لأ طبعًا، وهنا موقف سيدنا عمر -رضي الله عنه- لما سمع رجلًا يثني على آخر، فسأله: صحبته في السفر؟ فقال لا، فأتمنته على شيء؟ فقال لا، فقال سيدنا عمر: ويحك! لعلك رأيته يخفض ويرفع في المسجد.

بنقعد معاه ونعرف تفكيره وآراءه ونقيسهم على دوافعنا وأهدافنا وقيمنا، وبعدين نختبر كلامه بمواقف حقيقية في الخطوبة؛ وعلشان كدا بنقول خطوبة متقلش عن ٦ شهور.

ولا ننسى الاستخارة في كل خطوة وكل قرار

" إنسان "

لو شاب بيسألني هقوله لأ، وإن الأفضل يكون هو أعلى، يعني زي ما بيقول بشمهندس أيمن كدا لو هي مستواها ٢ لازم هو يكون ٤ مثلًا؛ علشان متتعبهوش، مش لما يقولها حاجة تقوله الإمام كذا بيقول كذا وما إلى ذلك.

لكن لو بنت فهقولها بقى إن لو الأمور تمام وهو كويس فعلًا في باقي الأشياء وواقفي على النقطة دي، فالشباب الكويسين قليلين، فمتضيعيش من ايديك فرصة كويسة، وعلى فكرة تأدية الفرائض دي مش حاجة عادية، دا ما تقرب العبد بشيء أحب إلى الله -سبحانه وتعالى- مما افترضه عليه كما في حديث سيدنا أبو هريرة -رضي الله عنه-، كما أن العلوم الشرعية مش شرط أساسي في العلاقة، أنتم مش هتتناقشوا في اختلاف المالكية والشافعية مثلًا، وزي ما بنقول دايمًا إحنا نهدف لإقامة زواج صحيح لا رائع.

وبالنسبة لحفظ القرآن فهسيبك كلامي هنا تقرأيه

https://t.me/Answer_Q/285

____
وطبعًا يعني المفروض لما تكون البنت متعلمة شرعي حسب كلامها فمش هتتعب زوجها، وعلشان كدا في اختلاف آراء حسب السائل.

" إنسان "

ومين قال بس إني روش وما إلى ذلك؟
أنا إنسان مسلم عادي خالص، كل ما في الموضوع إن أحيانًا لازم نقلع الفيونكة ونصدمكم شوية :'D

وبالله عليك أخوك في أمس الحاجة لهذا الدعاء، فكن صادقًا فيه :')

" إنسان "

أنا عن نفسي بسأل عن رأيه في الإختلاط، وشغل المرأة وعمل الأفراح، ومين الشيوخ اللي بيسمعلهم

أسئلة مفتوحة بتبينلي كل شيء محتاج أعرفه في النقطة دي
_
ومحدش يسألني عن رأيي كفاية قلت أسراري في كشف الناس😆

" إنسان "

والله أنت إنسان جميل، ويعني مش من عادتي إني أبرر، ولكن عيوننا للناس الجميلة الطيبة أمثالك، ربنا يبارك فيك، ويرضيك ويرضي عنك، ويرزقك خيري الدنيا والآخرة.

ولكن يا حبيب والله -نظرة الدين الكيوت- دي لا هي موجودة، ولا مستحبة، ولا كانت من هدي النبي -صلى الله عليه وسلم- ولا صحابته ولا تابعيهم، خد عندك مثلًا موقف سيدنا أبو مسلم الخولاني (وهو تابعي) مع سيدنا معاوية (وهو صحابي وهو الخليفة)، وهو بيقوله: إن هذا المال ليس بمالك ولا بمال أبيك ولا بمال أمك، خد عندك غضب النبي من أصحابه عند السؤال، يعني حرفيًا المواقف أحصى من أن تعد.

فلما حد يزعل إني بقوله اعرف حجمك في العلم، فلأ دا مينفعش أطبطب عليه

" إنسان "

علشان الدعوة الحلوة دي كلامنا ينزل المرة دي 😆

ببساطة شديدة الأمر مباح بضوابط: زي الإلتزام باللباس الشرعي، والإلتزام بضوابط الإختلاط، وإذن الزوج إن كانت متزوجة.

