عليكم السلام ورحمة الله وبركاته

الاختلاف حصل بسبب التعصب للاشخاص والتعصب للاراء لدرجة تكفير المخالف حتى لو كان شخص صالح لكن يخالفك الرأي في مسألة واحدة

والمداخلة هم نسبة الى الشيخ ربيع المدخلي ومنهجهم يتبنى طاعة ولي الامر وعدم الخروج عليه مطلقا وليهم اراءهم في دا وغيره من المسائل يعني
ولكن المشكلة تبدأ في تحريف وتضليل غيرهم من المشايخ لمجرد الاختلاف بس

وانا شخصياً اتذكر موقف لما كنت صغير كنت شغال مع واحد شيخ في احد محلات الكتب الدينية وكانت سمته انه راجل صالح وبيبيع الكتب الدينية وحرفيا كان بالنسبالي ذهول ان في كمية الكتب دي اصلا ف الدين وان في حد عارف كل دا ف كنت بثق ف رأيه
لحد ما كان بيكلمني عن بعض الشيوخ ف انا كنت تربيت على سماعهم اصلا ف كنت بشكر فيهم
ف كان يقولي فلان دا ضال وفلان دا مبتدع وفلان دا ىبيحث على الخروج على الحاكم وقال النبي ﷺ كذا
والشيخ المدخلي بيقول كذا والشيخ رسلان بيقول كذا وكان بيفرجني فيديوهات ليهم
ولكن لما شوفت فيديوهات الشيخ رسلان حسيت باشمئزاز من طريقة كلامه على الشيوخ
ىان المفروض لحوم العلماء مسمومة هو ازاي يقول كدا
ف يقولي اصل دا علم ولازم يرد على الناس دي والجرح والتعديل ومش عارف ايه

ف نفرت منه بسبب طريقتهم وبدلا من انه كان بيحاول يقنع حد برأيه عمل العكس

المهم دي قصة طويلة يعني عشان التوضيح وذكرتها من مناسبه الكلام يعني


دلوقتي انتي تعملي ايه بقا !
النبي ﷺ امرنا باتباع سنته
" تركت فيكم ما إن تمسكتم به لن تضلوا بعده كتاب الله "
ف الانسان يرد الكلام الى كتاب الله وسنة نبيه ولو لقاه مش متوافق معاه يتركه

والكل يؤخذ منه ويُرد

والواحد طالما معندوش العلم الكافي لا يقحم نفسه في فتن ممكن يدخلها فتهلكه

⚙️

قال الله تعالي " إِنَّا جَعَلْنَا مَا عَلَى الْأَرْضِ زِينَةً لَّهَا لِنَبْلُوَهُمْ أَيُّهُمْ أَحْسَنُ عَمَلًا(٧) " الكهف
ربنا بيدينا رسالة هنا ، ان الدنيا دار فانية مُزينه بزينه زائله ، ان الدنيا بكل جمالها ورفاهيتها وزينتها ما هي الا اختبار ، دي فتنه من ربنا عشان يشوف مين اللي يصبر ويتقي الله ومين اللي ينجرف وراء المُلهيات والشهوات ، يعني متغركوش الدنيا بكل اللي فيها دا ، دي دار فناء ، متخلوهاش تلهيكوا عن الجمال والرفاهيه الابدية في جنة النعيم ، كل اللي انتوا منبهرين بيه دا هيزول وهيبقي خراب. ربنا قال في الاية اللي بعديها "وَإِنَّا لَجَاعِلُونَ مَا عَلَيْهَا صَعِيدًا جُرُزًا(٨) " الكهف
يعني كل شيء هيهلك ، العمارات والسيارات والقصور والاملاك ، كله دا هيفني ، مش هتطلع منها غير بعملك الصالح بس.
النبي صلي الله عليه وسلم قال " إن الدنيا خضرة حلوة ، وإن الله مستخلفكم فيها فناظر ماذا تعملون ، فاتقوا الدنيا ، واتقوا النساء ، فإن اول فتنة بني اسرائيل كانت في النساء " .
افتكر دايما ان الدنيا دار اختبار لا دار قرار

⚙️

أيوا القناة هنا عامة، أي شيء فيها قابل للنشر عادي

حتى استقبال الأسئلة فهو متاح للجميع بفضل الله

" إنسان "

عليكم السلام ورحمة الله وبركاته

مفيش واحد هيطلق واحدة بعد 15 يوم عشان عدم التزامها امال كان بيعمل ايه ف الخطوبة.

ف الغالب في سبب هو مش عايز يقول عليه

نصيحتي ان دا ريد فلاج اوي يعني

⚙️

هو في اهم من الدين عشان مندخلوش ف الجواز !

