عليكم السلام ورحمة الله وبركاته

جزاكم الله خيرا
⚙️

قال الله تعالي " وَإِذَا مَسَّ الْإِنسَانَ الضُّرُّ دَعَانَا لِجَنبِهِ أَوْ قَاعِدًا أَوْ قَائِمًا فَلَمَّا كَشَفْنَا عَنْهُ ضُرَّهُ مَرَّ كَأَن لَّمْ يَدْعُنَا إِلَى ضُرٍّ مَّسَّهُ كَذَلِكَ زُيِّنَ لِلْمُسْرِفِينَ مَا كَانُوا يَعْمَلُونَ(١٢) "يونس
ربنا بيبعث لينا رسالة هنا بيكشفلنا فينا حقيقتنا ، ان الانسان مش بيلجأ لربنا غير لما يقع ف كرب ، وميبقاش لاقي حل ليهه بامور الدنيا ، يبدأ بقا يفتكر ربنا ويدعيه يكشف عنه اللي هو فيه ، ف ربنا يستجيب له ، لكن للاسف بدل م نشكر ربنا بننسي خلاص

وكذلك ربنا بيقول "...حَتَّى إِذَا كُنتُمْ فِي الْفُلْكِ وَجَرَيْنَ بِهِم بِرِيحٍ طَيِّبَةٍ وَفَرِحُوا بِهَا جَاءَتْهَا رِيحٌ عَاصِفٌ وَجَاءَهُمُ الْمَوْجُ مِن كُلِّ مَكَانٍ وَظَنُّوا أَنَّهُمْ أُحِيطَ بِهِمْ دَعَوُا اللَّهَ مُخْلِصِينَ لَهُ الدِّينَ لَئِنْ أَنجَيْتَنَا مِنْ هَذِهِ لَنَكُونَنَّ مِنَ الشَّاكِرِينَ(٢٢) فَلَمَّا أَنجَاهُمْ إِذَا هُمْ يَبْغُونَ فِي الْأَرْضِ بِغَيْرِ الْحَقِّ يَا أَيُّهَا النَّاسُ إِنَّمَا بَغْيُكُمْ عَلَى أَنفُسِكُم مَّتَاعَ الْحَيَاةِ الدُّنْيَا ثُمَّ إِلَيْنَا مَرْجِعُكُمْ فَنُنَبِّئُكُم بِمَا كُنتُمْ تَعْمَلُونَ(٢٣) " يونس

لما الانسان بيزول عنه الكرب ، بيبغي في الارض ، فيا تري هل هنستغفر ربنا ونحمده بعد م يزول عنا البلاء والوباء ولا كل حاجه هترجع تاني والمسلسلات والافلام والاغاني ومبارزة الله بالمعاصي هترجع تاني " فإذا هم يبغون في الارض " ، ربنا بيقول انما بغيكم علي انفسكم يعني محدش هيتضر غيركم ، ربنا بيقولنا اننا هنقف قدامه وهنلاقي كل حاجه عملناها سواء خير او شر.

فمن وجد خيراً فليحمد الله ... ومن وجد غير ذلك فلا يلومن إلا نفسه.

⚙️

وما منع الناس أن يؤمنوا إذ جاءهم الهدى ويستغفروا ربهم؟

لا تكذبي ولا تجاوبي
توهيه ف الاجابة لتستري نفسك فالستر اولى وطالما انك تائبة منه

كما ورد عن الصحابي عمران بن حصين رضي الله عنه " إن في المعاريض لمندوحة عن الكذب "

والمعاريض معناها التورية

و ممكن تقوليله مثلا يعني
انت تصدق اني ممكن اعمل ذنب زي كدا !
او انت ازاي تشك اني ممكن اعمل حاجة زي كدا
ونحو هذا الكلام يعني

لكن لا تهتكي ستر الله عليكي طالما انك توبتي من الذنب

⚙️

عليكم السلام ورحمة الله وبركاته

يأثر عليكي ف الدراسة ازاي

انتوا اول حاجة هتتكلموا فيها اصلا موضوع شغلك وتشوفي هو رأيه ايه منه
طالما انتي عايزه تشتغلي يعني

مينفعش الرؤية تعدي وانتوا متكلمتوش ف الشغل او الكارير عامة ي جماعة
عشان اللي اوله شرط اخره نور ف كل واحد يكون على بينه
وعشان دا موضوع عليه خلافات كتير بين الناس كل واحد وحسب دماغه ف خدي اللي مناسب مع تفكيرك وانت خد اللي تريحك

⚙️

كتير

وانا شايف ان حتى لو الفرق مش كبير برضو كل واحد يروح ف طريق احسن عشان كل واحد مش هيبقى عنده ثقه ف التاني ف الغالب يعني

مش قاعدة بس النسبة الاكبر كدا

⚙️

طيب هو بما إن السؤال دا متكرر، فخلينا نقول إنه من الأسئلة التي نقف عندها، ولا نجد لها إجابة، حتى إحنا لما بنسأل بعض امتى كانت اللحظة الفارقة، ايه أكتر حاجة أثرت فينا فمش بنعرف برد على بعض، فمش بنلاقي إجابة غير إنه محض فضل وكرم وتوفيق من ربنا سبحانه وتعالى.

