مبارك عليكم

ايوه خليك ف الشبابيك UPVC افضل بكتير من الخشب
والبلكونه برضو


لكن الابواب الداخلية خشب اقيم وانضف واشيك

معنديش فكرة اوي بصراحه بس في جروب اسمه AlDecor Egypt فيه حوالي 800 الف شخص على الفيس ممكن تاخد لفة فيه وتسأل وهتلاقي ناس كتير مهندسين تشطيب وناس كتير بتشطب ف تديك افكار بيعملوها عندهم حاليا

⚙️

دعواتكم بالزوجة الصالحة بس
وكتر خيركم

⚙️

عليكم السلام ورحمة الله وبركاته

انا سألت حد من اصحابي اللي مكانش ثانوي بس هو طلع داخل من تنسيق معهد مش معادلة
لكن هقولك اللي قالهولي على المعادلة

اول حاجة انت لازم لو دبلوم 3 سنين تبقا جايب 70%
ولو دبلوم 5 سنين او معهد تبقا جايب 50%

عشان تقدر تقدم على المعادلة

شرط لسة السنادي انك ليك مرة واحدة تقدم فيها للمعادلة خلال سنتين
يعني لو هتتخرج السنادي
ليك تقدم السنادي او السنة الجاية بس
سنة من الاتنين

نسبة النجاح عشان تدخل الكلية هي انك تنجح ف كل المواد
يعني 50% او اعلى

بتدرس مواد ثانوي عام انجليزي ورياضة بكل فروعها وفيزيا وكيميا

وتقريبا لو بعد المعهد مش بتاخد الانجليزي

بتقدم عليها ف شهر 8 وبتمتحن ف شهر 9

بتذاكر مع نفسك او بتروح سنتر بيأهلك للمعادلة

هو قالي كمان ان نسبة النجاح فيها مش عالية لان انت مش قدامك وقت كبير لو مبدأتش فيها من زمان

انت بتبقى مخلص ف شهر 6 وامتحانها ف شهر 9

ف انت يا تبدأ فيها من بدري وانت لسة ف الدبلوم يا تقعد سنة بعد الدبلوم وتاخدها السنة اللي بعدها عشان تدي نفسك فرصة تذاكر

هو نصيحته انك تقدم علي معهد وتقدم على المعادلة برضو عادي عشان يبقا معاك الاتنين

هكمل ف رسالة تاني

⚙️

بعدين لو متوفقتش فيها بتكمل السنه التانية ف المعهد عادي وتشد حيلك وتدخل هندسة بالتنسيق عادي
تقريبا بقا من 98% دلوقتي

اتمنى اكون قدرت افيدك بشكل كامل
وبرضو ادخل على موقع المجلس الاعلى للجامعات
انت اصلا بتقدم عليه وبترفع الورق عليه وبتدفع الفلوس

شوف اللينك هنا

https://engineering.scu.eg/Home.php

⚙️

لا خالص

لما برد على حد وبعدين حد بيبعت يضيف حاجة بنزلها برضو

افادة للسائل وافادة ليا انا شخصيا

⚙️

مش عارف اقول ايوه ف يبقا اللي مش بيفاصل معندوش مروءة
ولا اقول لا ف اللي يبقا بيفاصل معندوش مروءة😅

الفصال مش حرام بل هو جائز ومن حفظ المال
وثبت عن النبي ﷺ انه عمل كدا في حديث الجمل مع سيدنا جابر رضي الله عنه الطوييل مش هذكره كله عشان الحروف

" قال وتحدث معي رسول الله ﷺ فقال أتبيعني جملك هذا يا جابر قال قلت يا رسول الله بل أهبه لك قال لا ولكن بعنيه  قال قلت فسمني به قال قد قلت أخذته بدرهم قال قلت لا إذا يغبنني رسول الله صلى الله عليه وسلم قال فبدرهمين قال قلت لا قال فلم يزل يرفع لي رسول الله صلى الله عليه وسلم حتى بلغ الأوقية قال قلت فقد رضيت قال قد رضيت قلت نعم قلت هو لك قال قد أخذته "

