ربنا يصلح حالنا وحالكم
ادعوا لاخوكم او اختكم بظهر الغيب


⚙️

توكل ع الله بس من رأيي هيقابلك مشكلتين

اول حاجة ان اختها الاكبر لسة مش مخطوبة واغلب الاهل بيفضلوا ان الكبيرة تتخطب الاول خاصة لو التانية لسة سنها صغير


تاني حاجة ان وظيفتك دي لو مش وظيفة ثابته ف ممكن والدها ميقتنعش
هو هيبقى عايز حد متخرج وشغال شغل كويس وثابت مش مجرد طالب بيشتغل عشان يصرف على نفسه

طبعا اللي انت بتعمله دا جميل جدا وبيخليك تشيل مسؤلية وتصرف على نفسك بس يعني كجواز مش هيبقى مُرضي للاهل


واما عن باقي الحاجات اللي انت قولتلها ف مش شايف فيها اي اسباب للرفض تاني


⚙️

تصوير اعياد الميلاد والافراح معصية لله لما فيها من المخالفات
والنبي نهانا ان نطلب الرزق بمعصية الله
قال رسول الله ﷺ " ولا يحملنكم استبطاء الرزق على أن تطلبوه بمعصية الله فإن ما عند الله لا ينال إلا بطاعته "

واما عن فلوسه حرام ولا لا ف اسأل شيخ

وبالنسبة لحل الكويزات بال AI ف ايه الفرق بينها وبين انك تغش من الكتاب
مفيش مشاكل لو بروجيكت مطلوب منك ف تستخدم الذكاء الاصطناعي فيه
لكن الكويز المطلوب منه انه يعرف مستواك انت

وبرضو للاحوط اسأل الدكتور

⚙️

.
اعتزال الاعتزال!

احذر من ذلك الخطاب (الأناني) الذي يدعوك إلى مجانبة (كل) من لم يعجبك! ويناديك أن تهجر كل موضع لا (تسعد) فيه!
ذلك الخطاب المادي الذي ينشر فكرة:
الحياة متعة! فاستثمر كل شيء في المتعة!

كلا!
بل الحياة ابتلاء!
وفيها النصب والتعب والكبد!
ولابد أن يصبر المؤمن على ما فيها من تنغيص.
لابد من الصبر على البعيد فضلا عن القريب، ولابد من التراحم، ولابد من التضحية، ولابد من الإحسان، وقد قيل: ﺧﻴﺮ اﻷﻣﻮﺭ ﻣﻐﺒﺔ اﻟﺼﺒﺮ!

وأما اجتناب ما يؤذي فهي حال عارضة ليس يجوز أن تكون هي الأصل في المعاملة!

ستجد من الأقارب من لا يعجبك، ولكن لابد من الصبر.
وستجد من الجيران من يؤذيك، ولابد أن تصبر عليه.
وستجد من إخوانك من لا يوافقك ولابد من الصبر.
لن ترضيك كل أحوال زوجتك، ولا كل أخلاق رفقائك:
ﻭﺇﻥ ﺃﻧﺖ ﻟﻢ ﺗﺸﺮﺏ ﻣﺮاﺭا ﻋﻠﻰ اﻟﻘﺬﻯ
ﻇﻤﺌﺖ ﻭﺃﻱ اﻟﻨﺎﺱ ﺗﺼﻔﻮ ﻣﺸﺎﺭﺑﻪ

هناك المروءة، والمكارم، والفضائل، ومحاسن الأخلاق، هناك: ﴿فَعَسَىٰۤ أَن تَكۡرَهُوا۟ شَیۡـࣰٔا وَیَجۡعَلَ ٱللَّهُ فِیهِ خَیۡرࣰا كَثِیرࣰا﴾، وهناك: ﴿وَجَعَلۡنَا بَعۡضَكُمۡ لِبَعۡضࣲ فِتۡنَةً أَتَصۡبِرُونَۗ وَكَانَ رَبُّكَ بَصِیرࣰا﴾.

ثم ستأتيك أحوال عارضة، وحالات نادرة، فثم ليس من بد من أن تعتزل ما يؤذيك!


وأما تلك الدعوة العامة التي تعظم من شأن الانفراد، وترفع سقف الاستمتاع بالحياة حتى من إدنى المكدرات، فتلك دعوة لها خلفية ثقافية فردانية، من آثار الحداثة السائلة كما يسميها عالم الاجتماع البولندي باومان.

إنها دعوة قائمة على أن (الأنا) وحدة القياس الكبرى، وأن (جودة الحياة) -كما يسمونها- تُقاس بقدر خلوها من المزعجات.

إنها دعوة تجعل العلاقات "سلعا"؛ إذا لم تحقق الرفاهية المباشرة لصاحبها فمن حقه أن يتخلص منها!

إن هذه الدعوات التي تبالغ في اعتزال أدنى المكدرات تضعف مجتمعاتنا المسلمة، وتجعل الفرد رخوًا لا احتمال له، ولا صلابة عنده، ولا يستطيع أن يحمل الأعباء!