والأمر مش مقتصر على التعليم أو متابعة حد بعينه، وإلا فطلاب وطالبات العلم كتير جدًا بفضل الله -سبحانه وتعالى- وكرمه، ولكن قليل جدًا منهم فعلًا مَن ينتفع بما يتعلم؛ وهنا قال رسول الله -صلى الله عليه وسلم- في حديث سيدنا أبو موسى الأشعري: "مثل ما بعثني الله به من الهدى والعلم كمثل الغيث الكثير أصاب أرضًا: فكان منها نقية قبلت الماء، فأنبتت الكلأ والعشب الكثير. وكانت منها أجادب أمسكت الماء، فنفع الله بها الناس فشربوا، وسقوا، وزرعوا. وأصابت منها طائفة أخرى إنما هي قيعان لا تمسك ماء ولا تنبت كلًا، فذلك مثل من فقه في دين الله ونفعه ما بعثني الله به فعلم وعلّم، ومثل من لم يرفع بذلك رأسًا ولم يقبل هدى الله الذي أرسلت به".

فالمشكلة دايمًا مش في التعليم، المشكلة في طريقة التعليم، وإلا فإحنا دايمًا بننصح بتعلم آداب العلم، والتعليم بشكل منهجي، ولفترة طويلة.

" إنسان "

لما بنحط كدا شوية صفات إحنا محتاجينها في الطرف التاني، بيكون منها صفات مينفعش نتنازل عنها زي الدين والأخلاق والمسئولية وشوية حاجات كدا حسب احتياج كل واحد مننا، وكذلك بيكون منها صفات قابلة للتنازل حسب الحالة وحسب تواجد مجموع الصفات التي نحتاجها فيه، ومن الصفات التي يمكن التنازل عنها فرق السن طالما باقي الأمور تمام.

____

وعلى فكرة التصنيف دا مهم جدًا، لازم نحدد إحنا عايزين ايه ومينفعش نتنازل عنه، وايه ممكن نتنازل عنه في مقابل الأشياء الأخرى.

" إنسان "

للأسف لأ

بإذن الله الدفعة العاشرة هتفتح خلال شهر وأسبوع بالكتير بإذن الله

" إنسان "

هو انا مكنتش متعصب بجد
انا بشرح بس 😅

حلو…ف الغالب اللي رايح هيبقى عارف نظام شغل الاطباء ولكن وانتوا بتتناقشوا برضو ف لازم تخلي جزء تشرحيله فيه نظام شغلك انتي شخصيا على وجه الخصوص هيبقى ازاي

يعني هتاخدي نيابة ولا لا والنيابة هتبقى اكاديمي ولا كلينيكال
طيب ناوية على كلينيكال تخصص كذا والتخصص دا بتبقى نبطشياته نظامها كذا
لان كل تخصص غير التاني

طيب لا انا هاخد صحة
بس هاخدها ف وحدة صحية
طيب لا هاخدها ف مستشفى تعليمي ودا بيبقى نظامه كذا


ف الموضوع مش بيبقى انا هشتغل طيب تمام او لا مش مناسب وشكرا
بيبقى في نقاش

⚙️

من أعظم المبادئ التي نتعلمها في المساق، وبناخدها من البشمهندس أيمن عبدالرحيم -فك الله كربه-: أننا نريد زواج صحيح لا رائع، فهو أنت ليه بتقولي إنه عنده الأساسيات وكأنها شيء عادي؟ "ما تقرب إلي عبدي بشيء أحب إلي مما افترضتُ عليه"، ورد النبي -صلى الله عليه وسلم- على أعرابي الذي قال أنه لن يفعل سوى أركان الإسلام "أفلح إن صدق"، فإحنا ليه نهون من الأساسيات ونقلل من شأنها؟

ثم وإن كان يخشى الكلام في السياسة لخوف أو ما إلى ذلك، فقد رخص النبي -صلى الله عليه وسلم- لعمار أن يذمه ويمدح هُبل، فليه منراعيش خوف الناس بأدب؟
وإلا فهو بالفعل خير من كثييييير ممن يتكلمون في السياسة بغير علم، وبالمناسبة الشجاعة في غير محلها وبدون داعي قلة وعي وحكمة.

أنت عندك مشكلة في التقييم، ووضع الأمور في نصابها الصحيح.

