إحنا قلنا كدا؟

يا أهل الخير اتقوا الله وركزوا، إحنا مقلناش رأينا ولا جاوبنا على سؤالها أصلًا، إحنا جاوبنا على أشياء تانية خالص شايفينها أولى وأنفع ليها.

" إنسان "

بالنسبة لموضوع الأهل، فممكن تشوفي كلامنا هنا

https://t.me/Answer_Q/189

فما أصابك لم يكن ليخطأك، وما أخطأك لم يكن ليصيبك؛ فلو حد سأل وبعد بسبب هذه الأمور، فهو لم يكن نصيبنا من البداية، فحسبك دايمًا أن كل شيء خلقه الله -سبحانه وتعالى- بقدر، ولكل أجل كتاب، وأن الله -عز وجل- بالغ أمره.

ربنا هب لنا من أزواجنا وذرياتنا قرة أعين واجعلنا للمتقين إمامًا

" إنسان "

كتاب السيرة للإمام محمد الغزالي جميل جدًا، وزي ما حضرتك قلت كدا للإمام طريقته الخاصة في تناول الأمور؛ ربنا يرحمه رحمة واسعة، ويجمعنا به في الفردوس الأعلى من الجنة يا رب العالمين.

طيب إحنا هنا في المساق بقى عايزين نلفت نظركم لرؤية الإمام بعد الرحلة الواسعة في السيرة مع دكتور راغب السرجاني، وفي نفس الوقت بنبدأ نرفع معاكم المستوى شوية في الكميات، وكمان بتمر على مواقف أنت عارف معظمها إن لم يكن كلها.

ومع كل دا فإحنا عايزينك بس تقرأ الكتاب، مش هتلاقي عليه أسئلة في التقييمات غير سؤال واحد بعد لما تخلص الكتاب كله، فأنت مش بتقرأ الكتابة بالورقة والقلم، لأ أنت بس بتقرأه كدا سردًا.

فالمعالة بسيطة خالص

" إنسان "

المفروض ان الراجل طالما هو مش رافض ف بيبقى مستني رد اهل البنت بالقبول خلال اسبوع ولو هم مردوش بيبدأ يتصل يشوف اخروا ليه

لكن لو هو معندوش قبول ف بيبادر بانه يخبرهم انه مرتاحش بسرعه عشان هتبقى وحشة لما هم اللي يردوا ويقولوا تمام فيروح يقولهم انا مش
تمام

⚙️

عليكم السلام ورحمة الله وبركاته

حاجات بتحصل كتير عادي والجوازات بتمشي

مش مهم هو مسافر او لا المهم ان يكون في فرصة للكلام بينكم وهو مسافر بالقدر اللي يخليكوا تفهموا بعض

والجواز في محافظة تاني مفيهاش مشاكل عادي ف الطبيعي

⚙️

لا شك طبعًا إنها بتمر بتوفيق الله عز وجل، فاحنا بناخد بالأسباب ونسعى ونعمل اللي علينا، لكن منشيلش همّ النتيجة هتيجي ازاي، وكوني على يقين أن أمر المؤمن كله خير والله عز وجل قال "إنا لا نضيع أجر من أحسن عملًا"

فلا بأس عليك فيما مضى،
جدّدي النوايا وسدّدي وقاربي، واسألي الله التّوفيق والسّداد والعون، ولا تجعلي الحسابات المنطقية تضيق عليك واسع دعائك، فمن أسماء الله عز وجل "الشكور" الذي يعطي الكثير من الأجر على القليل من العمل؛ فاصدقي الله يصدقك، وابدئي من دلوقت وبلاش ننتظر الظروف المثالية عشان نبدأ.

والمسلم في أي وقت إذا استدرك فهو يستدرك عند كريم - زي ما قال المهندس أيمن فك الله كربه-، والله عز وجل لو رأى منك خيرًا أعانكِ ويسر لكِ، ونحن مسلمون نُعوِّل على البركة لا على الوقت، والأوراد التعبدية خير معين على طرح البركة في الوقت، فأكثري من الحوقلة والصلاة على النبي ﷺ، وقراءة قرآن؛ فما زاحم القرآن شيئًا إلا باركه.

وابعدي عن السوشيال ميديا، الدنيا مش هتطير، واركني الأمور اللي مش مهمة أوي دلوقت؛ أنتِ حاليًّا مطالبة بعبادة الوقت وهي المذاكرة.

