لأ مفيش حاجة اسمها كدا، بل بالعكس دي من قلة الأدب في التعامل مع الوحي، وليها آثار سلبية زي إنك تتشائم بالوحي.

نفس فكرة إنك تشوف آية أو حديث فتقول رسالة، فبرضو في وقت ما دا هيخليك تتشائم بآية أو حديث في موقف ما.

مفيش قاعدة عامة

يعني هل كان أثر خطأه دا له علاقة به هو فقط، ولا متعلق بأناس آخرين؟ فلازم يطلب منهم السماح والعفو.

أما إن كان متعلق به هو فقط، فيتعامل مع نفسه بإنه إنسان بشري ناقص غير معصوم، والخطأ في حقه مباح، ولهذا كانت التوبة.

يقول أستاذ محمد السباعي: "كم من مبصر طريق الرشد عاجز عن سلوكه، وكم من سريع النظر إلى الحق بطيء القدم عنه، وكم من لبيب مقصر، وعالم غير عامل".

للأسف دا منتشر جدًا، بل معظم المتصدرين (بما فيهم نحن) أقل الناس صلاحًا، وأقلهم عملًا بما يعلمون، ولا وحول ولا قوة إلا بالله.


وللأسف دايمًا هذه الأعمال خادعة، فتعطي للنفس دوبامين وشعور بالإنجاز كاذب، فلا نفيق إلا بعد وقت طويل، ولكن؟

لا يفوت الأوان، وإن نستدرك نستدرك عند كريم، والحمد لله رب العالمين.

والأسباب هنا قد تكون: الخلل في فقه الأولويات وفقه المرحلة، عدم الجدية، التعامل مع النفس بما هي ليست أهله، وبالتالي ظلم النفس.


-علشان نوضح الخلل في فقه الأولويات خلينا نقول كام مثال يوضحوا الفكرة:


المثال الأول: "واستعينوا بالصبر والصلاة وإنها لكبيرة إلا على الخاشعين، الذين يظنون أنهم ملاقوا ربهم وأنهم إليه راجعون".

المثال الثاني: "ربنا وابعث فيهم رسولًا منهم يتلوا عليهم آياتك ويعلمهم الكتاب والحكمة ويزكيهم" — "كما أرسلنا فيكم رسولًا منكم يتلوا عليكم آياتنا ويزكيكم ويعلمكم الكتاب والحكمة".

في المثال الأول ربنا -سبحانه وتعالى- بيقولنا إننا نقدر نستعين بالصبر والصلاة، وبالفعل إحنا لما بنهتم بنهرع إلى الصلاة -ونحسن الظن ونقول إننا بنهرع إلى الصلاة فعلًا-، ولكن ربنا وضح إن علشان الروشتة الربانية دي تكون فعالة لازم يكون عندنا خشوع، ووضح بعدها إن علشان يكون في خشوع فلازم علم بلقاء لقاء والرجوع إليه، وهذا يتطلب العلم بالله، وهذا يبطلب دراسة العقيدة، شايف الترتيب دا؟ لا يكون هناك استعانة بالصبر والصلاة إلا من خلاله، وللأسف إحنا بنقص أول حاجتين، ونرمي الباقي، ونتفاجئ إن الروشتة مش شغالة.

والمثال الثاني بيوضح أهمية الترتيب، وأهمية فقه الأولويات، فسيدنا إبراهيم لما دعى لينا بسيدنا محمد -صلى الله عليه وسلم- ربنا استجاب ليه فعلًا، ولكن؟
ربنا غير الترتيب، ونقطة التغير دي بتدل على إن الأمر عظيم جدًا، فسيدنا إبراهيم دعى بنبي يتلوا علينا الآيات ويعلمنا الكتاب والحكمة ويزكينا .. ربنا قال يتلوا علينا الآيات، ثم يزكينا، ثم نتعلم الكتاب الحكمة.

والترتيب دا بيوضحه سيدنا جندب بن عبدالله لما قال: "كنا عند النبي ونحن فتيان حزاورة، فتعلمنا الإيمان قبل أن نتعلم القرآن، ثم تعلمنا القرآن فازدننا به إيمانًا".

