الأفضل إنك ما تاخديش قرار بالرفض أو القبول من كلام جارتكم، لكن اقعدي معاه وشوفي تفكيره وعلى أساس كده تحددي،

ومهم تركزي على نقاط أساسية خلال جلسات الرؤية بمعنى؛
هل هو شخص عنده قدرة على إدارة حياته واتخاذ قراره بنفسه، ولا سهل يتأثر بكلام أي حد؟
وبرضو شوفي طبيعة علاقته بوالدته، هل هو هيقدر يوازن بين أمه وبيته بعد كده، ولا ممكن يظلم زوجته أو يمشي ورا كلام والدته بشكل يضيع حقوقك.

وبرضو حاولي اعرفي وضع العيلة: هل في تدخلات كتير في حياة المتزوجين قبل كده؟ يعني لو عنده إخوانه متزوجين هل والدته كانت بتدخل بشكل كبير ولا الأمور مستقرة،

ولو في احتمال سكن في بيت عائلة، يبقى لازم تتوضح من البداية تفاصيل الحياة هناك:
الخصوصية هتكون عاملة إزاي؟ وطريقة تنظيم الحياة اليومية شكلها إيه؟

الله يسددك ويكتب لكِ الخير ويراضيكِ ويرضى عنك.
🌱

وعليكم السلام ورحمة الله وبركاته
أيوة هتخلعي الجوانتي،
وبالنسبة للّبس بشكل عام فأنتِ هتكوني لابسة لبس لا واسع جدًا ولا ضيق ومجسم، يعني يكون معتدل فضفاض، ولو مختمرة فهتلبسي طرحة زي الخمار كدا، وبدون زينة يعني كوني على طبيعتك.

أما فكرة إنك شايفة نفسك صغيرة، فهو غالبًا ما بيتمش التقدم من حد إلا لما يكون في قدر من المناسبة في السن والظروف، وطالما أهلك موافقين فده مؤشر إن الموضوع مناسب بإذن الله،

لكن السؤال هنا، إيه اللي مخليكي حاسة إنك صغيرة؟
يعني اسألي نفسك كده وحاولي حددي السبب؛ يعني هل هو خوف طبيعي؟ ولا عدم فهم كافي لنفسك؟ ولا شعور إنك مش جاهزة تتحملي المسؤولية؟
لأن فهمك لنفسك وهدفك في الحياة هيساعدك جدًا تختاري الشخص المناسب ليكِ بإذن الله،

ولو شايفة إنك مش مستعدة بشكل كافي للزواج، فمهم تستغلي الفترة دي في إنك تتأهلي للزواج بشكل كويس، وبنرشحلك تسمعي دورة الرباط المقدس،
وبالنسبة للأسئلة اللي هتسأليها، فشوفي الملف ده هيفيدك بإذن الله:
https://t.me/Answer_Q/914

الله يسددك ويكتب لكِ الخير ويراضيكِ ويرضى عنك.
🌱

وعليكم السلام ورحمة الله وبركاته
ده شيء عادي جدًا ومش دليل إنه مش مهتم بالزواج،
لأن وارد يكون مفيش بنت مناسبة شايفها حواليه، فمفيش مشكلة لما يطلب من والده وأهله يسألوا معارفهم ويدوروا معاه وهكذا،
فاقعدي معاه الأول وعلى أساس كده حددي.

الله يسددك ويكتب لكِ الخير يا رب العالمين.
🌱

عليكم السلام ورحمة الله وبركاته

طبيعي مش كل الصفات هتلان من اول جلسة والا كانت الناس اتجوزت بعد الرؤية

الخطوبة معمولة عشان نكتشف صفات بعض ونشوف ردود الافعال في كل موقف بيحصل على مدار مدة الخطوبة

لكن الرؤية بيبان فيها تفكير الشخص عامة

وطالما انك مش حاسه بحاجة وحشة او مشوفتيش منه حاجة وحشة ف دا مؤشر كويس كملي وصلي استخارة وربنا هيرشدك للصواب