ف النبي هنا فاصل مع سيدنا جابر بغض النظر ان النبي اداله الجمل والفلوس بعد كدا

المهم قال الشيخ بن عثيمين " من فوائد هذا الحديث : جواز المماكسة ، المماكسة هي محاولة نقص الثمن هذه المماكسة، يعني مثلًا طلبت كتابًا فقال لك البائع : هذا بعشرة فقلت : لا ، أعطنيه بثمانية قال لا بتسعة قال : لا هذا جائز ، ولا يعد دناءة ، ولا يعد من سؤال المال ، هذه يعني المماكسة لا بأس بها ، لأن النبي صلى الله عليه وسلم فعلها بنفسه."

⚙️

قال الله عز وجل "وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا(٢٥) " مريم
ربنا بيبعث لينا رسالة كتير متغافل عنها وهي العمل بالاسباب.
سيدنا جبريل نازل بأمر من ربنا عشان يبشرها بإنها هتحمل بدون رجل ولا زواج ، ومع ذلك بيقولها هزي جذع النخله عشان تنزل تمر ، ربنا مش قادر انه يجعل التمر يتساقط عليها من غير م تتحرك ؟! بلى ! ، لكن ربنا بيعلمنا اننا ناخد بالاسباب.

 جاء رجل إلى النبي صلى الله عليه وسلم وأراد أن يترك ناقته وقال: أأعقلها وأتوكل؟ أو أطلقها وأتوكل؟ فقال صلى الله عليه وسلم: اعقلها، وتوكل.
ربنا قادر لكن احنا مأمورين بالاخذ بالاسباب ، اذاكر واعمل اللي عليا وبعد كدا ادعي ان ربنا ينجحني. لكن مبقاش نايم واقول يارب نجحني.

ايوه ربنا امرني اني اخد بالاسباب بس مش معني كدا انها تبقي كل همي ، واني اعمل بالاسباب بس ، وانسي ان ربنا هو القادر ، لا انا اعمل بالاسباب والجأ لربنا ساعتها بإذن الله ربنا هيستجب.

جاء في فتاوى اللجنة الدائمة: قد ثبت في الكتاب والسنة الصحيحة الحث على الأخذ بالأسباب مع التوكل على الله، فمن أخذ بالأسباب واعتمدها فقط وألغى التوكل على الله فهو مشرك، ومن توكل على الله وألغى الأسباب فهو جاهل مفرط مخطئ، والمطلوب شرعا هو الجمع بينهما.

ودايما يكون في بالنا كلام رسول الله صلى الله عليه وسلم

اعقلها ... وتوكل

⚙️

الحمدلله
اللهم امين يارب واياكم

ونسيت بس نقطة مهمة جدا وهي لا تبخسوا الناس اشيائهم
دي مهمة اوي لو حد شاطر اوي ف الفصال يعني

⚙️

جزاكم الله خيرا

ايوه انا كنت نسيت اقول ان الواحد لا يبخس السعر دي
لكن مش فاهم يعتبر دين ازاي يعني

هو عامة محدش بيبيع سلعة وهو خسران فيها اصلا

⚙️

أول شيء لازم نفهمه إني مفيش حد بيدخل الزواج وهو جاهز 100%، فالزواج في حقيقته تجربة الطرفين بيتعلموا فيها من بعض، فمش لازم تستنى لحد ما تبقى مثالي عشان تاخد الخطوة.
لكن في نفس الوقت، ده مش معناه تدخل وأنت غير مستعد أو عندك مشاكل واضحة تأذي الطرف التاني.