فمهم أوي أوي إننا نراعي فقه الأولويات في حياتنا، مهم أوي إننا ناخد خطوات منهجية، مهم أوي إننا ندرس ونفكر ونمشي بحكمة، والحكمة هي إنزال الأمور قدرها بلا أفراط ولا تفريط.

ودا ال بيخلينا ممكن نتصدر للناس وإحنا لسه بدري علينا جدًا، ودايمًا التعامل مع النفس يكون بشيئين: التحريض، والتبوءة.

التحريض وهنا متمثل في الهمة العالية، فدايمًا خلي عندك همة عالية في فعل ما يتوجب عليك فعله، والتحريض بمعنى أنه لو لم تفعل هذا الأمر تهلك، فالرجل الحارض هو الرجل الهالك.
وهنا وضحها النبي -صلى الله عليه وسلم- في غزوة بدر في سورة الأنفال: "يا أيها النبي حرض المؤمينن على القتال"، يحرضهم، يهيج مشاعرهم، يعلي من همتهم.

والتبوءة جاءت في آل عمران في غزوة أحد "وإذ غدوت من أهلك تبوئ المؤمنين مقاعد للقتال"، وهو إنك بعد ما همتك بقيت عالية تجاه الشيء، وحرضت نفسك عليه، تجلس نفسك في المقعد، تستعد له جيدًا ولا تعد عيناك عنه.

والتبوءة قبل التحريض تقطعك عن العمل يومًا ولا بد، والتحريض بدون تبوءة تكون شعلة -تمًا- ستنطفئ.

فراجع أولوياتك بقى، وعد نفسك ليها كويس.

وعلشان نوضح عدم الجدية هسيبك لحبيبي إبراهيم السكران يوضحهولك أفضل مني في مقال جسر التعب، والمقال موجود هنا على القناة.

أما التعامل مع النفس بشكل خاطئ دا بيكون بعدم قبول ضعفنا، بنتعامل مع نفسنا وكإنها معصومة لا نقبل منها الخطأ، مع إن الخطأ في حقنا مباح، ولو لم نذنب فنتبوب، لذهب الله بنا، وجاء بقوم يذنبون فيتوبون فيتوب الله عليهم.

فاقبل ضعفك، وافتكر إنك إنسان تصيب وتخطئ، فإن أخطأت عد إلى الله، فالله يحب التوابين كثيري التوبة.

وبطل تطلب من نفسك أشياء فوق طاقتها (زي العصمة)؛ حتى لا تظلم نفسك.

والنبي -صلى الله عليه وسلم- يقول: "إن الدين يسر، ولن يشاد الدين أحدًا إلا غلبه، فسددوا وقاربوا، وأبشروا، ويسروا، واستعينوا بالغدوة والروحة وشيء من الدلجة".

كيف نفعل كل هذا؟

النبي -صلى الله عليه وسلم- يقول: "إنما العلم بالتعلم، والحلم بالتحلم، ومن يتحر الخير يعطه، ومن يتق الشر يوقه".

النبي -صلى الله عليه وسلم- يقول: "إنما العلم بالتعلم، والحلم بالتحلم، ومن يتحر الخير يعطه، ومن يتق الشر يوقه".

فبالمجاهدة، والمحاولة، والصبر عليها.

وعليكم السلام ورحمة الله وبركاته
غالبًا بشوف أن إزاي الطريقة هتتفهم بتتوقف ع الشخص اللي قدامي، يعني شخصيته وطريقة فهمه للحوار هي اللي بتحدد هيستقبل مني الكلام ازاي..
فـ دي نقطة مهمة لازم ابقى لاقطها في التحاور عمومًا مع أي حد قدامي.