⚙️

ممكن

⚙️

عليكم السلام ورحمة الله وبركاته

شايف الامور كلها مبشرة اللهم بارك

اما جزئية ان الخطوبة تأثر على دراستك ف دي اللي يحددها انتي
لان في ناس بتتخطب وتتجوز وهي ف بشري عادي وبتقذر تهندل الدنيا
وفي ناس بتبقى محددة موقف انه لا جواز ولا خطوبة غير بعد م تخلص عشان مش هيقدروا يوفقوا بين الكل
واما لو قصدك بالسنة ونص دي لحد م تخلصي ف دول اللي هم سنتين الامتياز ودول مفيش اي مشاكل فيهم ف الجواز حتى

⚙️

وعليكم السلام ورحمة الله وبركاته
أسأل الله أن يُقدِّر لكِ الخير حيث كان ويرضيكِ به، وأن يرزقكِ الزوج الصالح الذي تقر به عينك وتسكن إليه نفسك.
شوفي ردنا هنا:
https://t.me/Answer_Q/1014

ومسألة الخطوبة اللي اتفركشت؛ لازم تتعاملي مع اللي حصل إنه قدر محتوم، والخير فيما اختاره الله لنا، ولعل في فسخ الخطوبة خير لك، كون هذا الشخص غير مناسب وليس من نصيبك،

ومتخليش التجربة دي تضغطك أو تخليك تستعجلي وأنتِ بتختاري فيما بعد بدافع الاحتياج أو الخوف من التأخير؛ لكن خليها مرحلة تتعلمي منها في الاختيار بعدين ورتبي أولوياتك ومعايير اختيارك، وأبشري.
🌱

ربنا يرزقك النجاح والزواج يارب

للاسف هندسة مش حاسبات بس تقدري تسألي ف جروب " التراس حاسبات ومعلومات " على الفيس فيه ناس كتير اوي تقدر تساعد ان شاء الله
وكان في على ايامي منظمات كدا بنقدم عليها ناخد fund للمشروع بس مش فاكر بصراحه اسمائهم


وممكن تبحثي عن شركات كبيرة ف المجال اللي هتعملي مشروعك فيه وتبعتيلهم الفكرة وانك محتاجه دعم بكذا

دا لو مشروعك طبعا حاجة مبتكرة وجديدة مش ويبسايت مكتبة كتب زي نص الشعب م بيعملها 😂

واما بالنسبة للدكاترة ف اختاري اللي تجيبي اعلى تقدير معاه
بجد لان ملهاش لزمة خالص
نص الدكاترة مش بتساعد اصلا
يعني احنا ف مشروعنا اخترنا الدكتور الشاطر مع انه صعب ف تقديراته
بس مساعدناش باي حاجة وكان بيقعد يتقمص ويسيبنا ف نص المشروع

⚙️

السؤال دا كان ف الفجر برضو واتجاوب اهو يبقا المشكلة مش ف التوقيت

⚙️

عليكم السلام ورحمة الله وبركاته


ليه خايفه من اللي بعد كدا ؟

انا حقيقي معرفش الكلية فرصها ايه لكن انتي تعرفي
انتي عارفه ايه المجالات اللي زمايلك اشتغلوا فيها
ومفيش اي مشكلة انك تشفتي اصلا وتشتغلي ف مجال انتي بتحبيه
اول حاجة كدا اقعدي مع نفسك وشوفي ايه المجالات المتاحة ليكم طالما انك حابة الشغل

تاني حاجة حطي بديل لو ملقتيش فرصة ف المجال بتاعك
حاولي تتعلمي حاجة تقدري تشتغلي بيها حتى لو شغل بسيط اوي ف الاول ومع الوقت مهاراتك هتبقى اقوي وهتقدري تعرفي فرص اكتر

تالت حاجة حطي سيناريو انك لو مشتغلتيش اصلا
ايه المشكلة انتي عندك اهداف تاني مهمة انتي اللي هتحطيها انك تتجوزي وتهتمي ببيتك -ودا لو تعلمون عظيم- او انك تدرسي علم شرعي وتحفظي قرآن وممكن تحفظي البنات قرآن ودا فضله كبير اوي

ثم اهم حاجة انك تكوني بتعملي كل دا وانتي واثقة بدون ذرة شك ان رزقك هيجيلك فمفيش داعي لاي خوف

قال الصادق الذي لا ينطق عن الهوى " ان روح القدس نفث في روعي أنه لن تموت نفس حتى تستكمل رزقها وأجلها ، فأجملوا في الطلب ، ولا يحملنكم استبطاء الرزق على أن تطلبوه بمعصية الله فإن ما عند الله لا ينال إلا بطاعته "


⚙️

لا تثريب عليكم

غفر الله لنا ولكم ، انا مسامح.

