وعليكم السلام ورحمة الله وبركاته
مبدأيًا الإدمان غالبًا بيكون هروب من حاجة (فراغ، ضغط، مشاكل)، فاسألي نفسك: أنا بهرب من إيه؟ وأول ما تعرفي الحاجة اللي بتخليك تروحي للذنب ده هتبدأي تتعاملي مع المشكلة الأساسية بدل ما تهربي منها.
ومهم تقطعي كل الأسباب والطرق اللي بتوصلك لنفس الذنب؛ غيّري المكان اللي كنتي بتتفرجي فيه، لو أنت متعودة تتفرجي وأنت قاعدة على السرير أو المكتب، يبقى لازم تغيري المكان اللي اتكونت فيه عادة الإدمان دي، لأن غالبًا جسمك وعقلك مبرمجين إنهم يعملوا نفس السلوك أول ما تقعدي في نفس المكان،
وابعدي عن الصحبة السيئة لو في منهم بتكلمك عن المسلسلات وأحداثها، عشان الفضول ميرجعكيش تسمعيها تاني،
وبلاش ريلز وشورتس لأنها هتسحبك واحدة واحدة إنك تسمعي حلقات كاملة، وامسحي أي أبليكيشنز كنت بتسمعي عليها، وتذكري قول الرسول ﷺ :" لا تفتحه ، إنّك إن تفتحه تلجه"
وجربي هاتي ورقة وقلم واكتبي جدول مكاسب وخسائر من الذنب ده، هتكتشفي إنك بتاخدي لذة مؤقتة مقابل خسارة كبيرة في دينك وصحتك ووقتك.

طيب لو وقفنا الذنب بفضل الله، لازم تلاقي بديل يشغل وقتك عن التفكير في المسلسلات زي حفظ القرآن، طلب العلم، أو أي عمل نافع.
د أحمد عبد المنعم كان قال معنى جميل في النقطة دي : إني الفراغ ده مش وقت فاضي وخلاص، ده عامل زي المزرعة أو الأرض اللي بنرمي فيها بذور، والوقت اللي بتقضيه في الفراغ هو البذرة، فلو رميت بذرة غلط، هتفاجأ إنها كبرت وبقت شجرة هموم ومشاكل، وساعتها مش هتعرف تخلص منها بسهولة لأنها خلاص غرزت في عقلك وقلبك؛ فاعتبري وقت فراغك ده "أرض غالية"، والبذرة اللي هترميها فيه النهاردة هي اللي هتحصديها بكرة؛ يا إما تحصدي نجاح وعمل مفيد ويكون الوقت ده حجة لكِ، يا إما تحصدي إدمان وهموم تضيع ووقتك وعمرك وافتكري إن الجوارح هتشهد علينا يوم القيامة، والوقت ده أمانة سنُسأل عنه.

وخليكي عارفة إن الموضوع مش ترفيهي أبدًا لا، ده بيأثر على قلبك، وشوفي الإجابة هنا:
https://t.me/Answer_Q/609
وبيأثر على المدى البعيد بأفكارك وتصوراتك لحد ما الشخص ميبقاش عارف يفرق بين الصح والغلط، وبتبدأ فطرته تتغير وما ينكرش المنكر، وبتخلي الشخص يعلّي من سقف توقعاته من اللي قدامه، يعني ممكن البنت مثلاً ترفض فكرة الجواز أو الأسرة التقليدية بسبب اللي بتشوفه.

فاستعيني بالله وأكثري من الدعاء في كل وقت وخصوصًا في أوقات الإجابة أن يشغل الله وقتك بالخير والطاعات، وأن ييسر الله لك صحبًة صالحة تذكرك بالله وتعينك على الخير، وما تيأسيش من التوبة أبدًا مهما وقعتي في الذنب.

ونقطة أخيرة، خلي بالك من الحلف بالله، أنتِ لو كنتِ حلفت على الروايات وخالفت اليمين فهتكون عليكِ كفارة، وكفّارة اليمين مش زي ما ناس كتير فاكرة إنها صيام 3 أيام مباشرة، لكن فيها ترتيب:
الأصل فيها التخيير بين ثلاث حاجات: إطعام عشرة مساكين من أوسط طعام أهل بلدك، أو كسوتهم، أو عتق رقبة مؤمنة؛ فإن لم تستطيعي أيًّا من هذه الثلاثة، ساعتها تنتقلي لصيام ثلاثة أيام؛
وذلك تعظيمًا لقدر الله عز وجل وإننا نتعلم ما نحلفش على كلّ حاجة وأيّ حاجة كما قال الله تعالى " وَاحْفَظُوا أَيْمَانَكُمْ "
🌱

الأمثلة كثيرة بفضل الله، ممكن :
• قراءة كتب أو سماع سيرة.
• تعلّم مهارة جديدة بتحبيها: لغة، تصميم، مونتاج، كتابة، أشغال يدوية، ......
- وممكن تنفعي الإسلام وتسدي ثغر بالمهارة دي فجددي نواياكِ -
• سماع بودكاست أو فيديوهات نافعة بأسلوب ممتع
• جلسة لطيفة مع أخواتك أو صاحباتك
• المشاركة في عمل تطوعي

