ايوه طبعا انصحيه دا من اكتر طرق البر انك تنصحيه بالحسنى مرة واتنين وتلاته ولا تيأسي

وادعيله بالهداية والصلاح

واستعيني بقرايبك او من الناس اللي ليهم كلام معاه انهم ينصحوه ويحاولوا معاه

⚙️

إخواتكم من الدفعات الأكبر يضحكون في الزاوية 😁

لسه بندرس مواضيع الشهادة دا

" إنسان "

كنا اتكلمنا عنها هنا

https://t.me/Answer_Q/533

https://t.me/Answer_Q/536

⚙️

عليكم السلام ورحمة الله وبركاته

فرق السن كبير الى حد ما لكن مش لدرجة اللي يقفل الموضوع من اوله

شايف انك تقعدي معاه وتقارني كل حاجة عادي
وخلي فرق السن من النقاط السلبية
وبعدين قارني مميزات مع عيوب ككل

⚙️

اول حاجة مش انتي اللي بتبعتي صورتك

تاني حاجة ملهاش علاقة انها غالية او رخيصة

دا حقه انه يشوف اللي هيتقدملها

قال رسول الله ﷺ " إذا خطب أحدكم المرأة فإن استطاع أن ينظر إلى ما يدعوه إلى نكاحها فليفعل "
فقال جابر بن عبدالله : فكنت اتخبأ لها حتى رأيت منها ما دعاني الى نكاحها


قال صاحبي خطبت امرأة، فقال لي رسول الله ﷺ : أنظرت إليها؟ قلت: لا، فقال: انظر إليها فإنه أحرى أن يؤدم بينكما

وقال محمد بن سلمة : خطبت امرأة فجعلت اتخبأ لها حتى نظرت اليها في نخل فقيل له اتفعل ذلك وانت صاحب رسول الله ﷺ فقال سمعت رسول الله ﷺ يقول " اذا القى الله في قلب امريء خطبة امرأة فلا بأس ان ينظر اليها "


ومفيش اي شيء في الدين يحرم النظر الى صورة المرأة بغرض الزواج

ولا في العرف لان دا بيحصل

انتي لا تحبذيه براحتك عادي

⚙️

انا مش عارف بصراحه هو والدك بعتها ازاي عشان مش منطقية
يعني هو محدش هيكلم والدك يقوله عايز اشوف بنتك

هو الموضوع بيبقى بطريقة غير دي


واما انه ميجيش ف عادي خالص وطبيعي دا قبول وهو عليه وزره اذا كان غرضه من الاساس مش جواز اصلا


واما بالنسبة للزمن النبي ف مكانش في صور والا تفسري بايه قول الصحابي بانه كان بيختبيء ليها عشان يشوفها
هل كان بيختبيء ليها ف بيتها ؟

⚙️

للملتزمين، وانتظروا خلال الفترة المقبلة بإذن الله مزيد من الدعم والتشجيع بما يليق بجهودكم.

اللي مش منطقي بالنسبالي اني اروح اكلم شخص واقوله انا عايز اشوف صورة بنتك الاول قبل م اجي

الموضوع بيجي بطريقة غير مباشرة عامة

او هكذا بالنسبالي وقناعتي يعني

⚙️

قولت مش منطقي ليا وقناعاتي معرفش ممكن في عادات تاني دا عادي

لكن عامة انسي الامر ومتفكريش فيه اللي حصل حصل

ممكن الشاب يطلب من احد معارف البنت انه يشوف الصورة طبعا بعد م بيشرح الامر وكدا بيشوف الصورة من على موبايلها وخلاص

وبالمناسبة عشان حاسس السؤال دا هيتسأل معرفش ليه
اه قريبتها دي او معارفها بتقول لام البنت مثلا ان في شخص عايز يتقدم بس محتاج يشوف الصورة الاول


⚙️

ودا والله مفيهوش حاجة ي جماعة
انا بشوفه افضل مليون مرة من اني اروح البيت وانا معرفش البنت ف ارفضها بعد ما اتقدم بسبب شكلها
حتى لو مقولتش السبب ليها انا نفسيا مش هبقى مرتاح

