كتاب قصص الانبياء للشيخ مصطفى العدوي

وكان في برنامج زمان عن قصص الانبياء للشيخ مصطفى العدوي برضو على قناة الرحمة

وفي طبعا كتاب البداية والنهاية لابن كثير لكن محتاج يكون شيخ بيشرحه عشان في روايات عن ناس مش ثقة فيه

والشيخ نبيل العوضي تقريبا كان عامل سلسلة عن قصص الانبياء

واقرأ القرآن
انت لو عملت سيرش عن الايات بتتكلم عن قصة سيدنا صالح مثلا
هتجيبها كلها وتقرئها وتقرأ التفسير بتاعها هتلاقي كتب التفسير بتتوسع شوية كمان وبتشرح اكتر

انت كدا ضربت كذا عصفور بحجر واحد
قرأت القرآن وفهمته ويمكن من كتر م تقرئه تحفظه وعرفت قصص الانبياء

⚙️

وإحنا كمان والله في أشد الحاجة للدعاء

" إنسان "

أنا مأخدتش بالي من السؤال هنا وحسيت إني قرأت إنهم أولاد عم باباك مش أخواته ولكن غير أشقاء، فمعلش وضحي تاني أكتر

" إنسان "

لأ الاعمام من المحارم، أنا اتلخبطت بحسبهم أولاد عم الأب عذرًا، ربنا يبارك فيكم يا رب على التذكير

" إنسان "

بدايةً اسأل الله أن يرشدك ويرزقك الطمأنينة والسكينة

انا حاسس اني مش فاهم اوي الحالة لكن هحاول اجاوب على اللي فاهمه

اللي انا فاهمه من كلامك انك دايماً قاسية على نفسك وبتحمليها ما لاتطيق ووسواس ان عملك مش كافي وان ربنا مش هيقبله

خليني اولا اكون متفق مع الدكتورة اللي نصحتك بالادوية لانه قد يكون الموضوع محتاج ادوية فعلا

ثانيا بقا انا شايف انك عندك خلل ف الفهم لطبيعة الانسان

الانسان مش مطلوب منه انه يكون ملاك ماشي على الارض
احنا هنا لهدف واحد بس هو اننا ندخل الجنة وشكراا
لو عرفتي تعملي كدا يبقا انتي قدرتي تنجحي ف اختبار الدنيا دي

جه راجل للنبي ﷺ قاله : أرأيت اذا صليت المكتوبات ، وصمت رمضان ، وأحللت الحلال وحرمت الحرام ولم ازد على ذلك شيئاً ، أأدخل الجنة ؟
قال : نعم.

انتي هنا بتستعدي لامتحان ومعاكي الكتاب الاساسي وحاجات تاني كتير مصادر خارجية

اللي هيذاكر الكتاب الاساسي هينجح واللي هيزود ف المصادر هينجح برضو بس هيجيب درجة اعلى

طبيعي ان نفسك متبقاش بتطاوعك ف الطاعة اصلا
وكنت ذكرت ف اجابة هنا ان الانسان لازم هيذنب لا محالة المهم انه يتوب

هكمل في رسالة تاني

⚙️

وانك تؤذي نفسك عشان عملتي حاجة غلط دا اصلا غلط ف حد ذاته

ربنا قال " ولا تلقوا بأيديكم إلى التهلكة "

والشيطان ممكن يدخل للانسان من باب انه انت مهما تعمل ربنا مش هيقبل منك
مهما عملت انت لسة مقصر
انت فاكر عشان عملت طاعة كذا ف ربنا هيقبل منك !! دا انت عملت معاصي قد كدا
ف يخليكي تتركي الطاعة اصلا وتحسي انه مفيش فايدة من طاعتك
فمتفتحيش باب للشيطان ابدا من النقطة دي

الانسان يبدأ درجة درجة
الاول اعملي الفرائض واجتنبي المحرمات وانتي كدا زي الفل
بعدين نفسك اتعودت على كدا ومبقتيش بتواجهي مشقة في الكلام دا
ساعتها زودي ف الطاعات اكتر
خدي بونص بقا
لكن متجيش من الاول تبقي عايزه تطلعي خمس ست درجات مرة واحدة
مستحيل تقدري تعملي كدا

النفس زي الطفل بتعلميه واحدة واحدة


وخلي دايما صلتك بربنا كبيرة في الدعاء

من الادعية الجميلة

" اللهم آت نفسي تقواها ، زكها انت خير من زكاها ، انت وليها ومولاها "

" اللهم اني اعوذ بك من شر نفسي وسيئات اعمالي "

" اللهم لا تكلني الى نفسي طرفة عين واصلح لي شأني "

وفي ادعية كتيرة اوي
وخدي بالك اذكار الصباح والمساء فيها خير كبير اوي اوي
ف اعتبريني كتبتهم كلهم كمان