" إنسان "

متتجوزش قبل ما تشيل مسئولية بيتهم بالكلية سنة كاملة، وخلال السنة دي تتنازل عن كل شيء عي شايفة إنه رفاهية يمكن التنازل عنها

" إنسان "

مش إحنا متفقين إننا مش بناخد قرارات عنكم؟ :'D

المفروض البنت تكون عارفة كل تفاصيل أحكام النقاب علشان تقدر ترد على أي مشكلة تقابلها من هذا القبيل، ولكن عامة هنا المفروض نخلي بالنا من شوية أمور كدا في الرجل (قلة الحكمة، التشدد، التعالم وإدعاء العلم، المرجعية الدينية الواهية).

أما مسألة لسه بدري ولا لأ، فهو بالفعل ملهوش الحق لسه في الكلام في مثل هذه الأمور، ولكن إحنا بنتعلم مع بعض إن من أهم مبادئ الزواج أنه لا يؤخذ من كتب الفقه، وإننا مش بنمشي الأمور بحقس وحقك، ولكن بنمشيها من باب أوسع اسمه المودة والرحمة، ومش بنروح لحقي وحقك دا غير عند استحالة العلاقة ومحتاجينها تمشي لأي سبب.

" إنسان "

ما هو علشان مش معناها إننا لازم نظهر ونتعامل مع الشباب، إحنا بنقول نحط نفسنا في البيئة، والبيئة دي مع البنات عادي وممكن بعد كدا البنت دي ترشحك لأقاربها وما إلى ذلك :')

حرروا المعلومات يا جماعة، وخلوا في شوية مرونة في التعامل معاها :')

" إنسان "

أيوا بنسبة كبيرة جدًا؛ أصل على فكرة هو أصلًا حسن التعامل بين الزوجين هو عبارة عن شخصين بيعرفوا يتعاملوا كويس مع الناس، وكثرة لفراق والطلاق معناه إننا كمجتمع مش عارفين نتعامل مع بعض.

فأيوا حسن التعامل مع الأهل مؤشر ممتاز كحسن تعامل مع الزوجة والأولاد، ولكن العكس غير صحيح؛ يعني لو الأمور متوترة في العيلة، فمش معناه توتر وسوء تعامل مع الزوج والأولاد بعد كدا؛ لأن هنا المعطيات اختلفت.

" إنسان "

إحنا قلنا كدا؟

يا أهل الخير اتقوا الله وركزوا، إحنا مقلناش رأينا ولا جاوبنا على سؤالها أصلًا، إحنا جاوبنا على أشياء تانية خالص شايفينها أولى وأنفع ليها.

" إنسان "

بالنسبة لموضوع الأهل، فممكن تشوفي كلامنا هنا

https://t.me/Answer_Q/189

فما أصابك لم يكن ليخطأك، وما أخطأك لم يكن ليصيبك؛ فلو حد سأل وبعد بسبب هذه الأمور، فهو لم يكن نصيبنا من البداية، فحسبك دايمًا أن كل شيء خلقه الله -سبحانه وتعالى- بقدر، ولكل أجل كتاب، وأن الله -عز وجل- بالغ أمره.

ربنا هب لنا من أزواجنا وذرياتنا قرة أعين واجعلنا للمتقين إمامًا

" إنسان "

كتاب السيرة للإمام محمد الغزالي جميل جدًا، وزي ما حضرتك قلت كدا للإمام طريقته الخاصة في تناول الأمور؛ ربنا يرحمه رحمة واسعة، ويجمعنا به في الفردوس الأعلى من الجنة يا رب العالمين.

طيب إحنا هنا في المساق بقى عايزين نلفت نظركم لرؤية الإمام بعد الرحلة الواسعة في السيرة مع دكتور راغب السرجاني، وفي نفس الوقت بنبدأ نرفع معاكم المستوى شوية في الكميات، وكمان بتمر على مواقف أنت عارف معظمها إن لم يكن كلها.

ومع كل دا فإحنا عايزينك بس تقرأ الكتاب، مش هتلاقي عليه أسئلة في التقييمات غير سؤال واحد بعد لما تخلص الكتاب كله، فأنت مش بتقرأ الكتابة بالورقة والقلم، لأ أنت بس بتقرأه كدا سردًا.

فالمعالة بسيطة خالص

" إنسان "

المفروض ان الراجل طالما هو مش رافض ف بيبقى مستني رد اهل البنت بالقبول خلال اسبوع ولو هم مردوش بيبدأ يتصل يشوف اخروا ليه

لكن لو هو معندوش قبول ف بيبادر بانه يخبرهم انه مرتاحش بسرعه عشان هتبقى وحشة لما هم اللي يردوا ويقولوا تمام فيروح يقولهم انا مش
تمام

⚙️

عليكم السلام ورحمة الله وبركاته

حاجات بتحصل كتير عادي والجوازات بتمشي

مش مهم هو مسافر او لا المهم ان يكون في فرصة للكلام بينكم وهو مسافر بالقدر اللي يخليكوا تفهموا بعض

والجواز في محافظة تاني مفيهاش مشاكل عادي ف الطبيعي

⚙️