جزانا الله وإياكم يا رب العالمين، ورزقنا وإياكم القبول والإخلاص.

الزمي الدعاء، فوالله الله قريب مجيب

ادعوا لأختكم بالتيسير والبركة (في سركم مش على الفورم :V)

" إنسان "

لينكولن من عظماء الأمة؟ 😆

طيب هو غالبًا أنت عندك خلل في مفهوم الأمة أصلًا، ودا من الأشياء التي نتناولها في مرحلة صناعة المربي بفضل الله، ولكن

متشغليش بالك بهذه الأشياء، وانشغلي في دائرة تأثيرك، وعلى فكرة دا لم يكن شغل الصحابة، بل انشغلوا بما في ايديهم، وعملوا بما علموا، فكانوا عظماء هذه الأمة، وإلا فإن كثيييير من الصحابة مش حافظين القرآن أصلًا، ومع ذلك؟ هم من العظماء.

حتى النبي -صلى الله عليه وسلم- لما نصح قال: "فسددوا وقاربوا" كما في حديث سيدنا أبو هريرة، فأنت ممكن بآيات بسيطة جدًا تدرسها وتتعلمها وتعمل بما فيها، ويبقى لك الجزاء العظيم.

وافتكروا يا جماعة أن الفلاح منوط بالجنة، فلا تكلفوا أنفسكم فوق طاقتها، وكان سيدنا عمر يقول: وددت لو خرجت منها كفافًا، لا لي، ولا علي.

وعلى رأي الشيخ أحمد، هتصير الإمام مالك؟ ما هتصير الإمام مالك، هتصير صلاح الدين الأيوبي؟ ما هتصير، فبراحة على نفسك، يعني أرجى عمل عمله بلال أنه كان كلما أحدث توضأ؛ وبذلك سمع رسول الله -صلى الله عليه وسلم- دف نعليه في الجنة، فبراحة على أنفسكم يا جماعة.

الهمة جميلة والله، ولكن حاسبوا تضيعكم، فالمنبت لا أرضًا قطع، ولا ظهرًا أبقى.

" إنسان "

قال الله (يا أيها الذين آمنوا لا تسألوا عن أشياء إن تبد لكم تسؤكم)

ف ليه تسألي عن حاجة زي كدا ، هو كدا كدا مش هيقولك اذا كان هيعدد او لا لانه معروف ان معظم النساء ان مكانش كلهم مش هيقبلوا التعدد لان طبيعتهم ترفض كدا

وبعدين ممكن يقولك انه مش هيعدد ويحصل مستقبلا ظروف تستدعيه انه يتزوج مرة تاني

⚙️

عليكم السلام ورحمة الله وبركاته

لا مش غلط بل هو حقك

القبول الشكلي اساسي في الزواج ولكن لا تجعلي الشيطان يدخلك من هذا الباب ويفسد عليكي فرص تكون مناسبه وخاصة اذا كان الشخص ملتزم دينيا واخلاقيا

وخليكي عارفه ان الانسان مش هياخد كل حاجة ومفيش واحد كامل

من حقك ان زوجك اللي هتختاريه يكون مالي عينك وبالنسبالك اجمل رجل في العالم ولكن نصيحة تجنبي المقارنات وليس كل ما يلمع ذهبا

⚙️

عليكم السلام ورحمة الله وبركاته

الصلاة الصلاة !!
ثم ماذا لو هو عايز يبطلها بس بعد الزواج معرفش ؟

واختاري البيئة اللي متخلكيش تكرهي اليوم اللي اتزوجتي فيه طالما انتي عارفه اللي فيها من البداية يعني

⚙️

هون عليك يا صديقي

قال الله عز وجل ( إنا كل شيء خلقناه بقدر )

وقال النبي ﷺ "كتب الله مقادير الخلائق قبل أن يخلق السماوات والأرض بخمسين ألف سنة"

وقال النبي ﷺ "إن أحدكم يُجمع خلقه في بطن أمه أربعين يوما نطفةً ، ثم يكون علقةً مثل ذلك ، ثم يكون مضغةً مثل ذلك ، ثم يُرسل إليه الملك فينفخ فيه الروح ، ويُؤمر بأربع كلمات : بكتب رزقه ، وأجله ، وعمله ، وشقي أم سعيد"

