قال الله تعالى:"وَهُوَ الَّذِي جَعَلَ اللَّيْلَ وَالنَّهَارَ خِلْفَةً لِّمَنْ أَرَادَ أَن يَذَّكَّرَ أَوْ أَرَادَ شُكُورًا"
يعني الله عز وجل جعل الأيام ورا بعض، والليل ييجي بعد النهار، عشان اللي يفوته الطاعة بالنهار يقضيها بالليل والعكس.
فحتى لو ضاع منك موسم الطاعة،
تقدري دلوقتي ترجعي وتستعدي لموسم العشر القادم بإذن الله،

ثبتي الأساسيات والخطوط الحمراء للعبادات؛
لو بتضيعي صلاتك، حافظي عليها في وقتها،
ولو بتعملي معصية، توبي منها حالا
باب الله عز وجل مفتوح في كل وقت وهيقبلك بس أنت ارجعي، "إنَّ اللهَ عزَّ وجلَّ يبسُطُ يدَه باللَّيلِ ليتوبَ مسيءُ النَّهارِ ، ويبسُطُ يدَه بالنَّهارِ ليتوبَ مسيءُ اللَّيلِ"

والانتصار الحقيقي مش في رمضان والشياطين محبوسة، الانتصار هو دلوقتي والمعركة شغالة.
فاستعيني بالله وابدأي من دلوقت، وبلاش يأس، وافتكري دايمًا إنك مهما وقعتِ تقدري ترجعي، وإن رب شوال هو رب رمضان ورب كل الشهور.
🌱

واقرأي الرد هنا كمان.

هون عليك

عن أبي هريرة -رضي الله عنه- أن رجلًا قال: يا رسول الله، إن لي قرابة أصلهم ويقطعونني، وأحسن إليهم ويسيئون إلي، وأحلهم عنهم ويجهلون علي، فقال رسول الله -صلى الله عليه وسلم-: "لئن كان كما تقول، فكأنما تسفهم المل (تطعمهم الرماد الحار)، ولا يزال معك من الله ظهيرًا ما دمت على ذلك".

فهون عليك والله ثوابك عند ربنا -سبحانه وتعالى- عظيم جدًا، ولكن مينفعش ندعي عليها وإن كانت ظالمة؛ لأننا مأمورين بالإحسان والبر، وإن أساءت هي؛ ففي حديث سيدنا عبدالله بن عمرو: "ليس الواصل بالمكافئ، ولكن الواصل الذي إذا قطعت رحمه وصلها".

ولكن البر والإحسان لا يلزم طاعتهم فيما يضرك؛ فإنما جاء الشرع لرفع الضرر، ومنع الأذى؛ ففي حديث سيدنا أبو سعيد الخدري: "لا ضرر ولا ضرار".

فايه أخبار الوالد؟ متاح نروح نقعد معاه؟ أو حد تاني من العيلة كالحد والجدة، والأخوال والأعمام مثلًا؟

" إنسان "

جماعة، في أسئلة بتكون عادي تتعرض أمام العامة، ومحدش هيعرف مين صاحبها، ولا فيها ما يخدش الحياء العام.

سؤال عادي جدًا، ولكن صاحبه يرفض أن يظهره، فمعلش مثل هذه الأسئلة مش هنجاوبها؛ لأننا قبل الاستفادة الشخصية فإحنا عايزين استفادة عامة للجميع، وخاصة مع ضغط الأسئلة، وإن في أسئلة بتكون مكررة، فبالتالي ممكن الشخص ميتردش عليه، ولكنه يستفاد من الإجابة على شخص تاني.

#الإدارة.

خلينا متفقين أن التهديد بالتعدد من سوء العشرة، ولكن مفيش حاجة اسمها التهديد بالتعدد حرام في المطلق، مفيش أصلًا فتوى كدا في المطلق، وقبل أي فتوى لازم نبحث عن كل معطيات الأمر.

