طيب يعني ممكن نعيد صياغة السؤال ونقول إنك في العموم مش رافضة فكرة الزواج، ولكن رافضة طريقة أهلك في التعامل مع الموقف، صح كدا؟ :"D
ببساطة بدل الخناقات دي نكون واضحين ونقولهم إننا مش رافضين فكرة الزواج، ولكن ازاي هوافق على شخص مش عارفاه؟
اتكلمي مع الشخص الأقرب ليك من أهلك، قوليله نسأل عليه الأول وبعد كدا يدخل البيت ونقعد رؤية شرعية، وبعدين نقرر هنوافق ولا هنرفض، لكن هوافق أو هرفض مبدئيًا على أساس ايه؟
ربنا يصلح بينكم، ويرزقكم المودة والألفة.
ببساطة بدل الخناقات دي نكون واضحين ونقولهم إننا مش رافضين فكرة الزواج، ولكن ازاي هوافق على شخص مش عارفاه؟
اتكلمي مع الشخص الأقرب ليك من أهلك، قوليله نسأل عليه الأول وبعد كدا يدخل البيت ونقعد رؤية شرعية، وبعدين نقرر هنوافق ولا هنرفض، لكن هوافق أو هرفض مبدئيًا على أساس ايه؟
ربنا يصلح بينكم، ويرزقكم المودة والألفة.
❤1👍1
حاول قدر الإمكان متفتحش مجال للنقاش، قول حاضر ونعم، وابتسم، ابتسم كتير قصاده (طبعًا وهو رايق مش متعصب علشان ميحدفناش أنا وأنت من الشباك)، يعني ابتسم بما لا يجعلك مستفزًا.
طالما مش بيأمر بمعصية ومش بيتخطى حدوده في الأوامر (كإنه يأمرك بالأمور الخاصة بشخصيتك ومصيرك زي كلية معينة، زواج من حد بعينه...إلخ)، ارضيه واحتسب الأجر عند الله سبحانه وتعالى، وهنا قول النبي -صلى الله عليه وسلم- "فيهما فجاهد".
ولو بيتخطى حدوده في الأوامر خليك ذكي في التعامل، بلاش تقفش قصاده، شوف حد كبير من العيلة أو من أصحابه يكون بيسمع ليه وخليه يتدخل، وادعيله بالهداية.
وعامة حاول تقرب منه، حاول تدور على حاجة مشتركة واعملوها سوا، هاتله هدايا قدر المستطاع "تهادوا تحابوا"، وادعيله كتير بالهداية.
ربنا يؤلف بين قلوبكم، ويرزقكم المودة والرحمة وصلاح الحال.
طالما مش بيأمر بمعصية ومش بيتخطى حدوده في الأوامر (كإنه يأمرك بالأمور الخاصة بشخصيتك ومصيرك زي كلية معينة، زواج من حد بعينه...إلخ)، ارضيه واحتسب الأجر عند الله سبحانه وتعالى، وهنا قول النبي -صلى الله عليه وسلم- "فيهما فجاهد".
ولو بيتخطى حدوده في الأوامر خليك ذكي في التعامل، بلاش تقفش قصاده، شوف حد كبير من العيلة أو من أصحابه يكون بيسمع ليه وخليه يتدخل، وادعيله بالهداية.
وعامة حاول تقرب منه، حاول تدور على حاجة مشتركة واعملوها سوا، هاتله هدايا قدر المستطاع "تهادوا تحابوا"، وادعيله كتير بالهداية.
ربنا يؤلف بين قلوبكم، ويرزقكم المودة والرحمة وصلاح الحال.
❤7😢2👍1
إجابات الأسئلة
-وسوسة الشيطان هي مجرد الهم بالمعصية، ال هو يجي يقولك ما تيجي نعمل كذا، ودي سهل إبطالها بالمناسبة "إن كيد الشيطان كان ضعيفًا"، أما هوى النفس فهو العزم على الفعل، والجد فيه، وحث النفس عليه. نكمل في رسالة أخرى بإذن الله
-ولا يحاسب الإنسان على مجرد الهم، فيقول النبي -صلى الله عليه وسلم-: "ومن هم بسيئة فلم يعملها، كتبها الله عنده حسنة كاملة".