بل في أماكن أنا أرى إن لازم يكون للنساء وجود قوي فيها زي الطب مثلًا، بسأل دايمًا سؤال يعني ايه لما أسأل عن طبيبة نساء وتوليد شاطرة في المنطقة بتاعي (وهي كبيرة، وفيها أطباء لا حصر لهم) يتقالي مفيش ولا دكتورة شاطرة! فإحنا محتاجين طبيبات لعفة بنات المسلمين.

__
ولو بسأل السؤال دا لبنت، بتبعه دايمًا بماذا إن احتاجك بيتك وأولادك؟ وهنا بنشوف تفكير البنت برضو.


" إنسان "

طيب أنا هحسن الظن المرة دي وهجاوب وهفترض إنك مش بتجادل ولعل وعسى فعلًا الأمر يكون مش واضح فنستفاد كلنا، ولكن مش هرد تاني على سؤال في الموضوع دا من باب حديث أبو أمامة أن رسول الله قال: "أنا زعيم بيت في ربض الجنة لمن ترك المراء ولو كان محقًا".

فلأ كلام حضرتك مش مظبوط خالص، وكان يغضب النبي -صلى الله عليه وسلم- على أصحابه غضب محمود لتربيتهم في مواقف عدة، هبدأ فيها بما ذكرت أنت (محتاج يتعلم)، وهو ذم النبي للسؤال كما في حديث أبو هريرة "ذروني وما تركتكم، فإنما هلك الذين من قبلكم بمثرة مسائلهم واختلافهم على أنبيائهم، ما نهيتكم عنه فاجتنبوه، وما أمرتكم به فافعلوا٦د منه ما استطعتم"، وقال الله: "يا أيها الذين ءامنوا لا تسألوا عن أشياء إن تبد لكم تسؤكم".

وغضب النبي -صلى الله عليه وسلم- على سيدنا عمر في خلافه مع سيدنا أبو بكر وكان الصديق الأظلم، وغضب النبي من خباب لما سأله ألا تستنصر لنا، وغضب النبي من أسامة في حديث المرأة المخزومية، وغضب النبي من عائشة وقت الصور، وغضب النبي ممن يطيل الصلاة (حديث فيكم منفرين"، ومن الثلاثة الذين شقوا على أنفسهم

ولو دخلتلك على مواقف الصحابة والتابعين مش هنهتهي

فمعلش هذا ديننا

"إنسان"

سبحان الله والله لسه بقول فوق، ولكن كنت بقول لعل وعسى حد يستفاد فعلًا ويقتنع، وإلا والله فأنا مرديتش على الناس اللي شتمت، وأنا مسامحهم من كل قلبي (زي أولادي برضو)، ولكن خلاص كدا نهينا الموضوع، وأي سؤال زيادة هعتبره جدال فعلًا.

" إنسان "

للأسف مش بنحب نوعية هذه الأسئلة، ونجاوب على دا ولا نرد على غيره بإذن الله

لا نزكي الشيخ على الله، ولكن هو من أفضل الناس الموجودة على الساحة، ربنا يبارك في عمله، ويرزقه الثبات، ويبارك في عمره، ويقبض روحه على الإسلام.

" إنسان "

خطوة رائعة جدًا، ربنا يبارك فيك، ويصلح حالك، وييسرلك أمرك يا رب، ومش لازم تشتغلي بالأمر بعدين على فكرة؛ الأمر مفيد في ذاته ليك ولأسرتك، ولأصحابك وأهلك، ولعل الله يفتح عليك أكثر وأكثر.

ولا تنسي صلاة الاستخارة في كل قراراتك

" إنسان "

لأ أنت محتاج تنضم لينا في المساق بتاعنا بقى 😁

لا نعطيكم السمك، ولكن نعلمكم كيف تصطادون

" إنسان "

هُوية إنسان 😁

بعلامات الترقيم جنبها بتكون إيموشنز، فهي إيموشنز مكتوبة

" إنسان "

عليكم السلام ورحمة الله وبركاته

طالما مشكلته في الضوابط بس وهو بيتفهم الموضوع كل ما بتكلميه عنه
حاولي تجيبيله رأي العلماء في الضوابط وكلامهم فيها ايه لعله يقتنع اكتر

والموضوع اه بيكون صعب شوية لو حد اصلا بالنسباله مكانش عارف ضوابط الخطوبة لانه بيبقى مستني الفترة دي عشان يحس بالاهتمام وتبادل المشاعر
لكن دا مينفعش ولازم توضحيله تماما ان مينفعش تبعتيله صورك ويحتفظ بيها ومينفعش يكون في استرسال ف الكلام عشان ميحصلش تجاوزات

