أهم شيء بتدعولنا وقت ما غيبنا؟ :'D

هنزل كتاب عملاه دورية نماء رائع بعد الرسالة دي، ولكن طبعًا طبعًا طبعًا محتاج تنضم لينا في المساق

" إنسان "

عندنا حق فعلا

الموضوع فيه سعه والله ي جماعة يعني بينكم وبين بعض
المهم ان الواحدة متبقاش داخله مشحونة انه مستحيل اديه فلوسي وانا شغلي لنفسي ومش عارف ايه
هو والله من المروءة انه مش هيطلب منك قرش
وانتي لوحدك من المودة هتشاركي معاه

الخضار ومصاريف البيت دي هو هيديهالك عادي ولكن انتي ممكن ف مرة تجيبي من فلوسك مفيش ضرر ومرة تجيبيله هدية من فلوسك
تجيبي حاجة محتاجينها ف البيت كدا يعني دا لو هو مستغني عن مالك
لكن لو ظروفكم صعبة ف لازم تحطوا القرش ع القرش وتبنوا نفسكوا امال متجوزاه ليه لو هتسيبيه بيستلف من فلان وعلان عشان يقضي مصلحه وانتي معاكي الفلوس ف جيبك

وكلام خالتك صح نسبيا
من خلال التجارب الشغل مهم فعلا للبنت في ظروف معينة ولكن ما لم يتعارض بجد مع بيتها وزوجها ورعايته ورعايه اولادها

انتي بقا شايفه انك عايزه تقعدي ف بيتك وتراعي اولادك والله يبقا كتر خيرك
شايفه انه محتاجه تشتغلي يبقا برضو ليكي الحق ما لم تضري زوجك وبيتك

جزئية الكلية انتي قولتي مش عايزه تظهريها ف انا مش عارف ارد لاني لو رديت هيتفهم انا بتكلم عن ايه
لكن هو المجال دا فيه اختلاط فعلا بسبب طبيعة شغله كشركات وبرضو عدد ساعات شغله كتير

⚙️

الحمدلله
اللهم امين يارب واياكم

اذكرونا في دعواتكم بظهر الغيب

⚙️

اللي يحددها انتي
المهم انك لو اخترتي تشتغلي تخلي بالك من الاختلاط ومتخليش دا يأثر على بيتك


بالنسبة للنقاب في الرؤية ف هو لازم يشوفك بدون نقاب
اعتبريه كانك بتعتمري ولازم تخلعيه

لكن هو له الحق انه يشوفك ف طبيعي لازم تخلعي النقاب
تقعدي بالنقاب لو هو شافك واقتنع بالشكل تمام خلاص لا حاجة لرفع النقاب وتقدري تكملي الرؤية بيه

⚙️

اهلك لما بيساعدوكي هم مش منتظرين منك تردي ليهم المقابل
دا واجب عليهم
ف انتي عادي ممكن كل شهر تجيبي هدية لمامتك من باب البر وكدا

ولكن كلامك مش غلط عادي طالما هو مالك
ولكن الاحسن انك توازني بين كل الامور لانك بتستقطعي من وقت بيتك عشان شغلك برضو ف بيتك ليه حق

⚙️

اهلك عندهم حق بعيدا عن انهم ميعرفوش هو عمل ايه اصلا فرق السن كبير

ثم انك مينفعش تهتكي ستر الله عليكي
اذنبتي ربنا سترك وتوبتي وتاب الله عن من تاب
خلاص امسحي الماضي دا من حياتك وابدأي حياة جديدة ولا تفسدي حياتك بايدك

ولو اهلك وافقوا على هذا الرجل ارفضي انتي

⚙️

الاهم من تكافؤ الكليات هو تكافؤ العقليات

بلاش احساس ان حد احسن من حد عامة طالما ان التفكير متقارب وانتوا الاتنين متعلمين مش حد جاهل وحد متعلم يعني

انتي لو حستي انه بيتعامل من هذا المنطق اصلا اتركيه
وطبعا الدين بيقوم سلوك الانسان

مش شايف اي مشكلة ان شاء الله

⚙️

اولا ربنا يجازيكي خير على مساعدتك لوالدتك وثانيا جزاكي الله خير على كل هذه الدعوات الطيبة
ربنا يرزقكم بالمثل وزيادة


