في شكاوي كتير على التأخير في الرد، فدي رسالة أخونا ترس ليا إمبارح

فحقكم علينا والله، بنحاول نسدد ونقارب، دعواتكم لينا بالتيسير والبركة

" إنسان "

عليكم السلام ورحمة الله وبركاته

انا وضحت دا ف رسالة سابقه والله

⚙️

فهمتك تمام

التعامل مع الرجال امر مفيهوش حرمانيه طالما بحدود

لكن الشات يعتبر خلوة والخلوة تفتح باب الشيطان

ف اتقي الشبهات برضو

⚙️

مشاركة احد المتابعين على السؤال

وحاضر هنثبت اللينك

⚙️

حلو
خليني اوضح كلامي الاول اكتر واجاوب على دا

اول حاجة ليه بقول ان الشات خلوة
هو لا ينطبق عليه الخلوة بالمعنى الشرعي لكن هو خلوة بتؤدي لتجاوزات عظيمة مش هتوصل للزنا اللي ممكن تؤدي ليه الخلوة الفعلية
لكن التجاوزات قد تكون كلامية وتوصل للصور والفيديوهات ف دي فاحشة عظيمة اوي

واما عن الاتصال بين المخطوبين ف الشيخ ابن باز قال انه جائز لمصلحة الزواج

⚙️

دا جائز في الخطوبة لمصلحه الزواج وانكوا تتعرفوا على بعض اكتر

⚙️

لو ادمان اباحية ف واعي من الناس اللي نحسبهم على خير ممكن حضرتك تتواصلي معاهم تقريبا كان عندهم متابعه

ولو ادمان مخدرات ف المصحة مكان كويس للتأهيل اعتقد

بجانب الاندماج وسط بيئة صالحة من الصحبة سواء في المساجد او اكاديميات تحفيظ القران والعلم الشرعي

دا على قد علمي

لو حد يقدر يساعد يتفضل

وبعدين انتوا مش هتابعونا غير عشان سؤالكم ! :(

⚙️

اول حاجة الدعاء والتقرب من ربنا
ومن الادعية الجميلة اللي النبي صلى الله عليه وسلم علمها لسيدنا معاذ " اللهم أعني على ذكرك وشكرك وحسن عبادتك " لما تقوله وانت مستوعبه وتداوم عليه ربنا هيفتح عليك

ثم انصحك بكتاب رقائق القران للدكتور ابراهيم السكران

وانصحك بمشاهدة مجالس القرآن للدكتور احمد عبدالمنعم

⚙️

واعي هي منظمة بتساعد في التعافي من الاباحية

https://www.facebook.com/share/1BsKcsDAFW/?mibextid=wwXIfr

دا لينك الصفحة بتاعتهم على الفيس

⚙️

ربنا يتمملك على خير

استأذن والدها واتواصل معاها عادي

الكلام لازم يبقا في اطار شرعي طبعا مش معنى كدا هتتكلموا ف الدين لكن لازم الكلام يكون في حدود الشرع

استأذن اهلها برضو لو انت من مكان بعيد وغير متاح انك تنزل كل فترة وتجتمعوا كلكوا ف فيديو كول وتتكلموا عادي لا حرج بشرط وجود الاهل

قدم ليها هدايا طبعا

مينفعش تنزل معاها لوحدكم
لازم وجود محرم معاكم

⚙️

عليكم السلام ورحمة الله وبركاته

هنتكلم مع الادارة ف موضوع ادارة الاسئلة دا فعليا لان احنا ف اجازة العيد وعندنا وقت كافي نرد وبيحصل كدا امال لما نرجع الشغل تاني هيحصل ايه 😂

⚙️

المتفق عليه انه لا يجوز الكلام يكون فيه ابداء للمشاعر او كلام يؤدي للفتنة

الشيخ ابن عثيمين قفل الموضوع ان لا يجوز الكلام الا في انه يسألها عن شيء في امر الزواج وهي ترد وشكرا
الشيخ ابن باز قال انه يجوز الكلام على قد امور الزواج او ما فيه مصلحه الزواج


وانا مع رأي الشيخ ابن باز

⚙️

لا انا اللي عايز اعرف ايه اللي خلاك تخمن كدا😂

بعدين يعم هيقولوا شوف الناس النرجسية بتتكلم ازاي دلوقتي
بس هحاول اكون منصف 😁


اول حاجة بصراحه شايفها هي ان الهندسة بتخليك تفكر beyond the obvious ف مش بتاخد اللي يتقالك وتسكت لا انت بتقعد تحلل وتجيب ليه الحاجة دي بتتقال كدا او بتتعمل كدا