انا بشوف اني اخد كل الاسباب اللي اقدر اعملها اللي تخليني مقتنع ورايح الرؤية شبه موافق عليها

ممكن ارفض بعد الرؤية اه عادي بس يبقا لسبب انا مقدرتش اعرفه قبلها ومكانش في اي حل اني اعرفه غير لما اقعد معاها
لاني بشوف دخول البيوت دا شيء كبير ف الواحد لما يقرر يدخل بيت يبقا موافق مبدئيا على الامور الظاهرية

والامر فيه سعه دينيا يعني ف كل واحد واللي بيشوفه مناسب ليه
مقدرش انكر على واحدة بترفض كدا ومقدرش انكر على حد بيطلب كدا


⚙️

فتوى للشيخ مصطفى العدوي
https://youtu.be/thynLfobQm4?si=VROglzjL8ijVVvIW

فتوى للشيخ ابن باز
https://binbaz.org.sa/fatwas/15623/جواز-النظر-للمخطوبة-دون-علمها


فتوى من موقع الاسلام سؤال وجواب للشيخ محمد المنجد
https://islamqa.info/ar/answers/166249/حكم-النظر-الى-من-يريد-خطبتها-بواسطة-شريط-فيديو-سجله-الاقارب

فتوى من موقع اسلام ويب
https://www.islamweb.net/ar/fatwa/276928/حكم-النظر-إلى-صورة-المخطوبة-قبل-الرؤية-الشرعية


اتمنى اني اكون قتلت الشك عندك😅

الشك في الناس اللي بتاخد بالرأي دا يعني
لكن رأيك الخاص سواء بالقبول او لا ف دا يرجع ليكي انتي


⚙️

قال الله عز وجل " أَيَوَدُّ أَحَدُكُمْ أَن تَكُونَ لَهُ جَنَّةٌ مِّن نَّخِيلٍ وَأَعْنَابٍ تَجْرِي مِن تَحْتِهَا الْأَنْهَارُ لَهُ فِيهَا مِن كُلِّ الثَّمَرَاتِ وَأَصَابَهُ الْكِبَرُ وَلَهُ ذُرِّيَّةٌ ضُعَفَاءُ فَأَصَابَهَا إِعْصَارٌ فِيهِ نَارٌ فَاحْتَرَقَتْ كَذَلِكَ يُبَيِّنُ اللَّهُ لَكُمُ الْآيَاتِ لَعَلَّكُمْ تَتَفَكَّرُونَ(٢٦٦)" البقرة
تعالوا نعيش شوية مع الآية دي ونتدبرها
الآية دي فيها معني خطير ، ربنا بيدينا رسالة مهمه جدا
اختلف اهل التفسير فيها علي معنيين
هنتكلم عليهم ف مرتين ان شاءالله عشان متبقاش طويلة

الاول: ربنا سبحانه وتعالي بيتكلم هنا عن اللي بينفق ماله رئاء الناس ، ماله بيروح وهو بيرائي ، فدا زيه زي اللي عنده جنه عظيمه ، مال كتير وكل شوية ينفق منه لكن نيته مش لله ، نيته للناس ، فما اغني عنه الناس من الله من شيء.
جه الراجل دا مات ، المفروض يتنعم في ثمار اللي قدمه في الاخرة لكن ملقاش ثمار الصدقة اللي اخرجها ، ملقاش ثمار التبرعات اللي دفعها ، هو دلوقتي احوج ما يكون للحسنات دي ، زي الراجل اللي ف الايه ، ربنا بيقول واصابه الكبر وله ذرية ضعفاء ، لما كبر بقا احوج ما يكون للجنه اللي عمرها ف شبابه وهو دلوقتي كبير ف السن مش هيقدر يشتغل ، واولاده صغيرين مش هيقدروا يعمروا الجنه تاني ، لقي الجنه بتاعته دي جت عليها ريح فيها نار فاحرقتها كلها ، ابادت جنته.
كذلك المرائي يجي يوم القيامه عايز الحسنات اللي عملها ف الدنيا هيلاقي انها راحت ، احرقتها ريح الرياء ، وهو دلوقتي خلاص مش هيقدر يرجع تاني يعمل طاعات تاني.