-ويحاسب على العزم على المعصية وإن لم يفعلها؛ لأنه قد وطن نفسه على فعلها، فلم تتيسر له، فيقول الله: "والذين إذا فعلوا فاحشة أو ظلموا أنفسهم ذكروا الله ... ولم يصروا على ما فعلوا وهم يعلمون"، ويقول: "ومن يرد فيه بإلحاد بظلم نذقه من عذاب أليم" فعلق العذاب على مجرد الإرادة، ويقول النبي: "إذا التقى المسلمان بسيفهما، فالقاتل والمقتول في النار"، ثم يوضح لنا لماذا يعذب المقتول ولم يقتل "إنه كان حريصًا على قتل صاحبه".
-أما مسألة وسوسة الشياطين في رمضان، فنعم قد توسوس الشياطين في رمضان، ولكن الشر في رمضان أقل من غيره، وإنما يحفظ الله من صان صومه، وأتمه على أكمل وجه "لعلكم تتقون"، فمن المعروف إن مش كل الناس بتصل للتقوى في رمضان، اللهم اجعلنا من المتقين، قولوا آمين.
وقد ظهر الشيطان في غزوة بدر، وكانت بدر في رمضان "وإذ زين لهم الشيطان أعمالهم وقال لا غالب لكم اليوم من الناس وإني جار لكم فلما تراءت الفئتان نكص على عقبيه وقال إني بريء منكم إني أرى ما لا ترون إني أخاف الله والله شديد العقاب".
-أكثر من الاستغفار، والدعاء، والحسنات "إن الحسنات يذهبن السيئات"، ولله عتقاء في كل ليلة، فجد واجتهد، وادعيلنا معاك :")
-ويحاسب على العزم على المعصية وإن لم يفعلها؛ لأنه قد وطن نفسه على فعلها، فلم تتيسر له، فيقول الله: "والذين إذا فعلوا فاحشة أو ظلموا أنفسهم ذكروا الله ... ولم يصروا على ما فعلوا وهم يعلمون"، ويقول: "ومن يرد فيه بإلحاد بظلم نذقه من عذاب أليم" فعلق العذاب على مجرد الإرادة، ويقول النبي: "إذا التقى المسلمان بسيفهما، فالقاتل والمقتول في النار"، ثم يوضح لنا لماذا يعذب المقتول ولم يقتل "إنه كان حريصًا على قتل صاحبه".
-أما مسألة وسوسة الشياطين في رمضان، فنعم قد توسوس الشياطين في رمضان، ولكن الشر في رمضان أقل من غيره، وإنما يحفظ الله من صان صومه، وأتمه على أكمل وجه "لعلكم تتقون"، فمن المعروف إن مش كل الناس بتصل للتقوى في رمضان، اللهم اجعلنا من المتقين، قولوا آمين.
وقد ظهر الشيطان في غزوة بدر، وكانت بدر في رمضان "وإذ زين لهم الشيطان أعمالهم وقال لا غالب لكم اليوم من الناس وإني جار لكم فلما تراءت الفئتان نكص على عقبيه وقال إني بريء منكم إني أرى ما لا ترون إني أخاف الله والله شديد العقاب".
-أكثر من الاستغفار، والدعاء، والحسنات "إن الحسنات يذهبن السيئات"، ولله عتقاء في كل ليلة، فجد واجتهد، وادعيلنا معاك :")
❤1👍1
تصحيح لبعض الأمور بس:
-هو دا الطبيعي، دي طريقة الزواج الطبيعية، إنسان عايز يتجوز، فبيروح يشوف الإنسانة المناسبة، صح؟ :"D
-هو مختارش أي حد وخلاص؛ لأن محدش بيختار أي حد وخلاص، لأ إحنا بنختار ناس مناسبة لينا(بنتجوز وبنبنبي بيت وأسرة ودنيا مش بنشتري طماطم)، وبإذن الله تكوني حد مناسب ليه.