⚙️

عليكم السلام ورحمة الله وبركاته


رأيي انك متعلقيش نفسك بحد ولو شايفه انك كل م بتدخلي اكونتاته بتتعلقي بيه ف متدخليش

نصيبك هيجيلك متقلقيش وعسى ان تكرهوا شيئا وهو خير لكم وعسى ان تحبوا شيئا وهو شر لكم

مش لازم عشان انتي شايفاه ظاهريا التايب بتاعك يبقا خير ليكي

⚙️

ربنا يصلح حالنا وحالكم
ادعوا لاخوكم او اختكم بظهر الغيب


⚙️

توكل ع الله بس من رأيي هيقابلك مشكلتين

اول حاجة ان اختها الاكبر لسة مش مخطوبة واغلب الاهل بيفضلوا ان الكبيرة تتخطب الاول خاصة لو التانية لسة سنها صغير


تاني حاجة ان وظيفتك دي لو مش وظيفة ثابته ف ممكن والدها ميقتنعش
هو هيبقى عايز حد متخرج وشغال شغل كويس وثابت مش مجرد طالب بيشتغل عشان يصرف على نفسه

طبعا اللي انت بتعمله دا جميل جدا وبيخليك تشيل مسؤلية وتصرف على نفسك بس يعني كجواز مش هيبقى مُرضي للاهل


واما عن باقي الحاجات اللي انت قولتلها ف مش شايف فيها اي اسباب للرفض تاني


⚙️

تصوير اعياد الميلاد والافراح معصية لله لما فيها من المخالفات
والنبي نهانا ان نطلب الرزق بمعصية الله
قال رسول الله ﷺ " ولا يحملنكم استبطاء الرزق على أن تطلبوه بمعصية الله فإن ما عند الله لا ينال إلا بطاعته "

واما عن فلوسه حرام ولا لا ف اسأل شيخ

وبالنسبة لحل الكويزات بال AI ف ايه الفرق بينها وبين انك تغش من الكتاب
مفيش مشاكل لو بروجيكت مطلوب منك ف تستخدم الذكاء الاصطناعي فيه
لكن الكويز المطلوب منه انه يعرف مستواك انت

وبرضو للاحوط اسأل الدكتور

⚙️

.
اعتزال الاعتزال!

احذر من ذلك الخطاب (الأناني) الذي يدعوك إلى مجانبة (كل) من لم يعجبك! ويناديك أن تهجر كل موضع لا (تسعد) فيه!
ذلك الخطاب المادي الذي ينشر فكرة:
الحياة متعة! فاستثمر كل شيء في المتعة!

كلا!
بل الحياة ابتلاء!
وفيها النصب والتعب والكبد!
ولابد أن يصبر المؤمن على ما فيها من تنغيص.
لابد من الصبر على البعيد فضلا عن القريب، ولابد من التراحم، ولابد من التضحية، ولابد من الإحسان، وقد قيل: ﺧﻴﺮ اﻷﻣﻮﺭ ﻣﻐﺒﺔ اﻟﺼﺒﺮ!

وأما اجتناب ما يؤذي فهي حال عارضة ليس يجوز أن تكون هي الأصل في المعاملة!

ستجد من الأقارب من لا يعجبك، ولكن لابد من الصبر.
وستجد من الجيران من يؤذيك، ولابد أن تصبر عليه.
وستجد من إخوانك من لا يوافقك ولابد من الصبر.
لن ترضيك كل أحوال زوجتك، ولا كل أخلاق رفقائك:
ﻭﺇﻥ ﺃﻧﺖ ﻟﻢ ﺗﺸﺮﺏ ﻣﺮاﺭا ﻋﻠﻰ اﻟﻘﺬﻯ
ﻇﻤﺌﺖ ﻭﺃﻱ اﻟﻨﺎﺱ ﺗﺼﻔﻮ ﻣﺸﺎﺭﺑﻪ

هناك المروءة، والمكارم، والفضائل، ومحاسن الأخلاق، هناك: ﴿فَعَسَىٰۤ أَن تَكۡرَهُوا۟ شَیۡـࣰٔا وَیَجۡعَلَ ٱللَّهُ فِیهِ خَیۡرࣰا كَثِیرࣰا﴾، وهناك: ﴿وَجَعَلۡنَا بَعۡضَكُمۡ لِبَعۡضࣲ فِتۡنَةً أَتَصۡبِرُونَۗ وَكَانَ رَبُّكَ بَصِیرࣰا﴾.