وتذكري إنك ممكن تؤجري على الوقت ده لو احتسبتِ نية إنك بتستعيني بالمباح على الطاعة، لكن أهم شيء إني الوسائل الترفيهية دي متشغلكيش عن الفرائض أو واجباتك الأساسية، وألا تكون محرمة، ويكون في توازن واعتدال يعني من حين لآخر لتجديد النشاط.
🌱

وعليكم السلام ورحمة الله وبركاته
جزانا الله وإياكم يا رب العالمين

شوفي الردود هنا:-
https://t.me/Answer_Q/1181
https://t.me/Answer_Q/1180

وعليكم السلام ورحمة الله وبركاته
جزاكِ الله خيرًا، الله يرضى عنك ويراضيكِ ويرزقك زوجًا صالحًا يا رب العالمين

🌱

كوني عارفة إنك في الأصل المستفيدة الأولى من أي عمل نافع بتعمليه، بغض النظر حد شاف أو شكر أو لا،
وافتكري حديث النبي ﷺ:
«إذا قامت الساعة وفي يد أحدكم فسيلة فليغرسها»
رغم إن مفيش وقت لنتيجة ولا حد هيشوفها ويمدحها أصلًا، إلا إن المطلوب إنك تعملي الصح لحد آخر لحظة،
يعني تخيلي كده أنا ممكن أضيع على نفسي أجر كبير قد ايه لو في اللحظة دي مغرستش الفسيلة وقولت لنفسي ما هوا مفيش أي محفز حاليا ومفيش مدح هييجي بعد العمل ده، فأنا هعمله ليه !

فاشتغلي واعملي اللي عليكِ، وخلي نيتك في أي عمل لله عز وجل، وانتظري الجزاء من الله فقط، ولا تنتظري من الناس جزاءً ولا شكورًا، واعرفي إن الناس لا يملكون لأنفسهم ولا ليكِ ضرًّا ولا نفعًا، فلا تنشغلي بهم أكتر من نفسك، والأهم إنك ما تنشغليش بيهم بالشكل اللي يأثر على علاقتك بالله، أو يخلي رضاهم عندك في نفس منزلة رضا الله عز وجل.
وفي نفس الوقت لو حد شكرك افرحي عادي ده فضل من الله عز وجل، لكن إني يكون سعيك للعمل فقط من أجل المدح ويكون هو المحرك الأساسي ليك، فهذا هو المذموم.

وبما إن مش كل مرة هتلاقي بارتنر أو تحفيز، فبدل ما تستني حد يشجعك أو ديدلاين من برّه، اعملي ده لنفسك:
حطي ديدلاين لنفسك -مش وقت مفتوح -
وخلي ليكِ ورد محاسبة يومي أو أسبوعي (عملت إيه؟ قصّرت في إيه؟)، وكافئي نفسك على الإنجاز حتى لو بحاجة بسيطة.
وأنصحك بسماع حلقة الإخلاص من زاد المصلحين للشيخ أحمد السيد.
🌱

جزاكِ الله خيرًا على مشاركتك، نفع الله بكِ.

🌱

وعليكم السلام ورحمة الله وبركاته
آمين يا رب العالمين وإياكم

شوفي الرد هنا :-
https://t.me/Answer_Q/887

وعلفكرة سنك مش كبير :')
الله يرضى عنك ويراضيكِ ويرزقك زوجًا صالحًا يا رب العالمين أبشري.

🌱

نعم بإذن الله، في مرحلة صناعة المربي هتكون معانا أكثر من دورة لدكتور عبد الرحمن ذاكر:
مع نفسي
قد أتأخر فأسبق الجميع
من أنا ولِمَ أنا

المهم انها متشغلكيش عن العبادات وبرضو متضيعيش وقتك كله فيها لان وقتك دا هتتسألي عنه

ايوه الانسان مطالب منه الترويح عن نفسه طالما شيء لا يغضب الله لكن ساعة وساعة مش كل الوقت

في حديث حنظلة المعروف الطوييل
لما ذهب حنظلة وسيدنا ابو بكر للنبي ﷺ
النبي قالهم ان لو وقتهم كله كان عبادة وذكر ونفس الحالة اللي بيبقوا عليها وهم عنده كانت الملايكة نزلت سلمت عليهم في الطرقات

لكن ساعة وساعة ، ف الشاهد انه لا مانع ابدا يكون عندك وقت تعملي فيه حاجة بتحبيها ومتكونش حرام بس ميكونش دا برضو طول الوقت

وفي قصة سيدنا سليمان مع الخيل اللي انشغل بيها عن صلاة العصر

( إذ عرض عليه بالعشي الصافنات الجياد ، فقال إني أحببت حب الخير عن ذكر ربي حتى توارت بالحجاب ، ردوها علي فطفق مسحا بالسوق والأعناق )