الكلام يكون بحدود وبرضو خروجكم لوحدكوا مينفعش الا في وجود محرم من اهلك انتي

هو مش ريد فلاج على قد م هو محتاج يقتنع ان مش لازم يحصل تجاوز بالمعنى الحرفي عشان يكون دا حرام
لكن الحاجات اللي هتؤدي للتجاوز برضو متنفعش


اخر جزئية مش فاهم لو مبعتيش بيعمل ايه؟

وطالما انه حابب يسمع دروس وكدا ف دا مؤشر كويس اديله دروس في ضوابط الخطبة وخليه يقرأ فتاوى عن احكامها

⚙️

عليكم السلام ورحمة الله وبركاته

حاولي ترتبي اولوياتك

اول حاجة لو انتي شغالة full time من البيت ف واجب عليكي انك تخصصي مكان للشغل تدخلي من بداية وقتك لحد النهاية دا خط احمر مينفعش تعملي فيه حاجة تاني عشان نحلل فلوسنا
لان دا وقت متحاسبين عليه كله على بعضه.

تاني حاجة انتي عندك علم شرعي وقرآن ودورة
كل دول حاجة واحدة
تحت تعلم العلم الشرعي

ف انتي بدل م يبقا عندك تلات مهام بقا عندك واحدة بس لكن كدا فرع

بالتناوب بقا يعني انهاردة حفظت قرآن كدا انا خلصت جزء العلم الشرعي بتاع انهاردة
بكرا ذاكرت للدورة بعده قرأت شوية ف السيرة
وهكذا يعني

وعندك الاجازات استبدلي وقت الشغل بمراجعه القرآن مثلا

وافتكري ان قليل دائم خير من كثير منقطع

⚙️

لأ طبعًا مفيش حاجة اسمها أن يكون كل طرف في العلاقة دينه مع نفسه؛ إحنا بالزواج بنهدم مفاهيم الإنفرادية دي أصلًا

بالنسبة لحفظ القرآن اقرأي الرسالة دي

https://t.me/Answer_Q/285

وبالنسبة لباقي السؤال شوفي الرسالة دي

https://t.me/Answer_Q/767

وعامة أنت محتاجة تشرفينا في المساق؛ علشان محتاجة تتأهلي للزواج

" إنسان "

لا يمكن

ولكن ممكن نسمح بسداد الغرامة وقت ما الظروف تسمح ليك، ولكنها هتكون دين عليك، وممكن نسمح بتقسيطها كمان :'D

" إنسان "

عليكم السلام ورحمة الله وبركاته

لو انتوا متفقين على عيار 21 ف لازم كان يقولكوا ومن عدم الامانه انه ميقولش

لكن لو انتوا عادي اصلا بالنسبالكم دا زي دا لان دي بتكون عادات وتقاليد معرفش النظام عندكوا ايه
ف هو ممكن بالنسباله خلاص احنا جبنا دهب ومفيش مشاكل من عياره ايه


بالنسبة للتواصل ف انا معرفش انتوا تتكلموا ف ايه لكن المهم انه ميكونش كلام يؤدي لتجاوز بينكم بالقول او الفعل

اتكلموا ف مواضيع تفهموا بيها دماغ بعض وتصرفاتكم في المواقف دي ايه

شوفي حاجات انتي بتكوني متخوفة من اسلوب جوزك المستقبلي فيها وافتحي موضوع فيها وشوفي هو هيقول ايه وايه مبرراته وهكذا
استغلوا الخطوبة عشان توفر عليكم تعب وعناء كتير ف التعايش بعد الجواز
وقت الحب والكلام الحلو خلوه بعد كتب الكتاب ان شاءالله

⚙️

مفيش داعي للإعتذار، ربنا يبارك فيك

استفتي سيخًا؛ نحن لا نفتي

" إنسان "

عليكم السلام ورحمة الله وبركاته

ربنا يبارلكوا ويتمملكوا على خير

حضرتك قولتي مفيش تطاول ولا تجاوز وبتتكلموا الكلام العادي
دا المطلوب

⚙️

اقرأي مقال دكتور هاني جبير عن المقاطعه

https://saaid.org/Doat/hani/1.htm

" إنسان "