ثم ستأتيك أحوال عارضة، وحالات نادرة، فثم ليس من بد من أن تعتزل ما يؤذيك!


وأما تلك الدعوة العامة التي تعظم من شأن الانفراد، وترفع سقف الاستمتاع بالحياة حتى من إدنى المكدرات، فتلك دعوة لها خلفية ثقافية فردانية، من آثار الحداثة السائلة كما يسميها عالم الاجتماع البولندي باومان.

إنها دعوة قائمة على أن (الأنا) وحدة القياس الكبرى، وأن (جودة الحياة) -كما يسمونها- تُقاس بقدر خلوها من المزعجات.

إنها دعوة تجعل العلاقات "سلعا"؛ إذا لم تحقق الرفاهية المباشرة لصاحبها فمن حقه أن يتخلص منها!

إن هذه الدعوات التي تبالغ في اعتزال أدنى المكدرات تضعف مجتمعاتنا المسلمة، وتجعل الفرد رخوًا لا احتمال له، ولا صلابة عنده، ولا يستطيع أن يحمل الأعباء!

أنها أشبه شيء بنشر ثقافة تدليل (تدليع) النفس!
مما يجعل الأخ لا يحتمل أخاه، والزوج لا يحتمل زوجته، والزوجة لا تحتمل زوجها، بل ربما وجدت من لا يحتمل أباه وأمه!

وقد وجدت في كتاب طريف بعنوان: "تدليل العقل الأمريكي"، للأمريكيين لـغريغ لوكيانوف وجوناثان هايدت، (قرأت مختصرا بالعربية عنه)، وجدته يشير إلى هذا المعنى، وسمى هذا الأثر ب (الهشاشة النفسية العكسية)!

إن النفس البشرية بحاجة إلى ما يقوي مناعتها! كما يحتاج الجسم إلى ما يقوي مناعته!
فيصبح لديه من الصبر والحلم والاحتمال والمرونة النفسية، ما ليس عند غيره.

والحياة الطيبة ليست في (تصفير المشاكل)، ولكنها في الاستعانة بالله على إدارة المشاكل!

⭐️إعلان التسجيل في الدفعة الثالثة من مدرسة خديجة⭐️

بسم الله الرحمن الرحيم

نعلن عن انطلاقة الدفعة الثالثة من برنامج مدرسة خديجة

💡وهي مدرسة إحيائية تربوية توفر للمرأة بيئة صالحة لبنائها الإيمانيّ والتربوي لاستعادة و الإصلاحي عبر خمسة مسارات إيمانية تزكوية وعلمية.
🔸البرنامج تفاعلي، يتطلب الحضور المباشر للقاءات.

🔸يغلق التسجيل يوم الثلاثاء ٤/١١/١٤٤٧ الموافق ٢١/٤/٢٠٢٦
🔸البرنامج خاص بالنساء من عمر ١٦ وما فوق.

🔸العدد محدود وسيتم التواصل مع المقبولات عبر البريد الالكتروني عند القبول.

🖇رابط التسجيل

الحمدلله ان ربنا هداكي وتاب عليكي

اللي محتاجه تدعي بيه فعلا هو ان ربنا يثبتك ومترجعيش للذنب تاني مش عشان المبرمج دا ولكن عشان ربنا.
الاهم من ان صورتك متتهزش قدام الشاب دا هو ان صورتك متتهزش قدام ربنا .

ثم ان لو ثبت ان كلامك صح - مش مقتنع - فهو اصلا المفروض تشكري ربنا
يعني هو رفضك عشان بتسمعي اغاني وهو مش واخد باله ان الهاكينج حرام!😂
يعني سبحان الله يخترق خصوصيات الناس عادي لكن واحدة بتسمع اغاني ازاي


⚙️

عليكم السلام ورحمة الله وبركاته

متقوليش لوالدتك دلوقتي
كلمي اختك وانصحيها الاول وعرفيها انك عرفتي ان حصل كذا وكذا بطريقة ما وكلميها بينك وبينها الاول

⚙️