أما التعامل مع النفس بشكل خاطئ دا بيكون بعدم قبول ضعفنا، بنتعامل مع نفسنا وكإنها معصومة لا نقبل منها الخطأ، مع إن الخطأ في حقنا مباح، ولو لم نذنب فنتبوب، لذهب الله بنا، وجاء بقوم يذنبون فيتوبون فيتوب الله عليهم.

فاقبل ضعفك، وافتكر إنك إنسان تصيب وتخطئ، فإن أخطأت عد إلى الله، فالله يحب التوابين كثيري التوبة.

وبطل تطلب من نفسك أشياء فوق طاقتها (زي العصمة)؛ حتى لا تظلم نفسك.

والنبي -صلى الله عليه وسلم- يقول: "إن الدين يسر، ولن يشاد الدين أحدًا إلا غلبه، فسددوا وقاربوا، وأبشروا، ويسروا، واستعينوا بالغدوة والروحة وشيء من الدلجة".

كيف نفعل كل هذا؟

النبي -صلى الله عليه وسلم- يقول: "إنما العلم بالتعلم، والحلم بالتحلم، ومن يتحر الخير يعطه، ومن يتق الشر يوقه".

النبي -صلى الله عليه وسلم- يقول: "إنما العلم بالتعلم، والحلم بالتحلم، ومن يتحر الخير يعطه، ومن يتق الشر يوقه".

فبالمجاهدة، والمحاولة، والصبر عليها.

وعليكم السلام ورحمة الله وبركاته
غالبًا بشوف أن إزاي الطريقة هتتفهم بتتوقف ع الشخص اللي قدامي، يعني شخصيته وطريقة فهمه للحوار هي اللي بتحدد هيستقبل مني الكلام ازاي..
فـ دي نقطة مهمة لازم ابقى لاقطها في التحاور عمومًا مع أي حد قدامي.

سؤال زي بيت العيلة ده مبدئيًا لو عنده أخوات متجوزين معاهم بتسألي التعامل عامل ازاي؟ بيحصل ايه؟ طب أنت حابب الدنيا تبقى ماشية ازاي؟
أهلك شايفين الدنيا هتمشي ازاي وأنت إيه رأيك؟
خدي منه ع اد ما تقدري واسمعي للآخر وبعدها علقي، وقولي حدودك واللي عاوزاه وتتفقو عليه كمان مع الكبار ده أساسي.
مفيهاش بتتشرطي ولا حاجة بالعكس ده حقك تتكلمي فيه ولو فيه اعتراض اهربي؛ لأن المفروض العيشة تبقى منفصلة تمامًا ومفيش اختلاط المعيشة والأكل والشرب، وكله بالحب بردك.

سؤال الضرب بيجي من ناحية تعاملك مع أهل بيتك ازاي، عصبي ولالأ، وعصبيتك بتوصل لفين؟
التربية عندكم كان فيها ضرب وكدا ولا ده مش مسموح عندكم مع الأطفال؟
وأنت شايف إيه ف الموضوع ده؟
ومن خلال بردك كلام أهله وأخواته وطريقته تحاولي تعرفي طبعه.

الماديات دي ع حسب أنتي بتشتغلي ولالأ، اتكلمتو ف النقطة دي ولا مفيش.
اسأليه حابب يمشي الأمور دي ازاي وعنده خطط ف باله ولا لسة مفكرش فيها؟

طبعًا كل موضوع بيبقى حوار بينكم خد وهات مش مجرد سؤال وجواب.
ونصيحة بلاش بيت عيلة.

هما مش غلط وبردك مش صح فالعموم..
للأسف الواقع غير اللي بنسمعه ومتخيلين، الحياة نفسها والتجربة حاجة تانية خالص.
فـ هما عندهم حق من ناحية التكافؤ والبيئة محدش يقدر ينكر والعيشة ف الاختلاف ده بيبقى صعب شوية إلا لو:
-الشخصين بالفعل واعين وفاهمين كل الكلام ده وناضجين وعارفين ازاي هيتعاملو والاختلاف ده بالنسبة لهم مش عائق، وبالفعل أنا قدامي نماذج لكدا وناجحة اللهم بارك..