⚙️

جزانا الله واياكم

ادعوا لاختكم يا جماعة ولكم بالمثل

⚙️

عليكم السلام ورحمة الله وبركاته

حضرتك مهتمة بيه كدراسه يعني ولا كاستماع وتعرفي قصايد كتير ؟


لو كاستماع بس ف انا كنت رشحت كام حاجة ف الرسالة بتاعة الشعر
ولكن ممكن تبدأي بتائية الالبيري والشيخ سعيد الكملي شارحها كلها
وهي من اجمل الاشعار اللي سمعتها
وفي برضو الشيخ سعيد الكملي شارح كمان لامية العرب للشنفري

وفي لامية ابن الوردي
وفي مرثية مالك بن الريب جميلة جدا
وفي قصائد صغيرة مقتطفات بقا
وغيرهم كتير بس حاجات بيكون فيها غزل وكدا ف انا مش هقول عليها

ع العموم انا بحب اسلوب الشيخ سعيد الكملي في شرح الشعر والقصائد وطريقة سرده للقصة وطريقة القاؤه للابيات اصلا

في هتلاقي فيديوهات كتير ليه بيبقى بيشرح ف المجالس بتاعته وبعدين يستشهد بابيات ف بيحكي قصة الابيات ويشرحها

وفي مجالس مخصصة لشرح قصيدة معينه زي بتاعة تائية الالبيري كدا مثلا


اهم حاجة تعرفي مناسبة القصيدة وقصتها هتخليكي تفهمي 50% من القصيدة
والنص التاني بانك تسمعي الشرح بتاع الابيات والمقصود منها


اما لو دراسة بقا ف دا حاجة تاني

ربنا يرزقنا واياكم يارب

⚙️

كنت ذكرت الموضوع دا قبل كدا اكتر من مرة

الاسئلة نحاول فيها على قدر المستطاع
لكن
قد يكون سؤال معنديش اي افادة فيه ف هجاوب اقول ايه وانا معنديش من العلم ما يفيد فيه !
ف بسيبه لعل حد تاني يقدر يفيد فيه وممكن التاني ميقدرش يفيد فيه ف يسيبه برضو

ودي مش هنقدر نحدد طبيعتها بالظبط لانه على حسب السؤال بنشوفه ولو ربنا فتح على الواحد وقدر يجاوب اجابة تفيد صاحب السؤال بيجاوب والا ف هيسيبه


تاني حاجة هو ان ممكن يكون فعلا السؤال محتاج وقت وحال غير المتاح حاليا ف بسيبه لحد م اكون قادر اجاوب عليه بالطريقة اللي ترضيني واحس اني افدت السائل

وممكن الاقي اسئلة كتير اجاباتها مش هتاخد وقت ف بجاوبها علطول بحيث تقلل عدد الاسئلة ومنخليش الدنيا زحمة ف الاسئلة


كل دا بيجتمع مع ضيق الوقت اصلا وانشغالات اخرى زي الشغل وغيره فبنحاول نسدد ونقارب لعل الله يهدينا لاجابة تفيد حد ف نكون سبب

ارجو ان الامر يكون واضح دلوقتي واننا لا نتعمد اننا نترك سؤال بعينه


⚙️

كان لأسبوع من باب التخفيف عليكم في رمضان.
لكن بشكل عام، في المرحلة الأولى (التأهيل للزواج)، بيكون معانا مقررين في الأسبوع.

يَعْلَمُ خَائِنَةَ الْأَعْيُنِ وَمَا تُخْفِي الصُّدُورُ(١٩) وَاللَّهُ يَقْضِي بِالْحَقِّ .....(٢٠) غافر

الله عز وجل هنا متكلمش عن إطلاق البصر الصريح
بل اتكلم عن شيء أدق من كدا " خائنة الأعين "

وانت واقف مع اصحابك في الشارع ف عدت واحدة ف عينك جت عليها "متعمد" ولكن محدش أخد باله منك

وانت عن صاحبك ف البيت وقاعدين وفي ستارة بتتحرك من الهواء وفي واحدة بلبس البيت معدية من وراها ف انت رميت عينك على الستارة عشان تشوفها


وانت قاعد عند حد والباب موارب وهم مش واخدين بالهم منه وفي بنت جوه ، فانت بصيت من الفتحه دي ومحدش أخد باله

كل دي حاجات محدش أخد باله منها ، محدش عرف انت بتفكر ف ايه ساعتها ، لكن الله يعلمها ، وكتبها عليك

بل الله يعلم أكتر من كدا ، يعلم ما تخفي الصدور

واللهُ يقضي بالحق ، يوم القيامة هتتحاسب على كل دا بالحق وسيُقضى فيه ... فاستقم

⚙️

بارك الله فيك المصطلح كان عامي يا اخي


والمقصود منها انه عالم ولهذا قلت بعدها يعلم ما تخفي الصدور


ولكن هعدلها دلوقتي جزاك الله
خيرا

⚙️

مش بنفسر أحلام والله نعتذر، ربنا يبارك فيكم يا رب العالمين

" إنسان "

عندنا معيار رائع وجميل جدًا وهو قصة بقرة بني إسرائيل، وشوف ازاي شقوا على أنفسهم بكثرة السؤال.

