وتنظيم للوقت هتلاقي الدنيا حلوة خالص، وخدي بأسباب البركة، زي:
-قراءة البقرة وآل عمران؛ ففي حديث سيدنا أمامة أن رسول الله قال: "اقرأوا الزهراوان: البقرة وآل عمران...اقرأوا سورة البقرة فإن أخذها بركة، وتركها حسرة، ولا تستطيعها البطلة".
-التسبيح ٣٣، والتحميد ٣٣، والتكبير ٣٤ قبل النوم؛ لوصية النبي -صلى الله عليه وسلم- لابنته فاطمة -رضي الله عنها- لما سألته عن خادم، فقال: "ألا أدلكما على خير لكما من خادم؟" وأخبرهما بهؤلاء، كما جاء في حديث سيدنا علي بن أبي طالب.

-وعامة أكثروا من الذكر، والصلاة على النبي صلى الله عليه وسلم، وقراءة القرآن؛ فالجميع أشياء مباركة.

" إنسان "

والله يا جماعة إحنا بس محتاجين نتعلم لأجل أنفسنا، وياريتنا بس ننجو والله؛ وليكم في فاروق هذه الأمة؛ عمر بن الخطاب -رضي الله عنه- خير مثال، وهو على عتبات الموت ويقول: وددت لو خرجت منها كفافًا؛ لا لي ولا علي.

الصديق يقول: وددت لو أني شجرة تعضد، ليتني لم تلدني أمي

وهكذا عثمان زوج بنات خير المسلمين، وأمير المؤمنين.

فاتعلموا لأجلكم، وليتنا والله ننجو

" إنسان "

محتاجين حاجتين مهمين جدًا:

-ندخل ربنا معانا في المعادلة، وإنه دايمًا مش هيضيعنا، وإنه من يتق ويصبر فإن الله لا يضيع أجر المحسنين، وإننا -بالمناسبة- لازم نغير بوصلة الإحسان في التعامل مع الناس، وأننا نحسن إلى الناس فقط لأن الله يحب المحسنين، وإننا نفتكر وصية رسول الله -صلى الله عليه وسلم- لما قال: "ما لي وما للدنيا؛ ما أنا إلا كراكب استظل تحت شجرة، ثم راح وتركها"، كما جاء في حديث سيدنا عبدالله بن مسعود رضي الله عنه.

-محتاجين نخف تعلق، ونحب أحبابنا هونًا ما، عسى أن يكونوا أعداءنا يومًا ما، ونكره أعداءنا هونًا ما، عسى أن يكونوا أحبابنا يومًا ما.

ونكون خفاف في التعامل، وبدون حساسية زيادة فلا نرهق على الناس، ولا نتعب إحنا.

" إنسان "

لأ مش حرام، وأفتى الإمام ابن باز -رحمه الله- بأنه لا يجب معرفة ولي الأمر.

ولكن للكلام حدود، فلا يكون في شيء مما يثير الشهوة، ويكون لحاجة.

" إنسان "

بالنسبة لفسخ الخطوبتين، فممكن تقرأي كلامنا هنا:

https://t.me/Answer_Q/948

وبالنسبة للزواج نفسه، اقرأي كلامنا هنا:

https://t.me/Answer_Q/575

https://t.me/Answer_Q/597

https://t.me/Answer_Q/600

https://t.me/Answer_Q/226

" إنسان "

غفر الله لإنسان، والله أبسط بكثير من كدا، ويعني صدق أبو العتاهية لما قال:
أحسن الله بنا أن الخطايا لا تفوح
فإذا المستور منا بين ثوبيه فضوح
___
وشوفوا كلامنا هنا كمان معلش
https://t.me/Answer_Q/577

" إنسان "

اعبدوا الله رجاءً وخوفًا

" إنسان "

ربنا يشفيك ويعافيك يا رب، طهور بإذن الله

لأ أنت مش غلط، بالعكس دا الصحيح، ولكن لو بتروحي لطبيب رجل، فاستفتي شيخًا في الأمر، واشرحيله كله المعطيات من الخلوة والحكاية وما إلى ذلك.

" إنسان "

ربنا يبارك فيك، وشكرًا على حسن ظنكم في أخيكم

ولكن إنسان -ربنا يبارك فيه، ويصلح حاله- يغلب على أسلوبه الطابع التربوي حبتين معلش سامحوه، فهو لا يعطي سمكًا، ولكنه يعلم الصيد؛ فأنا ممكن أجاوب عادي، ولكن أنا عايزكم تتعلموا، وتأصلوا المعرفة، فطالما أنت مهتمة بالأمر، فأنا كنت نزلت كتاب الغزو الباطني لدكتور ناصر القفاري، تقدري تقرأيه وهو لغته سهلة وبسيطة وشامل لكل أمر الشيعة بفضل الله.

" إنسان "

المفروض إننا نزلنا ليكم التكليفات على القناة، ولكن في أشياء زي المقال دا كدا (وأظنه الوحيد) مقدرناش نوصله، فنقدر نتخطاه بقى.

ولو حد وصل ليه، نكون شاكرين جدًا لو بعته لينا.

" إنسان "

يا أهل الخير -الله يرضي عنكم- متاخدوش المعلومات إنه أشياء جامدة؛ بعني هنا الكاتب بيتكلم عن الأمور الحياتية زي الشغل والدراسة وما إلى ذلك، ولكن -أنت مسلم- في أشياء مينفعش تسكت عنها، كمثال الصلاة دا أنت بتتكلم في ألف باء إسلام.

وجزئية الطفل فأنا كنت نبهت قبل كدا إن لازم يكون في البيت قيم حاكمة للأسرة كلها ممكن تشوفيها في الرسالة دي:

https://t.me/Answer_Q/916

وأما التفاصيل فتعرفيها بإذن الله في مرحلة التأهيل للتربية.

_

وعامة لو أي حد عنده انتقاد على كتاب "الرجال من المريخ والنساء من الزهرة"، فيحتفظ بيه، والأمر طبيعي خالص؛ لأن الكتاب غربي في الأساس، ولكن بفضل الله بعد ما نخلصه هتلاقينا بنرده للشرع.

" إنسان "

هون عليك، وأبشري بقول النبي -صلى الله عليه وسلم- في حديث السيدة عائشة -رضي الله عنها-: "الماهر بالقرآن مع السفرة الكرام البررة، والذي يقرؤه ويتعتع فيه، وهو عليه شاق له أجران"، فأبشري بالأجرين، فدايمًا فكري نفسك بالحديث دا كدا وقت ما تتخنقي، واكتبيه دايمًا قدامك، وعلى المصحف، وفي كل حتة :")

ولكن مهم أوي إننا نعرف إن حفظ القرآن مينفعش أبدًا يكون لوحدنا، فهل جربت تنزلي لشيخ أو مكتب؟

ومن الأشياء التي تثبت الحفظ أن تصلي بما تحفظين، فمثلًا لو هتحفظي اليوم آيتين صلي كل الفروض بالآيتين دول، وخلي النوافل والقيام تراجعي فيه القديم.

ربنا يبارك فيك يا رب، ويرزقك الثبات، ودايمًا الزمي الدعاء بأن: اللهم اعنا على ذكرك وشكرك وحسن عبادتك؛ وصية خير البرية محمد -صلى الله عليه وسلم- لحبيبه معاذ بن جبل رضي الله عنه.

" إنسان "

من مشاركات المتابعين، ربنا يبارك فيهم يا رب

ِشكرًا جزيلًا

" إنسان "

إحنا هنا نقصد حد مختص مش شيخ رجل حتى لا يلتبس الأمر :')

" إنسان "