٨ تخمينات صحيحة للآن ⌛️

ما زالوا ٨ تخمينات فقط للآن 😃

9 تخمينات صحيحة 🔥⏳

غدًا الجمعه أول أيام عيد الفطر المبارك

تقبل الله منا ومنكم صالح الأعمال، وكل عام وأنتم بخير

#العيد_فرحة🥳

"كتب عليكم الصيام ... لعلكم تتقون"، فمن علامات التقوى (ما كنت تجد وتجتهد له طوال شهر رمضان) أن تفرح بالعيد "ذلك ومن يعظم شعائر الله فإنها من تقوى القلوب".

أنا عارف كويس أوي أد ايه الوضع العام مؤلم، وأن الآلام لا تُحصى ولا تُعد، ولكن يومنا يوم عيد، فمهما كانت حالتك افرح، واخرج للصلاة رجلًا كنت أو امرأة وإن كنت حائض (ولكن لا تدخلي المصلى)، وزُر الأقارب والأصحاب، ولاعب الصغار، وأحيي سنة التكبير.

"لتعلم يهود أن في ديننا فسحة، إني أرسلت بحنيفية سمحة".


كل عام وأنتم بخير :")

جاهزين نعلن عن العيدية؟ 🥳⏳

#العيد_فرحة

بإذن الله قررنا نفتح باب "المساحة المفتوحة" مرة ثانية، وبشكل دائم بإذن الله 😃

وبالنسبة للناس الجديدة معانا، فهو رابط جوجل فورم، بنستقبل فيه أسئلة، استفسارات، أو لو حد عنده مشكلة في أي شيء في الحياة -مش بس الزواج-، ومحتاج حد يوجهه أو يسمعه، وكل دا بيكون بشكل مجهول بإذن الله؛ بحيث السائل يبقى متطمن وهو بيحكي وواخد راحته.

ومن هنا نقدر نقول كلنا آذان صاغية 😁

دا الرابط

https://forms.gle/kxpWLGDA26zuMdjQ8

والإجابات بتنزل هنا على قناة إجابة الأسئلة، وكل عام وأنتم بخير🥳

كل عام وأنتم طيبين، وتنعاد عليكم الأيام بكل خير يا رب العالمين

أنا في النقطة دي بحب الدراسة المنهجية الشمولية، وهنا يأتي دور حبيبي الشيخ أحمد السيد -بارك الله فيه-، فالشيخ مشرف على مساق "البناء الفكري"، والمساق مدته ٣ سنوات، فممكن تتابعوا قناة الشيخ، ولما تفتح دفعة جديدة هيعلن عنها بإذن الله.

__

ولكن لو عايزين حاجة سريعة، فممكن تطلعوا على:
-كتاب النبأ العظيم للشيخ دراز
-كتاب رسالة في الطريق إلى ثقافتنا لأستاذ محمود شاكر.
-ينبوع الغواية الفكرية لبشمهندس عبدالله العجيري
-كتاب سابغات للشيخ أحمد السيد
-كتيب "التفكير الناقد" للشيخ أحمد للسيد
-محاضرتين نظرية المعرفة لبشمهندس عبدالله العجيري

ولو تعرفوا تقرأوا لحبيب قلبي أبو عمر إبراهيم السكران -فرج الله همه، وأزال كربه-، وتطلعوا بأسلوب تفكيره ونقده للأمور، هتستفادوا جدًا، وخاصة في المآلات، والماجريات.

"إنسان"

بسم الله الرحمن الرحيم

وانتم بخير وعافية ، وجزانا الله وإياكم

العيدية هي حاجة بيدخل بيها الخاطب الفرحة على خطيبته وكل شخص على حسب ظروفه
لا ليها رينج معين عشان نحكم على حد بيه ولا ليها طريقة معينه

وانتي ادرى بظروف خطيبك ف ارجوكي متقارنيش ومتنتظريش كل الناس تعمل زي السوشيال ميديا

ممكن مرتبه فعلا لا يسمح غير بما اعطى
وممكن يكون مرتبه حلو بس الشهر دا الظروف كانت صعبة معاه ومزنقه شوية

الخلاصة متقيسيش بخل او كرم حد من موقف واحد
انتوا مخطوبين سنة او اكتر او اقل شوفي تصرفاته على طول المدة
يمكن مبيعرفش يدي كام عيدية
يمكن جايب هدية تاني او غيره من الاسباب يعني

وارجوكم كلكم متقارنوش عشان تعرفوا تعيشوا حياة سعيدة
دي نصيحة عامة مش ف الموضوع دا بس

