الهدف من إن الإنسان يفهم نفسه وطبيعته الفطرية، مش إنه يستخدم ده كمبرر أو عذر لكل تصرف بيعمله، ويتمسك بطبيعته فقط وإن ده شيء ثابت غير قابل للتغيير والمفروض اللي قدامي يتفهم ده،

لأ خالص، إحنا بنعرف ونتعلم علشان ناخد بالنا ونصلح من نفسنا ونتعامل مع بعض بتفاهم وبشكل أحسن، ونخفف من الحاجات اللي بتتعب العلاقة بيننا، مش نتمسك بيها عشان طبيعتنا الفطرية كده، لا ده تصرف مش صح.

والنبي ﷺ قال: «إنما العلم بالتعلّم، وإنما الحلم بالتحلّم»
يعني الإنسان يقدر عادي يدرب نفسه ويغير من بعض طباعه وسلوكياته بما يتوافق مع احتياجات الطرف الآخر بالتعود، من أجل استدامة العلاقة بيننا.

يعني مثلًا: كون بعض النساء تميل أكتر للتعبير غير المباشر وتنتظر اهتمام الطرف الآخر، ده بيفسّر سلوكنا تمام، لكنه لا يبرر إننا نتوقع من الطرف الآخر قراءة أفكارنا طول الوقت،
وفي المقابل برضو احنا اتعلمنا إن الرجل كمان طبيعته تميل للمباشرة والوضوح، ف زي ما أنتِ حابة الاهتمام، هو كمان من حقه يرتاح للوضوح والصراحة.

فالمطلوب إن المرأة تحاول تكون أوضح في التعبير عن زعلها بدل التلميحات اللي ممكن تتفهم غلط وتتنازل شوية، ومفيش مشكلة لو في مرة قولتيله أنتِ زعلانة من ايه من أول مرة عادي :')
والرجل برضو يحاول يحتوي ويفهم إن أحيانًا كلمة “مفيش” بيكون وراها زعل أو احتياج للاهتمام.

وبالنسبة لموضوع التعميم والكلام اللي يمسح كل الخير اللي قبله ده، زي ما النبي ﷺ ذكر وحذر في حديث: «يكفرن العشير»، فمينفعش يحصل موقف واحد فنقول: “أنت عمرك ما صدقتني”، لأن ده بيظلم الطرف التاني وبيكبر المشكلة أكتر، - فحتى لو طبيعتنا الفطرية كده - لازم أتعود إني أمسك نفسي وأسيطر على اعصابي شوية ومناخدش قرارات أبدًا وقت الغضب، نهدى الأول بعد كده نتكلم مع بعض بالراحة.

وأنتوا حاليا في فترة خطوبة، والخطوبة معمولة علشان تفهموا طريقة تفكير بعض، وأسلوب التعامل وقت الخلاف، وهل بتعرفوا تتفاهموا ولا لا،
فأنا مش بقولك تغافلي عن الحاجات اللي فعلًا مضايقاكِ أو تاعباكِ خصوصًا لو بتتكرر، لكن في نفس الوقت مش كل موقف صغير يتحول لخناقة أو طول الوقت اختبار للطرف الآخر أو إننا ندقق في كل كلمة وتصرف وهكذا.

ومهم تستغلوا الفترة دي في التأهيل للزواج بشكل كويس، وأنصحك بسماع الحلقة رقم ٦ في البيت المسلم، المهندس أيمن -فك الله كربه- كان ذكر حل لمشكلتك، واسمعوا باقي حلقات المهندس في السلسلة دي بالمرة بقا.