فإحنا معانا زوجة مهملة، مش نظيفة، لا تقوم بحق زوجها، كرهت الراجل في عيشته، فهل أنا في الحالة دي لما أقولها -بعد ما حاولت أعالج الأمر بشتى الطرق، وكلمت أهلها وبلا بلا بلا- إني هعدد يبقى حرام؟ ما لكم كيف تحكمون؟

فعامة إحنا لما بنعطيكم مساحة ويساء استخدامها بنحجمها ونمنعها زي ما عملنا في جزء إخفاء الرسالة كدا لما لقينا الناس تسيء استخدامها بدون مبرر، فمتخلوناش نروح للحتة دي كمان في جزء المشاركة منكم.

#الإدارة.

ربنا يبارك فيك يا رب، لا تنسونا من صالح الدعاء

أنا بس اللي مش بكتب رد السلام، ولكن برده والله كامل أول ما بقرأه :'D

" إنسان "

اتفضل

https://t.me/Answer_Q

" إنسان "

والله الأمر راجع لكيفية الاستخدام، يعني في فايدة من استخدامك ليها؟ ولا الضرر أكبر من النفع؟ فهي حسبة احسبها لنفسك "بل الإنسان على نفسه بصيرة".

ولكن طبعًا لا ننصح بالإبتعاد بالكلية وإن كان في الأمر فتن عظيمة، وإلا فتزداد الفتن انتشارًا، فدايمًا لازم إثبات وجود لأهل الصلاح والدعوة على منصات التواصل المختلفة.

فأنت سدد وقارب، وأنصحك بماجريات إبراهيم السكران، هيساعدك بإذن الله في النقطة دي.

__
لكن لو نفسيتك مش كويسة فلأ طبعًا أنت في الحالة دي محتاج تاخد عزلة كدا تراجع فيها أمورك، والسوشيال ميديا من مفاسد العزلة.

ربنا يصلح حالك، ويلطف بيك، ويرضيك ويرضي عنك يا رب
____

حاجة نسيت أقولها: على فكرة استخدام السوشيال ميديا واقعة تحت حكم التجارة مع الكافر المحارب، فأنت مهم تراجع حساباتك، وسبب وجودك عليها؛ علشان تشوف محلك ايه من الإعراب.

" إنسان "

يا أخي عالم أعوذ بالله، لكن هنعمل ايه؟

بندعيلهم والله بالهداية وصلاح الحال، ادعيلهم أنت كمان واكسب فيهم ثواب.

" إنسان "

ابسط أول واحد يقع أهوو، الباقي في الطريق بإذن الله 😆

" إنسان "

تم الامتناع من الرد عليهم؛ لأنك ذكرت اسماء الشخصيات اللي مزعلينك، وشتمتيهم، وفي حديث سيدنا عبدالله بن مسعود، أن رسول الله قال: "سباب المسلم فسوق، وقتاله كفر"، وفي الأمر غيبة، ويقول الله: "ولا يغتب بعضكم بعضًا أيحب أحدكم أن يأكل لحم أخيه ميتًا فكرهتموه واتقوا الله".

مع العلم إن مفيش أي مشكلة بتكون تافهة، ربنا يصلح حالنا جميعًا يا رب.

" إنسان "

حلو بعقل؟ حلو وبسمسم!

فمن حديث سيدنا ثوبان: "فليتخذ أحدكم قلبًا شاكرًا، ولسانًا ذاكرًا، وزوجة مؤمنة تعينه على أمر الآخرة"، ويقول رسول الله -صلى الله عليه وسلم- من حديث سيدنا أنس بن مالك للثلاثة الذين شقوا على أنفسهم: "وأتزوج النساء، فمن رغب عن سنتي فليس مني".