يعني هعطيك مثال بسيط: في حد سألنا سؤال من فترة بيقول ايه حكم الأكل عند الأقارب الذين يعملون في الإمارات، علمًا بأن الإمارات تساعد إسرائيل؟ (دي صورة جلية وواضحة أوي عن التعدي في السؤال)؛ لأن بكل بساطة في حكم أعم وأشمل وهو حلال الأكل من اليهود أنفسهم، وأكل النبي -صلى الله عليه وسلم- من الرجل اليهودي الذي دعاه إلى خبز شعير وإهالة سنخة، وأكل من الشاة المسمومة التي أتت بها المرأة اليهودية، ناخد الحكم ونسكت بقى؟ لأ نهلك أنفسنا بكثرة السؤال والتفريعات..

عندك مثلًا حديث سيدنا أبو هريرة لما النبي قال: "إن الله فرض عليكم الحج فحجوا"، فسأل رجل: أكل عام يا رسول الله؟ فسكت النبي حتى قالها ثلاثًا، وقال::"لو قلت نعم لوجبت ولما استطعتم"

خد عندك الرجل الذي ضربه سيدنا عمر بن الخطاب لكثرة سؤاله، ونفسه سيدنا عمر لما سأله سيدنا عبدالله بن عباس، وقاله إنه كان خايف يسأله من زمان، قاله لأ أنت تسأل عادي.

فيعني حكم عقلك كدا :')

" إنسان "

شوف الأنسب ليك، ومن بورك له في شيء فليلزمه زي ما قال سيدنا عمر بن الخطاب.

" إنسان "

بشوف إن وسواس الصلاة والضوء يتحل بتعلم فقه الطهارة والصلاة؛ وحرفيًا كل أسئلة الوسواس متجاوب عليها في الفقه، فشوفي مثلًا كتاب الفقه الميسر وادرسي الأبواب دي.

ولو بعد كدا الأمور مظبطش معاك الأمور، ممكن تشوفي حد مختص يساعدك، ربنا يشفيك ويعافيك يا رب.

" إنسان "

صدقني الأمر سيان؛ عرفتنا زي معرفتناش

فببساطة إحنا مش تبع حد، وفعلًا من حقه إنه يعرف ويتطمن للناس اللي بيدرس معاهم وهيلاقي أشياء تناسبه، وكذلك إحنا من حقنا نكون مجهولين ونحط الشروط التي تناسبنا وهنلاقي ناس ومتابعين تناسبنا.

فالأمر بسيط خالص

_

أما ايه يخليك تنضم لينا، فهتلاقينا ناشرين آراء الناس فينا من دفعات سابقة دايمًا قبل أي دفعة.

" إنسان "

تفكيرك صحيح -ربنا يبارك فيك ويصلح حالك ويرضيك ويرضي عنك ويرزقك التوفيق والسداد يا رب العالمين-، دايمًا بنقول لو فلان مرض هيلاقي ألف طبيب يعالجه، لكن لو بيتك مرض فهو مفيش له غير أنت وزوجك فقط؛ فالبيت دايمًا له أولوية، طيب ايه فايدة المذاكرة؟
واجب الوقت عليك، أنت حاليًا واجب عليك السعي في هذا الشيء، وإن كان حكم دراسة الطب فرض كفائي على جميع المسلمين، فهي الآن فرض عين عليك أنت وجميع الأطباء أنفسهم، بس انا ممكن أسيب الطب مستقبلًا؟
إحنا دايمًا بنخطط للمستقبل ولكن مش بنشيل همه؛ وعندك حديث سيدنا أنس بن مالك: "إن قامت الساعة، وفي يد أحدكم فسيلة، فإن استطاع ألا تقوم حتى يغرسها، فليغرسها"؛ فكرة واجب الوقت.

وأيوا في رجال بيراعوا الدنيا دي، ودايمًا مسئولية البيت بتكون مسئولية مشتركة، وعلى فكرة في tips&tricks كدا في التربية بتخلي الدنيا أبسط والله، انضموا لينا بقى علشان تتعلموها 😁

" إنسان "

لأ إحنا مأخدناش التجربة ولا حاجة، ولكن ليا أصدقاء بالداخل وعلم علم بالمناهج يعني، غير أن الشيخ أحمد من الثقات، ومن أفضل الناس في وضع المناهج الإصلاحية، فبنرشحه بقلب جامد يعني.

الدراسة في البناء زي أي دراسة، محتاجة جد واجتهاد من أول يوم، واستمرارية وعدم انقطاع، ومراجعة دورية باستمرار، فاظبطي كل العناصر دي وهتلاقي الأمور تمام خالص.

ودايمًا دايمًا دايمًا اتعلموا رسالة العلم، مش مجرد حفظ ودخول امتحانات، شوفوا منهجية التفكير وتشربوها

" إنسان "

أيوا طبعًا

وإن كان زيارة شخص مختص أفضل وأولى، ولكن لو بنت فتشوف بنت زيها.

" إنسان "