الله يصلح حالكم ويتمم لكم الأمور على خير يا رب العالمين
🌱

قال الله تعالى ( وَإِذَا قِیلَ لَهُ ٱتَّقِ ٱللَّهَ أَخَذَتۡهُ ٱلۡعِزَّةُ بِٱلۡإِثۡمِۚ فَحَسۡبُهُۥ جَهَنَّمُۖ وَلَبِئۡسَ ٱلۡمِهَادُ ) البقرة 206

الاية دي بتقولك انك اياك تستكبر على النصيحة ، اوعى تكون شايف نفسك الشخص اللي عمره ما بيغلط او عمره ما بيعمل حاجة حرام

الانسان اللي شايف انه اعلى من ان حد يجي يقوله قال الله وقال الرسول
ف لما تيجي تقوله يبني اتق الله اللي بتعمله دا حرام
يا بنتي اتقي ربنا الحجاب فرض عليكي
يا استاذ اتق الله مش عايز تخلص المصلحة غير لما تاخد رشوة
يا فلان اتق الله اللي انت بتقوله دا حرام
ف يكون الرد : خليك ف نفسك ، او ملكش دعوة ، او انت هتقولي ايه الصح وايه الغلط !! ، الخ …

هو مستكبر انك تقوله اللي بتعمله غلط ، مش هاين عليه يعترف انه غلطان

قال عبد الله بن مسعود رضي الله عنه : كفى بالمرء إثما أن يقول له أخوه: اتق الله، فيقول: عليك بنفسك، مثلك يوصيني !

وابن عاشور بيقول ف تفسيرها : إي وإذا وعظه واعظ بما يقتضي تذكيره بتقوى الله تعالى غضب لذلك.

شوف بقا ربنا بيقولك دا عذابه ايه !!

اصل دا جمع بين ذنبين ، الذنب اللي هو عمله وذنب انه تكبر على النصيحة

قال الشيخ السعدي : فيجمع بين العمل بالمعاصي والكبر على الناصحين.

لحد م يجي ف مرة والكِبر ياكل كل الخير اللي جواه فيبقى لا يأمر بمعروف ولا ينكر منكرا
عارف بقا الانسان اللي قلبه مات خلاص من كتر المعصية !!
خلاص قلبه بقا مُغلف بالسواد فهو مش شايف اصلا ان اللي بيعمله غلط

وإذا قيل لهم لا تفسدوا في الارض قالوا انما نحن مصلحون !!

ف اتحولت من مجرد انها مستكبره ان صاحبتها تقولها حرام عليكي تبقي بشعرك لانها بقت ترد عليها وتقولها دا هو دا الصح اصلا ، وهو لو ربنا عايز الست تغطي شعرها كان خلقها بيه ليه !!

لما صاحبتها كانت بتنصحها تبطل تلبس بنطلون ف تقولها خليكي ف نفسك ،لانها بقت تقولها انتي اصلا مش عارفه حاجة دا البنطلون هو اللي بيستر اكتر من الجيبة او العباية

ف احذر انك توصل للمرحلة دي.

قال رجل لسيدنا عمر رضي الله عنه : اتق الله. فأنكر المغيرة بن شعبة على قائله، فقال عمر: إنكم لا تزالون بخير ما قالوا ذلك لنا، وقبلنا منهم.


⚙️

بالالتزام والاستفادة، وده بيظهر لينا من خلال التقييمات.

وازاي نكون منهم؟
بالالتزام بحضور التقييمات والمتابعة، وبإننا نذاكر بإتقان، بحيث نقدر نخرج من المقرر بأقصى قدر ممكن من الاستفادة.

ونظن إن السؤال من الدفعة التاسعة، فنحب نقول إنكم فعلًا دفعة مميزة، إحنا فخورين بيكم وبمستواكم، ونسأل الله لكم دوام التفوق والتميز :))

وكان في سؤال تاني عن فكرة إن العدد بيقل مع الوقت، يعني في البداية بيكون العدد كبير، ثم يقل تدريجيًا، فكان السؤال عن السبب؟

إحنا من البداية موضحين إن شرط الانضمام هو الالتزام والجدية، ومذكور في القوانين إن أي حد يتكرر غيابه بنضطر للأسف نستبعده.

فبالتالي ال بيستمر للنهاية هم الأشخاص الأكثر التزامًا، وده سبب إن العدد يقل مع الوقت.