وهناك عبادات لا تكون إلا بالزواج؛ ففي حديث أبي سعيد الخدري أن رسول الله قال: "إذا أيقظ الرجل أهله من الليل فصليا -أو فصلى- ركعتين جميعًا، كتبا من الذاكرين الله كثيرًا والذاكرات"، وأن نساءنا من أهل الجنة "الودود، الولود، العؤود إلى زوجها" كما في حديث سيدنا عبدالله بن عباس.

رضي الله عن سادتنا الصحابة

" إنسان "

أيوا شوفت؟
نكره الفيس، إنما الزواج بريء وجميل ومحترم وابن ناس.

"قالوا يا أيها العزيز إن له أبًا شيخًا كبيرًا فخذ أحدنا مكانه إنا نراك من المحسنين - قال معاذ الله أن نأخذ إلا من وجدنا متاعنا عنده إنا إذًا لظالمون"، فأثبت الظلم لمن عاقب البريء، وأخذه بذنب المذنب، فاستغفر بسرعة، واعتذر للزواج :'D

" إنسان "

والله ربنا يبارك فيك، ويعزك ويرفع قدرك، ولكن عند أخيك طلب بسيط، فتلقاه مني بصدر رحب، فيشهد الله أني والله أحبكم جميعًا في الله، وأدعو لكم كثيرًا.

لا تكونوا عونًا لنفس إخوانكم عليهم، وإذا رأيتم منهم ما يسر فادعوا لهم، ولا تكثروا من المديح فتفسدوهم.

" إنسان "

فشوفوا فدا كدا عيب، عيب جدًا والله

ربنا يبارك فيك، ويصلح حالك، ويرزقك خيرّا منا يا رب العالمين.

لأ خليك طيب ومحضر خير

كدا كدا إحنا ممكن نعمل بلوك لأي حد يتجاوز عادي، يعني مش معنى إن الأمر من مجهول إننا منقدرش نعمل بلوك للشخص على الفورم.

ومتقلقش مزعلناش والله، وهي أكيد خانها التعبير، ربنا يبارك فينا جميعًا ويصلح حالنا، ويرزقنا التوفيق والسداد يا رب.

" إنسان "

ربنا يجازيك كل خير، ويرضيك ويرضي عنك، ويرزقك خيري الدنيا.

مفيش أي مشكلة والله في الإقتراح، وبالفعل هناخده في عين الإعتبار، والإدارة عندنا -ربنا يبارك فيها- بتحاول تزود عدد المشرفين برضو، فدعواتكم لينا كدا بالتيسير وصلاح الحال.

" إنسان "

وعليكم السلام ورحمة الله وبركاته.
الغاية الكبرى من أمر الله عز وجل بالحجاب: هو ألا يراكِ الرجال، فلا ينبغي للمرأة أن تضع صورة لها على العام، ويعلم الآخرون عنها شيئاً من شكلها، ولا تفاصيل جسدها وحجابها حتى وإن كانت في تمام سترها، وذلك حرصاً على نفسها وعلى غيرها من الوقوع في الفتن والآثام، فاحستبي أجر جهادك في سبيل الله.

طيب لو وحدة قالت: أنا بنزل الصورة للبنات بس؟
برضو مفيش ضمان إن الصورة تفضل بين البنات فقط، ممكن موبايل واحدة يبقى مع أخوها أو زوجها ويشوفها بالخطأ، أو تكون قاعدة وسط ناس فيشوف الصورة حد تاني، أو حتى الموبايل يضيع أو يتسرق لا قدر الله، فنتقي مواطن الشبهات أفضل.

نسأل الله أن يثبتك عليه وأن يرفع به درجاتك.
🌱

التسويف والتأجيل المستمر بييجي من هروب النفس من المهام الثقيلة، فالعقل يشوفها متعبة فيميل إلى الأسهل، فنؤجل ونؤجل حتى تتراكم الأمور ويضيق الوقت،
وأصل هذا الداء هو طول الأمل، والشعور أن ما زال هناك وقت، مع إن الحقيقة إننا راحلون، والموت يأتي بغتة، مش لما نكون جاهزين !