نكمل في رسالة أخرى
-هو دا الطبيعي، دي طريقة الزواج الطبيعية، إنسان عايز يتجوز، فبيروح يشوف الإنسانة المناسبة، صح؟ :"D
-هو مختارش أي حد وخلاص؛ لأن محدش بيختار أي حد وخلاص، لأ إحنا بنختار ناس مناسبة لينا(بنتجوز وبنبنبي بيت وأسرة ودنيا مش بنشتري طماطم)، وبإذن الله تكوني حد مناسب ليه.
نكمل في رسالة أخرى
❤2👍2
-الحب في أمر الزواج بالكلية مش شرط يجي أصلًا، البيوت لا تقوم على الحب، ولكنها تقوم على المودة والرحمة، وعادي جدًا تلاقي بيوت مستقرة وفيها سكينة جميلة جدًا ومفيش حب بين الطرفين، ولو جيت سألت الزوج مثلًا أنت بتحب مين؟ ممكن يقولك على بنت كان بيحبها أثناء شبابه، تقوليله طب فلانة (مراته)، يقولك هو في زي فلانة؟
سيدنا عمر بن الخطاب -رضي الله عنه- لما راح له رجل عايز يطلق زوجته وكان السبب بس إنه مش بيحبها، سيدنا عمر غضب، وقال: ألا تقام البيوت إلا على الحب؟ أين الوفاء والمروءة؟
سيدنا عمر نفسه كان من بين زوجاته لا يحب إلا عاتكة، والنبي -صلى الله عليه وسلم- كان لا يحب إلا عائشة، وكان لو زوجة من زوجاته حبت ترضيه تتنازل ليه عن يومها لستنا عائشة -رضي الله عنها- زي ما كانت بتعمل ستنا أم سلمة، مع إن كان من بين زوجات النبي من هن فائقات الجمال!
فالحب في أمر الزواج مش ضروري لإقامة بيت، ولكن الضروري المودة والرحمة والدين والأدب، والنبي -صلى الله عليه وسلم يقول: "لا يفرك مؤمن مؤمنة، إن كره منها خلقًا، رضي منها آخر"، والنساء شقائق الرجال في هذه الأحكام، فممكن نقول لا تفرك مؤمنة مؤمن برضو.
-الطبيعي برضو أن يأتي الحب بعد الزواج، بعد ما ياخد وقت معاك، تقربوا من بعض أكتر، يبقى متاح ليكم أمور مش متاحة حاليًا ...إلخ هذه الأمور.
-الراجل بيعاملك بإحترام وتقدير أهوو، وطالما وافقت عليه يبقى راجل مناسب ليك، فحاولي قدر الإمكان تقللي مساحة المشاكل مش توسعيها، فمتدوريش على المشاكل بقى وارضي بما قسمه الله لك.
وأنت كدا في الدفعة السادسة، فمتقلقيش بإذن الله هنتطرق لهذه الأمور لسه، وهنتعلم أكتر حول هذه النقطة، وهنعرف ممكن نعمل ايه يخلي الطرف الآخر يحبنا :"D
سيدنا عمر بن الخطاب -رضي الله عنه- لما راح له رجل عايز يطلق زوجته وكان السبب بس إنه مش بيحبها، سيدنا عمر غضب، وقال: ألا تقام البيوت إلا على الحب؟ أين الوفاء والمروءة؟
سيدنا عمر نفسه كان من بين زوجاته لا يحب إلا عاتكة، والنبي -صلى الله عليه وسلم- كان لا يحب إلا عائشة، وكان لو زوجة من زوجاته حبت ترضيه تتنازل ليه عن يومها لستنا عائشة -رضي الله عنها- زي ما كانت بتعمل ستنا أم سلمة، مع إن كان من بين زوجات النبي من هن فائقات الجمال!