وفي النهاية إحنا فخورين جدًا بكل حد ما زال مستمر ومكمل معانا إلى الآن في جميع الدفعات، ونسأل الله لكم جميعًا التوفيق والسداد والانتفاع بما تتعلمونه :"))

قال الله " ودخل معه السجن فتيان "
طيب مين اللي دخل الاول يوسف ولا الفتيان ؟!
طيب مين هم الفتيان دول ؟
مش مهم نعرف ، مش دي العبرة من الاية
العبرة ان كان معاه فتيان في السجن

كذلك لازم يكون دا منهجنا في الحياة ، القرآن بيعلمنا ازاي نتعامل في المواقف المختلفة ، متمسكش ف الحاجات اللي ملهاش لازمه ، نشوف ايه المهم ونركز فيه.
شخص بيحكي قصه وليها هدف معين ، تيجي انت تسيب كل حاجه وتمسك ف نقطه معينه مش هي محور الموضوع ، وتترك المغزى منها.

يعني مثلا واحد بيقول شاب امبارح راكب موتوسيكل وكان بيتكلم ف الموبايل وعمل حادثه ، تيجي انت تقول لأ انا عارف الشاب دا ، دا كان راكب عربية مش موتوسيكل
وتبدأ الجدال ف امور بعيده تماماً عن مغزي القصه.
دا بينقص منك كانسان عاقل بالغ ، الاطفال هم اللي ممكن يتشبثوا بالتفاهات ، لكن الله يريد ان يربينا من خلال القرآن ، ازاي تكون انسان عاقل رزين وواعي.
كذلك ي شباب مينفعش نشغل بالنا بشيء لم يذكره الله ، لانه لو كان الخير في ذكره لما أخفاه الله ، والا فإنه لن يفيد معرفته بشيء
يعني مثلا عدد اصحاب الكهف ، لم يذكره الله في القرآن
فقال الله " سَيَقُولُونَ ثَلَاثَةٌ رَّابِعُهُمْ كَلْبُهُمْ وَيَقُولُونَ خَمْسَةٌ سَادِسُهُمْ كَلْبُهُمْ رَجْمًا بِالْغَيْبِ وَيَقُولُونَ سَبْعَةٌ وَثَامِنُهُمْ كَلْبُهُمْ قُل رَّبِّي أَعْلَمُ بِعِدَّتِهِم مَّا يَعْلَمُهُمْ إِلَّا قَلِيلٌ فَلَا تُمَارِ فِيهِمْ إِلَّا مِرَاءً ظَاهِرًا وَلَا تَسْتَفْتِ فِيهِم مِّنْهُمْ أَحَدًا(٢٢) " الكهف

ربنا بيقول محدش يعلم عددهم الا قليل ، فلا تمار فيهم إلا مراءً ظاهراً ولا تستفت فيهم منهم احدا
ربنا بيقول للنبي صلى الله عليه وسلم ان محدش من بني إسرائيل يعرف عددهم غير بعضهم ، والباقي ميعرفوش ، فمتجادلهمش في معرفة عددهم لانهم لا يعلمون

اللي عايزين نطلع بيه من الآيه هو اننا لازم نركز فقط في المغزي والمراد من الموضوع او الكلام اللي بيتقال ومنجادلش في التفاهات اللي معرفتها او عدم معرفتها مش
هتفيد بشيء.


⚙️

قال الله تعالي " إنا نراك من المحسنين "

ايه اللي جذب الفتيان ليوسف ؟!
جماله ؟! ، منصبه ؟! دا هو حتي معندوش منصب ، دا مسجون.
أمال ايه ؟!
اخلاقه
روي أن الضحاك بن مزاحم سئل عن تفسير الاية ، ما كان إحسانه؟ قال: كان إذا مرض إنسان في السجن عاده وقام عليه، وإذا ضاق عليه المجلس وسع له، وإذا احتاج جمع له شيئا

كذلك انت باخلاقك هتجذب الناس ليك باحترامك وادبك معاهم

إنما تملك الناس بحسن خلقك ، وحسن الخلق شيء هين ، وجه طليق ، وكلام لين.
لا خير في شخص سيء الخُلق

