الله يصبرك

عشان كدا بشوف ان من اسوأ القرارات اللي الواحد ياخدها انه يتغرب ف بداية جوازه وخاصة لو معاه اطفال صغيرين
ف ربنا يرجعه بالسلامة ان شاءالله ويلم شملكم على خير


من فطرة الانسان انه كائن بيتأقلم مع الظروف المحيطة بيه
ف طبيعي هتحسي بصعوبة ف الاول انك تنزلي تجيبي طلباتكم او تشيلي مسئولية الراجل والست ف نفس الوقت

لكن دا دور الدعم المعنوي للاسرة
المفروض انهم يحاولوا يوفرولك كل اللي محتاجاه ف البداية ومرة على مرة تتعودي تعملي جزء من المهمات اللي مكنتيش مضطرة تعمليها
وبرضو مهم ان حد منهم يرافقك ف الشقة لو لوحدكم ف الاول لحد م تتعودي برضو
والافضل انك تنتقلي لبيت اهل زوجك عشان تأمني على نفسك
ومهم ان محدش من الجيران لو ف مكان غريب يعرف ان زوجك مسافر وانتي لوحدك
ولو مصرة انك تقعدي ف شقتك لوحدك ومتروحيش عند بيت اهلك او اهل زوجك يبقا حد من اهلك يجي يقعد معاكي كل اسبوع يوم او يومين

وبقدر الامكان زوجك يسعى انه يبعتلكم لو ظروفه اتحسنت هناك

ولازم يحاول ميغيبش فترات كبيرة يعني تقريبا بيبقى ليه اجازة كل سنة لازم ينزلها ميطنش عشان انتي ليكي حق عليه وكمان اولاده ليهم حق عليه

⚙️

لو قصدك ف المتابعه بتاعة المساق نفسه هو ممنوع نبين مين بيتكلم سواء شاب او فتاة والكلام بيكون بصيغة الجمع

لو قصدك على هنا ف الاسئلة دي ف احنا معانا

"انسان" شاب

و ⚙️ شاب

شكرا لتفهمكم 😁

⚙️

عليكم السلام ورحمة الله وبركاته

اتقي الشبهات يا اختي

وطبيعي الشيخ بيعمل كدا ف هيقول حلال دا منطقي

لكن اتقي الشبهات خاصة انك بتقولي نفسك بتراوضك على معصية
وعندك مصادر كتير للفتوى خليه يرشحلك حاجات تستعيني بيها طالما انتي بتثقي ف رأيه وبعد كدا اقفلي بابه بقا وخليكي مع المصادر اللي مفيهاش تعامل مباشر

⚙️

في شكاوي كتير على التأخير في الرد، فدي رسالة أخونا ترس ليا إمبارح

فحقكم علينا والله، بنحاول نسدد ونقارب، دعواتكم لينا بالتيسير والبركة

" إنسان "

عليكم السلام ورحمة الله وبركاته

انا وضحت دا ف رسالة سابقه والله

⚙️

فهمتك تمام

التعامل مع الرجال امر مفيهوش حرمانيه طالما بحدود

لكن الشات يعتبر خلوة والخلوة تفتح باب الشيطان

ف اتقي الشبهات برضو

⚙️

مشاركة احد المتابعين على السؤال

وحاضر هنثبت اللينك

⚙️

حلو
خليني اوضح كلامي الاول اكتر واجاوب على دا

اول حاجة ليه بقول ان الشات خلوة
هو لا ينطبق عليه الخلوة بالمعنى الشرعي لكن هو خلوة بتؤدي لتجاوزات عظيمة مش هتوصل للزنا اللي ممكن تؤدي ليه الخلوة الفعلية
لكن التجاوزات قد تكون كلامية وتوصل للصور والفيديوهات ف دي فاحشة عظيمة اوي

واما عن الاتصال بين المخطوبين ف الشيخ ابن باز قال انه جائز لمصلحة الزواج

⚙️

دا جائز في الخطوبة لمصلحه الزواج وانكوا تتعرفوا على بعض اكتر

⚙️

لو ادمان اباحية ف واعي من الناس اللي نحسبهم على خير ممكن حضرتك تتواصلي معاهم تقريبا كان عندهم متابعه

ولو ادمان مخدرات ف المصحة مكان كويس للتأهيل اعتقد

بجانب الاندماج وسط بيئة صالحة من الصحبة سواء في المساجد او اكاديميات تحفيظ القران والعلم الشرعي

دا على قد علمي

لو حد يقدر يساعد يتفضل

وبعدين انتوا مش هتابعونا غير عشان سؤالكم ! :(

⚙️

اول حاجة الدعاء والتقرب من ربنا
ومن الادعية الجميلة اللي النبي صلى الله عليه وسلم علمها لسيدنا معاذ " اللهم أعني على ذكرك وشكرك وحسن عبادتك " لما تقوله وانت مستوعبه وتداوم عليه ربنا هيفتح عليك

ثم انصحك بكتاب رقائق القران للدكتور ابراهيم السكران

وانصحك بمشاهدة مجالس القرآن للدكتور احمد عبدالمنعم

⚙️

واعي هي منظمة بتساعد في التعافي من الاباحية

https://www.facebook.com/share/1BsKcsDAFW/?mibextid=wwXIfr

دا لينك الصفحة بتاعتهم على الفيس

⚙️

ربنا يتمملك على خير

استأذن والدها واتواصل معاها عادي

الكلام لازم يبقا في اطار شرعي طبعا مش معنى كدا هتتكلموا ف الدين لكن لازم الكلام يكون في حدود الشرع