فالحب في أمر الزواج مش ضروري لإقامة بيت، ولكن الضروري المودة والرحمة والدين والأدب، والنبي -صلى الله عليه وسلم يقول: "لا يفرك مؤمن مؤمنة، إن كره منها خلقًا، رضي منها آخر"، والنساء شقائق الرجال في هذه الأحكام، فممكن نقول لا تفرك مؤمنة مؤمن برضو.
-الطبيعي برضو أن يأتي الحب بعد الزواج، بعد ما ياخد وقت معاك، تقربوا من بعض أكتر، يبقى متاح ليكم أمور مش متاحة حاليًا ...إلخ هذه الأمور.
-الراجل بيعاملك بإحترام وتقدير أهوو، وطالما وافقت عليه يبقى راجل مناسب ليك، فحاولي قدر الإمكان تقللي مساحة المشاكل مش توسعيها، فمتدوريش على المشاكل بقى وارضي بما قسمه الله لك.
وأنت كدا في الدفعة السادسة، فمتقلقيش بإذن الله هنتطرق لهذه الأمور لسه، وهنتعلم أكتر حول هذه النقطة، وهنعرف ممكن نعمل ايه يخلي الطرف الآخر يحبنا :"D
❤5
تقصد زكاة الفطر، صح؟
المسألة فيها خلاف، والأفضل فعل ما كان يفعله النبي -صلى الله عليه وسلم- وهو إخراجها حبوبًا من طعام أهل البلد، ودا مذهب جمهور العلماء.
ولكن أباح الإمام أبو حنيفة والحسن البصري وسيدنا عمر بن عبدالعزيز إخراجها نقدًا؛ للتسهيل على الفقير، فيشتري بها ما يريد.
فإن أخذت بقول من أباحها فلا بأس، لا سيما إنهم من الثقات، ولكن الأفضل الإلتزام بمذهب الجمهور، وفعل ما كان يفعله النبي وأصحابه.
المسألة فيها خلاف، والأفضل فعل ما كان يفعله النبي -صلى الله عليه وسلم- وهو إخراجها حبوبًا من طعام أهل البلد، ودا مذهب جمهور العلماء.
ولكن أباح الإمام أبو حنيفة والحسن البصري وسيدنا عمر بن عبدالعزيز إخراجها نقدًا؛ للتسهيل على الفقير، فيشتري بها ما يريد.
فإن أخذت بقول من أباحها فلا بأس، لا سيما إنهم من الثقات، ولكن الأفضل الإلتزام بمذهب الجمهور، وفعل ما كان يفعله النبي وأصحابه.
👍2
عادة تصرفات الأطفال بتكون ناتجة عن حاجة (والله والكبار كمان :V)فبنلبي الحاجة دي بأي تصرف ممكن، فممكن الطفل يكذب للفت الانتباه مثلًا، وزي الحالة دي يكذب تفاديًا للعواقب، وما إلى ذلك بقى.
وفي الحالة دي المشكلة يعتبر محلولة؛ لأنك بالفعل محددة سبب الكذب أهوو، وعارفة حاجة الطفل، ألا وهي الأمان والإحتواء، والشعور بالقبول حتى لو كان مخطئ(وأتأكدي من النقطة دي برضو، وإن مفيش سبب آخر).
ودايمًا دايمًا الطفل مبيبقاش هو الجاني، يعني هو متولدش بيكذب، ولا هيتولد قليل الأدب مثلًا، هو بيتولد صفحة بيضاء وإحنا في ايدينا نعمل فيها كل شيء بعد إرادة الله -سبحانه وتعالى- ومشيئته طبعًا "ما من مولود إلا ويولد على الفطرة، فأبواه يهودانه، أو يمجسانه".