والزواج رزق والرزق مكتوب من قبل م تيجي للحياة ف سلّم أمرك لله

والنبي علمنا في الاستخارة ان نقول "اللهم ان كنت تعلم ان الامر الفلاني شرا لي في ديني ودنياي ومعاشي وعاقبة امري فاصرفه عني واصرفني عنه واقدر لي الخير حيث كان ثم ارضني به"

ف ارضى بقضاء الله وحكمته لانها اكيد الخير ليك

وشوف النبي ﷺ بيعلم سيدنا عبدالله ابن عباس رضي الله عنهما بيقوله ايه " اعلم ان الامة لو اجتمعت على أن ينفعوك بشيء لم ينفعوك إلا بشيء قد كتبه الله لك ولو اجتمعوا على أن يضروك بشيء لم يضروك إلا بشيء قد كتبه الله عليك، رفعت الاقلام وجفت الصحف "
ف انت لو هي نصيبك والدنيا كلها وقفت ضدك اعلم انك هتاخدها لا محاله
ولو هي مش نصيبك وحاولت بكل الطرق اعلم انها مش هتبقى ليك لا محاله
⚙️

ملهاش علاقة
كل واحد ليه دماغ واهتمامات ف حاجة معينه
في شباب مبتحبش القراءة اصلا

⚙️

عايز اضيف على كلام اخونا إنسان

الزواج مش حلو بس دا احلى حاجة في الحياة

اول حاجة السكن النفسي
تخيل ربنا بيقولك " لتسكنوا إليها "
ابن عاشور بيقول في تفسير لتسكنوا اليها دي
والسكون: هنا مستعار للتأنس وفرح النفس لأن في ذلك زوال اضطراب الوحشة والكمد والسكون الذي هو زوال اضطراب الجسم كما قالوا: اطمأن إلى كذا وانقطع إلى كذا.

تخيل مضاد للاضطراب والقلق معاك 24 ساعة


وف نفس الاية " وجعل بينكم مودة ورحمة "

ابن عباس بيقول : المودة حب الرجل امرأته، والرحمة رحمته إياها أن يصيبها بسوء
معاكي حد بيحبك وبيخاف عليكي من اي اذى يصيبك ويحتويكي وقت ضعفك

الانسان محتاج ايه ف الحياة اكتر من انه يبقا معاه حد بيحبه وبيخاف عليه ويحميه ويحتويه ويحسسه بالامان ويشاركه اهتماماته ويهون عليه المصائب

دا النبي ﷺ بيقول " الدنيا متاع وخير متاعها المرأة الصالحة "


تاني حاجة حفظ النفس من الانحراف واشباع الغريزة

قال رسول الله ﷺ ( فإنه أغض للبصر وأحصن للفرج )

ف انت عندك حصن وتخيل معنى كلمة حصن بيحميك من الانحراف


تالت حاجة باب رزق كبير

قال رسول الله ﷺ " ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف "

وقال الله تعالى ( إن يكونوا فقراء يغنهم الله من فضله )

قال ابو بكر الصديق رصي الله عنه : أطيعوا الله فيما أمركم به من النكاح، ينجز لكم ما وعدكم من الغنى.
وقال ابن مسعود رضي الله عنه : التمسوا الغنى في النكاح.

رابع حاجة باب للحسنات

تخيل يا مؤمن ويا مؤمنه عظمة الدين في الزواج
انك تبقى بتستمتع بزوجتك او تستمتعي بزوجك ومع ذلك بتاخدوا حسنات لدرجة ان الصحابة نفسهم استغربوا

قال رسول الله ﷺ " وفي بضع أحدكم صدقة قالوا : يا رسول الله أيأتي أحدنا شهوته ويكون له فيها أجر ؟
قال : أرأيتم لو وضعها في حرام ، أكان عليه وزر ؟ فكذلك إذا وضعها في الحلال كان له أجر "

ودي من اعظم الحاجات اللي ف الزواج سبحان الله


انا لو كملت ممكن اكتب لبكرا 😅

ف اكتفي بهذا القدر
اسأل الله ان يزوجنا واياكم عاجلا غير آجل

⚙️

بالنسبة بقا للسؤال دا اللي خلاني اكتب اللي فوق


نأخذ بالاسباب من القبول والتكافؤ
ويكون الدين هو المرجع الاساسي للاختيار وهو الحكم في الاختلافات

