مش بنفسر أحلام والله نعتذر، ربنا يبارك فيكم يا رب العالمين

" إنسان "

عندنا معيار رائع وجميل جدًا وهو قصة بقرة بني إسرائيل، وشوف ازاي شقوا على أنفسهم بكثرة السؤال.

يعني هعطيك مثال بسيط: في حد سألنا سؤال من فترة بيقول ايه حكم الأكل عند الأقارب الذين يعملون في الإمارات، علمًا بأن الإمارات تساعد إسرائيل؟ (دي صورة جلية وواضحة أوي عن التعدي في السؤال)؛ لأن بكل بساطة في حكم أعم وأشمل وهو حلال الأكل من اليهود أنفسهم، وأكل النبي -صلى الله عليه وسلم- من الرجل اليهودي الذي دعاه إلى خبز شعير وإهالة سنخة، وأكل من الشاة المسمومة التي أتت بها المرأة اليهودية، ناخد الحكم ونسكت بقى؟ لأ نهلك أنفسنا بكثرة السؤال والتفريعات..

عندك مثلًا حديث سيدنا أبو هريرة لما النبي قال: "إن الله فرض عليكم الحج فحجوا"، فسأل رجل: أكل عام يا رسول الله؟ فسكت النبي حتى قالها ثلاثًا، وقال::"لو قلت نعم لوجبت ولما استطعتم"

خد عندك الرجل الذي ضربه سيدنا عمر بن الخطاب لكثرة سؤاله، ونفسه سيدنا عمر لما سأله سيدنا عبدالله بن عباس، وقاله إنه كان خايف يسأله من زمان، قاله لأ أنت تسأل عادي.

فيعني حكم عقلك كدا :')

" إنسان "

شوف الأنسب ليك، ومن بورك له في شيء فليلزمه زي ما قال سيدنا عمر بن الخطاب.

" إنسان "

بشوف إن وسواس الصلاة والضوء يتحل بتعلم فقه الطهارة والصلاة؛ وحرفيًا كل أسئلة الوسواس متجاوب عليها في الفقه، فشوفي مثلًا كتاب الفقه الميسر وادرسي الأبواب دي.

ولو بعد كدا الأمور مظبطش معاك الأمور، ممكن تشوفي حد مختص يساعدك، ربنا يشفيك ويعافيك يا رب.

" إنسان "

صدقني الأمر سيان؛ عرفتنا زي معرفتناش

فببساطة إحنا مش تبع حد، وفعلًا من حقه إنه يعرف ويتطمن للناس اللي بيدرس معاهم وهيلاقي أشياء تناسبه، وكذلك إحنا من حقنا نكون مجهولين ونحط الشروط التي تناسبنا وهنلاقي ناس ومتابعين تناسبنا.

فالأمر بسيط خالص

_

أما ايه يخليك تنضم لينا، فهتلاقينا ناشرين آراء الناس فينا من دفعات سابقة دايمًا قبل أي دفعة.

" إنسان "

تفكيرك صحيح -ربنا يبارك فيك ويصلح حالك ويرضيك ويرضي عنك ويرزقك التوفيق والسداد يا رب العالمين-، دايمًا بنقول لو فلان مرض هيلاقي ألف طبيب يعالجه، لكن لو بيتك مرض فهو مفيش له غير أنت وزوجك فقط؛ فالبيت دايمًا له أولوية، طيب ايه فايدة المذاكرة؟
واجب الوقت عليك، أنت حاليًا واجب عليك السعي في هذا الشيء، وإن كان حكم دراسة الطب فرض كفائي على جميع المسلمين، فهي الآن فرض عين عليك أنت وجميع الأطباء أنفسهم، بس انا ممكن أسيب الطب مستقبلًا؟
إحنا دايمًا بنخطط للمستقبل ولكن مش بنشيل همه؛ وعندك حديث سيدنا أنس بن مالك: "إن قامت الساعة، وفي يد أحدكم فسيلة، فإن استطاع ألا تقوم حتى يغرسها، فليغرسها"؛ فكرة واجب الوقت.

وأيوا في رجال بيراعوا الدنيا دي، ودايمًا مسئولية البيت بتكون مسئولية مشتركة، وعلى فكرة في tips&tricks كدا في التربية بتخلي الدنيا أبسط والله، انضموا لينا بقى علشان تتعلموها 😁

" إنسان "

لأ إحنا مأخدناش التجربة ولا حاجة، ولكن ليا أصدقاء بالداخل وعلم علم بالمناهج يعني، غير أن الشيخ أحمد من الثقات، ومن أفضل الناس في وضع المناهج الإصلاحية، فبنرشحه بقلب جامد يعني.