بالنسبة للمشكلة بتاعة حضرتك ف انا شايف ان الشخصيات اللي والدتك بتيجي بالسياسة
يعني اوقات الروقان واوقات الصفا افتحي معاها موضوع حاجة من الحاجات اللي ملهاش لزمة دي
قوليلها احنا ليه عندنا الحاجة دي وبنعمل بيها ايه وهاتيها ف الكلام واحدة واحدة

بلاش تبقي بتهاجمي حاولي تظهري بمظهر اللي بيسأل وان شاء الله يا تقنعكم يا تقنعوها


⚙️

عليكم السلام ورحمة الله وبركاته
حضرتك عندك حق جدا
جزاكي الله خيرا

⚙️

عليكم السلام ورحمة الله وبركاته

راجعت كلامي بعد السؤال دا كذا مرة فوجدت اني قولت استخدام التعدد بعد النصح مرة واتنين وتلاته

بعدين نصحت بتدخل حد حكيم من الاهل يحل الموضوع

ثم ف الاخر نصحت باستخدام التعدد

وانا اصحح كلامي دلوقتي
انه واجب عليك النصح وتذكريها بحقك عليها وحق بيتها عليها
وان النبي امرها بحسن التبعل

قال النبي ﷺ ( خير النساء التي تسره إذا نظر، وتطيعه إذا أمر، ولا تخالفه فيما يكره في نفسها وماله.)

وابذل جهدك في اصلاحها

وان وجدت انك لا تطيق ذلك وان الامر مؤثر عليك للدرجة ومفيش اي حل من اهلها ولا اهلك وتستطيع ان تتزوج ثانية فافعل
ولكن العدل العدل يا اخي
ربنا يصلح حالكم

جزاكم الله خيرا على التذكير
الله يجعلنا من المتقين

⚙️

وعليكم السلام ورحمة الله وبركاته
ومين فينا مش بيغلط ! ومين فينا معصوم !
كلنا بشر، ولولا ستر الله عز وجل علينا كنا ضعنا،
وهذه وسوسة من الشيطان أنك "منافقة" حتى يبعدك عن هذه العبادة التي اصطفاكِ الله سبحانه وتعالى لها، لكنك لستِ كذلك، فلا تخلعيه بارك الله فيكِ.
ومش المطلوب منك إنك ماتغلطيش أبدًا بعد ما لبستي النقاب؛ بل المطلوب منك إنك تجاهدي نفسك، إنك تبعدي عن المعاصي وأسبابها، وتبعدي عن أى طريق يقربك منها، تختاري صحبة صالحة وتحطي نفسك وسطهم علشان تذكروا بعض بالله عز وجل وتشجعوا بعض، وقبل كل ده وأهم نقطة إنك تستعيني بالله فى كل وقت وتطلبي منه أن يوفقك لكل ما يُحب ويرضى ويعينك على ذكره وشكره وحُسن عبادته.
وبلاش جملة "تعيشي سنك"، وكأن الحجاب بيسلب حياتنا !

واحتسبي أجر عبادة في زمن الغفلة وانتشار الفتن،
كما قال النبيﷺ: "عبادة في الهرج كهجرة إليّ"
يعني لبسك للنقاب في زمن الفتن، له أجر عظيم كالهجرة للنبي ﷺ.
والنقاب على قول العلماء إمّا فرض أو مستحب،
فلو لبستيه وهو فرض، فإنتي بتتقرّبي لربنا بأحبّ شيء إليه: (وما تَقَرَّبَ إليّ عبدي بشيءٍ أحبَّ إليَّ ممّا افترضتُ عليه).
ولو مستحب، فإنتي كده بتطبقي السنة، وداخلة في حديث: (وما يزال عبدي يتقرّب إليّ بالنوافل حتى أحبّه).
فأنتِ في جميع الأحوال مأجورة، نسأل الله سبحانه وتعالى أن يثبتك عليه وأن يرفع به درجاتك.
🌱

واقرأي الرد هنا كمان هيفيدك بإذن الله.