طيب امتى نكون مؤهلين للزواج:-
• لما تلاقي الأخلاقيات والوعي والفكر الموجود في الكتب ومحاضرات التأهيل للزواج ظاهر في سلوكياتك، لأن التأهيل مش مجرد كتب أو محاضرات وخلاص، دي بس بداية، وإنما الأهم إن اللي اتعلمته يبقى واضح في أخلاقك وطريقة تعاملك، مش مجرد معرفة نظرية فقط.
• والنقطة المهمة جدًا كمان هي تحمّل المسؤولية؛ اللي اتربّى على تحمل المسؤولية قادر على النجاح في الزواج بإذن الله.
• ولما تكون عارف نفسك بقدر يسمح لك تختار، وتحسن التصرف، وتتخذ قرار.
• ولما تكون فاهم يعني إيه زواج؛ وعارف حقوقك وواجباتك، وازاي الحوار مع الطرف الآخر، والتعبير عن مشاكلك واحتياجاتك ومشاعرك.
• ولما تفهم إن الزواج صورة مصغرة من الحياة؛ فيه ألم ولذة، مسؤولية، وفقه اختلاف، وتقبل للضعف البشري، ومرونة، يبقى إنت كدة عندك الاستعداد النفسي للزواج.
ومع كل ده، تحرص طبعًا على الاستخارة والاستعانة بالله والتوكل عليه، وتسأله الخير، لأن التوفيق بيده سبحانه.
🌱

الأفضل إنك ما تاخديش قرار بالرفض أو القبول من كلام جارتكم، لكن اقعدي معاه وشوفي تفكيره وعلى أساس كده تحددي،

ومهم تركزي على نقاط أساسية خلال جلسات الرؤية بمعنى؛
هل هو شخص عنده قدرة على إدارة حياته واتخاذ قراره بنفسه، ولا سهل يتأثر بكلام أي حد؟
وبرضو شوفي طبيعة علاقته بوالدته، هل هو هيقدر يوازن بين أمه وبيته بعد كده، ولا ممكن يظلم زوجته أو يمشي ورا كلام والدته بشكل يضيع حقوقك.

وبرضو حاولي اعرفي وضع العيلة: هل في تدخلات كتير في حياة المتزوجين قبل كده؟ يعني لو عنده إخوانه متزوجين هل والدته كانت بتدخل بشكل كبير ولا الأمور مستقرة،

ولو في احتمال سكن في بيت عائلة، يبقى لازم تتوضح من البداية تفاصيل الحياة هناك:
الخصوصية هتكون عاملة إزاي؟ وطريقة تنظيم الحياة اليومية شكلها إيه؟

الله يسددك ويكتب لكِ الخير ويراضيكِ ويرضى عنك.
🌱

وعليكم السلام ورحمة الله وبركاته
أيوة هتخلعي الجوانتي،
وبالنسبة للّبس بشكل عام فأنتِ هتكوني لابسة لبس لا واسع جدًا ولا ضيق ومجسم، يعني يكون معتدل فضفاض، ولو مختمرة فهتلبسي طرحة زي الخمار كدا، وبدون زينة يعني كوني على طبيعتك.

أما فكرة إنك شايفة نفسك صغيرة، فهو غالبًا ما بيتمش التقدم من حد إلا لما يكون في قدر من المناسبة في السن والظروف، وطالما أهلك موافقين فده مؤشر إن الموضوع مناسب بإذن الله،

لكن السؤال هنا، إيه اللي مخليكي حاسة إنك صغيرة؟
يعني اسألي نفسك كده وحاولي حددي السبب؛ يعني هل هو خوف طبيعي؟ ولا عدم فهم كافي لنفسك؟ ولا شعور إنك مش جاهزة تتحملي المسؤولية؟
لأن فهمك لنفسك وهدفك في الحياة هيساعدك جدًا تختاري الشخص المناسب ليكِ بإذن الله،

ولو شايفة إنك مش مستعدة بشكل كافي للزواج، فمهم تستغلي الفترة دي في إنك تتأهلي للزواج بشكل كويس، وبنرشحلك تسمعي دورة الرباط المقدس،
وبالنسبة للأسئلة اللي هتسأليها، فشوفي الملف ده هيفيدك بإذن الله:
https://t.me/Answer_Q/914

الله يسددك ويكتب لكِ الخير ويراضيكِ ويرضى عنك.
🌱

وعليكم السلام ورحمة الله وبركاته
ده شيء عادي جدًا ومش دليل إنه مش مهتم بالزواج،
لأن وارد يكون مفيش بنت مناسبة شايفها حواليه، فمفيش مشكلة لما يطلب من والده وأهله يسألوا معارفهم ويدوروا معاه وهكذا،
فاقعدي معاه الأول وعلى أساس كده حددي.