استأذن اهلها برضو لو انت من مكان بعيد وغير متاح انك تنزل كل فترة وتجتمعوا كلكوا ف فيديو كول وتتكلموا عادي لا حرج بشرط وجود الاهل

قدم ليها هدايا طبعا

مينفعش تنزل معاها لوحدكم
لازم وجود محرم معاكم

⚙️

عليكم السلام ورحمة الله وبركاته

هنتكلم مع الادارة ف موضوع ادارة الاسئلة دا فعليا لان احنا ف اجازة العيد وعندنا وقت كافي نرد وبيحصل كدا امال لما نرجع الشغل تاني هيحصل ايه 😂

⚙️

المتفق عليه انه لا يجوز الكلام يكون فيه ابداء للمشاعر او كلام يؤدي للفتنة

الشيخ ابن عثيمين قفل الموضوع ان لا يجوز الكلام الا في انه يسألها عن شيء في امر الزواج وهي ترد وشكرا
الشيخ ابن باز قال انه يجوز الكلام على قد امور الزواج او ما فيه مصلحه الزواج


وانا مع رأي الشيخ ابن باز

⚙️

لا انا اللي عايز اعرف ايه اللي خلاك تخمن كدا😂

بعدين يعم هيقولوا شوف الناس النرجسية بتتكلم ازاي دلوقتي
بس هحاول اكون منصف 😁


اول حاجة بصراحه شايفها هي ان الهندسة بتخليك تفكر beyond the obvious ف مش بتاخد اللي يتقالك وتسكت لا انت بتقعد تحلل وتجيب ليه الحاجة دي بتتقال كدا او بتتعمل كدا

تاني حاجة بتخيلك تفهم حاجات اكتر بتضطر تفهم اقتصاد وسياسة ولغات وادارة اعمال وغيره
لان كل دا مرتبط بشغل بكل او باخر

تالت حاجة انت حرفيا لازم تذاكر كل يوم وتقرأ ف مجالك دايما عشان تكون ملم بيه ومستعد لكل جديد


على المستوى الاجتماعي بقا ف انت سواء موقع او مكتب فني او تصميم او اي شغال ف اي حاجة ف الهندسة ف انت بتضطر يوميا تتعامل كمية ناس كتير وخاصة لو موقع ومع شخصيات مختلفة ف تقدر تهندل الناس دي كلها
وازاي تقدر تتعامل مع الاقل منك ف البوزيشن من غير م يحس بانك بتتعالى عليه وازاي تقدر تتعامل مع الاعلى منك من غير م تحس انه بينتقص من كرامتك

تاني حاجة هي مكانه اجتماعية ف مصر الى حد ما كويسة

هكمل ف رسالة تاني

⚙️

على المستوى الديني انا مش شايف اي فرق بتشكله الهندسة غير ان في ظاهرة ان اكتر الناس الملتزمين مهندسين ودكاترة وخاصة المتشددين منهم

على المستوى المادي ف الهندسة العائد المادي منها كويس وبتخليك تعبان ماديا

هل الكلام دا قاعدة ؟ لا اطلاقا

هو كدا كدا مجال دراستك بيأثر فيك بشكل او باخر بس مش شرط يكون زي م انا قولت لكن دا اعتقادي الشخصي واللي انا حاسه

البلوت تويست الحقيقي بقا هو اني مش بحب الهندسة اصلا 😅

وبس كدا ي صديقي وشكرا على هذا الفاصل من الاسئلة

⚙️

الراجل دا ال حببني في هندسة يا جماعة، وقالي تعالى هتجيبك وما أدري ايش

" إنسان "

حكم تغيير النية داخل الصلاة في الفريضة أو النافلة

السؤال: هل يجوز للمصلي أن يغير من نيته في الصلاة، وأن يحولها إلى صلاة أخرى سواءً كان ذلك في صلاة فرض أو نافلة؟


الجواب: هذا فيه تفصيل: إذا دخل الفريضة ليس له أن يحول إلى فريضة أخرى، وليس له أن يحول إذا دخل في راتبة الظهر إلى شيء آخر إلى فريضة أو راتبة الفجر أو نحو ذلك، لأنه متى دخل في صلاة بنية؛ يكمّلها، إلا إذا كان هناك مصلحة كأن يدخل في الفريضة وحده ثم يأتي جماعة قد فاتتهم الفريضة؛ فيقلبها نافلة ويسلم، ويصلي معهم الفرض ليدرك فضل الجماعة؛ فهذا تغيير للمصلحة الشرعية.
أو يدخل في النافلة يحسب أنهم قد صلوا، ثم يبين أنهم لم يصلوا؛ فيقلبها نافلة ويصلي معهم الفريضة، فإذا كان لهذه المصلحة فإن قَلْبَها مطلوب؛ حتى يدرك الجماعة.

الامام ابن باز

⚙️

انا ممكن ارشحلك حاجات تتفرج عليها

اول حاجة الشيخ سعيد الكملي شارح بعض القصائد ودي من احب الشروحات الى قلبي والمجالس التي لا املّ منها

وانصحك بشرح تائية الالبيري للشيخ سعيد الكملي وياريت لو تحفظ القصيدة نفسها


تاني حاجة برنامج كرسي المتنبي للدكتور أيمن العتوم بيشرح فيه ديوان المتنبي


تالت حاجة شرح ديوان الحماسة لابي تمام للدكتور محمد سرور النجار


⚙️