دي وصلت

بدون ألقاب تحت أمرك اتفضل

" إنسان "

يعني ايه بشكل أعمق؟ الموضوع يخلص في كلمتين :'D

أن لا يكون في خلوة(والخلوة في الشرع أن يكونا في مكان يأمنا فيه الوقوع بالزنا)، ويكون التعامل على قدر الحاجة، مع الإلتزام باللباس الشرعي، وغض البصر.

" إنسان "

والله الموضوع بسيط خالص، خلونا نرجع دايمًا لأصل للشيء، هو إحنا لبسنا النقاب ليه؟ ونحاوب بصدق كدا مع نفسنا.

طب لو كناه لبسناه عبادة، طب معظمين أمر الناس في قلوبنا ليه؟ طب هل هتقدري تحمعي رضا الناس عنك في أي هيئة كنت فيها؟ دا محصلش إجماع على سيدنا محمد -صلى الله عليه وسلم-، هيرضوا عنك أنت؟

اقرأي قصيدة الإمام الشافعي "ضحكت فقالوا ألا تحتشم"، ودايمًا ادعي ربنا يعينك على الطاعة، ربنا أعنا على ذكرك وشكرك وحسن عبادتك.

" إنسان "

أشوط فاول؟

" إنسان "

لأ دا سؤال حضرتك تجاوبي عليه أنت، اقعدي مع نفسك واحسبي الأمور دي، ودايمًا دايمًا خلي بالك من مداخل الشيطان.

" إنسان "

الشكر لله يا فندم، تعالى كل يوم :'D

" إنسان "

ليه عايزة حاجة شبهه؟ طب ما هو كافي جدًا يا إخواننا والله؛ يعني الأمر مش باب من أبواب الفقه محتاجين نقعد ندرسه بقى، ونخلص منه نروح للفقه المقارن، وأقوال السابقين والمعاصرين، وما أدري ايش.

مجرد مشكلة، لقيت ليها حل، اكتفي بيه، ولا تعطي الأمر أكبر من حجمه، ومتعملش من الحبة قبة

" إنسان "

محاضرات تأهيل ايه يا جماعة، إحنا لسه بنسمي الله ومأخدناش حاجة 😁

" إنسان "

الشيعة فرق مختلفة، فهم مش حاجة واحدة علشان نطلق عليهم حكم واحد، وعامة فالموضوع دا من الأمور الواسعة شوية، فأنا هسيبلكم كتاب كافي ووافي في النقطة دي.

" إنسان "

عليكم السلام ورحمة الله وبركاته
ايوه يمكن من خلال انه يروح ويقعدوا مع بعض عادي

طالما مش مرتاحه للكلام في الموبايل متتكلميش

بس بلاش جو نحدد اسئلة نتناقش فيها كل قعدة دي
خلوها قعدة عادية بتفتحوا فيها حوار والكلام يجيب بعضه مش جلسة تحقيق هي
خلو الموضوع بسيط


⚙️

كنت اتكلمت عن الموضوع دا ف الاجابة دي

https://t.me/Answer_Q/626

والشيخ سعيد الكملي في المجالس بتاعته لما بيجي حديث بيرويه صحابي بيشرح تعريف بالصحابي وسيرة حياته

ممكن تعملي سيرش على اليوتيوب

تراجم الصحابة للشيخ سعيد الكملي

او سير الصحابة للشيخ سعيد الكملي


⚙️

ايوه طبعا بيسألوا كويس
امال بيروح يجرب حظه ولا ايه

مش لازم يكون عارف شكل البنت لان في اوقات مبيقدرش يوصل لشكلها بس بيبقى عارف معلومات عنها على اقل تقدير

مش لازم انتي تعرفيهم
بتبقى ترشيح من حد للشب ف بيسأل ع العيلة وعن البنت وممكن يشوف صورتها ولما يقتنع وكله تمام بيروح يكلم ابوها ويعرفه بنفسه وعيلته وكل حاجة

ابوها بيسأل عنه لو مبدئيا شايف انه كويس
ف بيديه فرصه انه يجي رؤية شرعية يقعد مع البنت ويشوفوا هيبقى في قبول بينهم ولا لا

لو ابوها شاف انه مش مناسب بيرفض من الاول

ف البنت مش بتعرف عادي الا لو ابوها قال ليها

⚙️

عليكم السلام ورحمة الله وبركاته

انظري للفتوى دي

https://www.islamweb.net/ar/fatwa/216268/هل-الشكوى-من-إنسان-وذكر-تصرفاته-لآخر-يعتبر-من-الغيبة

والمقال دا

https://binbaz.org.sa/audios/2781/482-من-باب-ما-يباح-من-الغيبة

⚙️

ايوه طبعا انصحيه دا من اكتر طرق البر انك تنصحيه بالحسنى مرة واتنين وتلاته ولا تيأسي

وادعيله بالهداية والصلاح

واستعيني بقرايبك او من الناس اللي ليهم كلام معاه انهم ينصحوه ويحاولوا معاه

⚙️

إخواتكم من الدفعات الأكبر يضحكون في الزاوية 😁

لسه بندرس مواضيع الشهادة دا

" إنسان "

كنا اتكلمنا عنها هنا

https://t.me/Answer_Q/533

https://t.me/Answer_Q/536

⚙️

عليكم السلام ورحمة الله وبركاته

فرق السن كبير الى حد ما لكن مش لدرجة اللي يقفل الموضوع من اوله

شايف انك تقعدي معاه وتقارني كل حاجة عادي
وخلي فرق السن من النقاط السلبية
وبعدين قارني مميزات مع عيوب ككل

⚙️

اول حاجة مش انتي اللي بتبعتي صورتك

تاني حاجة ملهاش علاقة انها غالية او رخيصة

دا حقه انه يشوف اللي هيتقدملها

قال رسول الله ﷺ " إذا خطب أحدكم المرأة فإن استطاع أن ينظر إلى ما يدعوه إلى نكاحها فليفعل "
فقال جابر بن عبدالله : فكنت اتخبأ لها حتى رأيت منها ما دعاني الى نكاحها


قال صاحبي خطبت امرأة، فقال لي رسول الله ﷺ : أنظرت إليها؟ قلت: لا، فقال: انظر إليها فإنه أحرى أن يؤدم بينكما

وقال محمد بن سلمة : خطبت امرأة فجعلت اتخبأ لها حتى نظرت اليها في نخل فقيل له اتفعل ذلك وانت صاحب رسول الله ﷺ فقال سمعت رسول الله ﷺ يقول " اذا القى الله في قلب امريء خطبة امرأة فلا بأس ان ينظر اليها "


ومفيش اي شيء في الدين يحرم النظر الى صورة المرأة بغرض الزواج

ولا في العرف لان دا بيحصل

انتي لا تحبذيه براحتك عادي

⚙️

انا مش عارف بصراحه هو والدك بعتها ازاي عشان مش منطقية
يعني هو محدش هيكلم والدك يقوله عايز اشوف بنتك

هو الموضوع بيبقى بطريقة غير دي


واما انه ميجيش ف عادي خالص وطبيعي دا قبول وهو عليه وزره اذا كان غرضه من الاساس مش جواز اصلا


واما بالنسبة للزمن النبي ف مكانش في صور والا تفسري بايه قول الصحابي بانه كان بيختبيء ليها عشان يشوفها
هل كان بيختبيء ليها ف بيتها ؟

⚙️