سؤال زي بيت العيلة ده مبدئيًا لو عنده أخوات متجوزين معاهم بتسألي التعامل عامل ازاي؟ بيحصل ايه؟ طب أنت حابب الدنيا تبقى ماشية ازاي؟
أهلك شايفين الدنيا هتمشي ازاي وأنت إيه رأيك؟
خدي منه ع اد ما تقدري واسمعي للآخر وبعدها علقي، وقولي حدودك واللي عاوزاه وتتفقو عليه كمان مع الكبار ده أساسي.
مفيهاش بتتشرطي ولا حاجة بالعكس ده حقك تتكلمي فيه ولو فيه اعتراض اهربي؛ لأن المفروض العيشة تبقى منفصلة تمامًا ومفيش اختلاط المعيشة والأكل والشرب، وكله بالحب بردك.

سؤال الضرب بيجي من ناحية تعاملك مع أهل بيتك ازاي، عصبي ولالأ، وعصبيتك بتوصل لفين؟
التربية عندكم كان فيها ضرب وكدا ولا ده مش مسموح عندكم مع الأطفال؟
وأنت شايف إيه ف الموضوع ده؟
ومن خلال بردك كلام أهله وأخواته وطريقته تحاولي تعرفي طبعه.

الماديات دي ع حسب أنتي بتشتغلي ولالأ، اتكلمتو ف النقطة دي ولا مفيش.
اسأليه حابب يمشي الأمور دي ازاي وعنده خطط ف باله ولا لسة مفكرش فيها؟

طبعًا كل موضوع بيبقى حوار بينكم خد وهات مش مجرد سؤال وجواب.
ونصيحة بلاش بيت عيلة.

هما مش غلط وبردك مش صح فالعموم..
للأسف الواقع غير اللي بنسمعه ومتخيلين، الحياة نفسها والتجربة حاجة تانية خالص.
فـ هما عندهم حق من ناحية التكافؤ والبيئة محدش يقدر ينكر والعيشة ف الاختلاف ده بيبقى صعب شوية إلا لو:
-الشخصين بالفعل واعين وفاهمين كل الكلام ده وناضجين وعارفين ازاي هيتعاملو والاختلاف ده بالنسبة لهم مش عائق، وبالفعل أنا قدامي نماذج لكدا وناجحة اللهم بارك..

لكن فيه نماذج تانية ناس متحملتش الاختلاف ده وهربت رغم وعيهم ونضجهم!
وناس متقبلتش المواجهة لمجرد بس حد رصلهم الاختلافات دي ومحاولوش يجربوا.

فهنا الشاهد مش ازاي تقنعيهم أو حتى تردي عليهم، أنتي محتاجة تخوضي التجربة بنفسك طالما شايفاه مناسب والصفات دي وكله هيبان.
واتمنى لو حصل جديد من وقتها ابعتيلنا.

يمكن حسيتي بالاستجواب عشان متكلمتيش زيه فهو كان بيسأل وتردي، بس لازم يبقى عندك أسئلة أنتي كمان، يعني مثلًا السؤال اللي يسأله رديه له وشوفي رده.
مفيهاش مقاطعة كلام ولا حاجة بالعكس حقك زي حقه بالظبط..
اسأليه ع الصلاة، شغله، بيقضي يومه ازاي، طب ولو يوم اجازة بيعمل ايه..
علاقته بأهله وأخواته بيتعاملوا ازاي؟
لو حاجة تخصك كشغل أو لبس أو أي نقطة معينة اسأليه فيها وشوفي رأيه..
وهكذا هتلاقي الكلام جاب بعضه وعاوزة تعرفي شكل حياته وحياتكم هتبقى عاملة ازاي بعدين، فـ يجي من هنا الحوار وخد وهات.

كلنا جه علينا فترة وأحنا صغيرين كنا بنقول كلام ومتمسكين بيه ولما بنكبر ونعقل كدا بنقول الحمدلله إن ربنا مستجابش لكلامنا العبيط.😁
متفكريش كتير وكل حاجة هتيجي ف وقتها متقلقيش، وربنا يرزقك الزوج الصالح التقي ويرزقك الذرية الصالحة.

وأيوا بالفعل ممكن ربنا يستجاب لينا، فناخد من كلامنا، سيدنا أبو بكر يقول:
احذر لسانك أن تقول فتبتلى
إن البلاء موكل بالمنطق.