إنما الامم الاخلاق ما بقيت
فإن هم ذهبت أخلاقهم ذهبوا

ربنا بيفهمنا هنا انك تقدر تنشر الدين عن طريق أخلاقك

⚙️

قال الله تعالي " قال لا يأتيكما طعام ترزقانه إلا نبأتكما بتأويله قبل أن يأتيكما ذالكما مما علمني ربي"

طيب ليه سيدنا يوسف مقالش التفسير علطول
هو هنا كان عايزهم يثقوا فيه انه قادر فعلا على تفسير رؤيتهم وانه اللي هيقوله ليهم حقيقة فعلا بناء على دليل محسوس قدامهم وتجربة مجانية اهي لما هيقولهم على نوع الاكل اللي هيتقدملهم قبل م يجي
طيب ليه؟
اصل سيدنا يوسف عايز يدعوهم للايمان ف انا لما اثق فيه دلوقتي واشوف بعيني ان كلامه حقيقة وهو قال بنفسه ان دا وحي من ربنا ساعتها هقتنع الى حد ما بكلامه فعلا
غير لو مكانش عمل كدا

وقال ابن عاشور في تفسيره :أراد بهذا الجواب أن يفترض إقبالهما عليه وملازمة الحديث معه إذ هما يترقبان تعبيره الرؤيا فيدمج في ذلك دعوتهما إلى الإيمان الصحيح مع الوعد بأنه يعبر لهما رؤياهما غير بعيد

ف دا يعلمنا حاجه تاني وهي اننا كل م نلاقي فرصه ندعوا فيها لله ونعرف بيها الناس علي الدين لازم نستغلها زي م سيدنا يوسف فضل ف الاول يكلمهم عن الله والدين قبل م يقولهم تفسيرهم
لانه لو قالهم التفسير علطول هيمشوا لكن هم دلوقتي مضطرين يسمعوه عشان يعرفوا اللي عايزينه
ودا من ذكاء يوسف عليه السلام

⚙️

وعليكم السلام ورحمة الله وبركاته
مفيش مشكلة في الدعاء بيه، ويجوز أن تقولي: (يا رب إن كان في فلانٍ هذا خير فاجعله من نصيبي، واجعلني من نصيبه)، لكن المشكلة في التضييق على نفسك في أمر واسع جدًا،
يعني ليه تضيقي على نفسك لما ممكن تدعي بالخير بشكل عام بدل شخص بعينه،
احنا منعرفش الخير فين، فبلاش تعلقي كل آمالك أو تربطي سعادتك بشخص معين؛ وكمان احنا كده هنكون بنزود التعلق بالشخص ده مش بنقلله، فالأفضل من ذلك أن تلجئي إلى الله سبحانه وتعالى في أن يختار لكِ الخير ويقدره لكِ حيث كان.

أما الدعاء في شكل: “يارب ارزقني فلان ولو مفيش فيه خير اجعل فيه خير” فده شكل من أشكال التعدي في الدعاء، وكأن الإنسان بيحدد الصورة اللي لازم الخير ييجي بيها، بينما حقيقة الاستخارة والتفويض إننا نسلّم الأمر لله؛ والله -سبحانه وتعالى- يعلم ونحن لا نعلم.

الله يرضى عنك ويراضيكِ ويرزقك الزوج الصالح الذي تقر به عينك وتسكن إليه نفسك.

🌱

بم إن في استشارات كتير عن مشكلة التعلق والإعجاب بشخص، ف خلونا نرد بشكل عام على الموضوع ده.

الإعجاب نفسه مش مشكلة لوحده ما لم يفضِ إلى حرام، لكنه مؤشر محتاج الإنسان ياخد باله قبل ما يتطور لتعلق يؤذيه ويشغله عن ربنا سبحانه وتعالى وعن حياته،
والتعلق بشخص بيبدأ غالبًا بخطوات صغيرة، الإنسان يستهين بيها، وبعدها يلاقي قلبه اتشد وهو مش واخد باله، عشان كده ربنا سبحانه وتعالى أمرنا بالأخذ بالأسباب من البداية؛ وهو غض البصر.