وقد جسّد هذا المعنى ما حدث مع الصحابي كعب بن مالك رضي الله عنه، حين تخلّف عن غزوة تبوك، فكان كلما أراد الخروج قال: ألحقهم غدًا… ألحقهم بعد غد، حتى مضى الوقت وفاته الركب؛ فكانت البداية تسويفًا، وكانت العاقبة شديدة عليه، فالتسويف قد يحرمك خيرًا كبيرًا.

فالحل ايه بقى :-
• في البداية استعيني بالله عز وجل فى كل وقت، وجددي نواياك من كل عمل، واستعيذي بالله من العجز والكسل.
• ابدأي بمهمة صغيرة جدًا بحيث تكسري حاجز البداية.
• ركزي على الوقت مش الكمية، يعني مثلا قولي لنفسك إنك هتشتغلي لمدة 25 دقيقة بعدين هترتاحي شوية.
• ابدأي بالأصعب في أول يومك؛ هيخلي باقي اليوم خفيف معاكِ
• ابعدي أي مشتتات حواليك.
• كافئي نفسك بعد ما تخلصي وهكذا.
🌱

بالنسبة لأول سؤال:-
اشغلي وقتكِ بما ينفعكِ فالفراغ مهلك، قوّي علاقتك بالله عز وجل، احفظي القرآن، اطلبي علم شرعي، شاركي في عمل خيري، تعلّمي مهارة جديدة تناسب ميولك وتقدري تخدمي بيها الإسلام، اصلحي نفسك في مجالات الحياة.
وحاولي ما تعزليش نفسك تمامًا، حتى لو مش عندك دايرة كبيرة؛ فوجود شخص أو اتنين قريبين منك تقدري تتكلم معاهم بيفرق جدًا.
أسأل الله أن يعلمك ما ينفعك وأن ينفع بكِ الإسلام والمسلمين.

_______
بالنسبة لتاني سؤال :-
كثرة سماع الريلز والشورتس يورث قسوة في القلب، غفلة، ضياع للصلوات والقرآن، انغماس في الدنيا، رؤية منكرات ومناظر عمَّ بها البلاء، انطوائية وعزلة عن المجتمع، ضياع العلاقات الاسرية، تشتت وضعف التركيز.

فراجعي نفسك ، ولا تضيعي عمرك هباءً، والثواني دي لما بتتجمع بتبقى هي حياتك، فلو ضاعت في التقليب في الموبايل، يبقى عمرك ضاع !
يقول النبي ﷺ : " لن تزول قَدَما عبدٍ يومَ القيامةِ حتَّى يُسأَلَ عن أربعِ خِصالٍ : عن عُمرِه فيما أفناه، .. " ويقول : " اغتنِمْ خمسًا قبل خمسٍ : .. " وذكر منها  " وفراغَك قبل شُغلِك "

- فحدِّثي نفسك: أنا من عباد الرحمن، وقد قال الله تعالى فيهم: {وإذا مرُّوا باللغو مروا كرامًا}؛ أي إذا مروا بمجالس لهو الحديث أعرضوا عنها واستحيوا ولم يدخلوا مع أهلها وأكرموا أنفسهم.
- اجعلي لكِ ورد قرآن ثابت يوميًا حتى لو قليل، يذكرك دايمًا بحقيقة الدنيا.
-أذكار الصباح والمساء تحيي ما مات في القلب، فحافظي عليها.
-صحبتك الصالحة؛ تشجعك وتذكرك بالله عز وجل.
- شوفي بديل ترفيهي تاني مباح غير المقاطع القصيرة.
ببساطة اشغلي وقتك بما يفيد، عشان تقللي وقت فراغك.

____
وبالنسبة لتالت سؤال:-
جاوبنا عليه في الرسالة اللي قبل دي.
🌱