كنت لسة هسألك إيه المواصفات اللي حطاها أو بترفضيها واناقشها معاكي لأن الأغلب بيقول حاجات عادية ومش واقعية، لكن انتي وضحتي ده ف الأخر.
وأحب أقولك معاكي حق ف رفضك عادي وده براحتك لأنك أنتي اللي هتتجوزي وتعيشي، فلازم تبقي راضية ومرتاحة.

وكدا كدا الطبيعي بتاع الأهل إنهم بيضغطوا ف الوقت ده وشايفين إن دي حاجات عادية، وده طبعًا غلط بس ده اللي حاصل.
فـ متزعليش نفسك واصبري وادعي ربنا يرزقك زي ما بتتمني ويراضيكي.

أيوة طبعًا أنتي صح ومتخليش ضغط اللي حواليكي يشكك ف نفسك وقراراتك، وسيبي اللي يتكلم يتكلم الناس مش بتسكت أصلًا مهما قولتي.
الزواج ده رزق ونصيب هيجي ف وقتها، والزواج ده يعني حياتي خلاص بعد كدا، مش عشان ابقى متزوجة اختار أي حد وارجع اندم بعدين واقول يارتني!
واللي يضايقك بكلمة وقفيه عند حده وقوليله دي حياتي وأنا اللي بختار مين أكمل معاه فمتدخلش فيها.

ده تالت سؤال بنفس المشكلة ومن سنين وهي هي نفس الملاحظة، الواحد مش عارف الناس هتبطل تضايق وتضغط غيرهم امتى.
حقيقي الرد الوحيد هو تجاهلهم ع صدهم ع الانشغال..
هما مش هيبطلو يعلقوا غير لما تحطي حدودك بصرامة.
مفيش حد سلم من الضغط ده للأسف، فهوني ع نفسك ولازم تبطلي تفكير ف الموضوع لأنه مش هيحصل حاجة غير أنك هتتعبي وهتلاقي نفسك بتضيعي وقت كبير جدًا من حياتك ع ده.

دا دوركم أنتم بقى، اتكلموا علينا، وانشرونا في محيطكم.

عن ابن عباس رضي الله عنهما قال: قال رسول الله صلى الله عليه وسلم:
«ما من أيام العمل الصالح فيها أحب إلى الله من هذه الأيام» يعني أيام العشر، قالوا: يا رسول الله، ولا الجهاد في سبيل الله؟ قال: «ولا الجهاد في سبيل الله، إلا رجل خرج بنفسه وماله فلم يرجع من ذلك بشيء».

س: ما هو "العمل الصالح" هنا؟
ج: هو كل عمل صالح، من ذكر لله ونوافل وإحسان وبر وصلة وطلب علم وتعليم وأمر بالمعروف ونهي عن منكر وجهاد في سبيل الله وعمل خير وقيام بواجب وترك لمحرّم.
وليس المقصود عبادات محددة.

س: ما العبادة التي لا ينبغي تركها لجميع الناس في عشر ذي الحجة؟
ج: ذكر الله، لورود الحديث الشريف فيها عن النبي صلى الله عليه وسلم: "فأكثروا فيهن من التهليل والتكبير والتحميد".
وهذا يكون مع سائر الأعمال الصالحة والخيرة التي تقوم بها في العشر.

س: لماذا إذاً ذكر الجهاد هنا مقابل العمل الصالح؟
ج: المقصود الجهاد في غير هذه الأيام لا يعدل العمل الصالح فيها، وسألوه عنه لأنهم يدركون أنه من أفضل الأعمال الصالحة.

س: ما هو مراد الحديث؟
ج: مراد الحديث أن تعمر العشر الأولى من ذي الحجة بالطاعات، وأن تترك فيها المعاصي والمحرمات، وألا تكون موسماً للهو واللعب وضياع الوقت، لأنها أيام مباركة تعظم فيها الأعمال الصالحة، فالحسنة -أي حسنة- في هذه العشر أعظم وأفضل من الحسنة في غيرها.

أ.فايز الزهراني