اي شخص بيصنف نفسه تبع حاجة معينه ف الدين لا تقبلي بيه عامة

⚙️

بتسألوا عليهم ف بلدهم او حد يعرفهم
مواضيع الجواز مفيهاش اي احراج

لو ف نفس المحافظة بتبقى الموضوع سهل
الدنيا شبكة ف هتلاقي حد عارف حد من بلده او يعرفهم
ف بتسألوا فلان ابن فلان متقدم وكنا عايزين نعرف عيلتهم عامله ازاي
بتوع مشاكل ولا لا
متدينين ولا لا
ايه الانطباع اللي متاخد عنهم ف منطقتهم لو ف مدينه او ف البلد لو من ارياف
وهكذا بقا

⚙️

عليكم السلام ورحمة الله وبركاته

انا مفهمتش السؤال الاول بصراحه

يعني هم هيتضايقوا منكوا ليه ؟
وليه تشيلوا ذنب مش فاهم

ولكن ع العموم ليكي الحق ف قعدة واتنين وتلاته لحد م تقدري تحسمي قرارك وممكن بعدها ترفضي عادي مفيهاش اي حاجة


تاني حاجة انا عارف ان الموضوع محرج طبعا بس ارجوكوا بصوا وركزوا ف الشخص عادي
دا مش عيب ولا حرام
دا حقك لحد م تحسي انك تمام
النظرات هنا مش عليها ليميت عشان تبصيله مرة ولا مرتين وخلاص
دا هيبقى زوجك لو حصل نصيب ف ادي نفسك فرصة انك تركزي وتبصي عليه وتركزي ف طريقه كلامه وهو بيتكلم وتعبيراته

⚙️

Hey, it’s gonna be alright. Don’t let it get to you
Allah never puts a heart through something it can’t handle as he said ( Allah doesn’t burden a soul beyond what it can bear )
So just hang in there and you’ll be good.

Just make duaa, and ask him to ease your pain and lift this weight off your chest, you’ll see the difference.

And if you feel like talking, you can always come here and talk.

⚙️

كله هيتحل ان شاءالله، المهم متخليش الظروف اللي انت بتمر بيها او مشكلتك دي تأثر عليك كدا.
لان ربنا مش بيحمل حد فوق طاقته
قال الله ( لا يكلف الله نفسا إلا وسعها)
ف اصبر وانت هتبقى تمام ان شاءالله

الجأ لربنا وادعي انه يزيل الهم من عليك وساعتها هتشوف الفرق بين حالك دلوقتي وحالك اللي كنت عليه قبلها

واحنا عاملين المساحة دي عشان نحاول نساعد ف دايما لو حاسس انك محتاج تتكلم وتسأل او تحكي
تقدر تعمل كدا

دا معنى كلامي يعني اللي فوق

⚙️

عليكم السلام ورحمة الله وبركاته

لا مش افورة

مينفعش يكون شخص قاعد ف البيت ويسمع الاذان وميقومش يصلي في المسجد

وكمان هيبقى حافز لاولاده ، ازاي هيعلم ابنه يصلي في المسجد وهو مش بيصلي فيه


⚙️

قال الله عز وجل " قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَّحِيمٌ(٣١) "
آل عمران
ربنا بيبعث لينا رسالة مهمه هنا ، هي ان الحب مش بالكلام ، الحب بالاتباع ، اللي بيدعي محبة الله وهو مش بيتبع كلام النبي صلي الله عليه وسلم دا كاذب.

ربنا بيقولنا اننا لو اتبعنا النبي صلى الله عليه وسلم مش بس يبقا احنا كدا بنحب الله ، لا دا هيحصلنا الاحسن والاعظم وهو ان ربنا هو اللي هيحبنا
انت متخيل يعني ايه ربنا يحبك !!!!
ربنا قال في الحديث القدسي "....فإذا أحببته كنت سمعه الذي يسمع به وبصره الذي يبصر به ويده التي يبطش بها وقدمه التي يمشي بها وإذا سألني لأعطينه وإذا استغفرني لأغفرن له وإذا استعاذني أعذته." يعني ربنا يوفقك في اعمالك واقوالك وسمعك وبصرك.
بس كدا ؟! لا ...
دا ربنا هيغفرلك ذنوبك ، ويستجيب دعواتك.

النبي صلي الله عليه وسلم قال " إن الله تعالى إذا أحب عبدا دعا جبريل، فقال: إني أحب فلانا فأحببه، فيحبه جبريل، ثم ينادي في السماء، فيقول: إن الله يحب فلانا فأحبوه، فيحبه أهل السماء، ثم يوضع له القبول في الأرض..."
يعني اذا اتبعت النبي صلي الله عليه وسلم ربنا هيحبك واذا ربنا احبك ، جميع البشر هيحبوك.

