الأسئلة في الفورم من مجهول، فإحنا مش عارفين مين باعت السؤال، ولكن على كل فهي نفس الإجابة بتاعة اتعلموا ازاي تاخدوا قرار لحياتكم، إحنا مش هينفع ناخد قرار عنكم.

أما بالنسبة لإنك عايزة حياة بلا ألم لأنك لا تستحقين ذلك؟ فهنا الإجابة على شقين:
-الأول: أن الحياة لا تخلو من مشقة وألم ومكابدة وعناء؛ ربنا قال: "لقد خلقنا الإنسان في كبد"، والكبد هنا هو الشقاء البدني لا النفسي، فحاشا لله أن يخلقنا في شقاء نفسي.
-والثاني: إحنا مش بنقدر نحدد نستحق ايه في الأشياء المصيرية دي؛ لأننا لله، وهو مَن يرى ويقرر ما نستحقه، ومفيش شيء في أيدينا إلا الدعاء، فمينفعش نقول إحنا نستحق او كنا نستحق كذا وكذا، أين العبودية؟ أين الرضا بالقضاء والقدر؟ "إنّا لله".

إلا إن الدعاء يغير القدر، فجدّوا في الأمر

دا الجزء المقصود في أول الإجابة.

أومال إحنا بنتعلم ايه سوا؟ أنت على الأقل اتعرضت لنقطة الاختيار دي معانا مرتين إلى الآن، لحد الآن مش عارفة ازاي بنختار الطرف الآخر؟ لأ كدا في مشكلة عندك، اقعدي كدا مع نفسك واكتشفيها.

حقك تحطي أي شروط أنت عايزاها في الإختيار، لكن أنت كدا بتصعبيها على نفسك زيادة عن اللازم، وبفقه الواقع كدا أهلك عندهم حقك.

لما أعرابي راح للنبي -صلى الله عليه وسلم- وسأله أعمل ايه يدخلني الجنة؟ فالنبي قاله على أركان الإسلام، ولما الأعرابي قاله مش هعمل غيرها، النبي قال: "أفلح إن صدق".


فهو الشخص ال بيصلي صاحب الأخلاق دا مش حاجة عادية، لأ دا قد يكون من أهل الجنة، فوسعي نطاق اختياراتك ومتضيقيهاش على نفسك، وكم من بيت كان الأب والأم فيه مش حافظين القرآن وطلعوا أجيال رائعة.


وهتاخدي حد مش حافظ القرآن؟ مترجعيش توجبي عليه يحفظ القرآن :"D

وهو الطبيعي تحسي بالأمان مع حد لسه عارفاه من يومين؟

أنت عندك مشكلة، فاستعيني بمعالج أو طبيب نفسي.

-الدفعة الثالثة جدولها موجود تقدر ترجع ليه في الرسايل المثبتة.

-الرابعة: قدامها ١٠ شهور تقريبًا من الآن بإذن الله.

-الخامسة: بعد مقرر الزواج، بإءن الله قدامنا ١٠ شهور، مرحلة ما قبل التربية ٤ شهور، والتربية تقريبًا ٦ بإذن الله.

أولًا: الاحتياج دا فطري وطبيعي جدًا، ربنا -سبحانه وتعالى- خلق فينا احتياج لبعض، بل من سبب آفات عصرنا هي صعوبة الزواج؛ وعلشان كدا النبي -صلى الله عليه وسلم- قال: "إذا جاءكم من ترضون دينه وخلقه فزوجوه، إلا تفعلوه تكن فتنة في الأرض وفساد كبير"، فالفتنة ال إحنا عايشينها، وكم الفساد الظاهر وغير الظاهر دا من أسبابه صعوبة الزواج.

ثانيًا: الخوف دا غير مبرر؛ لإن وإن كان الدنيا بايظة كتير من حوالينا، فدا شيء أدعى إننا نقبل على الخطوة ونغير النظرة دي؛ وعلشان كدا إحنا هنا اليوم، وبنتعلم ازاي نقدر نختار حد كويس يساعدنا في شيء زي دا، وازاي ندير العلاقة بشكل ناجح.