الله يسددك ويكتب لكِ الخير يا رب العالمين.
🌱

عليكم السلام ورحمة الله وبركاته

طبيعي مش كل الصفات هتلان من اول جلسة والا كانت الناس اتجوزت بعد الرؤية

الخطوبة معمولة عشان نكتشف صفات بعض ونشوف ردود الافعال في كل موقف بيحصل على مدار مدة الخطوبة

لكن الرؤية بيبان فيها تفكير الشخص عامة

وطالما انك مش حاسه بحاجة وحشة او مشوفتيش منه حاجة وحشة ف دا مؤشر كويس كملي وصلي استخارة وربنا هيرشدك للصواب

⚙️

ممكن

⚙️

عليكم السلام ورحمة الله وبركاته

شايف الامور كلها مبشرة اللهم بارك

اما جزئية ان الخطوبة تأثر على دراستك ف دي اللي يحددها انتي
لان في ناس بتتخطب وتتجوز وهي ف بشري عادي وبتقذر تهندل الدنيا
وفي ناس بتبقى محددة موقف انه لا جواز ولا خطوبة غير بعد م تخلص عشان مش هيقدروا يوفقوا بين الكل
واما لو قصدك بالسنة ونص دي لحد م تخلصي ف دول اللي هم سنتين الامتياز ودول مفيش اي مشاكل فيهم ف الجواز حتى

⚙️

وعليكم السلام ورحمة الله وبركاته
أسأل الله أن يُقدِّر لكِ الخير حيث كان ويرضيكِ به، وأن يرزقكِ الزوج الصالح الذي تقر به عينك وتسكن إليه نفسك.
شوفي ردنا هنا:
https://t.me/Answer_Q/1014

ومسألة الخطوبة اللي اتفركشت؛ لازم تتعاملي مع اللي حصل إنه قدر محتوم، والخير فيما اختاره الله لنا، ولعل في فسخ الخطوبة خير لك، كون هذا الشخص غير مناسب وليس من نصيبك،

ومتخليش التجربة دي تضغطك أو تخليك تستعجلي وأنتِ بتختاري فيما بعد بدافع الاحتياج أو الخوف من التأخير؛ لكن خليها مرحلة تتعلمي منها في الاختيار بعدين ورتبي أولوياتك ومعايير اختيارك، وأبشري.
🌱

ربنا يرزقك النجاح والزواج يارب

للاسف هندسة مش حاسبات بس تقدري تسألي ف جروب " التراس حاسبات ومعلومات " على الفيس فيه ناس كتير اوي تقدر تساعد ان شاء الله
وكان في على ايامي منظمات كدا بنقدم عليها ناخد fund للمشروع بس مش فاكر بصراحه اسمائهم


وممكن تبحثي عن شركات كبيرة ف المجال اللي هتعملي مشروعك فيه وتبعتيلهم الفكرة وانك محتاجه دعم بكذا

دا لو مشروعك طبعا حاجة مبتكرة وجديدة مش ويبسايت مكتبة كتب زي نص الشعب م بيعملها 😂

واما بالنسبة للدكاترة ف اختاري اللي تجيبي اعلى تقدير معاه
بجد لان ملهاش لزمة خالص
نص الدكاترة مش بتساعد اصلا
يعني احنا ف مشروعنا اخترنا الدكتور الشاطر مع انه صعب ف تقديراته
بس مساعدناش باي حاجة وكان بيقعد يتقمص ويسيبنا ف نص المشروع

⚙️