طيب كدا خلاص، المهندسين والبشر العاديين إخوات

نوقف هزار بقى ونشوف شغلنا علشان الإدارة هتعلقنا كلنا دلوقت 😆

" إنسان "

مكنتش عايزها تيجي مني عشان ميقولوش بينحاز للمهندسين بس احنا فعلا بنفهم ف الطب بعيدا عن الاسعافات الاولية اللي كل الناس المفروض تبقا عارفاها

كويس انه بيشتغل دكتور على خفيف مش معتبر نفسه دكتور العيلة زيي 😅

⚙️

انا كنت عايز اسيب الرسالة عشان المتابعين ينصحوكي برضو بس المهم يعني

اي موضوع فيه التزام بيكون شاق على النفس لان النفس امارة بالسوء

والصبر انواع منها الصبر على الطاعة وهو ليه اجر كبير عند الله
قال الله ( والذين جاهدوا فينا لنهدينهم سبلنا وإن الله لمع المحسنين)
والايات في الصبر على الطاعة كتيرة جدا
فاحتسبي ان دا من الصبر على طاعة الله وانه جهاد لنفسك وللشيطان وان دا رينا هيرفعك بيه درجات

والنقاب هيمنع عنك باب فتنة عظيمة في شغلك وفي التعامل مع الرجال

وخليكي وسط بيئة صالحة تعينك على الطاعة
اللي قتل 99 نفس
العالم امره انه بس يغير مكانه ويروح وسط ناس بيعبدوا الله فيعبد الله معهم
ف تغيير صحبتك او بيئتك هيرفع من همتك ويثبتك

وداومي على الدعاء وزي م ذكرت قبل كدا دعاء ( اللهم أعني على ذكرك وشكرك وحسن عبادتك )

ربنا يثبتك

⚙️

أنا بشوف إن الأفضل إن الطفل ميروحش حضانة، وإن تعليمه في الفترة دي يكون من أهله، ولكن في حد -ربنا يبارك فيه- نقل ليا وجهة نظر تانية، وقالي إنها نجحت معاه لما اختار حضانة كويسة.

أما بالنسبة لفكرة خاصة ولغات فدا أصلًا شيء مرفوض تربويًا؛ لأن أنت لما تعودي الطفل على الدراسة بغير لغته الأم، فنسبة إبداعه في العلوم لما يكبر ضعيفة جدًا جدًا جدًا، وهندرس دا مع بعض بتفصيل واسع وبتأسيس كويس في مرحلة صناعة المربي بإذن الله.

ولكن عامة الطفل اتخلق ليلعب مش ليدرس؛ فلم يكلفه رب العالمين، ولكن بيكون في أشياء مهم أوي نعطيها للطفل في مراحل عمرية مختلفة، وهندرس دا بتفصيل واسع جدًا في مرحلة التأهيل للتربية بإذن الله، وحتى الأشياء دي بنعطيها للطفل بمهارة مش بالتلقين والتكليف.

فببساطة لو لقيت مكان كويس تأمنه على أطفالك فمفيش مشكلة، وبالفعل هتلاقي ثمرات جميلة جدًا، ولكن اعرف الطفل المفروض يعرف ايه في مراحله العمرية المختلفة الأول، ولا تزد عليها فتكلفه فوق طاقته.

" إنسان "

عليكم السلام ورحمة الله وبركاته
ان شاءالله يكون هو اللي اتجاوب عليه دا

⚙️

أضحك الله سنك

فاصل الضحك دا جميل ومقصود

اوعوا بس تزعلوا مننا، وإحنا لو قلنا أي شيء فإحنا بنكون بنهزر والله، وإحنا اخواتكم، ربنا يبارك فينا وفيكم يا رب العالمين.

" إنسان "

زمان كان معانا دكتور " برين " ربنا يبارك فيه

لو عتر فينا بنقول الكلام دا هياكلنا 😆

" إنسان "

يعني سبحان الله مفيش ولا مشرف من بتوع الأسئلة من المنوفية، ياعم إحنا مش أدكم أنتم كلكم candidates لرئاسة الجمهورية :'D

لكن عامة إحنا مجهولين، وممنووع تسألونا أسئلة شخصية

" إنسان "

أهم شيء بتدعولنا وقت ما غيبنا؟ :'D

هنزل كتاب عملاه دورية نماء رائع بعد الرسالة دي، ولكن طبعًا طبعًا طبعًا محتاج تنضم لينا في المساق

" إنسان "

عندنا حق فعلا

الموضوع فيه سعه والله ي جماعة يعني بينكم وبين بعض
المهم ان الواحدة متبقاش داخله مشحونة انه مستحيل اديه فلوسي وانا شغلي لنفسي ومش عارف ايه
هو والله من المروءة انه مش هيطلب منك قرش
وانتي لوحدك من المودة هتشاركي معاه

الخضار ومصاريف البيت دي هو هيديهالك عادي ولكن انتي ممكن ف مرة تجيبي من فلوسك مفيش ضرر ومرة تجيبيله هدية من فلوسك
تجيبي حاجة محتاجينها ف البيت كدا يعني دا لو هو مستغني عن مالك
لكن لو ظروفكم صعبة ف لازم تحطوا القرش ع القرش وتبنوا نفسكوا امال متجوزاه ليه لو هتسيبيه بيستلف من فلان وعلان عشان يقضي مصلحه وانتي معاكي الفلوس ف جيبك