-ثالثًا مش قادر أحدد بصراحة ربط ضعف الهمة برفضك للزواج، فمعلش بعد كدا ابقوا وضحوا الأمور :")

-رابعًا: الأمر انتهى من ٦ شهور، أنت بتفكري فيه ليه؟ الأمر خلص وانتهى يا فندم.

تقرأ مقال "دليل البنت الشاطرة" لبشمهندس شرف الدين.

أيوا من حقك ترفضي، بإضافة إن مش من الحكمة أصلًا يفتح موضوع زي دا في البداية كدا، فدا دليل على قلة حكمة.

-بإذن الله في آخر يناير.
-كل له شخص له الانضمام لينا مرتين فقط، فهو هينفع يدخل تاني، لكنه لو مستغلهاش مش هيكون له فرصة تانية معانا.
ومش من الحكمة إننا نحط نفسنا على المحك، لا سيما إننا متعاونين في أمور الإجازات.

-في الزواج مش بنبص فيه على الميل القلبي أد ما بنبص فيه هل الشخص دا مناسب نعيش معاه باقي حياتنا بشكل سوي ولا لأ.

-أنت الآن أنضج، والمدة ال ذكرتيها طويلة مش بسيطة، فاقعدي وشوفي الدنيا، وأنت الآن تقدري تحكمي بإذن الله.

-والميل القلبي لا يتعارض مع التسليم

بإذن الله اليوم الساعة 8 سيتم فتح باب الانضمام للدفعة السادسة، فترقبوا 🎈🥳

نظرًا لإرتفاع حالات الطلاق مؤخرًا بشكل مبالغ فيه، ومن باب ما لا يتم الواجب إلا به فهو واجب، وما وجب عمله وجب علمه، قررنا نفتح الانضمام لدفعة سادسة من مساق التأهيل للزواج الذي بدأنا فيه سلفًا، العدد محدود، ويتم قفل ال form بإكتمال العدد.

مساقنا عبارة عن سنة ونصف تقريبًا نتأهل فيها للزواج وللتربية، انشروا الخبر؛ فالدال على خير كفاعله، لينك التقديم:

https://forms.gle/FfnW8gWJVFSV2hUi7

بشرى 😄

فتحنا استقبال الأسئلة؛ لو حد حابب يسأل أو عنده مشكلة في مواضيع الزواج والخطوبة ومحتاج يحكيها وهذه الدنيا بدون ما يظهر اسمه، نستقبل أسئلتكم وحكاويكم لمدة أسبوع على النموذج دا بإذن الله.

https://forms.gle/7rap3757CGGZbATL6

خُلق الإنسان نسّاء كثير النسيان، ولم يخرج سيدنا آدم -عليه السلام- من الجنة إلا النسيان "ولقد عهدنا إلى آدم من قبل فنسي ولم نجد له عزمًا"، فهذا من طبيعة الإنسان؛ ولهذا "وذكر فإن الذكرى تنفع المؤمنين" أمر دائم بالتذكر.

فدا مش عدم صدق في التوبة -بإذن الله- طالما استوفت التوبة شروطها (الندم، العزم على عدم الرجوع، الإقلاع عن الذنب، رد المظالم لأهلها إن وجدت)، ولكن تكمن خطورة الأمر في الزيادة عن الحد (الغفلة) "وقيل اليوم ننساكم كما نسيتم لقاء يومكم هذا"، "فذوقوا بما نسيتم لقاء يومكم هذا إنا نسيناكم"، "قال كذلك أتتك آياتنا فنسيتها وكذلك اليوم تنسى".


نكمل في رسالة أخرى علشان مساحة الحروف

فممكن نعمل ايه؟
-نعرف أكتر عن الذنوب وبشاعتها، فللذنوب آثار على القلب والبدن والدنيا والآخرة، ومن أسباب حرمان العلم، والرزق، وتورث وحشة في القلب بين العبد وربه، ووحشة بين الإنسان وبين الناس من حوله لا سيما أهل الخير منهم، وتعسّر أموره عليه فيقول أحد السلف: "إني لأعصي الله، فأرى ذلك في خلق دابتي وامرأتي"، ويقول ابن عباس: "إن للحسنة ضياءً في الوجه، ونورًا في القلب، وسعةً في الرزق، وقوةً في البدن، ومحبةً في قلوب الخلق، وإن السيئة سوادًا في الوجه، وظلمةً في القلب، ووهنًا في البدن، ونقصًا في الرزق، وبِغضةً في قلوب الخلق.