ومتنسيش؛ أنتِ لو أخلصت النية فـمذاكرتك عبادة،
إنك تفرحي أهلك وأحبابك بنجاحك عبادة،
إنك تشغلي وقتك بالنفع بدل ما نفسك تشغلك بالباطل عبادة؛ ف نجدد النوايا دايمًا في المذاكرة بأن نرفع شأن الإسلام، وأن يكون لنا أثراً حسناً، وأن ننفع المسلمين والمسلمات.

أسأل الله لكِ البركة في الوقت والجهد والتوفيق والسداد وأن يكرمك من واسع فضله.
🌱

وعليكم السلام ورحمة الله وبركاته
استفتي شيخ ثقة

أسأل الله أن يُقدِّر لكِ الخير حيث كان ويرضيكِ به، وأن يرزقكِ الزوج الصالح الذي تقر به عينك وتسكن إليه نفسك.

يجوز أن تسألي الله تعالى أن يرزقك الخير، وأن تقولي: (يا رب إن كان في فلانٍ هذا خير فاجعله من نصيبي، واجعلني من نصيبه)، لكن احنا كده بنزود التعلق بالشخص ده أكتر مش بنقلله، فالأفضل من ذلك أن تلجئي إلى الله سبحانه وتعالى في أن يختار لكِ الخير ويقدره لكِ حيث كان، ولا تخصي في دعائكِ الزواج بهذا الشخص بعينه؛ لأنك مش عارفة هل هو الخير أم لا، وكثيرًا ما يتمنى الانسان شيء ويكون فيه هلاكه وكثيرًا ما يدعو الانسان بشيء والحكيم سبحانه وتعالى يبدله خيرًا مما تمنى وبما فيه صلاحه، والله تعالى قد أدبنا في القرآن فقال: ﴿وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ﴾.

وكمان احنا إزاي في دعاء الاستخارة بنقول "وإن كان شراً فاصرفه عني واصرفني عنه" وبعدين ندعي بحاجة إحنا أصلاً بنطلب من ربنا يبعدها عنا؟
ف طلب إن ربنا يجعل شيء معين ممكن يكون شر إنها تبقى خير ويحققها لنا بالشكل اللي إحنا عايزينه، ده مخالف لمعنى الاستخارة، وده شكل من أشكال التعدي في الدعاء، وكده الدعاء بيخرج من معناه الحقيقي وهو الذل والافتقار وتفويض الأمر لله عز وجل والرضا بقضائه.

فمهم جدًا تقطعي أسباب التعلق من دلوقت وانسيه وماتفكريش فى أمره وركزى فى حياتك واستغفري الله وغضّي بصرك واحفظي نفسك وقلبك من أي شيء لا يرضي الله عز وجل، واعلمي أن ما عند اللَّه لا ينال إلا بطاعته
🌱

أسأل الله أن يرزقك زوجًا صالحًا تقيًا يا رب العالمين،

اقرأي الرد هنا
https://t.me/Answer_Q/511

🌱

استفتي شيخ ثقة.

مفيش مشكلة أبدًا إن الإنسان يحتاط لدينه وياخد بالأحوط وهو أفضل، ولكن لا يتكلم في الدين بغير علم، ولا ينكر على الآخرين أفعالهم طالما أنهم يتبعون أناس ثقات.

وبوصلتك دايمًا هنا قول النبي -صلى الله عليه وسلم- لسيدنا وابصة: "يا وابصة، استفت قلبك؛ البر ما أطمأنت إليه النفس واطمان إليه القلب، والإثم ما حاك في القلب وتردد في الصدر، وإن أفتاك الناس وأفتوك."