قال رسول الله صلى الله عليه وسلم " إن أول الناس يُقضى يوم القيامة عليه رجلٌ استشهد فأُتيَ به فعرَّفه نعمَه فعرفها، قال فما عملت فيها؟ قال: قاتلت فيك حتى استشهدت، قال كذبت، ولكنك قاتلت لأن يقال هو جريء، فقد قيل، ثم أمر به فسُحبَ على وجهه حتى ألقي في النار، ورجلٌ تعلَّم العلم وعلَّمه وقرأ القرآن فأتي به فعرَّفه نعمَه فعرفها، قال فما عملت فيها؟ قال: تعلمت العلم وعلمته وقرأت فيك القرآن، قال كذبت، ولكنك تعلمت ليقال عالم وقرأت القرآن ليقال هو قارئ، فقد قيل ثم أمر به فسُحبَ على وجهه حتى ألقي في النار، ورجلٌ وسع الله عليه وأعطاه من أصناف المال فأتي به فعرفه نعمه فعرفها، قال فما عملت فيها؟ قال: ما تركت من سبيل تحب أن ينفق فيها إلا أنفقت فيها لك، قال كذبت، ولكنك فعلت ليقال هو جواد، فقد قيل ثم أمر به فسُحبَ على وجهه ثم ألقي في النار "
ي شباب المعني دا مهم جدا ، النيه خطيره
لازم قبل م نُقْدِم علي أي عمل نقف شوية مع النية ، لو مش لله اظبط نيتي علي طول.
استعين بالله انه ينزع من قلبي الرياء ، وادعوه انه يرزقني الاخلاص.
مش عايزيين يوم م نكون محتاحين للطاعات اللي عملناها
نلاقيها ... فأصابها اعصار فيها نار فاحترقت.


⚙️

إحنا فعلًا محتاجين نراجع أمورنا مع العبادات والله

ربنا يصلح حالنا

" إنسان "

كنت اتكلمت هنا عن بعض الأشياء كمبادئ عامة في التربية
https://t.me/Answer_Q/916
___

والعنف دايمًا مش كويس في التربية، وخاصة في سنه، بإضافة إن هو صح لما ميحبش يعزم على حد بحاجته؛ هو هنا بيبني في نفسه فكرة الحفاظ على أشياءه الخاصة بشكل عام، وفعلًا مش من حقكم تاخدوا منه أي شيء خاص بيه إلا بإذنه، وأي تدخل منكم في حاجة زي فأنتم بتبهدلوا فكرة الخصوصية عنده، وبتهدموا جواه فكرة الحفاظ على ممتلكاته، وبتبنوا شخص ضعيف الشخصية طوال حياته، أو عدائي بشكل مبالغ فيه (وبالمناسبة دا ممكن يكون سبب عدائيته المبالغ فيها مع أصحابه، وصدامه معاهم).

فأرجوكم أرجوكم أرجوكم اتعلموا واقرأوا واتأهلوا في التربية :')

" إنسان "

ربنا يلطف بيكم، ويرده ليكم سالم غانم يا رب العالمين، وحقك علينا على التأخير دا.

ومعلش للأسف الظروف الآن بتضطرنا لمثل هذه الأشياء، ولكن معلش -ربنا يبارك فيكم، ويفتح عليكم يا رب- حطوا في أولوياتكم إن كام شهر وتتجمعوا كلكم، وتسافروا معاه.

والأفضل تخليك في بيتك، وزيارتك للوالدة -ربنا يعافيها ويشفيها يا رب، ويبارك في عمرها- تكون مجرد زيارة كل كام يوم؛ دا يخليك تتحكمي أكتر في تربية الأطفال ربنا يبارك في عمرهم، وينبتهم نبتًا حسنًا، ويقر عيونكم بيهم يا رب العالمين.