(نرجو لو حد بيبعت سؤال وتم الرد عليه وهيكمل مناقشات تاني يكتب بس ف الاستشارة هو بيتكلم عن سؤال ايه)


⚙️

التجاهل

⚙️

الزواج بيكون عن طريقين حلال

اولهما ان شخص يكون يعرف بنت معينه لاي ظروف سواء شافها او اتعامل معاها ف كلية او شغل او غيره
ف شاف انها مناسبه ليه فقرر يسأل عنها ويتقدملها

التاني هو ان شخص مشافش بنات كويسة ف الكلية وف الشغل مش قدامه بنات مناسبه او مش معاه بنات اصلا
ف بيكلم اهله انهم يرشحوله حد ف بالتالي الاهل بيسألوا معارفهم ف بيبدأ حد يقول انا اعرف بنت فلان هم عيلة محترمة وذات دين والبنت محترمة وفيها من الصفات الطيبة ما يرضى ابنكم
ف بالتالي بيروح يتقدم للبنت ويقعد معاها ويعرف هل هي فعلا مناسبه معاه ولا لا وهي كذلك

هل هي ليها حق الرفض بعد م تقعد معاه ؟
طبعا
هل هو ليه حق الرفض بعد م يقعد معاها؟
طبعا

هل حضرتك لما ترفضي من برا عشان بس انه جاي عن طريق ترشح يبقا عندك حق ؟
لا طبعا غلط ومش مبرر نهائي

هل حضرتك لما ترفضي من برا عشان قالولك شخص مواصفاته كذا عايز يتقدملك موافقه تقعدي معاه ولا لا ولقيتيها مواصفات غير مناسبه يبقا عندك حق ؟
طبعا

الخلاصة حضرتك بتضيعي على نفسك فرص ممكن تكون كويسة جدا جدا

⚙️

عليكم السلام ورحمة الله وبركاته

الرؤية معمولة عشان الاساسيات
انا رايح اشوفها اصلا لو مشوفتهاش
ورايح اسأل عن الاساسيات
الحاجات اللي يا ابيض يا اسود مفيهاش بالنسبالي تهاون ودي مختلفة بين كل شخص والتاني هو حاطط الاولويات بالنسباله ايه

هو ممكن عنده المعلومة اصلا بكل اساسياته اللي محتاج يعرفها
ف سايبلك الفرصة انتي انك تعرفي كل اللي عايزاه عنه
لان الراجل عنده الفرصه انه يكوّن معلومات عن البنت قبل م يروحلها عكس البنت هي بتتعرف عليه ف الرؤية

وانتي تقدري تعرفي هل هو هيكون راجل متفهم ويقدرك نفسيا وعاطفيا ولا لا اولا ومبدئيا من خلال اجاباته على اسئلتك هو بيكشف تفكيره ليكي ورأيه ايه ف المواضيع اللي بتسأليه فيها
وثانيا بقا بيجي بالتفصيل وتتعرفي عليه اكتر من خلال المواقف خلال مدة الخطوبة
بيحصل موقف ف بتشوفي ردة فعله وتصرفه ازاي

لان مستحيل تحكمي على كل حاجة من قعدة ساعة او اتنين

لو الاساسيات عندك تمام معاه توكلي على الله واستخيري ومعاكوا فترة الخطوبة للتعارف وتكتشفوا بعض اكتر

⚙️

عليكم السلام ورحمة الله وبركاته

هذكر حديث ف الاول قبل م اجاوب واعذروني على الاطالة
الاجابة هتكون على اكتر من رسالة

عن حنظلة الأسيدي قال: لقيني أبو بكر فقال كيف أنت يا حنظلة؟ قال: قلت: نافق حنظلة! قال: سبحان الله، ما تقول؟ قال: قلت: نكون عند رسول الله صلى عليه وسلم يذكرنا بالنار والجنة حتى كأنا رأي عين، فإذا خرجنا من عند رسول الله صلى الله عليه وسلم عافسنا الأزواج والأولاد والضيعات فنسينا كثيراً. قال أبو بكر: فوالله إنا لنلقى مثل هذا، فانطلقت أنا وأبو بكر حتى دخلنا على رسول الله صلى الله عليه وسلم، قلت: نافق حنظلة يا رسول الله، فقال رسول الله صلى الله عليه وسلم : "وما ذاك؟." قلت: يا رسول الله نكون عندك تذكرنا بالنار والجنة، حتى كأنا رأي عين، فإذا خرجنا من عندك عافسنا الأزواج والأولاد والضيعات نسينا كثيراً، فقال رسول الله صلى الله عليه وسلم: " والذي نفسي بيده؛ إن لو تدومون على ما تكونون عندي وفي الذكر لصافحتكم الملائكة على فرشكم، وفي طرقكم، ولكن يا حنظلة ساعة وساعة ثلاث مرات."