تاني حاجة بتخيلك تفهم حاجات اكتر بتضطر تفهم اقتصاد وسياسة ولغات وادارة اعمال وغيره
لان كل دا مرتبط بشغل بكل او باخر

تالت حاجة انت حرفيا لازم تذاكر كل يوم وتقرأ ف مجالك دايما عشان تكون ملم بيه ومستعد لكل جديد


على المستوى الاجتماعي بقا ف انت سواء موقع او مكتب فني او تصميم او اي شغال ف اي حاجة ف الهندسة ف انت بتضطر يوميا تتعامل كمية ناس كتير وخاصة لو موقع ومع شخصيات مختلفة ف تقدر تهندل الناس دي كلها
وازاي تقدر تتعامل مع الاقل منك ف البوزيشن من غير م يحس بانك بتتعالى عليه وازاي تقدر تتعامل مع الاعلى منك من غير م تحس انه بينتقص من كرامتك

تاني حاجة هي مكانه اجتماعية ف مصر الى حد ما كويسة

هكمل ف رسالة تاني

⚙️

على المستوى الديني انا مش شايف اي فرق بتشكله الهندسة غير ان في ظاهرة ان اكتر الناس الملتزمين مهندسين ودكاترة وخاصة المتشددين منهم

على المستوى المادي ف الهندسة العائد المادي منها كويس وبتخليك تعبان ماديا

هل الكلام دا قاعدة ؟ لا اطلاقا

هو كدا كدا مجال دراستك بيأثر فيك بشكل او باخر بس مش شرط يكون زي م انا قولت لكن دا اعتقادي الشخصي واللي انا حاسه

البلوت تويست الحقيقي بقا هو اني مش بحب الهندسة اصلا 😅

وبس كدا ي صديقي وشكرا على هذا الفاصل من الاسئلة

⚙️

الراجل دا ال حببني في هندسة يا جماعة، وقالي تعالى هتجيبك وما أدري ايش

" إنسان "

حكم تغيير النية داخل الصلاة في الفريضة أو النافلة

السؤال: هل يجوز للمصلي أن يغير من نيته في الصلاة، وأن يحولها إلى صلاة أخرى سواءً كان ذلك في صلاة فرض أو نافلة؟


الجواب: هذا فيه تفصيل: إذا دخل الفريضة ليس له أن يحول إلى فريضة أخرى، وليس له أن يحول إذا دخل في راتبة الظهر إلى شيء آخر إلى فريضة أو راتبة الفجر أو نحو ذلك، لأنه متى دخل في صلاة بنية؛ يكمّلها، إلا إذا كان هناك مصلحة كأن يدخل في الفريضة وحده ثم يأتي جماعة قد فاتتهم الفريضة؛ فيقلبها نافلة ويسلم، ويصلي معهم الفرض ليدرك فضل الجماعة؛ فهذا تغيير للمصلحة الشرعية.
أو يدخل في النافلة يحسب أنهم قد صلوا، ثم يبين أنهم لم يصلوا؛ فيقلبها نافلة ويصلي معهم الفريضة، فإذا كان لهذه المصلحة فإن قَلْبَها مطلوب؛ حتى يدرك الجماعة.

الامام ابن باز

⚙️

انا ممكن ارشحلك حاجات تتفرج عليها

اول حاجة الشيخ سعيد الكملي شارح بعض القصائد ودي من احب الشروحات الى قلبي والمجالس التي لا املّ منها

وانصحك بشرح تائية الالبيري للشيخ سعيد الكملي وياريت لو تحفظ القصيدة نفسها


تاني حاجة برنامج كرسي المتنبي للدكتور أيمن العتوم بيشرح فيه ديوان المتنبي


تالت حاجة شرح ديوان الحماسة لابي تمام للدكتور محمد سرور النجار


⚙️

ايه الفايدة من الشعر !!