طيب حصل واتعلقت بشخص أعمل ايه؟
خلينا متفقين إن مشاعر التعلق بتضعف جدًا مع قطع الأسباب أو زوال المؤثر، يعني كل ما تبعدي عن الشخص، وتقطعي أي حاجة توصلك بيه، التعلق هيبدأ يقل بإذن الله.

فحاولي توقفي مراقبة الشخص أو دخول على صفحاته وابعدي عن أي باب يوصلك له وغضي بصرك عنه، وبلاش تفكير في سيناريوهات تزود تعلقك بيه، وركزى فى حياتك واشغلي نفسك ووقت فراغك بحاجة نافعة: دراسة، شغل، صحبة صالحة، حفظ قرآن، علم شرعي وهكذا،

ولما تلاقي نفسك هتبدأي تفكري فيه، استعيذي بالله واستغفري واحفظي نفسك وقلبك من أي شيء لا يرضي الله عز وجل، وأكثري جدًا من الدعاء أن يصرف الله عز وجل قلبك عما لا يرضيه، وأن يعلق قلبك به وحده سبحانه وتعالى.

احنا بشر ونظرتنا قاصرة جدًا، ومنعرفش الخير فين، فبلاش تعلقي كل آمالك أو تربطي سعادتك بشخص بعينه؛ مش ممكن يكون الشخص ده سبب شقاءك؟ الله عز وجل قال: "وعسى أن تحبوا شيئًا وهو شر لكم"،

يعني ممكن الإنسان يتعلق بحاجة ويظن فيها نجاته، وهي سبب تعاسته، مشوفتيش قبل كدا حالات لناس كان نفسها تتزوج حد معين وبعد كدا الحد دا كان سبب شقاءهم في الدنيا؟ وممكن كمان يكون سبب شقاءهم في الآخرة وليعاذ بالله.
احنا نفسنا مكناش بندعي بحاجة وجه علينا وقت وقلنا الحمد لله إن ربنا مستجابش ؟ عشان كده لا نملك إلا تعليق القلب بالله عز وجل وترديد ذلك الدعاء الجميل: (واكتب لي الخير حيث كان ثم راضني به).

وطبيعي جدًا إن علاج الموضوع يكون صعب في البداية، وإنك تتألمي فعلًا وتحسي إنك مش قادرة تتخطي بسهولة،
كل شيء في أوله صعب ومحتاج مجاهدة واستعانة بالله، فاثبتي واصدقي الله يصدقك، ومتستغرقيش في فكرة: “مش هقدر أعيش من غيره”، لأن الإنسان مننا لا حول ولا قوة له إلا بالله.
🌱

طيب لو مش هعرف أبعد عن البيئة اللي هو موجود فيها الشخص ده، يعني معايا في السكشن أو الشغل وهكذا ؟

هنا الإنسان ياخد بالأسباب اللي تعينه يحفظ قلبه ويغض بصره قدر استطاعته؛ وغض البصر مش بالصدفة، بل محتاج استعانة صادقة بالله ومجاهدة مستمرة وخطة واضحة، ومع الوقت الإنسان فعلًا بيتعود.

ومن أكتر الحاجات اللي تعينك عليه:
استشعار مراقبة الله عز وجل لكِ، وتذكّر العاقبة؛ وإن لذة التعلق والنظر لحظية، لكن أثرها على القلب ممكن يطول، وافتكري الجنة والجزاء؛ ف غض البصر تمنه الجنة "وعين غضّت عن محارم الله"

وحاولي تقفلي أي باب زائد:
متفتحيش باب كلام بدون حاجة،
نفضل محافظين على الألقاب (يا دكتور، يا أستاذة)،
من غير هزار، أو خضوع في القول.

وفي نفس الوقت، على جهة أخرى ابني لنفسك بيئة أقرب لطبيعتك، عن طريق إنك تنضمي للأماكن والأنشطة ال فيها صحبة صالحة شبهك وليهم نفس اهتماماتك؛ يعني مثلًا ممكن انضمي لحلقة قرآن سواء أرض واقع -إن تيسر- أو أونلاين، أو انضمي لأعمال تطوعية وهكذا.