كل ما يكون هناك مرجعية متفق عليها في الاختلافات كل ما التوصل لحلول هيكون اسرع
ومعلوم ان الاختلاف وارد ف كل م يكون الامر بين الزوج والزوجة كل م يتحل اسرع والامور تستقر ان شاء الله
وحفظ اسرار البيوت من اسباب الفلاح والاستمرار

والدعاء بان يصلح الله لنا أزواجنا وزوجاتنا وان يصلحنا لهم

وتحصين النفس بالاذكار والقرآن


كل دي اسباب تجلب البركة والطمأنينة في البيت وتخلي الدنيا سمسم ان شاءالله

⚙️

لا ننصح بهذا، الكفاءة العلمية مهمة جدًا جدًا

" إنسان "

إحنا ليه بنفصل بين الزواج والعبادة؟

في حديث سيدنا أنس بن مالك -رضي الله عنه- أن رسول الله -صلى الله عليه وسلم- قال: "من رزقه الله امرأة صالحة، فقد أعانه على شطر دينه، فليتق الله في الشطر الباقي"، فأنت لما تحطي نفسك في بيئة حفظ القرآن، فين المشكلة لما نطلب معاها الصحبة الصالحة، والبيئة الصالحة، والسعي للزواج من هذه البيئة...إلخ؟ دا حتى تعدد النوايا شيء مستحب، وقد يبلغ المرء بنواياه ما لا يبلغه بعمله.

فاخلقوا لنفسكم البيئة دي يا إخواننا، ووالله لو مش هتيجي بزواج، فعلى الأقل تحري صحبة صالحة؛ ففي حديث سيدنا أبو موسى الأشعري "مثل الجليس الصالح ومثل الجليس السوء، كحامل المسك ونافخ الكير، فحامل المسك إما أن تبتاع منه أو تجد منه ريحًا طيبًا، ونافخ الكير إما أن يحرق ثيابك أو تجد منه ريحًا خبيثة"؛ أنا لا أتخيل الحياة بدون صديق مقرب يحمل نفس أفكاري وهمومي، فإياكم والدعوة إلى العزلة.

وعامةً فالسعي سبب، وإلا فوالله الأمر لا يخرج من مظلة الرزق، واستعينوا على قضاء حوائجكم بالذكر والدعاء.

" إنسان "

الله يبارك فيكم، ويرضيكم ويرضي عنكم، وييسرلكم الأمور كلها يا رب العالمين

عرفتوا ليه بنقول مهم نعرض المشكلة؟

" إنسان "

ربنا يبارك فيكم، ويرضي عنكم، وهذا من فضل الله علينا والله

أيوا طبعًا ممكن، وكل ما في القناة فهو للعامة، حتى في استقبال الأسئلة فهو للجميع بفضل الله.

" إنسان "

عليكم السلام ورحمة الله وبركاته

في عيوب خلقية واجب اخبار بها الخاطب او المخطوبة قبل العقد زي العيوب التي تمنع الوطء
او الامراض اللي ممكن تنتقل للطرف الاخر
او العيوب التي تؤثر على الحياة الزوجية

واما العيوب اللي لا تؤثر على حياتك الزوجية لا يلزم اخباره بيها

وحضرتك بتقولي مش مأثره عليكي ومن المعلوم ان الانسان يستطيع ان يعيش بكلية واحدة
ف ظني انه لا يلزمك اخباره
والافضل اخباره طبعا واتقاء الشبهه

ونصيحتي استفتي شيخا برضو عشان تكوني على بينه

⚙️

نفس الاجابة اللي فوق

ايه المشكلة انه يكون عندك ضرس مخلوع !
مفيهاش حاجة اصلا

⚙️

وعليكم السلام ورحمة الله وبركاته
أنا مقدرة جدًا والله قلقك وتعبك من كتر التفكير في الموضوع وخصوصًا إنه بقاله سنين، الله يجبر قلبك ويلطف بيكِ ويعفو عنك.

وزي ما قلتلك في الرسالة اللي فاتت، اللي حصل ده مش دليل على أي حاجة وحشة تعيبك أو إنك عملتي شيء غلط، فهوّني عليكِ، نقدر نقول دي كانت مجرد حادثة غصب عنك وأنتِ صغيرة ووارد إنها تحصل مع أي حد، ومش معناه أبدًا إنك فقدتي عفتك وما شابه ذلك يعني، وفي بنات كتير بيمروا بحاجات شبه كده، وبيتجوزوا عادي جدًا ومش بيحصل أي مشكلة.