أنها أشبه شيء بنشر ثقافة تدليل (تدليع) النفس!
مما يجعل الأخ لا يحتمل أخاه، والزوج لا يحتمل زوجته، والزوجة لا تحتمل زوجها، بل ربما وجدت من لا يحتمل أباه وأمه!

وقد وجدت في كتاب طريف بعنوان: "تدليل العقل الأمريكي"، للأمريكيين لـغريغ لوكيانوف وجوناثان هايدت، (قرأت مختصرا بالعربية عنه)، وجدته يشير إلى هذا المعنى، وسمى هذا الأثر ب (الهشاشة النفسية العكسية)!

إن النفس البشرية بحاجة إلى ما يقوي مناعتها! كما يحتاج الجسم إلى ما يقوي مناعته!
فيصبح لديه من الصبر والحلم والاحتمال والمرونة النفسية، ما ليس عند غيره.

والحياة الطيبة ليست في (تصفير المشاكل)، ولكنها في الاستعانة بالله على إدارة المشاكل!

⭐️إعلان التسجيل في الدفعة الثالثة من مدرسة خديجة⭐️

بسم الله الرحمن الرحيم

نعلن عن انطلاقة الدفعة الثالثة من برنامج مدرسة خديجة

💡وهي مدرسة إحيائية تربوية توفر للمرأة بيئة صالحة لبنائها الإيمانيّ والتربوي لاستعادة و الإصلاحي عبر خمسة مسارات إيمانية تزكوية وعلمية.
🔸البرنامج تفاعلي، يتطلب الحضور المباشر للقاءات.

🔸يغلق التسجيل يوم الثلاثاء ٤/١١/١٤٤٧ الموافق ٢١/٤/٢٠٢٦
🔸البرنامج خاص بالنساء من عمر ١٦ وما فوق.

🔸العدد محدود وسيتم التواصل مع المقبولات عبر البريد الالكتروني عند القبول.

🖇رابط التسجيل

الحمدلله ان ربنا هداكي وتاب عليكي

اللي محتاجه تدعي بيه فعلا هو ان ربنا يثبتك ومترجعيش للذنب تاني مش عشان المبرمج دا ولكن عشان ربنا.
الاهم من ان صورتك متتهزش قدام الشاب دا هو ان صورتك متتهزش قدام ربنا .

ثم ان لو ثبت ان كلامك صح - مش مقتنع - فهو اصلا المفروض تشكري ربنا
يعني هو رفضك عشان بتسمعي اغاني وهو مش واخد باله ان الهاكينج حرام!😂
يعني سبحان الله يخترق خصوصيات الناس عادي لكن واحدة بتسمع اغاني ازاي


⚙️

عليكم السلام ورحمة الله وبركاته

متقوليش لوالدتك دلوقتي
كلمي اختك وانصحيها الاول وعرفيها انك عرفتي ان حصل كذا وكذا بطريقة ما وكلميها بينك وبينها الاول

⚙️

عليكم السلام ورحمة الله وبركاته

هو انا كبرت ولا ايه ، لهجة الجيل الجديد اتغيرت اوي 😅


خليني اصححلك شوية مفاهيم


هدفك دلوقتي مينفعش يكون اشتغل واكون فلوس كتيييييييير

المفروض يكون التزم وابقا زي الاول واحسن بكتيييييير

يعني انتي كنتي كويسة وماشية على طريق صح وانتكستي
ف بدل م ترجعي للطريق تاني رميتي الاساس ورا ضهرك وخلاص مش مشكلة الانتكاس نفكر ف الفلوس والشهرة بقا طالما كدا كدت انتكسنا

لا هو التغيير حصل للاسوأ كدا كدا

و I’m sure ان التغيير دا بسبب تغيير الهدف فعلا


اللي انا عايزك تعمليه بقا انك تكوني جامدة جدا جدا دينيا وبعدين دنيويا عادي
التبديل بين الكلمتين غلط جدا هنا


ف ايه ؟

الموضوع كله انك نسيتي هدفك الاساسي والبوصلة بتاعتك انحرفت عن المسار بتاعها ف بقيتي ماشية ف طريق غلط

اللي تعمليه ايه ؟

تعيدي تصحيح بوصلتك وتحديد اهدافك

⚙️

عليكم السلام ورحمة الله وبركاته

لو الاسباب مش حاجة منك ممكن تأثر عليه هو زي ما كنا بنتكلم قبل كدا على ان البنت لو عندها امراض ممكن تأثر على حياتهم في الزواج وكدا فواجب تخبر الخاطب وكذلك الامر بالنسبة للراجل واجب يخبر المخطوبة

اوكانت خلافات عادي بتحصل زي اللي بتحصل بين كل الناس ف متقوليش لا


⚙️

الشغل ايه !
يعني حاجة محتاجه بروسيسور عالي ؟
جرافيكس عالي ؟

ع العموم انا شايف DELL اختيار كويس اوي ومعايا جميل جدا وخاصة انا شغلي تقيل اوي عليه


