ربنا يزوج الشباب عاجلًا غير آجل، زواجًا يحبه ويرضاه😆

بما إن التخمين دا متكرر، فأنتم متعرفوش إننا بنخرج الغرامات كلها في صدقات جارية وكفالة يتيم ولا ايه؟

كدا نظنه تلميح قوي، إلا للدفعة التاسعة؛ كونها حديثة عهد بينا😃

في ثوابت يا جماعة مش بنقرب منها، ولا بنقبل فيها تعديلات (زي التقييمات، ومدتها، والغرامات)، فلا تحلموا 😁

والله أمر التحفيظ عظيم جدًا جدًا، ولكن أنتم مطلعين عينينا في الإلتزام، فبنقول بس يلتزموا بالموجود 😁

وجودنا مش جائزة في ذاته؟ 🙄

هذا من المستحيلات 😆

للآن ٤ تخمينات صحيحة ⌛️

لو وصلوا ١٠ هنعلن عن الأمر قبل يوم العيد 😃

وصلنا ٧ تخمينات صحيحة (٣ في أقل من ساعة)، حد سرب الموضوع ولا ايه؟ 😆

أنتم عارفين إننا بناخد الناس الملتزمة من كل دفعة يكونوا مشرفين على الدفعة القادمة؟

فلو ظبطوا نفسكم، هناخد عدد إشراف أكبر، وبالتالي هناخد عدد طلاب أكتر للدفعة، فشدوا حيلكم بقى، الموضوع في ايديكم 😁

حتى لو كان هناك تقصير، فلسه قدامك فرصة

يلا شد حيلك 😁

٨ تخمينات صحيحة للآن ⌛️

ما زالوا ٨ تخمينات فقط للآن 😃

9 تخمينات صحيحة 🔥⏳

غدًا الجمعه أول أيام عيد الفطر المبارك

تقبل الله منا ومنكم صالح الأعمال، وكل عام وأنتم بخير

#العيد_فرحة🥳

"كتب عليكم الصيام ... لعلكم تتقون"، فمن علامات التقوى (ما كنت تجد وتجتهد له طوال شهر رمضان) أن تفرح بالعيد "ذلك ومن يعظم شعائر الله فإنها من تقوى القلوب".

أنا عارف كويس أوي أد ايه الوضع العام مؤلم، وأن الآلام لا تُحصى ولا تُعد، ولكن يومنا يوم عيد، فمهما كانت حالتك افرح، واخرج للصلاة رجلًا كنت أو امرأة وإن كنت حائض (ولكن لا تدخلي المصلى)، وزُر الأقارب والأصحاب، ولاعب الصغار، وأحيي سنة التكبير.

"لتعلم يهود أن في ديننا فسحة، إني أرسلت بحنيفية سمحة".


كل عام وأنتم بخير :")

جاهزين نعلن عن العيدية؟ 🥳⏳

#العيد_فرحة

بإذن الله قررنا نفتح باب "المساحة المفتوحة" مرة ثانية، وبشكل دائم بإذن الله 😃

وبالنسبة للناس الجديدة معانا، فهو رابط جوجل فورم، بنستقبل فيه أسئلة، استفسارات، أو لو حد عنده مشكلة في أي شيء في الحياة -مش بس الزواج-، ومحتاج حد يوجهه أو يسمعه، وكل دا بيكون بشكل مجهول بإذن الله؛ بحيث السائل يبقى متطمن وهو بيحكي وواخد راحته.

ومن هنا نقدر نقول كلنا آذان صاغية 😁

دا الرابط

https://forms.gle/kxpWLGDA26zuMdjQ8

والإجابات بتنزل هنا على قناة إجابة الأسئلة، وكل عام وأنتم بخير🥳

كل عام وأنتم طيبين، وتنعاد عليكم الأيام بكل خير يا رب العالمين

أنا في النقطة دي بحب الدراسة المنهجية الشمولية، وهنا يأتي دور حبيبي الشيخ أحمد السيد -بارك الله فيه-، فالشيخ مشرف على مساق "البناء الفكري"، والمساق مدته ٣ سنوات، فممكن تتابعوا قناة الشيخ، ولما تفتح دفعة جديدة هيعلن عنها بإذن الله.

__

ولكن لو عايزين حاجة سريعة، فممكن تطلعوا على:
-كتاب النبأ العظيم للشيخ دراز
-كتاب رسالة في الطريق إلى ثقافتنا لأستاذ محمود شاكر.
-ينبوع الغواية الفكرية لبشمهندس عبدالله العجيري
-كتاب سابغات للشيخ أحمد السيد
-كتيب "التفكير الناقد" للشيخ أحمد للسيد
-محاضرتين نظرية المعرفة لبشمهندس عبدالله العجيري

ولو تعرفوا تقرأوا لحبيب قلبي أبو عمر إبراهيم السكران -فرج الله همه، وأزال كربه-، وتطلعوا بأسلوب تفكيره ونقده للأمور، هتستفادوا جدًا، وخاصة في المآلات، والماجريات.

"إنسان"

بسم الله الرحمن الرحيم

وانتم بخير وعافية ، وجزانا الله وإياكم

العيدية هي حاجة بيدخل بيها الخاطب الفرحة على خطيبته وكل شخص على حسب ظروفه
لا ليها رينج معين عشان نحكم على حد بيه ولا ليها طريقة معينه

وانتي ادرى بظروف خطيبك ف ارجوكي متقارنيش ومتنتظريش كل الناس تعمل زي السوشيال ميديا

ممكن مرتبه فعلا لا يسمح غير بما اعطى
وممكن يكون مرتبه حلو بس الشهر دا الظروف كانت صعبة معاه ومزنقه شوية

الخلاصة متقيسيش بخل او كرم حد من موقف واحد
انتوا مخطوبين سنة او اكتر او اقل شوفي تصرفاته على طول المدة
يمكن مبيعرفش يدي كام عيدية
يمكن جايب هدية تاني او غيره من الاسباب يعني

وارجوكم كلكم متقارنوش عشان تعرفوا تعيشوا حياة سعيدة
دي نصيحة عامة مش ف الموضوع دا بس

(نرجو لو حد بيبعت سؤال وتم الرد عليه وهيكمل مناقشات تاني يكتب بس ف الاستشارة هو بيتكلم عن سؤال ايه)


⚙️