اعملي قناة وانشري فيها ودلي الناس على الخير

لسة بتتعلمي مفيش مشاكل مش لازم تكوني انتي اللي بتدي النصيحة او بتكلمي الناس
ممكن تنزلي فيها لشيوخ بيتكلموا ف موضوع معين

الدال على الخير كفاعله

يمكن فيديو تنزليه حد يشوفه يكون سبب هداية ليه تاخدي الاجر معاه

مش لازم تهجريهم لكن خلي لكل حاجة وقتها
خلي وقت لنفسك ووقت لاصحابك
وواحدة واحدة هتقدري توفقي بين الكل

جزانا الله واياكم
⚙️

بنحاول اهو
وربنا ييسر ان شاءالله يكون من اللي اتجاوب عليهم

وعايز اقول حاجة برضو انا مقدر والله ان كل واحد بيبقى عنده مشكلة عايز ياخد رأي حد فيها ودا ثقة كبيرة احنا مقدرينها والله وربنا يجعلنا على قدر المسؤولية
لكن لما بتبعت سؤال تاني تقول سؤالي اتجاوب ولا لا او هتردوا امتى
دا بيزود الاسئلة وبيخلي الاسئلة الفعلية تتهوه وسط الزحمة

ف الاكيد ان شاء الله اننا هنحاول على قذ م نقدر نجاوب على كل الاسئلة واعذرونا

⚙️

ايوه الجواز فطرة وربنا خلقنا عليها وكل الناس اللي فطرتها سليمة عايزه تتجوز

والاهل اكتر ناس نفسهم يفرحوا باولادهم وجوازهم بس هم زي م انتي قولتي يمكن خايفين التفكير دا يعطلك عن المذاكرة او حاجة

هو طبعا قلق زيادة لكن عادي تقبلي الموضوع وخليكي عارفه ان هم نفسهم يفرحوا بيكي فعلا وان شاءالله ف اول فرصة مناسبه مش هيقفوا في طريقك

⚙️

عليكم السلام ورحمة الله وبركاته

على حسب مين هذا الشخص هل هي صديقة مثلا ؟ ف الافضل تبلغيها انك محتاجه تفصلي شوية عن الناس وتقعدي مع نفسك
ومن هذا القبيل يعني من باب تطييب الخاطر للشخص دا


واما اذا كان غير كدا فمفيهاش خطأ

⚙️

ايوه تتابعي ف المساق ان شاءالله

واكيد بعد كتب الكتاب العلاقه بتقرب اكتر ف بيكون في اندماج اكتر لكن برضو على حسب ايه اللي متخوفه منه ف الزواج

⚙️

ادعوا لأختكم بالتيسير والبركة والقبول والإخلاص وسعة الرزق

هننتظرك تعرفينا إنك تزوجت بفضل الله

" إنسان "

ما شاء الله اللهم بارك، ربنا يتمم لكم الأمور على خير يا رب العالمين، هسيب لحضرتك رسالة اتكلمنا فيها عن موضوع الحلقة:
https://t.me/Answer_Q/465

_
وخدي بالك إحنا اتعلمنا مع بعض في المساق إن لو حصل خلاف في موضوع الخلفة بين الزوجين، فالقول يكون للمثبت (لمن يوافق على الخلفة)، فلو هو رفض وقال إنه محتاج للخلفة، فكلامه يمشي.

وطبعًا ينفع نشترط عليه الأمر قبل كتاب الكتاب، ولكن طبعًا لا نحبذه أبدًا أبدًا؛ يعني خلاص وصلتوا لمرحلة كويسة جدًا، وحاجة زي دي مش هتكون كويسة خالص، ولازم تيجي بالإتفاق والرضى.

وإن كان رأينا إن لأ يا جماعة متأخروش الخلفة؛ فهي من أعظم مقاصد النكاح، وممكن والله يكون المولود سبب في تيسير أموركم دي كلها "نحن نرزقهم وإياكم"، "نحن نرزقكم وإياهم".

ربنا يصلح حالكم، وييسرلكم أموركم يا رب العالمين

" إنسان "

أنا راضي ذمتك وعقلك، هنستقصد حد مجهول؟ :')

ادعولنا بالتيسير والبركة

" إنسان "

لو مش متوفر نلتزم الدعاء، ونتوكل على الله -سبحانه وتعالى-؛ "ومن يتوكل على الله فهو حسبه"، "ومن يعتصم بالله فقد هدي إلى صراط مستقيم"، ودايمًا لا يحزنك التأخير؛ كل الموضوع أنه "لكل أجل كتاب"؛ وفي حديث سيدنا حذيفة بن اليمان أن رسول الله -صلى الله عليه وسلم- قال: "هلموا إلي -فأقبلوا عليه- فقال: هذا رسول رب العالمين جبريل نفث في روعي: إنه لن تموت نفس حتى تستكمل رزقها وإن أبطأ عليها، فاتقوا الله وأجملوا في الطلب، ولا يحملنكم استبطاء الرزق أن تطلبوه بمعصية الله؛ فإن الله لا ينال ما عنده إلا بطاعته"، وعلى فكرة البيئة دي ممكن تكون أونلاين، وحلقات التحفيظ للبنات مفيش أكتر منها.