هكمل في رسالة أخرى بإذن الله
وفي الحالة دي المشكلة يعتبر محلولة؛ لأنك بالفعل محددة سبب الكذب أهوو، وعارفة حاجة الطفل، ألا وهي الأمان والإحتواء، والشعور بالقبول حتى لو كان مخطئ(وأتأكدي من النقطة دي برضو، وإن مفيش سبب آخر).
ودايمًا دايمًا الطفل مبيبقاش هو الجاني، يعني هو متولدش بيكذب، ولا هيتولد قليل الأدب مثلًا، هو بيتولد صفحة بيضاء وإحنا في ايدينا نعمل فيها كل شيء بعد إرادة الله -سبحانه وتعالى- ومشيئته طبعًا "ما من مولود إلا ويولد على الفطرة، فأبواه يهودانه، أو يمجسانه".
هكمل في رسالة أخرى بإذن الله
👍1
نعمل ايه؟
-نقرب منه جدًا، نحتويه ونلبي رغباته المباحة قدر الإمكان، ونعتذر ليه عن الأشياء ال مش هنقدر نلبيها له، مع التبرير؛ علشان يعرف السبب وميبقاش لحوح، وهو من نفسه لما يلاقي معظم رغباته مستجابة ومقبولة، هيتقبل فكرة الرفض لما نقوله لأ مش هنقدر نعمل كذا.
-نثني على أفعاله الحسنة باستمرار، ونشجعه عليها، ونعمل ليه تحديات إن والله لو عملت كذا وكذا هنجيبلك حاجة حلوة.
-نحاول نفهمه معنى إن الإنسان في ذاته كريم، وايه الفرق بينه وبين البهائم والحيوانات، وإن الإنسان هو ال بيتنازل عن تكريمه دا، وبينزل لدرجات أقل بسبب أفعاله.
-لما يعمل شيء غلط نعاتبه في وقتها حتى لو هيتعاقب ولكن أهم شيء في نفس وقت فعله للغلط، ونربط ليه إن العتاب أو العقاب دا بسبب الشيء الخطأ ال عمله؛ علشان يبقى واعي لدا.
وأهم شيء لو مش هنعاقب في نفس الوقت ال أخطأ فيه، يبقى منعاقبش خلاص؛ علشان هيشوف إنك بتعاقبيه دون داعي، وهو معملش شء يستحق للعقاب.
-العقاب طبعًا يكون في نطاق المسموح، إحنا بنأدبه مش بننتقم منه، فالنقطة دي مهمة أوي، مع مراعاة إننا منستخدمش شيء نضربه بيه، ولا نضربه أبدًا على وجهه؛ لأننا تاني بنأدبه مش بنهينه.
-العقاب مياخدش مدة طويلة، ولما نعاقب على فعل معين، مفيش مانع إننا نظهر ليه الحب والحنان، ونهزر ونضحك معاه، ال هو إحنا عاقبنا على الفعل دا فقط، لكن هو لسه إبننا حبيبنا ال منقدرش نستغنى عنه. (دا هيخليه يحس إنه مقبول حتى لو أخطأ).
-بلاش نواجهه في الأول في جزئية الكذب، نحاول نشتغل على الأشياء ال قلتها فوق الأول، ولو لقيناه لسه بيكذب نواجه بلطف، وإننا عرفنا الحقيقة ونتصرف بالطريقة ال قلناها فوق دي.
-ومهم أوي أوي أوي إن محدش يعايره، يعني مينفعش نقوله يا كذاب، لأ دي نقطة قاتلة.
-وطبعًا نحكيله قصص كتير بقى عن الصدق حسب سنه، الأطفال بتحب القصص وبتيجي بيها جدًا، القصص في ذاتها فيها ترغيب وترهيب، ال هو هنعمل الصح علشان نبقى حلوين، ومش هنبقى زي الوحشين ونعمل الغلط.
