استأذنك لو تبعتيه تاني

⚙️

خليني بس اوضح جزئية بسيطة

الاسئلة كتير فعلا والوقت ضيق فطبيعي الاسئلة تتأخر

زي م كنت وضحت قبل كدا مش لازم الادمن يبقا قادر يفيد ف كل الاسئلة ومن قال لا اعلم فقد افتى
ف بيسيب الاسئلة اللي مش قادر يقدم افادة حقيقة ترضيه ف السؤال

ممكن برضو اشوف سؤال ابقا قادر اجاوب عليه بس عايز وقت اكتر من المتاح معايا دلوقتي ف بأجله لحد م ابقا فاضي اني اجاوب عليه كويس


ف يجماعة احنا منعرفش مين بيسأل عشان نتجاهله عن قصد يعني
كل الاسئلة واحدة واحنا داخلين نيتنا لله نحاول نفيد بقدر المستطاع ف احسنوا الظن بنا وادعولنا بالتيسير

بالنسبة بقا لسؤالك ف ان شاءالله هنجاوب عليه ف اقرب وقت

⚙️

ولا يهمك، الأمر بسيط خالص متزعلش نفسك، وإحنا والله منقصدش نزعلكم أبدًا، إحنا بس بنوضح الأمور.

لكن خد بالك أنا قلت بنتجاهل السؤال الذي فيه إساءة للغير، يعني عنده مشكلة مع أخوه، تلاقيه وهو بيحكي بيشتم أخوه، فهذه النوعية بس بنتجاهلها.

" إنسان "

ما أنتم تدعولنا بقى أنتم كمان، ربنا يبارك فيكم، ويصلح حالكم، ويهب لنا من أزواجنا وذرياتنا قرة أعين، ويجعلنا للمتقين إمامًا.

" إنسان "

اطمئنوا في شباب كتير مهتمين بالدورات العلمية والتربوية وبيحاولوا يكونوا ازواج صالحين

⚙️

عليكم السلام ورحمة الله وبركاته

ممكن حضرتك تبعتيلها تعرفيها انك كنتي مخطوبة اصلا وبعدين دلوقتي محصلش نصيب وبس

هي المنطقي انها تفهم من كدا انك منفتحه للخطوبة تاني


السؤال التاني مش معناه اي شيء وهي مش صح انها تكلم واحدة مخطوبة على حد اصلا ازاي دا😅
بس ع العموم نحسن الظن ونقول مكانتش تعرف وبعدين عرفت ف سكتت لانك خلاص مخطوبة

اخر سؤال الزواج فعلا رزق وكل واحد ليه اهتماماته يمكن هي شافت فيه حاجات تاني هي بتدور عليها
كل شخص تفكيره غير التاني وكل شخص ليه اولويات مختلفة فمنقدرش نحكم على حد باي حاجة

⚙️

صعدي الموضوع للاهل
رأي الوالد او الوالده اولى في الامور دي

⚙️

ناقشها ف الامر مرة واتنين وتلاته وعرفها ان دي حاجة بتضايقك وبتأثر ع البيت وعليك نفسيا

بعدين لو مجابش نتيجة كلم حد من اهلها ف الامر وان دا بيأثر ع البيت وعليك

لو محدش من اهلها حكيم او اهتم
انا بشوف ان استخدام ورقة التعدد ممكن يحل الموضوع

⚙️

استخدامها للتهديد اولا 😅
وشوف النتيجة
⚙️

فين اعمامك ؟
اصلا الاولى العم مش الخال
ع العموم لو حتى في مشاكل مع اعمامك الاشقاء يكون اولاد عم الاب لو برضو في مشاكل اذا والدتك هي تتولى الامر
مع ان الراجل مش هيحب ان يكون قاعد في قعدة فيها ست بدون اي رجالة من العيلة ف المفروض نضع الخلافات جانبا ووالدتك من الاصول انها تقدم حد من اعمامك او اخوالك

بفرض كل دا مش هيحصل وهي اللي هتتكلم ف الامر في الشروط متروك ليها مش ليكي
ايوه انصحيها اننا لا نشق على الراجل وخاصة لو هو حد كويس
وفي الغالب الشروط بتختلف حسب مدى رضا الاهل بالعريس اصلا

كل بلد ليها نظامها في الجواز ف انا معرفش نظامكم ايه
بس انتي اتكلمي معاها واوصلوا لحل وسط وكدا كدا لما الموضوع بيدخل ف الجد ويجي ف الاخر العريس ميقدر يوفي بكل حاجة بسبب ضيق الوقت او ضيق الفلوس ف بيبقى في تهاون وتساهل ف الامر لان خلاص بنبقى. عرفنا بعض فبيقدروا


⚙️

تمسكي نص السوشيال ميديا دا ارميه

البيوت لا تقام بكدا
البيوت تقوم على الالفة وان الست تساعد جوزها وتقف ف ضهره

وبرضو مش لدرجة السذاجة يعني انتي عينك ف النضارة وانتي اللي شايفه ظروف جوزك
يعني ميبقاش راجل فاضي او تافه ويطلب الدهب يصرفه ف حاجة ملهاش اي فايدة وتقولي اديله عشان ابقا ف ضهره