وأيوا عادي خالص إن ميكونش لسه في حد اتقدم، فمتحمليش نفسك فوق طاقتها؛ لكل أجل كتاب بس، فالزمي الدعاء وخاصة دعاء الأنبياء في القرآن كدعاء سيدنا زكريا "رب لا تذرني فردًا وأنت خير الوارثين"، وأكثري من ذكر الله -عز وجل-، والصلاة على نبيه -صلى الله عليه وسلم-؛ فبها يغفر الله ذنبك، ويكفيك ما أهمك.

ربنا هب لنا من أزواجنا وذرياتنا قرة أعين واجعلنا للمتقين إمامًا

" إنسان "

دا اكيد مش احساس بس والله

انا قولت كدا هنا
https://t.me/Answer_Q/736

⚙️

إحنا من أول دفعة معانا بفضل الله بننبه على الموضوع دا وخطورته، حتى في الدفعة التاسعة زودنا ريكورد كمان، لكن الكرام مش مركزين ''D

" إنسان "

جماعة، لا يجوز ذكر الله باسمه المفرد كما يوصي دكتور الشعال، وهو من البدع، وكل بدعة ضلالة، وكل ضلالة في النار كما أخبرنا النبي صلى الله عليه وسلم.

دخل عبدالله بن مسعود يومًا المسجد وإذا بحِلق، وفي كل حلقة رجل يقول: كبروا الله مائة، سبحوا الله مائة...إلخ.

فوقف سيدنا عبدالله بن مسعود وسط الحِلق، وقال: أتدرون من أنا؟
قالوا: عبدالله بن مسعود صاحب رسول الله صلى الله عليه وسلم.
فقال: أما والله لقد جئتم ببدعة ظلمة، ولقد فقتم أصحاب محمد علمًا.
فقالوا له: والله يا أبا عبدالرحمن ما أردنا إلا الحق.
فقال لهم: وكم من مريد للحق لا يدركه.

وراوي هذا الخبر يقول: ولقد رأيت أكثر أهل هذه الحلق، يقاتلوننا يوم النهروان (يقصد قتال الخوارج لسيدنا علي ابن أبي طالب).

فالأمر جد خطير :"D

الأثر كاملًا

طيب اسمعي الريكورد ولو في أي حاجة لسه مش واضحة نوضحها حاضر

" إنسان "

عليكم السلام ورحمة الله وبركاته

يبدو ان دا جلسات علاج نفسي لان محدش هيجي يدفع 600 جنيه عشان يفضفض بكلمتين ويخرج هو محتاج حل وعلاج
ف لو حضرتك غير مؤهله فمينفعش انك تشتغلي كدا

واما عن انه ممكن يصيبك الاكتئاب او تسمعي بلاوي ف دا طبيعي اكيد
كل الناس اللي جايه محملة بالهموم والانسان قذ تكون نفسيته لا تطيق سماع هذا الكم من المشاكل والاضطرابات

ف انصحك انك تشوفي شغل تاني وربنا هيفتحلك طريق بإذن الله

⚙️

لأ طبعًا، إحنا مش بنعمل أي حاجة في السؤال، بناخده اسكرين وننزله كما هو، لكن فعلًا في أسئلة متكررة بصياغة مختلفة؛ وعلشان كدا إحنا قلنا على أهمية نزول السؤال؛ بحيث لو لم يقدر لأحد الإجابة على سؤاله، فممكن يجد ضالته في سؤال آخر.

متنسوش تدعولنا بالبركة والتيسير

" إنسان "

عليكم السلام ورحمة الله وبركاته
لا اعلم
اقرب مصطلح للتعريف دا هو femboy وغالب ظني انها بتستهبل

⚙️

عليكم السلام ورحمة الله وبركاته

لا مش كلهم والتعميم غلط دائما

الجزء الاخير مش فاهمه
⚙️

الامر ينطبق على الاتنين علفكرا مش الراجل بس

ممكن بس البنت بتكون عاطفية زيادة والراجل عقلاني اكتر ف دا اللي بيخلي قرار الانفصال اسهل على الشاب من البنت

بس برضو مش قاعدة عامة

⚙️

تسأل وتقول: قرأت في كتاب تنزيه الشريعة المرفوعة: "صلاة التسبيح" وهي أربع ركعات، ويقرأ في كل ركعة الفاتحة، وسورة صغيرة، ثم يسبح في الركعة الأولى خمسًا وسبعين تسبيحة في القيام، وفي الركوع والسجود، وفي الركعة الثانية هكذا، وفي الأربع الركعات ثلاثمائة تسبيحة، هل هذا حديث صحيح؟ وما رأيكم فيما أورده صاحب ذلكم الكتاب؟

الجواب:
صلاة التسبيح مشهورة عند أهل العلم، وقد تنازع العلماء في صحتها، فمن أهل العلم من عمل بها وصححها؛ لما في ذلك من الأجر العظيم الذي ذكره النبي ﷺ وغفران السيئات، ومن أهل العلم من ضعف الرواية، ولم يصححها، وذكر أنها رواية شاذة، وحديث شاذ مخالف للأحاديث الصحيحة، وهذا القول الثاني هو أصح، أن صلاة التسبيح حديثها شاذ غير صحيح، وأن المعتمد قول من قال: إنها غير صحيحة، وأنها موضوعة لا أساس لها من الصحة، وأسانيدها كلها معلولة، ومتنها شاذ منكر مخالف للأدلة الشرعية الثابتة عن رسول الله -عليه الصلاة والسلام-.


من فتاوى الامام ابن باز

⚙️