وأنتِ مش مطالبة إنك تقولي لحد أي حاجة عن الموضوع ده، لا لأهلك ولا لزوجك مستقبلًا، لإنك معملتيش شيء غلط، فمتحمليش نفسك عبء إنك لازم تقولي،
وموضوع العملية ده مش حل نفسي ولا عملي ليكِ، لأن أصل المشكلة في الخوف والوسواس الكبير اللي جواكِ، ف ده اللي عايزين نشتغل عليه ونحله بإذن الله.

طيب نتعامل مع الوساوس دي إزاي بقى:-
• أول ما الأفكار تيجي في بالك استعيذي بالله من الشيطان الرجيم، حافظي على أذكارك واقرئي المعوذات، فالوساوس دي أصلها من الشيطان.
• أكثري من الدعاء، وادعي: اللهم لا تكلني إلى نفسي طرفة عين.
• كل لحظة ضعف بتعدي عليكِ، هي فرصة إنك تقربي أكتر من ربنا عز وجل، وربنا أرحم بينا من كل اللي بنقوله لنفسنا في لحظات ضعفنا.
• وأحسني الظن بالله وبلاش تحلّلي وتفكّري في أسوء الاحتمالات اللي ممكن تحصل، واقطعيها فورًا ومتحاوليش توصلي لإجابة نهائية، واشغلي نفسك بحاجة تانية.
• تعرّفي على بعض الأخوات الصالحات، فإن المرء بإخوانه.
• ولو حاسة إن الموضوع مأثر عليكِ وبيتكرر معاكِ بالشكل ده، ممكن تكلمي دكتورة نفسية تساعدك ترتّبي أفكارك وتريحي نفسك.
• ولما ربنا يرزقك بزوج صالح بإذن الله فيما بعد، مهم جدًا تتثقفي أنتِ وزوجك فيما يتعلق بالأمور دي، لأن في جهل منتشر حوالينا كتير، وفهم الموضوع بشكل صحيح هيمنع أي سوء ظن أو قلق ممكن يحصل، فرج الله كربك.
🌱

عليكم السلام ورحمة الله وبركاته

ربنا يصلح حالك مع والدتك دايما وجزاكي الله خيرا على مشاركتك ف النصيحة للسائل

بس عايز اقولك اني سبت اللي ف ايدي مخصوص ورديت ع الرسالة عشان ضحكتني اوي

حضرتك قايلة فوق "مترقبة" و "مفكرة نفسي"

ف انتي بنت 😁
ربنا يرزقك الزوج الصالح عاجلا غير اجل ويرزقك بر والدتك ويرزقك رضاها
انه ولي ذلك والقادر عليه

⚙️

بتتعاملوا مع الموضوع إنه سر قومي ليه؟

شوفوا يا جماعة، فلانة بنت فلان أمها زعقتلها وعيطت😆

" إنسان "

عن حذيفة بن اليمان -رضي الله عنه- أن رسول الله -صلى الله عليه وسلم- قال: "تعرض الفتن على القلوب عرض الحصير عودًا عودًا، فأي قلب أشربها نكتت فيه نكتة سوداء، وأي قلب أنكرها نكتت فيه نكتة بيضاء، حتى يصير قلبه أبيض مثل الصفا، لا تضره فتنة ما دامت السماوات والأرض، والآخر أسود مربدًا كالجوز مجخيًا؛ لا يعرف معروفًا ولا ينكر منكرًا إلا ما أُشرب من هواه".

فوالله لا أرى وصف للريلز إلا كالفتن تعرض على القلوب عرض الحصير عودًا عودًا، وسبحان الله، ما أبدع الوصف النبي؛ صلوات ربي عليه؛ أوتي جوامع الكلم.

" إنسان "

أنا بشوف إن أفضل حل إن حضرتك تقعدي معاها وتتصافوا سوا، وتحكيلها كل ما في قلبك، ويكون دا كله بنية الإصلاح، ربنا يصلح ما بينكم يا رب العالمين.

وهستأذنك تقرأي الإجابة دي كمان

https://t.me/Answer_Q/566

" إنسان "