طيب ليه محستيش بالسعادة ال كانوا عاوزينها ليكِ بعد ما وصلتِ؟
لأن هدفك مكنش دخول الكلية نفسها، بقدر ما كان الحصول على التقدير والشعور بالرضا من أهلك، خاصة من والدك،
أما نقطة إنك بقيتِ تراكمي أو مش قادرة تذاكري بنفس الانضباط ال كان عندك، فده غالبًا نتيجة للضغط الطويل وفقدان الدافع أو الهدف من السعي،

فأنتِ محتاجة تحطي هدف ليكِ واضح في حياتك وتسألي نفسك: أنا عايزة ايه؟ وايه هدفي من الحياة ؟
وتعيدي بناء علاقتك بنفسك بعيدًا عن فكرة إن قيمتك مرتبطة بتحقيق الإنجاز بس، لأن الإنسان لما يحصر حياته كلها في الدراسة أو النجاح، أي تعثر فيهم بيخليه يحس إنه خسر كل حاجة، لكن لما يوسع نظرته، ويفهم إن الحياة أكبر من مجرد كلية أو درجات، وأن ينظر بعينين عين للدنيا وعين للآخرة، سيتيقن أنه مهما حصل من نقص في هذه الدنيا فهناك دار لا كدر فيها ولا نصب نسعى لها، وده هيهون عليكِ إخفاقات الدنيا ومراحلها الصعبة، فارفقي بنفسك وهوني عليك.

ومهم جدًا كمان، بما إن عندك بالفعل وهم كمال ومثالية، تكوني مستوعبة إن التعثرات جزء طبيعي من الرحلة، وإن التغيير مش بيحصل من يوم وليلة؛ وإنك إنسان، مفيش أي مشكلة لو أخطأ، الدنيا مش هتتهد عادي، هيصحح غلطه ويتعلم منه،
فابدئي بخطوات صغيرة، وكافئي نفسك عليها، زي مثلًا: إنك قبل النوم تكتبي شيء واحد لطيف عملتيه اليوم لنفسك أو لغيرك، زي إنك استمعتِ لحد بإنصات وساعدتيه يحل مشكلته، أو قاومتِ رغبتك في لوم نفسك.

ومفيش تعارض بين إنك تكوني إنسانة ناجحة وطموحة، وبين إنك تكوني زوجة وأم ناجحة بعدين بإذن الله، الفكرة بس إن الإنسان يفهم إن لكل مرحلة من الحياة أولوياتها ومسؤولياتها؛ ومفيش مشكلة نبدأ من دلوقت التأهيل للزواج، بحيث تبقي مستعدة تبني حياة مستقرة وسوية بإذن الله.

وتذكري قول الله تعالى: "بل الإنسان على نفسه بصيرة"
يعني من صدق الإنسان مع نفسه، إنه أدرى شخص بيها، فبالتالي أنتِ لوحدك كنت عارفة ازاي أنتِ ذاكرتي وعملتي اللي عليك في أوقات أنت مش قادرة تعملي فيها شيء، ولكن كان لازم تسعي وتعملي اللي عليك،
وفي الأوقات دي، لا كان أهلك ولا أصحابك ولا المجتمع شاهدين عليك، فبالتالي من الظلم لنفسك إنك تتجاهليها وتعظمي من رأي الآخر، يعني بالفعل الأهل من حقهم إنهم يفرحوا بينا، ولكن كل شيء بقدر، ومش على حساب نفسنا، وكان دكتور عبدالرحمن ذاكر له ثلاثية كدا: الله أولًا، أنت ثانيًا، الآخر ثالثًا.

فالخلاصة:
تقبلي الاختلاف، أعيدي بناء علاقتك بالله وعلاقتك بنفسك، ابني بيئة دعم جديدة حواليك.
🌱

وعليكم السلام ورحمة الله وبركاته

لأ، مش عادي :')

لكن لو دخلنا التقييم، ثم حصل ظرف اضطررنا بسببه نوقف، وبعدها رجعنا نكمله، فده مفيش فيه مشكلة بإذن الله.