الشعر يقوي اللغة بسبب المصطلحات اللي فيه
وبيقوي الذاكرة بسبب الحفظ
وبيعزز الثقة بالنفس في الكلام والخطابات لما تستشهد بابيات وسط كلامك بتبين قد ايه انت انسان مثقف
وبيزود الابداع تقدر من كتر م بتحفظ ابيات ترتجل بيت يعبر عن اللي عايز تقوله ف موقف معين
وبيأثر على الناس لان الشعر كلماته قوية وليها وقع على النفس
وبيزود المعرفة والفلسفة والفكر لان الشاعر بينقلك خبرته وفلسفته وافكاره وحكمته من خلال شعره
وبيطرب الاذن لما الواحد بيسمعه من حد بيلقيه بطريقة جميلة
وبيساعد على التعبير عن المشاعر بطريقة قوية اوي اوي
وبيقوي البلاغة ف ممكن اللي عايز تقوله ف عشرين سطر تقوله ف بيت شعر

الشعر جميل جدا جدا


⚙️

مما لا شك فيه أن فعل الطاعات في رمضان أسهل على النفس في غيره، وكذلك ترك الذنوب والمعاصي أسهل ما تكون في رمضان؛ ففي حديث سيدنا أبو هريرة -رضي الله عنه- أن رسول الله -صلى الله عليه وسلم- قال: "إذا كان أول ليلة من شهر رمضان صفدت الشياطين ومردة الجن، وغلقت أبواب النار فلم يفتح منها باب، وفتحت أبواب الجنة فلم يغلق منها باب، وينادي مناد كل ليلة: يا باغي الخير أقبل، ويا باغي الشر أقصر، ولله عتقاء من النار، وذلك كل ليلة".

بإضافة إن في رمضان بيكون الجو العام مشجع على الطاعة؛ كون معظم الناس بتصلي التراويح في جماعة، في تهجد بليل قي المساجد، بتلاقي الناس في الشارع والمواصلات بتقرأ قرآن، الجو العام فيه أمر بالمعروف ونهي عن المنكر، فتلاقي لما حد يغلط الناس تقوله الدنيا صيام معلش متخسرش صيامك وتهديه، الجو العام حلو :'D

نكمل في رسالة أخرى بإذن الله

كيف الثبات بعد رمضان؟ :'D

شهر شعبان هو شهر ترفع فيه الأعمال إلى الله، فيأتي رمضان وما فيه من مغفرة وعفو وعتق من النيران، وأنا بسميه "بداية السنة مع ربنا"، فأنا بحس رمضان زاد البداية؛ زاد الانطلاق لبداية جديدة مع ربنا -سبحانه وتعالى-، فيأتي قول الله -عز وجل-: "إن الذين قالوا ربنا الله ثم استقاموا"، فبعد رمضان لا بد من استقامة، ولكن كيف سبيل الاستقامة؟

يقول الله -سبحانه وتعالى-: "الذين ءاتيناهم الكتاب يتلونه حق تلاوته أولئك يؤمنون به"، فكان الإيمان نتيجة تلاوة القرآن حق تلاوته، وتكون تلاوة القرآن حق تلاوته كما يقول الإمام السعدي في تفسيره: يتبعونه حق اتباعه، والتلاوة الاتِّباع، فيحلون حلاله، ويحرمون حرامه، ويعملون بمحكمه، ويؤمنون بمتشابهه، وهؤلاء هم السعداء من أهل الكتاب الذين عرفوا نعمة الله وشكروها، وآمنوا بكل الرسل ولم يفرقوا بين أحد منهم، فهؤلاء هم المؤمنون حقًّا.

والزم الدعاء وههنا وصية رسول الله -صلى الله عليه وسلم- لسيدنا معاذ -رضي الله عنه- لما قال: "يا معاذ إني أحبك...ألا أعلمك كلمات تقولها في دبر كل صلاة؟ ... قل: اللهم اعني على ذكرك وشكرك وحسن عبادتك".

أكثر من دعاء: اللهم حبب إلينا الإيمان وزينه في قلوبنا، وكره إلينا الكفر والفسوق والعصيان، واجعلنا من الراشدين.

وجاهد نفسك على الطاعة واصبر عليها، فيقول الله -جل وعلا-: "وجعلناهم أئمة يهدون بأمرنا لما صبروا وكانوا بآياتنا يوقنون"، ويقول: "والذين جاهدوا فينا لنهدينهم سبلنا".

ودايمًا خاطب نفسك، بخطاب رسول الله -صلى الله عليه وسلم- لسيدنا عبدالله بن عمرو بن العاص -رضي الله عنهما-: "يا عبد الله، لا تكن مثل فلان كان يقوم من الليل، فترك قيام الليل".

واحذر المعاصي "ولا تكونوا كالتي نقضت غزلها من بعد قوة أنكاثًا"، ولازم أهل الطاعة وصاحبهم "الأخلاء يومئذ بعضهم لبعض عدو إلا المتقين".

" إنسان "