لكن فيه نماذج تانية ناس متحملتش الاختلاف ده وهربت رغم وعيهم ونضجهم!
وناس متقبلتش المواجهة لمجرد بس حد رصلهم الاختلافات دي ومحاولوش يجربوا.

فهنا الشاهد مش ازاي تقنعيهم أو حتى تردي عليهم، أنتي محتاجة تخوضي التجربة بنفسك طالما شايفاه مناسب والصفات دي وكله هيبان.
واتمنى لو حصل جديد من وقتها ابعتيلنا.

يمكن حسيتي بالاستجواب عشان متكلمتيش زيه فهو كان بيسأل وتردي، بس لازم يبقى عندك أسئلة أنتي كمان، يعني مثلًا السؤال اللي يسأله رديه له وشوفي رده.
مفيهاش مقاطعة كلام ولا حاجة بالعكس حقك زي حقه بالظبط..
اسأليه ع الصلاة، شغله، بيقضي يومه ازاي، طب ولو يوم اجازة بيعمل ايه..
علاقته بأهله وأخواته بيتعاملوا ازاي؟
لو حاجة تخصك كشغل أو لبس أو أي نقطة معينة اسأليه فيها وشوفي رأيه..
وهكذا هتلاقي الكلام جاب بعضه وعاوزة تعرفي شكل حياته وحياتكم هتبقى عاملة ازاي بعدين، فـ يجي من هنا الحوار وخد وهات.

كلنا جه علينا فترة وأحنا صغيرين كنا بنقول كلام ومتمسكين بيه ولما بنكبر ونعقل كدا بنقول الحمدلله إن ربنا مستجابش لكلامنا العبيط.😁
متفكريش كتير وكل حاجة هتيجي ف وقتها متقلقيش، وربنا يرزقك الزوج الصالح التقي ويرزقك الذرية الصالحة.

وأيوا بالفعل ممكن ربنا يستجاب لينا، فناخد من كلامنا، سيدنا أبو بكر يقول:
احذر لسانك أن تقول فتبتلى
إن البلاء موكل بالمنطق.

كنت لسة هسألك إيه المواصفات اللي حطاها أو بترفضيها واناقشها معاكي لأن الأغلب بيقول حاجات عادية ومش واقعية، لكن انتي وضحتي ده ف الأخر.
وأحب أقولك معاكي حق ف رفضك عادي وده براحتك لأنك أنتي اللي هتتجوزي وتعيشي، فلازم تبقي راضية ومرتاحة.

وكدا كدا الطبيعي بتاع الأهل إنهم بيضغطوا ف الوقت ده وشايفين إن دي حاجات عادية، وده طبعًا غلط بس ده اللي حاصل.
فـ متزعليش نفسك واصبري وادعي ربنا يرزقك زي ما بتتمني ويراضيكي.

أيوة طبعًا أنتي صح ومتخليش ضغط اللي حواليكي يشكك ف نفسك وقراراتك، وسيبي اللي يتكلم يتكلم الناس مش بتسكت أصلًا مهما قولتي.
الزواج ده رزق ونصيب هيجي ف وقتها، والزواج ده يعني حياتي خلاص بعد كدا، مش عشان ابقى متزوجة اختار أي حد وارجع اندم بعدين واقول يارتني!
واللي يضايقك بكلمة وقفيه عند حده وقوليله دي حياتي وأنا اللي بختار مين أكمل معاه فمتدخلش فيها.

ده تالت سؤال بنفس المشكلة ومن سنين وهي هي نفس الملاحظة، الواحد مش عارف الناس هتبطل تضايق وتضغط غيرهم امتى.
حقيقي الرد الوحيد هو تجاهلهم ع صدهم ع الانشغال..
هما مش هيبطلو يعلقوا غير لما تحطي حدودك بصرامة.
مفيش حد سلم من الضغط ده للأسف، فهوني ع نفسك ولازم تبطلي تفكير ف الموضوع لأنه مش هيحصل حاجة غير أنك هتتعبي وهتلاقي نفسك بتضيعي وقت كبير جدًا من حياتك ع ده.