-نقرب منه جدًا، نحتويه ونلبي رغباته المباحة قدر الإمكان، ونعتذر ليه عن الأشياء ال مش هنقدر نلبيها له، مع التبرير؛ علشان يعرف السبب وميبقاش لحوح، وهو من نفسه لما يلاقي معظم رغباته مستجابة ومقبولة، هيتقبل فكرة الرفض لما نقوله لأ مش هنقدر نعمل كذا.
-نثني على أفعاله الحسنة باستمرار، ونشجعه عليها، ونعمل ليه تحديات إن والله لو عملت كذا وكذا هنجيبلك حاجة حلوة.
-نحاول نفهمه معنى إن الإنسان في ذاته كريم، وايه الفرق بينه وبين البهائم والحيوانات، وإن الإنسان هو ال بيتنازل عن تكريمه دا، وبينزل لدرجات أقل بسبب أفعاله.
-لما يعمل شيء غلط نعاتبه في وقتها حتى لو هيتعاقب ولكن أهم شيء في نفس وقت فعله للغلط، ونربط ليه إن العتاب أو العقاب دا بسبب الشيء الخطأ ال عمله؛ علشان يبقى واعي لدا.
وأهم شيء لو مش هنعاقب في نفس الوقت ال أخطأ فيه، يبقى منعاقبش خلاص؛ علشان هيشوف إنك بتعاقبيه دون داعي، وهو معملش شء يستحق للعقاب.
-العقاب طبعًا يكون في نطاق المسموح، إحنا بنأدبه مش بننتقم منه، فالنقطة دي مهمة أوي، مع مراعاة إننا منستخدمش شيء نضربه بيه، ولا نضربه أبدًا على وجهه؛ لأننا تاني بنأدبه مش بنهينه.
-العقاب مياخدش مدة طويلة، ولما نعاقب على فعل معين، مفيش مانع إننا نظهر ليه الحب والحنان، ونهزر ونضحك معاه، ال هو إحنا عاقبنا على الفعل دا فقط، لكن هو لسه إبننا حبيبنا ال منقدرش نستغنى عنه. (دا هيخليه يحس إنه مقبول حتى لو أخطأ).
-بلاش نواجهه في الأول في جزئية الكذب، نحاول نشتغل على الأشياء ال قلتها فوق الأول، ولو لقيناه لسه بيكذب نواجه بلطف، وإننا عرفنا الحقيقة ونتصرف بالطريقة ال قلناها فوق دي.
-ومهم أوي أوي أوي إن محدش يعايره، يعني مينفعش نقوله يا كذاب، لأ دي نقطة قاتلة.
-وطبعًا نحكيله قصص كتير بقى عن الصدق حسب سنه، الأطفال بتحب القصص وبتيجي بيها جدًا، القصص في ذاتها فيها ترغيب وترهيب، ال هو هنعمل الصح علشان نبقى حلوين، ومش هنبقى زي الوحشين ونعمل الغلط.
❤1👍1
أما بالنسبة لجزئية إن في سن معين بيكون الكذب فيه مش خطير، فالإجابة لأ، الكذب خطير في كل أحواله (إلا الحالات المباحة في الدين، زي الكذب على الزوجة، والصلح بين الناس).
ولكن حتى العلماء تقول أنه حتى في الحالات المباحة، يظل اسمه كذب برضو، يعني مفيش حاجة اسمها كذبة بيضاء وكذبة سوداء، الكذب كذب حتى لو مباح في الدين؛ ودا للتشديد على معنى الكذب، والنفور منه.
وطبعًا لو الطفل اتعود على الكذب من صغره، فهيكبر ويفضل يكذب في كل تصرفاته برضو.
ولو كل الأشياء دي مجابتش نتيجة، فدا معناه بقى إننا واصلين لمرحلة متأخرة، والطفل محتاج أخصائي تعديل سلوك .. ودا مؤشر خطير إن البيت على وشك تدمير الطفل.
ولكن حتى العلماء تقول أنه حتى في الحالات المباحة، يظل اسمه كذب برضو، يعني مفيش حاجة اسمها كذبة بيضاء وكذبة سوداء، الكذب كذب حتى لو مباح في الدين؛ ودا للتشديد على معنى الكذب، والنفور منه.