قال الله تعالى:"وَهُوَ الَّذِي جَعَلَ اللَّيْلَ وَالنَّهَارَ خِلْفَةً لِّمَنْ أَرَادَ أَن يَذَّكَّرَ أَوْ أَرَادَ شُكُورًا"
يعني الله عز وجل جعل الأيام ورا بعض، والليل ييجي بعد النهار، عشان اللي يفوته الطاعة بالنهار يقضيها بالليل والعكس.
فحتى لو ضاع منك موسم الطاعة،
تقدري دلوقتي ترجعي وتستعدي لموسم العشر القادم بإذن الله،

ثبتي الأساسيات والخطوط الحمراء للعبادات؛
لو بتضيعي صلاتك، حافظي عليها في وقتها،
ولو بتعملي معصية، توبي منها حالا
باب الله عز وجل مفتوح في كل وقت وهيقبلك بس أنت ارجعي، "إنَّ اللهَ عزَّ وجلَّ يبسُطُ يدَه باللَّيلِ ليتوبَ مسيءُ النَّهارِ ، ويبسُطُ يدَه بالنَّهارِ ليتوبَ مسيءُ اللَّيلِ"

والانتصار الحقيقي مش في رمضان والشياطين محبوسة، الانتصار هو دلوقتي والمعركة شغالة.
فاستعيني بالله وابدأي من دلوقت، وبلاش يأس، وافتكري دايمًا إنك مهما وقعتِ تقدري ترجعي، وإن رب شوال هو رب رمضان ورب كل الشهور.
🌱

واقرأي الرد هنا كمان.

هون عليك

عن أبي هريرة -رضي الله عنه- أن رجلًا قال: يا رسول الله، إن لي قرابة أصلهم ويقطعونني، وأحسن إليهم ويسيئون إلي، وأحلهم عنهم ويجهلون علي، فقال رسول الله -صلى الله عليه وسلم-: "لئن كان كما تقول، فكأنما تسفهم المل (تطعمهم الرماد الحار)، ولا يزال معك من الله ظهيرًا ما دمت على ذلك".

فهون عليك والله ثوابك عند ربنا -سبحانه وتعالى- عظيم جدًا، ولكن مينفعش ندعي عليها وإن كانت ظالمة؛ لأننا مأمورين بالإحسان والبر، وإن أساءت هي؛ ففي حديث سيدنا عبدالله بن عمرو: "ليس الواصل بالمكافئ، ولكن الواصل الذي إذا قطعت رحمه وصلها".

ولكن البر والإحسان لا يلزم طاعتهم فيما يضرك؛ فإنما جاء الشرع لرفع الضرر، ومنع الأذى؛ ففي حديث سيدنا أبو سعيد الخدري: "لا ضرر ولا ضرار".

فايه أخبار الوالد؟ متاح نروح نقعد معاه؟ أو حد تاني من العيلة كالحد والجدة، والأخوال والأعمام مثلًا؟

" إنسان "

جماعة، في أسئلة بتكون عادي تتعرض أمام العامة، ومحدش هيعرف مين صاحبها، ولا فيها ما يخدش الحياء العام.

سؤال عادي جدًا، ولكن صاحبه يرفض أن يظهره، فمعلش مثل هذه الأسئلة مش هنجاوبها؛ لأننا قبل الاستفادة الشخصية فإحنا عايزين استفادة عامة للجميع، وخاصة مع ضغط الأسئلة، وإن في أسئلة بتكون مكررة، فبالتالي ممكن الشخص ميتردش عليه، ولكنه يستفاد من الإجابة على شخص تاني.

#الإدارة.

خلينا متفقين أن التهديد بالتعدد من سوء العشرة، ولكن مفيش حاجة اسمها التهديد بالتعدد حرام في المطلق، مفيش أصلًا فتوى كدا في المطلق، وقبل أي فتوى لازم نبحث عن كل معطيات الأمر.

فإحنا معانا زوجة مهملة، مش نظيفة، لا تقوم بحق زوجها، كرهت الراجل في عيشته، فهل أنا في الحالة دي لما أقولها -بعد ما حاولت أعالج الأمر بشتى الطرق، وكلمت أهلها وبلا بلا بلا- إني هعدد يبقى حرام؟ ما لكم كيف تحكمون؟

فعامة إحنا لما بنعطيكم مساحة ويساء استخدامها بنحجمها ونمنعها زي ما عملنا في جزء إخفاء الرسالة كدا لما لقينا الناس تسيء استخدامها بدون مبرر، فمتخلوناش نروح للحتة دي كمان في جزء المشاركة منكم.

#الإدارة.

ربنا يبارك فيك يا رب، لا تنسونا من صالح الدعاء

أنا بس اللي مش بكتب رد السلام، ولكن برده والله كامل أول ما بقرأه :'D

" إنسان "

اتفضل

https://t.me/Answer_Q

" إنسان "