رسول الله ﷺ قال:" كل أمتي يدخل الجنة إلا من أبى! قيل: ومن يأبى يا رسول الله؟! قال: من أطاعني دخل الجنة، ومن عصاني فقد أبى."
قد ايه التكريم والتشريف للي بيتبع اوامر النبي صلى الله عليه وسلم


من أطاعني دخل الجنة ... ومن عصاني فقد أبى

⚙️

هو مين ربط الاسئلة بالجواز بس اصلا
اسألوا عادي عن اي حاجة
مهو كان في راجل محترم بيقول اجيب شاحن اصلي ولا العادي

ف احنا هنا للمساعدة في اي شيء لو نقدر نفيد عامة


والاسئلة تكون عن طريق الفورم بس وبإذن الله هنرد as soon as possible يعني بس لو حاجة نقدر نفيد فيها

⚙️

عليكم السلام ورحمة الله وبركاته

من آفات المجتمع بتاعنا هو التعاطف السريع

ودا للاسف هيخلي ناس كتير تاخد خطوة ف الموضوع دا بسبب الرأي العام المتعاطف

مع ان لو الناس سكتت لكان افضل
ندعو للي مات بالرحمة طالما انه مات على الاسلام وأمره الى الله
لكن منقولش ربنا هيغفرله ولا لا
احنا اصلا الاحاديث اللي عندنا بتقول ان المنتحر هيتعذب
اول حاجة قال الله تعالى ( ولا تقتلوا أنفسكم إن الله كان بكم رحيما ) ف دا نهي مباشر وصريح

دا حتى ربنا نهانا عن ان الانسان يلقي بنفسه ف شيء ممكن يؤدي الى التهلكة
قال الله ( ولا تلقوا بأيديكم إلى التهلكة)

قال الشيخ ابن باز :القاعدة الشرعية ان الاعتبار في النصوص بعموم الالفاظ لا بخصوص الاسباب ، فلا يجوز. للانسان ان يلقي نفسه الى التهلكة كأن يلقي نفسه من شاهق ويقول أتوكل على الله أني أسلم ، او يتناول السم ويقول أتوكل على الله أني أسلم ، او يقتل نفسه بالسلاح ويقول أتوكل على الله أني أسلم ، كل هذا لا يجوز.

وقال رسول الله ﷺ " من خنق نفسه في الدنيا فقتلها خنق نفسه في النار ، ومن طعن نفسه طعنها في النار ، ومن اقتحم فقتل نفسه اقتحم في النار "

هكمل في رسالة تاني

⚙️

ولا شك ان المنتحر يقع تحت رحمة الله ان شاء غفر له وان شاء لم يغفر له

ولكن يجب التحذير الشديد من الفعل وعدم التعاطف على الملأ مع المنتحر عشان ميشجعش غيره من اللي بيفكر في الامر


واما بالنسبة لصاحبتك ف ذكريها بخطورة الانتحار وعاقبته وذكريها بان الله لا يكلف نفساً الا وسعها
وانها تقرب من ربنا وتشكي همها له سبحانه وتعالى وانه قادر ان يفرج كربها وهمها وان يهدي اهلها

واه اديها رقم حد نفسي ممكن يساعدها في الامر

وكمان لو تقدري توصلي لاهلها وتتكلمي معاهم او حد يكلمهم ويحاول يعالج الموضوع

وربنا يعفو عنها ويجازيكي خير


⚙️

عليكم السلام ورحمة الله وبركاته

نتعامل معاه بالتحذير من خطورته ونذكر الناس بدينها وبربنا وانه مهما حصل مينفعش حد ييأس من رحمة ربنا بيه
وندعيلهم بالرحمة وان ربنا يعفو عنهم

لكن التبرير والتعاطف العام هيخلي ناس كتير تاخد الخطوة دي ودا خطر جدا مجتمعيا اصلا
المفروض حتى بعيدا عن الدين ان دا نفسيا غلط على باقي الناس اللي بتعيش حالات مماثلة

⚙️

Red flag 🚩
يعني علامة تحذيرية او علامة ان في شيء غلط خد بالك منه

يعني انتبه دي اشارة لحاجة مش كويسة


⚙️

دا من ضمن اهداف الرؤية الشرعية اصلا انه يبصلها وتبصله ويقتنع ب شكلها وتقتنع بشكله
ايوه لازم المخطوبة تبصله
امال هتوافق عليه ازاي

⚙️

ااه
ايوه برضو فهو احرى أن يؤدم بينكما ولكن الواحد لا يطيل النظر للدرجة اللي تفتنه يعني
النظر العادي يا اخوان انا بكلم حد ف ببصله لكن لا انا مركز معاه وبدقق ف كل تفاصيله ولا انا متجاهله وببص ف ناحية تاني


والله اعلم

⚙️

غشيم !!
لا مش عادي طبعا ، محدش بيسأل بالطريقة دي

صحيح

إذا ساء فعل المرء ساءت ظنونه
وصدّق ما يعتاده من توهم

وعَادى محبيه بقول عداته
فأصبح في ليل من الشك مظلم


⚙️