وطبعًا لو الطفل اتعود على الكذب من صغره، فهيكبر ويفضل يكذب في كل تصرفاته برضو.
ولو كل الأشياء دي مجابتش نتيجة، فدا معناه بقى إننا واصلين لمرحلة متأخرة، والطفل محتاج أخصائي تعديل سلوك .. ودا مؤشر خطير إن البيت على وشك تدمير الطفل.
-اقرأ مقال "جسر التعب" في كتاب مسلكيات للجميل الرائع إبراهيم السكران.
-واقعد مع نفسك، وورقة وقلم وشوف ايه بيعطلك دايمًا، وحلل الأسباب، وطلع حلول.
-ادعي ربنا دايمًا بالثبات في الأمر، والزم هذا الدعاء: "اللهم إني أسألك الثبات في الأمر، والعزيمة على الرشد، وأسألك موجبات رحمتك، وعزائم مغفرتك، وأسألك شكر نعمتك، وحسن عبادتك، واسألك قلبًا سليمًا، ولسانًا صادقًا، وأسألك من خير ما تعلم، وأعوذ بك من شر ما تعلم، وأستغفرك لما تعلم إنك أنت علام الغيوب.
دي وصية النبي -صلى الله عليه وسلم- لسيدنا شداد ابن أوس، قاله: "يا شداد بن أوس، إذا رأيت الناس قد اكتنزوا الذهب والفضة، فاكنز هؤلاء الكلمات".
-واقعد مع نفسك، وورقة وقلم وشوف ايه بيعطلك دايمًا، وحلل الأسباب، وطلع حلول.
-ادعي ربنا دايمًا بالثبات في الأمر، والزم هذا الدعاء: "اللهم إني أسألك الثبات في الأمر، والعزيمة على الرشد، وأسألك موجبات رحمتك، وعزائم مغفرتك، وأسألك شكر نعمتك، وحسن عبادتك، واسألك قلبًا سليمًا، ولسانًا صادقًا، وأسألك من خير ما تعلم، وأعوذ بك من شر ما تعلم، وأستغفرك لما تعلم إنك أنت علام الغيوب.
دي وصية النبي -صلى الله عليه وسلم- لسيدنا شداد ابن أوس، قاله: "يا شداد بن أوس، إذا رأيت الناس قد اكتنزوا الذهب والفضة، فاكنز هؤلاء الكلمات".
❤3👍1
ما الأمر مختلف من دفعة للتانية، وكل دفعة عارفة دنيتها، المساق كله سنة ونصف تقريبًا، فاحسب أنت بقى.
بالنسبة للانسحاب فبراحتك، لكن أنت ليك فرصتين فقط للانضمام لينا، فكدا هتكون استهلكت واحدة منهم، ولو دخلت مرة تانية فمهما كان الظروف وقتها ال هتخرج بسببها، مش هتقدر تدخل معانا تاني، وخليني أقول إنك هتكون فوّتت على نفسك خير عظيم، فمش من العقل إننا نفرط في فرصة من الفرصتين إلا لو ظروف شديدة جدًا، صح؟
بالنسبة للانسحاب فبراحتك، لكن أنت ليك فرصتين فقط للانضمام لينا، فكدا هتكون استهلكت واحدة منهم، ولو دخلت مرة تانية فمهما كان الظروف وقتها ال هتخرج بسببها، مش هتقدر تدخل معانا تاني، وخليني أقول إنك هتكون فوّتت على نفسك خير عظيم، فمش من العقل إننا نفرط في فرصة من الفرصتين إلا لو ظروف شديدة جدًا، صح؟
👍3
الأسئلة دي ملهاش إجابة
أهالينا كلهم مش واحد، يعني أهلي أنا غير أهلك أنت، غير أهل الأستاذ والأستاذة ال بيقرأوا دلوقت، صح؟
ولكن الغالب يعني إن الأشياء دي بترجع للبنت نفسها مش للأهل، أهم شيء بالنسبة للأهل إنه يكون شخص كويس، وجاهز يفتح بيت، ويخلي باله من بنتهم، أدها بقى في السن، أصغر منها، أكبر مش هيفرق، المهم شخص كويس وجاهز يفتح بيت.