وكلام خالتك صح نسبيا
من خلال التجارب الشغل مهم فعلا للبنت في ظروف معينة ولكن ما لم يتعارض بجد مع بيتها وزوجها ورعايته ورعايه اولادها

انتي بقا شايفه انك عايزه تقعدي ف بيتك وتراعي اولادك والله يبقا كتر خيرك
شايفه انه محتاجه تشتغلي يبقا برضو ليكي الحق ما لم تضري زوجك وبيتك

جزئية الكلية انتي قولتي مش عايزه تظهريها ف انا مش عارف ارد لاني لو رديت هيتفهم انا بتكلم عن ايه
لكن هو المجال دا فيه اختلاط فعلا بسبب طبيعة شغله كشركات وبرضو عدد ساعات شغله كتير

⚙️

الحمدلله
اللهم امين يارب واياكم

اذكرونا في دعواتكم بظهر الغيب

⚙️

اللي يحددها انتي
المهم انك لو اخترتي تشتغلي تخلي بالك من الاختلاط ومتخليش دا يأثر على بيتك


بالنسبة للنقاب في الرؤية ف هو لازم يشوفك بدون نقاب
اعتبريه كانك بتعتمري ولازم تخلعيه

لكن هو له الحق انه يشوفك ف طبيعي لازم تخلعي النقاب
تقعدي بالنقاب لو هو شافك واقتنع بالشكل تمام خلاص لا حاجة لرفع النقاب وتقدري تكملي الرؤية بيه

⚙️

اهلك لما بيساعدوكي هم مش منتظرين منك تردي ليهم المقابل
دا واجب عليهم
ف انتي عادي ممكن كل شهر تجيبي هدية لمامتك من باب البر وكدا

ولكن كلامك مش غلط عادي طالما هو مالك
ولكن الاحسن انك توازني بين كل الامور لانك بتستقطعي من وقت بيتك عشان شغلك برضو ف بيتك ليه حق

⚙️

اهلك عندهم حق بعيدا عن انهم ميعرفوش هو عمل ايه اصلا فرق السن كبير

ثم انك مينفعش تهتكي ستر الله عليكي
اذنبتي ربنا سترك وتوبتي وتاب الله عن من تاب
خلاص امسحي الماضي دا من حياتك وابدأي حياة جديدة ولا تفسدي حياتك بايدك

ولو اهلك وافقوا على هذا الرجل ارفضي انتي

⚙️

الاهم من تكافؤ الكليات هو تكافؤ العقليات

بلاش احساس ان حد احسن من حد عامة طالما ان التفكير متقارب وانتوا الاتنين متعلمين مش حد جاهل وحد متعلم يعني

انتي لو حستي انه بيتعامل من هذا المنطق اصلا اتركيه
وطبعا الدين بيقوم سلوك الانسان

مش شايف اي مشكلة ان شاء الله

⚙️

اولا ربنا يجازيكي خير على مساعدتك لوالدتك وثانيا جزاكي الله خير على كل هذه الدعوات الطيبة
ربنا يرزقكم بالمثل وزيادة


بالنسبة للمشكلة بتاعة حضرتك ف انا شايف ان الشخصيات اللي والدتك بتيجي بالسياسة
يعني اوقات الروقان واوقات الصفا افتحي معاها موضوع حاجة من الحاجات اللي ملهاش لزمة دي
قوليلها احنا ليه عندنا الحاجة دي وبنعمل بيها ايه وهاتيها ف الكلام واحدة واحدة

بلاش تبقي بتهاجمي حاولي تظهري بمظهر اللي بيسأل وان شاء الله يا تقنعكم يا تقنعوها


⚙️

عليكم السلام ورحمة الله وبركاته
حضرتك عندك حق جدا
جزاكي الله خيرا

⚙️

عليكم السلام ورحمة الله وبركاته

راجعت كلامي بعد السؤال دا كذا مرة فوجدت اني قولت استخدام التعدد بعد النصح مرة واتنين وتلاته

بعدين نصحت بتدخل حد حكيم من الاهل يحل الموضوع

ثم ف الاخر نصحت باستخدام التعدد

وانا اصحح كلامي دلوقتي
انه واجب عليك النصح وتذكريها بحقك عليها وحق بيتها عليها
وان النبي امرها بحسن التبعل

قال النبي ﷺ ( خير النساء التي تسره إذا نظر، وتطيعه إذا أمر، ولا تخالفه فيما يكره في نفسها وماله.)

وابذل جهدك في اصلاحها

وان وجدت انك لا تطيق ذلك وان الامر مؤثر عليك للدرجة ومفيش اي حل من اهلها ولا اهلك وتستطيع ان تتزوج ثانية فافعل
ولكن العدل العدل يا اخي
ربنا يصلح حالكم

جزاكم الله خيرا على التذكير
الله يجعلنا من المتقين

⚙️