تفسير الاية انه كان عنده عشرين فرس او عشرين الف مش مهم العدد يعني
المهم انها كانت خيل جميلة جدا وليها اجنحه وكان منشغل بالنظر ليها ويقال كان في عرض للخيل دي وهو بيحضره لحد م انتبه ان الشمس غابت فقال اني اتشغلت بحبي للخيل عن الصلاة لحد م الشمس غابت !!
ردوا عليا كل الخيل دي
فأمر بها فعُقرت
وفي قول تاني ف التفسير انه تم ختمها بختم الصدقة وخرجها كلها لله

الشاهد برضو من الايات دي ايه ؟
ان سيدنا سليمان كان بيقضي وقته ف حاجة مش حرام اهو وهو كان بيحب الخيل جدا
بس لما شغلته عن العبادة تخلص منها

وكذلك انتي المفروض تعملي كدا لو شغلتك عن العبادة

واما عن المسلسلات فهي حرام

⚙️

مش شايف اي مشاكل
وبالنسبة لانك صحة وهي نيابة هل قصدك يعني انها هتبقى مستوى اجتماعي اعلى ؟
خالص ، المهم الشطارة انت ممكن تعمل اسم احسن بكتير
وبعدين في بنات بيبقوا نيابة وواخدين ناس مش طب اصلا وعلاقتهم جميلة خالص
هي مبقتش وزيرة يعني

بلاش تخلي حاجات زي كدا حاجز وتقفل نفسك من موضوع قد يكون خير ليك

توكل على الله وربنا يكتبلك الخير

⚙️

المفروض بسم الله الرحمن الرحيم انا رايح لواحدة ف طب وهي ليها نيابة بسألها ناوية على نيابة ايه ؟
مش هقولك اكاديمي ولا كلينيكال
لا دا انا اسأل لو كلينيكال هيبقى ايه اصلا
مهو مش كل الكلينيكال زي بعضه

ف الحاجات دي مهمة اوي اوي مش موضوع عابر يعني

وبعدين خلينا نيجي للحق نادرا لما بتبقى واحدة واخدة نيابة صعبة كدا وتقدر تحافظ على كل الحاجات
لازم هتقصر

يعني لو نيابة جلدية ولا رمد ممكن
لكن باطنة ونسا واطفال والحاجات دي اللب اعرفه ان نبطشياتهم صعبة اوي

ع العموم هو لو زوجك اه ليه الحق ولو خطيبك ليه الحق انه ينفصل عادي لو انتي مصرة على حاجة معينه هو شايف انها هتأثر عليه


⚙️

وعليكم السلام ورحمة الله وبركاته

ما شاء الله، اللهم بارك،
لا، لن يكون هناك عقاب بإذن الله، لكن خلال فترات الإجازة المخصصة للاستدراك نقدر نرجع مرة أخرى للمقرر ونذاكره بالطريقة التي اعتدنا عليها.
نسأل الله لك الثبات والسداد والتوفيق :))

عندنا 3 احتمالات لو مش عارفين إجابة السؤال:

السؤال مش واضح بالنسبة لينا:
في الحالة دي نرجع للإشراف ونستفهم منهم عن المقصود من السؤال.

عندنا المعلومة لكن مش متأكدين منها:
نجاوب حسب فهمنا، والتقييم بيتم مراجعته، ولو في أي خطأ بيتصحح ويتم توضيحه لكم.

معندناش أي خلفية عن السؤال:
ده بيكون مؤشر على وجود قصور في المذاكرة، لأن الأسئلة مبنية على المقرر. في الحالة دي بنسلم التقييم، ونرجع نذاكر المقرر مرة تانية.

ونحب ننبه إن تكرار الأمر ده، زي إن الشخص يجاوب على بعض الأسئلة ويترك البعض، أو يدخل التقييم بدون استعداد كافٍ، ممكن يؤدي لإلغاء التقييم. ومع الاستمرار في ذلك، قد يعرّض الشخص للأسف للاستبعاد.

ولا ننسى أن التقييم وسيلة وليس غاية، فهو أداة بتساعدنا على الاستفادة من المقرر بشكل أفضل، وبتنبهنا لنقاط ممكن تكون فاتتنا أثناء المذاكرة، وبتخلينا نركز أكتر من خلال الأسئلة على النقاط المهمة في المقرر.

والعقاب الهدف منه إننا نلتزم وناخد الأمر بجدية، فبالتالي هو مش بيتقاس بمجرد الدخول للتقييم من عدمه، لكن كمان بطريقة التعامل مع التقييم نفسه.

فحتى لو دخلنا التقييم، لكن ظهر قصور واضح في المذاكرة — زي ترك أسئلة بدون إجابة، أو إجابات مختصرة جدًا أو عامة ومش من المقرر، أو الدخول بمقرر ناقص — فدي كلها أمور تستدعي إلغاء التقييم، لأن الهدف الأساسي منه لم يتحقق ببساطة :')

وعليكم السلام ورحمة الله وبركاته

لا، على العكس تمامًا، الاستفاضة في الإجابة أمر محمود، وده اللي بنشجعكم عليه، وشيء بيسعد المشرفين :))

ابعتيلنا وانضمي للدفعة الثامنة هتبدأ صناعة المربي بعد أسبوع بإذن الله، ولكن بغرامة :')