جزانا واياكم

ربنا يعوضك خير

⚙️

حضرتك مستنيه ايه لما هو منهجه وتفكيره زي جابر البغدادي 😅

اسأل الله ان يعافينا ويعافيه ويهديه إلى الحق

الاساس مضروب بالنار ف مفيش فايده من الباقي

⚙️

اسأل الله العظيم أن يشفيكي شفاءا لا يغادر سقما وأن يجعل هذا المرض مكفرا عن ذنوبك


قال رسول الله ﷺ " ما يصيب المسلم من نصب ولا وصب ولا هم ولا حزن ولا اذى ولا غم ، حتى الشوكة يشاكها إلا كفر الله بها من خطاياه "

وقال رسول الله ﷺ " عجبًا لأمر المؤمن إن أمره كله له خير، وليس ذلك لأحد إلا للمؤمن، إن أصابته ضراء صبر فكان خيرًا له، وإن أصابته سراء شكر فكان خيرًا له"

فاصبري واحتسبي وقال الله " إنما يوفى الصابرون أجرهم بغير حساب "
كتير من الناس مروا بالرحلة دي وربنا تم شفاهم على خير فاحسني الظن بربك وان شاء الله تقومي بالسلامة وتكوني بافضل حال

وكتير من الازواج بيكونوا سبب دعم كبير اوي لزوجاتهم في الرحلة دي فربنا يبارك لك في زوجك ويكون داعم ليكي وتعدوا مع بعض المرحلة دي على خير

متخليش الشيطان يدخلك من المداخل دي وبإذن الله تقومي منها بالسلامة

ادعوا لاختكم يا جماعة بظهر الغيب وألحوا على الله بالدعاء أن يتم شفاها وأن يديم عليها الالفة والمحبة بينها وبين زوجها

⚙️

لا مانع انك تقولي اللهم ان كان فلانا خيراً لي فارزقني الزواج بيه

مش شرط ابدا انك تدعي ف رمضان ف ميخلصش رمضان الا وهو متقدملك يعني

ممكن يكون شر ليكي اصلا

وممكن يكون خير لكن ربنا مأخر الاجابة لحكمة يعلمها هو سبحانه وتعالى


⚙️

قال الله تعالي " قَالَ كَلَّا إِنَّ مَعِيَ رَبِّي سَيَهْدِينِ(٦٢) " الشعراء
رسالة طمئنه ، بإنك مش لوحدك ، ربنا بيقولك انه زي م نجى موسى عليه السلام من فرعون بطريقه لا يتخيلها عقل بشر ، هنجيك انت كمان ، مشكلتك مش كبيرة علي ربنا ، بس لازم تكون في يقين موسى ، عشان تجيلك النتيجة زي نتيجة موسى عليه السلام " وَأَنجَيْنَا مُوسَى وَمَن مَّعَهُ أَجْمَعِينَ ".

رسالة يقين ، يقين بالله إنه قادر علي كل شيء ، يقين بالله إنه مسبب الاسباب ، يقين بالله إنه هو الوحيد القادر علي حل مشكلتك ، هو الوحيد القادر علي إنه يجيبلك شغل ، هو الوحيد القادر علي إنه يرزقكِ بالولد اللي بتحلمي بيه ، هو الوحيد القادر إنه يحققلك كل اللي بتتمناه ، بس انت قول يارب وانت كُلك يقين بالاجابة.
اعمل اللي عليك وقول يارب وسيبها ، هتجيلك احسن مما كنت تتصور ، ذاكر واجتهد وسيب النتيجه علي ربنا ، هتلاقي نفسك جبت مجموع احسن من اللي كنت حاطه ف بالك.

سيدنا موسي لما قال ان معي ربي سيهدين ربنا مش بس نجاه من فرعون ف الموقف دا ، لأ دا نجاه من فرعون للابد " ثُمَّ أَغْرَقْنَا الْآخَرِين " كان ممكن ربنا يسببلهم الاسباب ويعدوا بس فرعون وجنوده ميموتوش ، لكن ربنا رحيم. ف متخافش ربنا هيديك أكتر من اللي نفسك فيه بس انت قول يارب بيقين واعمل بالاسباب.