انا كنت جبته من محل اسمه
Egypt Laptop
ف القاهرة

في Lenovo برضو كويس اوي عندي ف الشغل وحرفيا جبل
هو من نوع LOQ

⚙️

عليكم السلام ورحمة الله وبركاته

انتي صح وربنا يعوضك بالاحسن

⚙️

عليكم السلام ورحمة الله وبركاته

بدعة ، وغالبا الحوارات دي من الصوفية

اي تخصيص عدد معين ثايت او وقت معين ثابت لعبادة او ذكر

لازم يكون ثابت عن النبي

وقال رسول الله ﷺ " من أحدث في أمرنا هذا ما ليس فيه فهو رد "

⚙️

عليكم السلام ورحمة الله وبركاته

جزاكم الله خيرا

⚙️

تقريبا دا تبع دا

هو بيبقى الموضوع محل شك بس ، يعني انا لازم ادور واعرف ايه الاسباب لكدا لو في اسباب ظاهرية
اصل مرة عادي نصيب ومرتين نصيب برضو بس مش الطبيعي اللي بيحصل فاهمه ؟

لكن الامر مفيهوش اي مشاكل خالص
دا بتبقى مطلقه مرتين وبتتجوز عادي


⚙️

عليكم السلام ورحمة الله وبركاته

انا ذاكرتي ضايعة اصلا😂
كان الترس نفع نفسه

بجانب الجانب الطبي في الامر من نقص فيتامينات وكدا ودا تعرفيه بتحاليل وتاخدي ليه علاج
ف شوفي دكتور

ف الجانب العملي ممكن نعمله لو في محاضرات او كتب وكدا
ف هو التدوين والشرح
يعني تلخصي المحاضرات وتشرحيها
التكرار بيثبت الحاجة في الذاكرة

ف كل ما تشرحيها او تستخدمي المعلومة يعني هتثبت اكتر


⚙️

هي مش حاجة حلوة طبعا
ومش لدرجة الزهايمر

الموضوع مش عادي لكن الامر بتدريب الذاكرة بصراحه

وشوفي اكيد عندك نقص فيتامينات

⚙️

حظك حلو اهو

⚙️

كان بيسخن بعد ما قعد معاكي سنين كتير ؟

ممكن يكون معجون التبريد بتاع البروسيسور
بتوديه للصيانه بيغير المعجون

وممكن يكون المروحة مش شغالة بكفاءة ف تنضفيها او يشوفها اصلا شغالة كويس ولا لا


وممكن يكون ضغط برامج كتير اوي ع البروسيسور

شوفي من ال task manager ال usage بتاع ال CPU قد ايه

لو كتير اوي اوي دا هيخليه يهنج ويسخن ممكن
ف حاولي تقللي البرامج اللي شغالة
وشوفي لو في حاجة شغالة ف الخلفية


لكن مش المعتاد على ال DELL انه يسخن بصراحه عكس الشائع عن ال HP


الصوت بيقطع دي معرفش بصراحه ممكن يكون عيب ف السماعات شوفي كابلات السماعات سليمة ولا ايه
لو السماعات الخارجية اشتغلت صح يبقا كان العيب من السماعات الداخلية بتاعة اللاب


⚙️

تصرفك صح ، لكن لو أصر انه يعرف ممكن تقوليله عادي

وانتي اللي المفروض بتردي

اللي اعرفه ان الراجل لو مش مرتاح بيرد خلال يومين تلاته قبل م البنت بترد عشان متردش هي بالموافقة وهو ميكونش مقتنع ف يرفض بعدها
يعني يسبق هو بالرفض

ولو هو مردش بيبقى عادة مقتنع خلاص ومستني ردكم انتوا
الطبيعي ان البنت اللي بترد خلال اسبوع

⚙️

انتي اديتيني انا شخصيا امل ف الحياة 😅

ايه كان السؤال طيب ؟

⚙️

لا مفيش اي مشاكل

تدربي ذاكرتك عن طريق اول حاجة انك تقللي التشتت دا مش بيخلي المعلومة تدخل الدماغ اصلا

تاني حاجة التكرار على فترات لو مذاكرة
يعني ذاكرتي حاجة الاسبوع دا تعالي بعد يومين كدا بصي عليها سريعا تعملي ريفريش

بعد اسبوع كمان بصي عليها وهكذا

تالت حاجة حاولي تربطي المعلومة بحاجة معينه عشان تفتكريها

او زي مثلا لما كنا بنحفظ زمان ف تحفة الاطفال ف كان بيربط احكام التجويد بابيات شعر كدا

رابع حاجة تكتبي الحاجة بايدك
الكتابة بالايد بتثبت المعلومة اكتر من انك تكتبيها اصلا على الموبايل حتى
ودي جربتها كتير معرفش ليه بس خط الايد بيثبت المعلومة اوي

خامس حاجة حاولي متبقيش مضغوطة او قلقانه وانتي بتذاكري الحاجة او كدا عشان دا بيرجعنا لنقطة التشتت تاني



واما عن تخصص الدكتور ف مش عارف بصراحه اصل دا مش مرض معين

انتي ممكن تروحي لدكتور باطنة عادي تقوليله بنسى ف عايزه اعمل تحاليل وكدا
معنديش فكرة يعني بصراحه
بس من اهم الفيتامينات هو فيتامين د
ف اعملي التحليل بتاعه وشوفيه


⚙️