أما فتح التقييم وتأجيله عمدًا لإكماله بعدين، فده مش مسموح.

والسبب إننا غالبًا هننسى، وساعتها هنحتاج نرجع للتدوين علشان نفتكر، مع إننا بالفعل شفنا الأسئلة، وإحنا أكدنا قبل كده إن الرجوع للتدوين أو نقل الإجابات منه أثناء التقييم غير مسموح.

فخلّوا التقييم بالنسبة لكم زي الاختبار، وادخلوه وأنتم مستعدين تكملوه للنهاية بإذن الله.

بنستعد ليها حاليًا، فترقبوها. 🥳
ومرحبًا بالجميع، سواء من داخل مصر أو خارجها، ومنورنا بالفعل مشاركون كُثر من خارج مصر.

وعليكم السلام ورحمة الله وبركاته

ربنا يبارك فيكِ، وينفع بيكِ، ويجعل الأمر في ميزان حسناتكِ يا رب العالمين.

مفيش أي مشكلة، متاح مشاركة كل شيء على القناة، ما عدا التقييمات.

وجميل جدًا لما نتناقش، ونشارك استفادتنا، ونضيف لبعض، ويمكن كمان نلفت نظر بعض لنقاط ماكنّاش منتبهين لها. أما الملخصات، فلا تُشارك، ويكون لكل شخص تلخيصه الخاص لتحقيق الاستفادة بشكل أكبر :)

الزواج رزق فعلًا، وربنا سبحانه وتعالى أمرنا نسعى ونأخذ بالأسباب في كل الأرزاق.

والأخذ بالأسباب في الزواج مش معناه إن البنت تروح أماكن مختلطة أو تتنازل عن ضوابطها الشرعية، لأن ربنا لا يُطلب رزقه بمعصيته.
بالعكس، وجودك هنا في مساق التأهيل، وحرصك على التعلم، ده في حد ذاته نوع من السعي، لأنك بتصلحي نفسك دينيًا وخلقيًا وبتستعدي تكوني زوجة صالحة، وده من أعظم الأسباب.

ومن الأسباب العملية كمان:
- إنك تكوني موجودة في البيئات النسائية الصالحة، زي حلقات القرآن، والدورات، والأعمال التطوعية، لأن دي أماكن الناس فيها بتتعرف على بعض، وممكن حد منهم يرشحك لأخ أو قريب.
- وأن تكثري من الدعاء، وتسألي الله الزوج الصالح، مع تحري أوقات وأسباب إجابة الدعاء.
- وأنصحك بقراءة مقال دليل البنت الشاطرة للمهندس محمد شرف ذكر فيه كيف نسعى إلى الزواج بطرق مختلفة.

وعمومًا مفيش قائمة معينة لو عملناها يبقى الزواج هيحصل بعدها مباشرة، لكن المطلوب مننا نبذل اللي نقدر عليه، ونرضى بقدر الله، ونوقن إن الرزق يأتي في الوقت اللي اختاره الله سبحانه وتعالى.

أسأل الله أن يرضيكِ ويرضى عنك ويرزقك زوجًا صالحًا تقيًا يا رب العالمين.
🌱

وعليكم السلام ورحمة الله وبركاته
رينا يرضيكِ ويرضى عنك ويديم عليكِ الصحة والعافية.

المهندس مكنش يقصد إن كل بنت عندها هالات سودا يبقى معناها إنها مرهقة أو كثيرة الشكوى، لأن ده لا صحيح طبيًا ولا واقعًا.

هو كان بيتكلم عن صورة متكاملة لفتاة ظاهر عليها الإرهاق بشكل دائم، وذكر ضمن الأمثلة الهالات السوداء الدائمة مع الإغماء المتكرر ونحو ذلك، ثم وضح إن ده قد يكون له أسباب طبية، ونصح بمراجعة الطبيب لو دي الحالة المستمرة.