دا دوركم أنتم بقى، اتكلموا علينا، وانشرونا في محيطكم.

عن ابن عباس رضي الله عنهما قال: قال رسول الله صلى الله عليه وسلم:
«ما من أيام العمل الصالح فيها أحب إلى الله من هذه الأيام» يعني أيام العشر، قالوا: يا رسول الله، ولا الجهاد في سبيل الله؟ قال: «ولا الجهاد في سبيل الله، إلا رجل خرج بنفسه وماله فلم يرجع من ذلك بشيء».

س: ما هو "العمل الصالح" هنا؟
ج: هو كل عمل صالح، من ذكر لله ونوافل وإحسان وبر وصلة وطلب علم وتعليم وأمر بالمعروف ونهي عن منكر وجهاد في سبيل الله وعمل خير وقيام بواجب وترك لمحرّم.
وليس المقصود عبادات محددة.

س: ما العبادة التي لا ينبغي تركها لجميع الناس في عشر ذي الحجة؟
ج: ذكر الله، لورود الحديث الشريف فيها عن النبي صلى الله عليه وسلم: "فأكثروا فيهن من التهليل والتكبير والتحميد".
وهذا يكون مع سائر الأعمال الصالحة والخيرة التي تقوم بها في العشر.

س: لماذا إذاً ذكر الجهاد هنا مقابل العمل الصالح؟
ج: المقصود الجهاد في غير هذه الأيام لا يعدل العمل الصالح فيها، وسألوه عنه لأنهم يدركون أنه من أفضل الأعمال الصالحة.

س: ما هو مراد الحديث؟
ج: مراد الحديث أن تعمر العشر الأولى من ذي الحجة بالطاعات، وأن تترك فيها المعاصي والمحرمات، وألا تكون موسماً للهو واللعب وضياع الوقت، لأنها أيام مباركة تعظم فيها الأعمال الصالحة، فالحسنة -أي حسنة- في هذه العشر أعظم وأفضل من الحسنة في غيرها.

أ.فايز الزهراني

تعرفوا إننا عيدينا عيدين بتخريج الدفعة الثالثة؟ 🥳

وبإذن الله يوم الاتنين نفتح باب الانضمام لدفعة سابعة، وكل عام وأنتم بخير 😁

نظرًا لإرتفاع حالات الطلاق مؤخرًا بشكل مبالغ فيه، ومن باب ما لا يتم الواجب إلا به فهو واجب، وما وجب عمله وجب علمه، قررنا نفتح الانضمام لدفعة سابعة من مساق التأهيل للزواج الذي بدأنا فيه سلفًا، العدد محدود، ويتم إغلاق باب الإنضمام بإكتمال العدد.

مساقنا عبارة عن سنة ونصف تقريبًا على ثلاثة مراحل: تأهيل للزواج، وصناعة مربي، وتأهيل للتربية.

انشروا الخبر؛ فالدال على خير كفاعله، رابط التقديم:

https://forms.gle/9gopxwMy6KVXh3v76

جماعة، نظرًا لطلباتكم، ففتحنا باب التسجيل مرة تانية لمدة ساعتين استثناء، فاستغلوا الفرصة بقى :"D

هو الطبيعي للأسف إن نتائج هذه التربية بيكون سيء فعلًا، ولكن دا مش برر إننا نعمل الغلط، لأ إحنا كبرنا، وعرفنا الصح والغلط، والحلال بين، والحرام بين، وفي الآخر كلهم آتيه يوم القيامة فردًا، صح ولا ايه؟ :"D

حاولي تتكلمي مع الأهل ولكن بذكاء وبدون هجوم، كلميهم أولًا بلغتهم زي قول النبي -صلى الله عليه وسلم- "وفرقوا بينهم في المضاجع" وإن دا مش مجرد تفريق في الأسرة والغرف، لأ دي قاعدة عامة، وإن النبي -صلى الله عليه وسلم- أوتي جوامع الكلم، فعلى رغم اختصار كلامه إلا إنه بيكون ليه معاني واسعة جدًا.