نفس الموقف كدا حصل مع سيدنا محمد صلى الله عليه وسلم ف الهجرة لما أبو بكر بيقوله يا رسول الله لو نظر أحدهم تحت رجلية لرآنا ، فالنبي بيطمنه بقلب مليان يقين " ما ظنك باثنين الله ثالثهما ".

عايز ربنا يهديك ، عايز ربنا يوفقك ، عايز ربنا يفرج همك ، عايز ربنا يشفيك ، أملأ قلبك يقين وادعيه ، هيستجيب.

لما تبقي عندك مشكله ومش هتتحل ف نظر البشر غير بواسطه ، او برشوه والناس تقولك وايه يعني اديله حاجه تحت الطربيزة وهتعدي ، اقف بكل يقين وقول : كلا ، إن معي ربي سيهدين.

لما تبقي ف امتحان صعب ومش عارف تحل ، وقدامك فرصه تغش ، وصاحبك يقولك عايز انهي سؤال ، قوله : كلا ، إن معي ربي سيهدين.

كلا ، ربنا مش هيضيعني ابدا ، انا عملت اللي عليا وتوكلت عليه.

لما تقابلك أي مشكله ف حياتك واجهها ب ( كلا ، إن معي ربي سيهدين )

⚙️

تبليغة اليوم

يقول الله -سبحانه وتعالى-: "يا أيها الذين ءامنوا إن تطيعوا فريقًا من الذين أوتوا الكتاب يردوكم بعد إيمانكم كافرين - وكيف تكفرون وأنتم تتلى عليكم آيات الله وفيكم رسوله ومن يعتصم بالله فقد هدي إلى صراط مستقيم".

يبين الله -عز وجل- حرص أهل الكتاب في أن يردوا المؤمنين بعد إيمانهم كما قال: "ولن ترضى عنك اليهود ولا النصارى حتى تتبع ملتهم"، ثم يطمئن المؤمنين باستحالة ردهم وفتنتهم طالما واظبوا على تلاوة القرآن، وأن رسول الله -صلى الله عليه وسلم- بينهم، ولطالما اعتصموا بالله وحبله.

فيقول الإمام السعدي -رحمه الله-: ولكن ولله الحمد أنتم يا معشر المؤمنين، بعدما منَّ الله عليكم بالدين ورأيتم آياته ومحاسنه ومناقبه وفضائله، وفيكم رسول الله الذي أرشدكم إلى جميع مصالحكم، واعتصمتم بالله وبحبله الذي هو دينه يستحيل أن يردوكم عن دينكم، لأن الدين الذي بني على هذه الأصولِ والدعائمِ الثابتة الأساس، المشرقة الأنوار تنجذب إليه الأفئدة، ويأخذ بمجامع القلوب، ويوصل العباد إلى أجل غاية وأفضل مطلوب.

فكثرة تلاوة القرآن "وأنتم تتلى عليكم آيات الله"، "الذين آتيناهم الكتاب يتلونه حق تلاوته أولئك يؤمنون به"، وكثرة التعرض لسيرة رسول الله -صلى الله عليه وسلم- "وفيكم رسوله" من أعظم أسباب الثبات، وما أشد الاحتياج لذلك بعد رمضان!

#بلغوا_عني_ولو_آية.

" إنسان "

ليه حضراتكم اللي تعامل اهلكم معاكم كويس متقعدوش معاهم وتشوفوا بيعاملوا اخوكم كدا ليه

انتم الوسطاء بينهم دلوقتي بحكم علاقتكم حلوة بالطرفين
ف امر الاصلاح بينهم يقع عليكم