الدراسة في البناء زي أي دراسة، محتاجة جد واجتهاد من أول يوم، واستمرارية وعدم انقطاع، ومراجعة دورية باستمرار، فاظبطي كل العناصر دي وهتلاقي الأمور تمام خالص.

ودايمًا دايمًا دايمًا اتعلموا رسالة العلم، مش مجرد حفظ ودخول امتحانات، شوفوا منهجية التفكير وتشربوها

" إنسان "

أيوا طبعًا

وإن كان زيارة شخص مختص أفضل وأولى، ولكن لو بنت فتشوف بنت زيها.

" إنسان "

حطي ايديك على صدرك، وبابتسامة لطيفة كدا قولي كبرنا بقى ومبقيناش نسلم وهزري في الموقف

وعلى فكرة والله الموضوع بيكون مسألة وقت وبعدها الناس بتتعود، بل والله أحيانًا نفس الناس اللي كانت بترخم عليا زمان هم نفسهم دلوقت لو عملوا كدا قدامك مع حد تاني بيعتذرولي ويبرروا الموقف، فمع الوقت هيكون ليك هيبة كدا :'D

" إنسان "

فكرة ضالة مضلة مبتدعة، وبيننا كتير ازاي طريقة التعامل بين المخطوبين تقدر ترجعلها في الأسئلة، وانضموا للمساق نعلمكم أكتر وأكتر بفضل الله

" إنسان "

فكرة مستفزة اوي وفيها تدخل بشكل منفر

انا شخصياً لا اقبل ابدا بالطريقة دي
مش هتكلم اصلا😅

⚙️

أنا أصلًا دي من الأشياء اللي بطرحها علشان أفهم تفكير البيت والبنت، ولو كانت بالشكل دا بنطلع نجري يعني؛ لأنها بتترجم معايا لطريقة التفكير في أشياء تانية بعيدًا عن الزواج أصلًا :'D

" إنسان "

نفس الإجابة

https://t.me/Answer_Q/851

" إنسان "

اضيف بس على كلامك الاجابتين دول

https://t.me/Answer_Q/670

https://t.me/Answer_Q/671

⚙️

يا بيه أنت براحتك، يا بيه إحنا عيوننا ليك، بحبك

" إنسان "

حبيبي والله

الناس هتبدأ تشك ف الوضع😂

⚙️

في فرق بين الواعظ الداعي والفقيه، وعامة فهو من عموم البلوى انتشار الآراء الدينية بين العوام.

" إنسان "

ربنا يبارك فيك يا رب، ويرضيك ويرضي عنك، ويرزقك خيري الدنيا والآخرة

هستأذنك تشوف كلامي هنا

https://t.me/Answer_Q/449

" إنسان "

لأ طبعًا لا أفصح عن طريقة حكمي على الناس كدا على العام😁

" إنسان "

مستحيل يعرفوا عقلية بعض في الجروب، ومستحيل يحصل الهدف من الخطوبة بالطريقة دي، يا أهل الخير إحنا لا ننصح بإن حد من الأهل يحضر جلسة الرؤية، وإنه يكتفي بإنهم يكونوا في مرمى عينه وخلاص، فتقولي خطوبة وشهور؟

وعلى كل فإحنا وضحنا إن الشات لا يعد خلوة؛ لأن تعريف الخلوة في الفقه أن يكونا في مكان يأمنوا الوقوع فيه بالزنا، ودا مش ممكن يتحقق في الشات، ووضحنا إن الكلام بينهم يكون لحاجة تهدف لدوام علاقة الزواج.

وعلشان كدا بنقول دايمًا إن في فرق بين الفقيه والداعية

" إنسان "

علشان كدا بنقول دايمًا إن الحل الوحيد هو إننا نتعلم بشكل منهجي، ولمدة طويلة نرسخ فيها العلم والمعرفة، ونشرب سمت وهدي وطريقة تفكير العلماء.

وعلشان كدا دورات الفقه أم ٣ شهور، و٦ شهور بشوف إنها ملهاش أي لازمة، بل ضررها أكبر من نفعها؛ لأننا مش محتاجين ناس حافظة، فكدا كدا بفضل الله العلم محفوظ في الكتب، ولكننا مختاجين ناس فاهمة كويس.

فأنت مينفعش تعتمدنا ولا تعتمد غيرنا في النقاط دي، ولازم تقدر تحكم بنفسك، ودا مش هيحصل إلا بالعلم، وممكن تشوف كلامي هنا
https://t.me/Answer_Q/783

" إنسان "