وإنك بالتالي لازم يبقى ليك خصوصية، سواء أشياء البنات لا يطلع عليها إلا البنات، على الأقل علشان بتتكسفي من إخواتك الأولاد، ولو الأمر متطور على التليفونات فعرفيهم إن أحيانًا بيكون في كلام بينك وبين صحباتك بطبيعة الحال، فازاي أخوك ممكن يشوفه، وفكريه بأحاديث النبي -صلى الله عليه وسلم- في الأمانة، وإنك كدا بتخوني ثقة البنات دي، وهتكون غير أمينة (اعملي البحر طيحنة بلغتهم😁)

ولو مجابش نتيجة ممكن تستعيني بشخص عاقل من العائلة أو من الأصدقاء المقربين تثقين به.

ولو مفيش نتيجة كويسة بقى فمفيش حل غير الصبر، وفي بعض الأحيان بيكون دا الحل الوحيد :")

لما بني إسرائيل قالوا لسيدنا موسى "أوذينا من قبل أن تأتينا ومن بعد ما جئتنا"، قالهم: "عسى ربكم أن يهلك عدوكم ويستخلفكم في الأرض"، مفيش في ايدي حل، ولكن عسى ربكم أن يهلك عدوكم ويستخلفكم في الأرض.

فأحيانًا بيكون الحل الوحيد اصبروا وصابروا ورابطوا واتقوا والله لعلكم تفلحون.
_

ربنا يهديهم، ويصلح ذات بينكم يا رب العالمين

ممكن تتكلمي مع الوالدة تكلمهم أو تكلم حد يرشحك ليهم، ولكن عامة ممكن يكون هم خايفين من الخطوة لأسباب عدة، زي: مش حابين زواج القرايب، خايفين يحصل زعل بعد كدا يخسركم بعض، ممكن هو مش شايفك زوجة ليه، ويكون شايفك زي أخته والموضوع دا شائع جدًا في النقطة دي.

ولكن خلينا نعلق على نقطة الإعجاب نفسها.

خلينا نفرق بين المصطلحات كبداية، وأن هناك فرق بين الحب والإعجاب والتعلق، وبفضل الله -سبحانه وتعالى- أخفهم ضررًا الإعجاب، وهو مباح ما لم يفضِ إلى حرام، ولكن في نفس الوقت هو مؤشر ومنبه ينبه أن ما بعد ذلك خطير، فعايزين ناخد بالنا من دلوقت بقى.

عامة بلاش تعلقي كل آمالك على شيء واحد بعينه، زي ما بيقولوا لا تضعي بيضك في سلة واحدة، الأمر واسع جدًا بفضل الله، فليه تضيقيها على نفسك؟ الأعرابي ال قال: اللهم ارحمني ومحمدًا، ولا ترحم معنا أحدًا، النبي -صلى الله عليه وسلم- قاله: "لقد تحجرت واسعًا"، فخلي المبدأ دا عام بقى، يعني عممي المعنى على كل أمور حياتك.

وخاصة بقى إن الإنسان مننا عقله قاصر، لا يعلم الغيب، ميعرفش الخير فين، والله -سبحانه وتعالى- يقول: "وعسى أن تكرهوا شيئًا وهو خير لكم وعسى أن تحبوا شيئًا وهو شر لكم والله يعلم وأنتم لا تعلمون".

فالله -سبحانه وتعالى- يعلم ونحن لا نعلم والله، تخيلي معاط طفل في عز البرد شبطان وبيعيط علشان ياكل أيس كريم، هل هتطاوعيه وتعطيه؟ دا مثال تقريبي كدا:")

وممكن تشوفي المقطع الصغير دا لياسمين مجاهد:

https://www.youtube.com/watch?v=yFpGFICYUXc

وممكن تقرأي كتابها "استرجع قلبك"، ولو الأمر متطور بقى فكتاب الداء والدواء لابن القيم.