⚙️

عليكم السلام ورحمة الله وبركاته

تفسيرها الوحيد ان الخير لسة مجاش
ولكن ربطك للاحداث دا مش دليل خالص

ربنا يرزقك بالخير اللي يعوضك


⚙️

عليكم السلام ورحمة الله وبركاته

الموضوع مش بالبساطة دي

احنا هندعيلكم ربنا يرزق كل شاب منكم بزوجة صالحة وكل فتاة منكم بزوج صالح

وانتوا ادعولنا برضو
⚙️

عليكم السلام ورحمة الله وبركاته

استشيري شيخ ثقة وذو دين لعل الموضوع فيه نظرة من حسد

واحذري الخرافات والشركيات
⚙️

كلنا ف اوقات الكلية كنا تايهين ومش عارفين هنطلع ايه لما نكبر بجد

ولكن ربنا بييسر

اه انك تكوني معيدة ف الجامعه انجاز جميل واسعي فيه لكن لو محصلش هل هو اخر الدنيا ؟

دا ساعات بيكون باب خير كبير ربنا فتحهولك عن تجربة شخصية

وصدقيني بعد م ربنا يفتح عليكي في مجالك ف الشغل بعد كدا هتعرفي ان دا اللي كان خير ليكي وانه احسن حاجة ان اللي كنتي عايزاه محصلش


الدنيا دي محدش بياخد كل حاجة فيها
هي ارزاق وربنا قسم لكل واحد رزقه في ناس رزقها ف المال او رزقها في العلم او رزقها ف الصحة او ف حاجات تاني

ف اسعي اوي اوي ف انك تعملي اللي شايفاه كويس ليكي
لكن لو مجاش ف خليكي على يقين ان ربنا عمره ف بيضيع تعب وسعي حد ف اكيد دا مش الطريق الخير ليكي وسعيك دا ربنا هيردهولك بس ف حاجة تاني تكون هي الخير بجد

مشكلة المذاكرة حاولي تغيري اسلوبك وطريقتك في المذاكرة
لو لقيتي ان دا مش بينفع معاكي

وعلفكرا مش شرط خالص انك تكوني بتذاكري كتير عشان تجيبي تقديرات
هي قدرات وكل انسان يحاول يشوف المناسب ليه ويمشي عليه

بالنسبة للشيوخ امال هي نصحتك تسمعي لمين طيب عشان نعرف تفكيرها بس لما هي بتقول على دول لا ؟

هكمل في رسالة تاني

⚙️

اعملي قناة وانشري فيها ودلي الناس على الخير

لسة بتتعلمي مفيش مشاكل مش لازم تكوني انتي اللي بتدي النصيحة او بتكلمي الناس
ممكن تنزلي فيها لشيوخ بيتكلموا ف موضوع معين

الدال على الخير كفاعله

يمكن فيديو تنزليه حد يشوفه يكون سبب هداية ليه تاخدي الاجر معاه

مش لازم تهجريهم لكن خلي لكل حاجة وقتها
خلي وقت لنفسك ووقت لاصحابك
وواحدة واحدة هتقدري توفقي بين الكل

جزانا الله واياكم
⚙️

بنحاول اهو
وربنا ييسر ان شاءالله يكون من اللي اتجاوب عليهم

وعايز اقول حاجة برضو انا مقدر والله ان كل واحد بيبقى عنده مشكلة عايز ياخد رأي حد فيها ودا ثقة كبيرة احنا مقدرينها والله وربنا يجعلنا على قدر المسؤولية
لكن لما بتبعت سؤال تاني تقول سؤالي اتجاوب ولا لا او هتردوا امتى
دا بيزود الاسئلة وبيخلي الاسئلة الفعلية تتهوه وسط الزحمة

ف الاكيد ان شاء الله اننا هنحاول على قذ م نقدر نجاوب على كل الاسئلة واعذرونا

⚙️

ايوه الجواز فطرة وربنا خلقنا عليها وكل الناس اللي فطرتها سليمة عايزه تتجوز

والاهل اكتر ناس نفسهم يفرحوا باولادهم وجوازهم بس هم زي م انتي قولتي يمكن خايفين التفكير دا يعطلك عن المذاكرة او حاجة

هو طبعا قلق زيادة لكن عادي تقبلي الموضوع وخليكي عارفه ان هم نفسهم يفرحوا بيكي فعلا وان شاءالله ف اول فرصة مناسبه مش هيقفوا في طريقك