ومشاركتك المادية برضو على حسب ظروف جوزك الموضوع ملوش مقياس هو بالمودة بينكم وبالنظر

⚙️

عليكم السلام ورحمة الله وبركاته
الزواج رزق فعلا من ربنا وله ميعاد محدد ورزقك هيجيلك لا محاله ولكن قد يكون التأخير ابتلاء من ربنا ف الزمي الدعاء

واه ممكن السحر او الحسد يعمل كدا
ف لازمي العلاج الشرعي وابتعدي عن الخرافات والشركيات

ربنا يصلح حالك ويرزقك الزوج الصالح عاجلا يارب
ويذهب عنك الضر والبلاء

⚙️

الزمي الدعاء واصلاح نفسك
واه ربنا ممكن يرزقك بزوج هكذا واحسني ظنك بالله كلنا مذنبين

اولى جامعه صغيرة على الزواج والمسئولية لسة
خدي وقتك وادي كل فترة حقها

السن المناسب للزواج هو السن اللي البنت تشوف نفسها تقدر تقوم بالمسئولية ويكون في شاب متقدم يستاهل انك تتزوجيه

الفرق يختلف حسب مدى تقارب افكار الاتنين من بعض ومدى النضج

ممكن يبقا هي اكبر منه بسنة او اتنين وممكن قد بعض وممكن هو اكبر منها لحد 7 او 8 سنين عادي ملهاش كتالوج

⚙️

ليه يا جماعة كويس إن حد اتكلم؟ إحنا قامعينكم للدرجة دي ولا ايه؟😆

طيب علشان ننهي الموضوع بتاع عمو كريم اللي عاملنا مشكلة دا -بنهزر طبعًا- كريم حد محترم جدًا، وكتبه قيمة جدًا ربنا يبارك فيه يا رب العالمين.

أولًا خلينا نقول إن الكتاب اختياري معانا مش إجباري (هو الوحيد في المقرر)؛ ودا لأن فعلًا ممكن يسبب لناس ضرر؛ ودرء المفاسد أولى من جلب المنفعة، فببساطة لو هيسبب ضرر ممكن تتخطاه عادي خالص.

ثانيًا كانت وجهة نظرنا إن بقى في معلومات كتيرة مغلوطة عن الموضوع دا، وللأسف بنتعرض ليها من سن صغير، فحبينا نوفر شيء كويس عن الموضوع منطلق من الدين بشكل أساسي، طيب ليه في الخطوبة مش بعدها؟ علشان دايمًا التأهيل للشيء بيكون قبله مش بعده.

فالكتاب اختياري، وممكن تتخطاه لو بيسبب مشكلة في الوقت الحالي، ولكن نصيحة أخ متدخلش مرحلة العقد بدون قراءته.

" إنسان "

لأ أنت كدا عايزة فتوى خاصة، ونحن لا نفتي؛ وعلشان كدا قلتلك ارجعي لشيخ ثقة

" إنسان "

نفس الفكرة، نحن لا نفتي

أنا بس قلتلك إن دا مش كويس من المجربات والخبرة، وإن في فضل عظيم جدًا هتفوته على نفسك.

" إنسان "

إحنا بناخد المميزين في كل دفعة بالفعل، فشد حيلك كدا، وتنورنا طبعًا

" إنسان "

هنرجع شغلنا بشكل طبيعي بداية الأسبوع بإذن الله

" إنسان "

أنا دايمًا بفضل إن أول لقاء يكون ودي، تعارف أكتر منه استجواب، بنعرف خطوط عريضة كدا (زي ايه الصفات اللي هو عايزها في الطرف التاني، ايه دوافعه من الزواج، شايف الزواج من أي زاوية، نستنبط مكانة ربنا قي قلبه من كلامه، خططه ايه في الفترة الجاية، ايه دنيا مصاريف البيت، بيتعامل ازاي وقت المشاكل والزعل) نتطمن إننا ماشيين صحيح وخلاص.

وعلى أساس اللقاء دا بنحدد إذا كنا لقينا اللي بندور عليه ولا لأ ولا لسه محتاجين كمان لقاء، وبعدين بناخد قرار، ونصلي استخارة، ونتكل على الله.

" إنسان "

لأ بإذن الله بنسبة كبيرة هيترد عليه، حقكم علينا على التأخير، ضغط الرسايل بس والله معلش.

وبالمناسبة الإدارة عندنا -ربنا يبارك فيها- زودت مشرفة جديدة معانا أهوو، فبإذن الله الضغط يقل، وسرعة الرد تزيد، حقكم علينا، ولا تنسونا من صالح دعاءكم.

" إنسان "

عيون إنسان حاضر، حقك عليا يا حبيب إنسان على التأخير.

" إنسان "