التشدد يكون عند تعصبك لرأيك، ورفضك لآراء الثقات

" إنسان "

عليكم السلام ورحمة الله وبركاته

الاختلاف حصل بسبب التعصب للاشخاص والتعصب للاراء لدرجة تكفير المخالف حتى لو كان شخص صالح لكن يخالفك الرأي في مسألة واحدة

والمداخلة هم نسبة الى الشيخ ربيع المدخلي ومنهجهم يتبنى طاعة ولي الامر وعدم الخروج عليه مطلقا وليهم اراءهم في دا وغيره من المسائل يعني
ولكن المشكلة تبدأ في تحريف وتضليل غيرهم من المشايخ لمجرد الاختلاف بس

وانا شخصياً اتذكر موقف لما كنت صغير كنت شغال مع واحد شيخ في احد محلات الكتب الدينية وكانت سمته انه راجل صالح وبيبيع الكتب الدينية وحرفيا كان بالنسبالي ذهول ان في كمية الكتب دي اصلا ف الدين وان في حد عارف كل دا ف كنت بثق ف رأيه
لحد ما كان بيكلمني عن بعض الشيوخ ف انا كنت تربيت على سماعهم اصلا ف كنت بشكر فيهم
ف كان يقولي فلان دا ضال وفلان دا مبتدع وفلان دا ىبيحث على الخروج على الحاكم وقال النبي ﷺ كذا
والشيخ المدخلي بيقول كذا والشيخ رسلان بيقول كذا وكان بيفرجني فيديوهات ليهم
ولكن لما شوفت فيديوهات الشيخ رسلان حسيت باشمئزاز من طريقة كلامه على الشيوخ
ىان المفروض لحوم العلماء مسمومة هو ازاي يقول كدا
ف يقولي اصل دا علم ولازم يرد على الناس دي والجرح والتعديل ومش عارف ايه

ف نفرت منه بسبب طريقتهم وبدلا من انه كان بيحاول يقنع حد برأيه عمل العكس

المهم دي قصة طويلة يعني عشان التوضيح وذكرتها من مناسبه الكلام يعني


دلوقتي انتي تعملي ايه بقا !
النبي ﷺ امرنا باتباع سنته
" تركت فيكم ما إن تمسكتم به لن تضلوا بعده كتاب الله "
ف الانسان يرد الكلام الى كتاب الله وسنة نبيه ولو لقاه مش متوافق معاه يتركه

والكل يؤخذ منه ويُرد

والواحد طالما معندوش العلم الكافي لا يقحم نفسه في فتن ممكن يدخلها فتهلكه

⚙️

قال الله تعالي " إِنَّا جَعَلْنَا مَا عَلَى الْأَرْضِ زِينَةً لَّهَا لِنَبْلُوَهُمْ أَيُّهُمْ أَحْسَنُ عَمَلًا(٧) " الكهف
ربنا بيدينا رسالة هنا ، ان الدنيا دار فانية مُزينه بزينه زائله ، ان الدنيا بكل جمالها ورفاهيتها وزينتها ما هي الا اختبار ، دي فتنه من ربنا عشان يشوف مين اللي يصبر ويتقي الله ومين اللي ينجرف وراء المُلهيات والشهوات ، يعني متغركوش الدنيا بكل اللي فيها دا ، دي دار فناء ، متخلوهاش تلهيكوا عن الجمال والرفاهيه الابدية في جنة النعيم ، كل اللي انتوا منبهرين بيه دا هيزول وهيبقي خراب. ربنا قال في الاية اللي بعديها "وَإِنَّا لَجَاعِلُونَ مَا عَلَيْهَا صَعِيدًا جُرُزًا(٨) " الكهف
يعني كل شيء هيهلك ، العمارات والسيارات والقصور والاملاك ، كله دا هيفني ، مش هتطلع منها غير بعملك الصالح بس.
النبي صلي الله عليه وسلم قال " إن الدنيا خضرة حلوة ، وإن الله مستخلفكم فيها فناظر ماذا تعملون ، فاتقوا الدنيا ، واتقوا النساء ، فإن اول فتنة بني اسرائيل كانت في النساء " .
افتكر دايما ان الدنيا دار اختبار لا دار قرار

⚙️

أيوا القناة هنا عامة، أي شيء فيها قابل للنشر عادي

حتى استقبال الأسئلة فهو متاح للجميع بفضل الله

" إنسان "

عليكم السلام ورحمة الله وبركاته

مفيش واحد هيطلق واحدة بعد 15 يوم عشان عدم التزامها امال كان بيعمل ايه ف الخطوبة.

ف الغالب في سبب هو مش عايز يقول عليه

نصيحتي ان دا ريد فلاج اوي يعني

⚙️

هو في اهم من الدين عشان مندخلوش ف الجواز !

اي شخص بيصنف نفسه تبع حاجة معينه ف الدين لا تقبلي بيه عامة

⚙️