فنروح ناخد أهم حاجة ممكن تكون بتعملها ونشيلها؟ وبالمناسبة دي تعتبر استشارة وسؤال :"D

______
حاشية ضرورية للعقلاء: إحنا مش بنقول إن صاحبتك صح، إحنا بنقول إن حضرتك بس غلطانة في التصرف، ممتنعين عن الإجابة.

" إنسان "

لأ طبعًا مزعلتش، بالعكس ضحكت وضحكنا سوا

ربنا يبارك فيك يا رب، ويرضيك ويرضي عنك

" إنسان "

لأ مش بنقول الكلام دا، ومفيش مشكلة في إخفاء البطن وقت الرؤية.

لو هو محتاج يعرف مثل هذه الأشياء ممكن يبعت والدته فعلًا، وأنا أفضل إن أي زيارة لوالدته عندكم تكوني فيها على طبيعتك خالص.

" إنسان "

هننزل ليكم كتاب فيه الأمر مفصل بإذن الله

" إنسان "

محتاجين نتعلم ناخد القرار الله يرضي عنكم، في محاضرة لأستاذة هدى النمر رائعة في هذا الموضوع.

ومفيش حاجة اسمها بيأخر الصلاة، ويصليها بعد الشغل، الصلاة الصلاة يا إخواننا!

" إنسان "

من أعظم مبادئ التربية إنها لا تكون بالتلقين (افعل ولا تفعل)، ولكن التربية تكون بالقدوة، يعني أنا مينفعش أمنع عن أولادي التليفون إلا لما أبين لهم السبب من المنع، ومينفعش وأنا بشرحلهم الضرر يكونوا شايفيني أنا ووالدته ماسكين التليفون بدون حاجة، فلازم يكون في قيم حاكمة للأسرة كلها.

تاني حاجة الأطفال بتحب النقاش والكلام، وبتيجي جدًا بالأسلوب دا، فمثلًا أنا لو أنا قعدت معاه شرحتله ايه الضرر الحاصل من التليفون بشكل واسع، وضربت مثال بالأقارب دول، فبالتالي مش بعيد تلاقي الآية انعكست وهو بيروح ينصح أقاربه إنهم بيعملوا حاجة غلط ولازم يبعدوا عنها ويبطلوها.

تالت شيء وهو إننا نفهم إن أي تصرف بيكون نابع من حاجة عنده محتاج يلبيها، فبنشوف الحاجة دي، ودي بتيجي بالكلام معاه أكتر وأكتر، ونشوف ازاي نلبيها له بشكل صحي.

ولكن لازم ولا بد يكون في قيم حاجمنة البيت، ولا ننهى عن شيء ونأتي بمثله؛ عارٌ علينا إذا فعلنا عظيم.
_________
وبالمناسبة حتى التليفزيون مينفعش يكون بديل للتليفون، ويكون استخدامه محدود، وعلى الأد.

" إنسان "

دي وصلت

بدون ألقاب تحت أمرك اتفضل

" إنسان "

يعني ايه بشكل أعمق؟ الموضوع يخلص في كلمتين :'D

أن لا يكون في خلوة(والخلوة في الشرع أن يكونا في مكان يأمنا فيه الوقوع بالزنا)، ويكون التعامل على قدر الحاجة، مع الإلتزام باللباس الشرعي، وغض البصر.

" إنسان "

والله الموضوع بسيط خالص، خلونا نرجع دايمًا لأصل للشيء، هو إحنا لبسنا النقاب ليه؟ ونحاوب بصدق كدا مع نفسنا.

طب لو كناه لبسناه عبادة، طب معظمين أمر الناس في قلوبنا ليه؟ طب هل هتقدري تحمعي رضا الناس عنك في أي هيئة كنت فيها؟ دا محصلش إجماع على سيدنا محمد -صلى الله عليه وسلم-، هيرضوا عنك أنت؟

اقرأي قصيدة الإمام الشافعي "ضحكت فقالوا ألا تحتشم"، ودايمًا ادعي ربنا يعينك على الطاعة، ربنا أعنا على ذكرك وشكرك وحسن عبادتك.

" إنسان "

أشوط فاول؟

" إنسان "

لأ دا سؤال حضرتك تجاوبي عليه أنت، اقعدي مع نفسك واحسبي الأمور دي، ودايمًا دايمًا خلي بالك من مداخل الشيطان.

" إنسان "

الشكر لله يا فندم، تعالى كل يوم :'D

" إنسان "

ليه عايزة حاجة شبهه؟ طب ما هو كافي جدًا يا إخواننا والله؛ يعني الأمر مش باب من أبواب الفقه محتاجين نقعد ندرسه بقى، ونخلص منه نروح للفقه المقارن، وأقوال السابقين والمعاصرين، وما أدري ايش.

مجرد مشكلة، لقيت ليها حل، اكتفي بيه، ولا تعطي الأمر أكبر من حجمه، ومتعملش من الحبة قبة

" إنسان "

محاضرات تأهيل ايه يا جماعة، إحنا لسه بنسمي الله ومأخدناش حاجة 😁

" إنسان "

الشيعة فرق مختلفة، فهم مش حاجة واحدة علشان نطلق عليهم حكم واحد، وعامة فالموضوع دا من الأمور الواسعة شوية، فأنا هسيبلكم كتاب كافي ووافي في النقطة دي.

" إنسان "

عليكم السلام ورحمة الله وبركاته
ايوه يمكن من خلال انه يروح ويقعدوا مع بعض عادي

طالما مش مرتاحه للكلام في الموبايل متتكلميش

بس بلاش جو نحدد اسئلة نتناقش فيها كل قعدة دي
خلوها قعدة عادية بتفتحوا فيها حوار والكلام يجيب بعضه مش جلسة تحقيق هي
خلو الموضوع بسيط


⚙️

كنت اتكلمت عن الموضوع دا ف الاجابة دي

https://t.me/Answer_Q/626

والشيخ سعيد الكملي في المجالس بتاعته لما بيجي حديث بيرويه صحابي بيشرح تعريف بالصحابي وسيرة حياته

ممكن تعملي سيرش على اليوتيوب

تراجم الصحابة للشيخ سعيد الكملي

او سير الصحابة للشيخ سعيد الكملي


⚙️

ايوه طبعا بيسألوا كويس
امال بيروح يجرب حظه ولا ايه

مش لازم يكون عارف شكل البنت لان في اوقات مبيقدرش يوصل لشكلها بس بيبقى عارف معلومات عنها على اقل تقدير

مش لازم انتي تعرفيهم
بتبقى ترشيح من حد للشب ف بيسأل ع العيلة وعن البنت وممكن يشوف صورتها ولما يقتنع وكله تمام بيروح يكلم ابوها ويعرفه بنفسه وعيلته وكل حاجة

ابوها بيسأل عنه لو مبدئيا شايف انه كويس
ف بيديه فرصه انه يجي رؤية شرعية يقعد مع البنت ويشوفوا هيبقى في قبول بينهم ولا لا

لو ابوها شاف انه مش مناسب بيرفض من الاول

ف البنت مش بتعرف عادي الا لو ابوها قال ليها

⚙️