-نكثر من الاستغفار، فيقول النبي -صلى الله عليه وسلم- : "إنه ليغان على قلبي، وإني لأستغفر الله في اليوم مائة مرة"، والغين هو الشيء الخفيف من الغفلة عن الذكر الدائم لله، أو ما يقع في النفس من الخواطر البشرية، حتى وإن لم تكن معصية، فكان النبي -صلى الله عليه وسلم- يستغفر ليبقر قلبه متصلًا بالله عز وجل.

-استمرار التوبة، فإن الله يحب التوابين، والتوّاب هو كثير التوبة، وكان النبي -صلى الله عليه وسلم- يأمر بكثرة التوبة، فيقول: "يا أيها الناس، توبوا إلى الله، فإني أتوب في اليوم مائة مرة"، ويقول: "والله إني لأستغفر الله، وأتوب إليه في اليوم أكثر من سبعين مرة"، وعن عبدالله بن عمر -رضي الله عنهما- "كنا لنعد لرسول الله في المجلس الواحد مائة مرة: رب اغفر لي، وتب علي، إنك أنت التواب الرحيم".

-الدعاء ولا سيما الدعاء باسم الله الأعظم، ومن اسم الله الأعظم دعاء سيدنا يونس، فادع الله سبحانه وتعالى أن يا ربنا لا إله إلا أنت سبحانك إني كنت من الظالمين، يا ربنا ظلمنا ظلمنا أنفسنا ظلمًا كثيرًا وإن لم تغفر لنا وترحمنا نكن من الخاسرين، يا ربنا قلوبنا بين يديك، فارزقنا لذة الطاعة واحرمنا لذة المعاصي.

-حاول تشوف ايه الأسباب ال بتوقعك وحاول تتجنبها بإنك تتعلم من أخطاءك، واستعن بالله ولا تعجز.

ولو عايز تقرأ شيء ممتاز في النقطة دي، فكتاب "الداء والدواء" لابن القيم، وصدق من سماه "الجواب الكافي لمن سأل عن الدواء الشافي".

مبدئيًا مفيش داعي للاعتذار، ومفيش إطالة ولا حاجة.

-أولًا أنت عندك حق إن لو شخص بيختار على أساس كويس مش هيدخل بيت مفكك، ولا بيت الأب فيه ملهوش شخصية، والأم قايمة بدور الأب، يعني هو داخل يتفق فطبيعي يتفق مع راجل.
حتى إحنا لما حد بياخد نصيحتنا، بنقول له لأ ابعد، وبلاش البيت دا على الرغم من إن البنت ظاهريًا قد تكون كويسة جدًا، ولكن الأغلب والشائع إن البنت بتتأثر في البيئة التي نشأت وترعرعت فيه، -وزي ما درسنا مع بعض- الزواج لا يقبل المغامرة، مينفعش نغامر ونقول إن البنت ممكن تطلع مش شبههم؛ لأن نسبة المخاطرة هتكون عالية أوي(دا حتى قانون يدرس في السلامة والصحة المهنية، فهو قانون معمم في جميع مجالات الحياة).

وعلشان محدش يعترض، ال حابب يخاطر يروح يخاطر يا جماعة، كفى بنفسك اليوم عليك حسيبًا، ولكن عند النصيحة، فالنبي -صلى الله عليه وسلم- يقول: "المستشار مؤتمن".

هنكمل في رسالة أخرى بإذن الله.

-ثانيًا: على الرغم بقى من كل دا إلا إن الزواج في الأول والآخر رزق، والنبي -صلى الله عليه وسلم يقول: "إن روح القدس نفث في رُوعي أن نفسًا لن تموت حتى تستكمل رزقها وأجلها، فاتقوا الله وأجملوا في الطلب".
فهو أنت لو مقدر ليك الزواج -بإذن الله يكون مقدر-، فوالله بقى لو عريسك في بطن الحوت، فحتمًا سيأتي، ولما الأمر يتعلق بفكرة الرزق بيبقى شيء أدعى إننا منشيلش همه، صح؟
نخلي بالنا بس إننا منستعجلهوش بالحرام، ونحافظ على أنفسنا من الذنوب لأنها مانعة للرزق، وناخد بأسباب هذا الرزق ومنشيلش هم هو هيجي ازاي.