⚙️

عليكم السلام ورحمة الله وبركاته

على حسب مين هذا الشخص هل هي صديقة مثلا ؟ ف الافضل تبلغيها انك محتاجه تفصلي شوية عن الناس وتقعدي مع نفسك
ومن هذا القبيل يعني من باب تطييب الخاطر للشخص دا


واما اذا كان غير كدا فمفيهاش خطأ

⚙️

ايوه تتابعي ف المساق ان شاءالله

واكيد بعد كتب الكتاب العلاقه بتقرب اكتر ف بيكون في اندماج اكتر لكن برضو على حسب ايه اللي متخوفه منه ف الزواج

⚙️

ادعوا لأختكم بالتيسير والبركة والقبول والإخلاص وسعة الرزق

هننتظرك تعرفينا إنك تزوجت بفضل الله

" إنسان "

ما شاء الله اللهم بارك، ربنا يتمم لكم الأمور على خير يا رب العالمين، هسيب لحضرتك رسالة اتكلمنا فيها عن موضوع الحلقة:
https://t.me/Answer_Q/465

_
وخدي بالك إحنا اتعلمنا مع بعض في المساق إن لو حصل خلاف في موضوع الخلفة بين الزوجين، فالقول يكون للمثبت (لمن يوافق على الخلفة)، فلو هو رفض وقال إنه محتاج للخلفة، فكلامه يمشي.

وطبعًا ينفع نشترط عليه الأمر قبل كتاب الكتاب، ولكن طبعًا لا نحبذه أبدًا أبدًا؛ يعني خلاص وصلتوا لمرحلة كويسة جدًا، وحاجة زي دي مش هتكون كويسة خالص، ولازم تيجي بالإتفاق والرضى.

وإن كان رأينا إن لأ يا جماعة متأخروش الخلفة؛ فهي من أعظم مقاصد النكاح، وممكن والله يكون المولود سبب في تيسير أموركم دي كلها "نحن نرزقهم وإياكم"، "نحن نرزقكم وإياهم".

ربنا يصلح حالكم، وييسرلكم أموركم يا رب العالمين

" إنسان "

أنا راضي ذمتك وعقلك، هنستقصد حد مجهول؟ :')

ادعولنا بالتيسير والبركة

" إنسان "

لو مش متوفر نلتزم الدعاء، ونتوكل على الله -سبحانه وتعالى-؛ "ومن يتوكل على الله فهو حسبه"، "ومن يعتصم بالله فقد هدي إلى صراط مستقيم"، ودايمًا لا يحزنك التأخير؛ كل الموضوع أنه "لكل أجل كتاب"؛ وفي حديث سيدنا حذيفة بن اليمان أن رسول الله -صلى الله عليه وسلم- قال: "هلموا إلي -فأقبلوا عليه- فقال: هذا رسول رب العالمين جبريل نفث في روعي: إنه لن تموت نفس حتى تستكمل رزقها وإن أبطأ عليها، فاتقوا الله وأجملوا في الطلب، ولا يحملنكم استبطاء الرزق أن تطلبوه بمعصية الله؛ فإن الله لا ينال ما عنده إلا بطاعته"، وعلى فكرة البيئة دي ممكن تكون أونلاين، وحلقات التحفيظ للبنات مفيش أكتر منها.


وأيوا عادي خالص إن ميكونش لسه في حد اتقدم، فمتحمليش نفسك فوق طاقتها؛ لكل أجل كتاب بس، فالزمي الدعاء وخاصة دعاء الأنبياء في القرآن كدعاء سيدنا زكريا "رب لا تذرني فردًا وأنت خير الوارثين"، وأكثري من ذكر الله -عز وجل-، والصلاة على نبيه -صلى الله عليه وسلم-؛ فبها يغفر الله ذنبك، ويكفيك ما أهمك.

ربنا هب لنا من أزواجنا وذرياتنا قرة أعين واجعلنا للمتقين إمامًا

" إنسان "

دا اكيد مش احساس بس والله

انا قولت كدا هنا
https://t.me/Answer_Q/736

⚙️