هون عليك
الانسان مش هيقدر يستحوذ على كل شيء
قال رسول الله ﷺ سددوا وقاربوا

وعن عبد الله بن عمرو بن العاص رضي الله عنهما قال : قال لي رسول الله صلى الله عليه وسلم يا عبد الله ألم أخبر أنك تصوم النهار وتقوم الليل فقلت بلى يا رسول الله قال فلا تفعل صم وأفطر وقم ونم فإن لجسدك عليك حقا وإن لعينك عليك حقا وإن لزوجك عليك حقا وإن لزورك عليك حقا وإن بحسبك أن تصوم كل شهر ثلاثة أيام فإن لك بكل حسنة عشر أمثالها فإن ذلك صيام الدهر كله فشددت فشدد علي قلت يا رسول الله إني أجد قوة قال فصم صيام نبي الله داود عليه السلام ولا تزد عليه قلت وما كان صيام نبي الله داود عليه السلام قال نصف الدهر فكان عبد الله يقول بعد ما كبر يا ليتني قبلت رخصة النبي صلى الله عليه وسلم

النتيجة اللي انت بتوصلها دي نتيجة حتمية لان للانسان طاقة وانت بتستهلك كل طاقتك بدون اي ترفيه عن النفس
دا ربنا جعل لينا عيد بعد الصيام عشان ننبسط بعد تعب الصيام طول الشهر

ف ادي لنفسك حقها في الترفيه طالما مباح ، وانت اصلا ممكن تبسط نفسك وتاخد حسنات اكتر بنيتك

قال رسول الله لسعد بن أبي وقاص رضي الله عنه : إنك لن تنفق نفقة تبتغي بها وجه الله إلا أجرت عليها حتى ما تجعل في فم امرأتك

ف انت ممكن تعمل الشيء المباح عشان تفصل دماغك وتريح نفسك بحيث انك تقدر تشحن طاقتك عشان ترجع تستكمل الشيء اللي كنت بتعمله بهمه

وزي لما تنام بنية انك تستقوي على العبادة

والامثلة لا تعد ولا تحصى حقيقةً يعني

ف اجعلها نية انك تشحن طاقتك لعبادة جديدة واديك هتاخد اجر كمان :)

⚙️

لأ الأمر مجهول تمامًا، فخدوا راحتكم :'D

كل عام وأنتم طيبين جميعًا، عساكم من عوادة في صحة وعافية يا رب العالمين

ممكن أيوا بفضل الله

عليكم السلام ورحمة الله وبركاته

اللي هو عمله تصرف طبيعي اوي لواحدة باين انها من محافظة غير المحافظة بتاعته ف الراجل اشتغل بالمتاح وطلب الرقم دوغري
انتي صح ف كلامك انك تعرضي الكلام على والدك الاول وهو لو معندوش مشاكل مبدئية من المعلومتين اللي انتي عارفاهم دلوقتي انه من محافظة تانية مثلا وانه سنه كذا
خلاص اديله الرقم وهو هيكلمه ساعتها يشرحله كل التفاصيل الضرورية وياخد ميعاد بعد م والدك يرد عليه بالموافقة

الامور طبيعية جدا مفيهاش اي شيء غلط

خلصي امتحاناتك على خير وبعدين خلي والدتك تفتح الكلام مع والدك وتحكيله الموضوع زي م حكيتيه هنا كدا وهو ليه القرار
لو وافق توكلي على الله اديله الرقم وساعتها مش مسموح انه يكلمك تاني او يفتح معاكي اي حوار غير لما يجي بقا البيت

⚙️

ايعت جزء من السؤال ف الاول نظهره بحيث تقدر تعرف ان السوال دا بتاعك وقول نشطب من اول هنا ساعتها هنشطب باقي السؤال

⚙️

اللي بيتقدم لحد بيسأل عليه كويس اوي وطالما هي حاجة زي كدا ممكن تتعرف ف سيبي الامور لمجراها

لكن انتي متقوليش حاجة زي كدا انت كدا بتوقفي حالك بنفسك

⚙️

لو ان حياته مستقلة ف مفيش مشكلة ودي نقطة مهمة اوي اوي

خصوصا لو ابوه وامه مش وحشين كمان

طالما هو كويس ومحترم وبيحبك ويقدرك خلاص مفيش مشاكل ان شاء الله

⚙️