ولكن طبعًا في أهل ممكن تدخل في النقطة دي، الأمر متغير زي ما قلتلك مش ثابت، فأنت لو في حد في دماغك خد الخطوة طالما جاهز ومتحسبلهاش كتير :"D
أهالينا كلهم مش واحد، يعني أهلي أنا غير أهلك أنت، غير أهل الأستاذ والأستاذة ال بيقرأوا دلوقت، صح؟
ولكن الغالب يعني إن الأشياء دي بترجع للبنت نفسها مش للأهل، أهم شيء بالنسبة للأهل إنه يكون شخص كويس، وجاهز يفتح بيت، ويخلي باله من بنتهم، أدها بقى في السن، أصغر منها، أكبر مش هيفرق، المهم شخص كويس وجاهز يفتح بيت.
ولكن طبعًا في أهل ممكن تدخل في النقطة دي، الأمر متغير زي ما قلتلك مش ثابت، فأنت لو في حد في دماغك خد الخطوة طالما جاهز ومتحسبلهاش كتير :"D
❤2
طلب مش منطقي شويتين؟ :"D
يعني الناس مش بتمشي تحكي قصص بيوتها، وتصرفاتها مع أزواجها في البيوت، الأمر فيه خصوصية، صح ولا ايه؟
لكن السؤال الأهم هنا، هو أنت ليه بتقارني نفسك بالزيجات الفاشلة؟ هو أنت زيهم؟ أنت أخدت خطوة هم مأخدهوش، واتأهلت للمرحلة دي، ليه بقى فاتحة على نفسك مداخل للشيطان؟
النبي -صلى الله عليه وسلم- يقول: "إن الشيطان قعد لابن آدم بأطرقه"، كل طريق كويس هتلاقي الشيطان بيحاول يصدك عنه، فأنت هنا فاتحاله الباب على مصرعيه، واخدة بالك؟
استعيني بالله، وادعيه بالزوج الصالح، واستعيذي بالله من الشيطان الرجيم.
يعني الناس مش بتمشي تحكي قصص بيوتها، وتصرفاتها مع أزواجها في البيوت، الأمر فيه خصوصية، صح ولا ايه؟
لكن السؤال الأهم هنا، هو أنت ليه بتقارني نفسك بالزيجات الفاشلة؟ هو أنت زيهم؟ أنت أخدت خطوة هم مأخدهوش، واتأهلت للمرحلة دي، ليه بقى فاتحة على نفسك مداخل للشيطان؟
النبي -صلى الله عليه وسلم- يقول: "إن الشيطان قعد لابن آدم بأطرقه"، كل طريق كويس هتلاقي الشيطان بيحاول يصدك عنه، فأنت هنا فاتحاله الباب على مصرعيه، واخدة بالك؟
استعيني بالله، وادعيه بالزوج الصالح، واستعيذي بالله من الشيطان الرجيم.
❤1👍1
بإذن الله اليوم الساعة ١٠ مساءً آخر ميعاد لاستقبال أسئلة، إحنا جاوبنا جزء لا بأس به، ولسه أكتر من ٦٠ سؤال لم يتم الإجابة عنهم، فمتقلقوش هنجاوبهم كلهم قدر الإمكان بإذن الله، ممكن نتأخر شوية بس لكثرة الأسئلة، فاعذرونا بقى.
قلنا نبلغكم علشان لو حد لسه عنده سؤال قبل ما نقفل الفورم :"D
قلنا نبلغكم علشان لو حد لسه عنده سؤال قبل ما نقفل الفورم :"D
❤1👍1👏1