(أبسط حاجة وهي إن أصلًا فكرة عدم المغامرة دي غير متفق عليها من الناس، يعني هتلاقي ناس هتهاجمنا على الإجابة دي على الرغم إنك أنت صاحبة المشكلة أصلًا مقتنعة بهذه الفكرة، ونحسبهم على خير بإذن الله، فلعل أحدهم يغامر معاك ويكون زواج صالح بإذن الله.)

-ثالثًا: أما بقى بالنسبة لكيف السبيل لحياة أسرية سعيدة، وكيف نعالج هذه النظرة المشوهة، وازاي دا ميأثرش عليك؟
فهندرس دا كله بإذن الله سوا في أول مرحلة مع بعض "التأهيل للزواج" في أول 6 شهور من المساق، وأنا أوعدك إن بعد هذه الفترة هيكون معاك إجابات على كل دا.

وبالفعل كان في بنات عندها نفس المشكلة، وبعد الفترة دي قالت إنها بقيت قادرة تاخد الخطوة الحمد لله، فشدي حيلك بقى، وركزي كويس في المذاكرة.

ربنا يؤلف بين قلوبكم، ويزرع بينكم المودة والرحمة، ويرزقك زوجًا صالحًا تقيًا يا رب العالمين.

رابعًا: نوصيك بالصبر والاحتساب، أحيانًا بيكون الصبر وانتظار الفرج هو الحل الوحيد، يعني لما بني إسرائيل قالوا لسيدنا موسى: "قالوا أوذينا من قبل أن تأتينا ومن بعد ما جئتنا"، رد عليهم بايه؟

"قال عسى ربكم أن يهلك عدوكم ويستخلفكم في الأرض فينظر كيف تعملون".

فالشاهد؟ ال هو مفيش في إيدي حاجة أعملها، عسى ربكم أن يهلك عدوكم، عسى ربكم أن يأتي هو بالحل قريبًا بإذن الله.

وزي ما قلنا فوق الأمر في نظاق الرزق، ودا شيء أدعى للإطمئنان: "ما أصاب من مصيبة في الأرض ولا في أنفسكم إلا في كتاب من قبل أن نبرأها إن ذلك على الله يسير - لكيلا تأسوا على ما فاتكم ولا تفرحوا بما آتاكم والله لا يحب كل مختال فخور".

فكل شيء مقدر :")

-أولًا: لما نتسأل وإحنا مش أهل للسؤال بنقول "لا نعلم"، مش بالضرورة نجاوب خالص، عارفين النبي لما قال "قتلوه، قتلهم الله"، قالها في ايه؟ في فتوى بدون علم.
فمش معنى إننا شكلنا بيقول إننا ملتزمين، ولا علشان قرأنا كام كتاب، وشوفنا كام دورة، يبقى نتسأل ونجاوب، لأ ما خد بالك الناس ال النبي -صلى الله عليهم وسلم- دعى عليهم دول كانوا صحابة، فكانوا أفضل مننا، وأكثر التزامًا منا، صح؟ :"D
علشان فكرة "بتسأل كتير، وبخاف أقول كذا وكذا" مؤشر خطير أوي، مؤشر خطير إننا مبنقولش لا نعلم، ولسنا أهلًا لذلك، فنخلي بالنا من النقطة دي.

-ثانيًا: الأمر بسيط جدًا، شاب وقف بنت عايز رقم والدها؟ تعطيه الرقم وتروح تعرفهم في البيت إن حصل اليوم كذا وكذا.

-ثالثًا الموقف نفسه عادي جدًا فمفيش ضوابط خاصة ولا حاجة، الضوابط هي الضوابط في كل المواقف، يعني البنت ممكن تخلص الموقف بدون ما تنطق غير كلمة "اتفضل" :"D