" إنسان "

طب وكنت عايزاها تكمل ليه بالمواصفات دي؟ :'D

يا أهل الخير إحنا بندعوا في الإستخارة "وإن كان شر لي في ديني، ومعادي، ومعاشي، وعاقبة أمري، فاصرفه عني، واصرفني عنه"

ااه قد يكون في زعل للعشرة، والمجهود المبذول في العلاقة، ولكن لا نسأل على أسباب الانفصال، وإن بدت غير منطقية؛ الله يعلم وأنتم لا تعلمون يا أهل الخير.

" إنسان "

أيوا طبعًا ممكن

ربنا يشفيك ويعافيك يا رب، يهمنا إن الكتب تتقرأ بأي طريقة كانت.

" إنسان "

لأ كدا كويس جدًا، حافظي على دول، والتزمي بيهم، وبشوية إدارة وتنظيم للوقت هتلاقي الدنيا حلوة خالص، وخدي بأسباب البركة، زي:
-قراءة البقرة وآل عمران؛ ففي حديث سيدنا أمامة أن رسول الله قال: "اقرأوا الزهراوان: البقرة وآل عمران...اقرأوا سورة البقرة فإن أخذها بركة، وتركها حسرة، ولا تستطيعها البطلة".
-التسبيح ٣٣، والتحميد ٣٣، والتكبير ٣٤ قبل النوم؛ لوصية النبي -صلى الله عليه وسلم- لابنته فاطمة -رضي الله عنها- لما سألته عن خادم، فقال: "ألا أدلكما على خير لكما من خادم؟" وأخبرهما بهؤلاء، كما جاء في حديث سيدنا علي بن أبي طالب.

-وعامة أكثروا من الذكر، والصلاة على النبي صلى الله عليه وسلم، وقراءة القرآن؛ فالجميع أشياء مباركة.

" إنسان "

والله يا جماعة إحنا بس محتاجين نتعلم لأجل أنفسنا، وياريتنا بس ننجو والله؛ وليكم في فاروق هذه الأمة؛ عمر بن الخطاب -رضي الله عنه- خير مثال، وهو على عتبات الموت ويقول: وددت لو خرجت منها كفافًا؛ لا لي ولا علي.

الصديق يقول: وددت لو أني شجرة تعضد، ليتني لم تلدني أمي

وهكذا عثمان زوج بنات خير المسلمين، وأمير المؤمنين.

فاتعلموا لأجلكم، وليتنا والله ننجو

" إنسان "

محتاجين حاجتين مهمين جدًا:

-ندخل ربنا معانا في المعادلة، وإنه دايمًا مش هيضيعنا، وإنه من يتق ويصبر فإن الله لا يضيع أجر المحسنين، وإننا -بالمناسبة- لازم نغير بوصلة الإحسان في التعامل مع الناس، وأننا نحسن إلى الناس فقط لأن الله يحب المحسنين، وإننا نفتكر وصية رسول الله -صلى الله عليه وسلم- لما قال: "ما لي وما للدنيا؛ ما أنا إلا كراكب استظل تحت شجرة، ثم راح وتركها"، كما جاء في حديث سيدنا عبدالله بن مسعود رضي الله عنه.

-محتاجين نخف تعلق، ونحب أحبابنا هونًا ما، عسى أن يكونوا أعداءنا يومًا ما، ونكره أعداءنا هونًا ما، عسى أن يكونوا أحبابنا يومًا ما.

ونكون خفاف في التعامل، وبدون حساسية زيادة فلا نرهق على الناس، ولا نتعب إحنا.

" إنسان "

لأ مش حرام، وأفتى الإمام ابن باز -رحمه الله- بأنه لا يجب معرفة ولي الأمر.

ولكن للكلام حدود، فلا يكون في شيء مما يثير الشهوة، ويكون لحاجة.

" إنسان "