أما حالتك فمختلفة، لأنك بالفعل راجعتي طبيبة، وعرفتي إن عندك جزءًا وراثيًا وجزءًا مكتسبًا، وبدأتي تعالجي اللي يمكن علاجه، وده هو السعي المطلوب منك فعلًا.

وإحنا أصلًا مأمورين إننا نعمل اللي في استطاعتنا، فما دام الإنسان بذل السبب، فما بقي خارج عن إرادته فده ليس مطلوبًا منه.

🌱

وعليكم السلام ورحمة الله وبركاته
في البداية هوني عليكِ، النسيان أمر فطري وطبيعة بشرية، ومفيش حد معصوم من الأخطاء ولا الزلل ولا النسيان، لكن المرء يسدد ويقارب، والنبي ﷺ قال: «تعاهدوا هذا القرآن، فوالذي نفس محمد بيده لهو أشد تفلتًا من الإبل في عقلها»، فإذا كان القرآن نفسه يحتاج إلى تعاهد ومراجعة، فما بالك ببقية العلوم ؟

ومن الأسباب اللي ممكن تكون خلت الاستحضار عندك بقى أصعب:
- إنك مع الوقت قلّ عندك تكرار ومراجعة المعلومات، وأي علم لا يراجعه صاحبه طبيعي يضعف استحضاره مع الأيام.
- أو كثرة الانشغال والمحتويات الكثيرة جدًا اللي بنتعرض لها كل يوم من تطبيقات ومعلومات جديدة، وده بيزود التشتت ويخلي الذهن أقل قدرة على استحضار المعلومات بسرعة.

ومن الحاجات العملية اللي ممكن تساعدك تستحضري العلم بسهولة بإذن الله:
- ارجعي للمقررات اللي درستيها على فترات، ولو حتى مراجعة خفيفة حسب نوع العلم: يعني أحيانًا يكفي قراءة الملخص، وأحيانًا تحتاجي إعادة سماع السلسلة أو قراءة الكتاب مرة تانية، أو مدارسته مع صديقة، أو حتى محاولة شرحه لغيرك، لأن التعليم والمناقشة هتثبت معاكي بشكل كبير بإذن الله وهكذا.

- اكتبي أهم الفوائد أو راجعيها من وقت لآخر، لأن الكتابة والمذاكرة من أسباب حفظ العلم، كما قال ابن عثيمين رحمه الله: "يجب على طالب العلم الحرص على المذاكرة وضبط ما تعلمه إما بحفظه في صدره، أو كتابته، فإن الإنسان عرضة للنسيان، فإذا لم يحرص على المراجعة وتكرير ما تعلمه فإن ذلك يضيع منه وينساه".

- وإذا وقع منك النسيان لشيء فاذكري الله كما قال الله تعالى : (وَاذْكُرْ رَبَّكَ إِذَا نَسِيتَ)؛ لأن النسيان من الشيطان، كما قال تعالى عن فتى موسى: (وَمَآ أَنْسَانِيهُ إِلاَّ الشيطان أَنْ أَذْكُرَهُ).

- ولا تنسي أن العلم توفيق من الله قبل أن يكون قوة ذاكرة؛ فأكثري من الدعاء، واسألي الله أن يفتح عليك، وكان شيخ الإسلام ابن تيمية إذا أشكلت عليه مسألة يقول: "يا معلم إبراهيم علمني" ويكثر الاستغاثة بذلك، وأكثري أيضًا من الحوقلة، وتذكري قول الله: "واتقوا الله ويعلمكم الله"
فأصلحي ما بينك وبين الله = ييسر لك كل شيء من عنده سبحانه وتعالى.

- ولا تجعلي انشغالك بالنسيان يسرق منك لذة العبادة أو يحبطك؛ راجعي، واستذكري، وداومي ولو بالقليل، واستعيني بالله ولا تعجزي.
أسأل الله أن يرزقك علمًا نافعًا ويبارك لك فيه وينفعك به يا رب العالمين

🌱