كنت دايما لما بشوف الغرب والمال اللي عندهم والجمال ، طب ازاي يبقوا كدا وهم اصلا كفار ، ليه ربنا بينعم عليهم بالمال والجمال !!

بس لما قريت قول الله " أَيَحْسَبُونَ أَنَّمَا نُمِدُّهُم بِهِ مِن مَّالٍ وَبَنِينَ(٥٥) نُسَارِعُ لَهُمْ فِي الْخَيْرَاتِ بَل لَّا يَشْعُرُونَ(٥٦) " المؤمنون
عرفت اني كنت فاهم الموضوع غلط خالص.

ربنا بيبعث لينا رسالة هنا ف الآيات عشان منفتكرش ان ربنا كدا بيفضلهم علينا ، ولا هم كدا احسن مننا.

الآيات هنا معناها ان ( هل هم فاكريين ان ربنا بيرزقهم بذريه ومال وجمال وكل دا عشان معزتهم عليه وافضليتهم عند ربنا ؟! ولا يبقي كدا ربنا راضي عليهم وبيزيدهم من الخير ؟! كلا...الامر مش زي م هم فاكرين ابدا وعشان كدا ربنا قال "وهم لا يشعرون" يعني هم مش عارفين حاجه.)
دا استدراج من ربنا ، وان ربنا بيديهم دا لان هو دا اللي هم عايزينه ، هم بيعملوا الخير عشان ياخدوا فلوس ، عشان يبقوا مشهورين ، عشان يبقوا محبوبين ، لكن مش عشان ربنا ، فربنا بيديهم اللي هم عايزينه ف الدنيا.

افتكر دايما قول النبي صلي الله عليه وسلم لعمر بن الخطاب رضي الله عنه

" أما ترضي أن تكون لهم الدنيا ولنا الأخرة "

⚙️

عليكم السلام ورحمة الله وبركاته

شبههم ف اسلوبهم ازاي

دا ذم ولا ايه😂


⚙️

عليكم السلام ورحمة الله وبركاته

قال الله تعالى (والذين جاهدوا فينا لنهدينهم سبلنا)

وقال رسول الله ﷺ "إن الله كتب الحسنات والسيئات ثم بيّن ذلك، فمن هَم بحسنة فلم يعملها كتبها الله له عنده حسنة كاملة، فإذن هو هَم بها فعملها كتبها الله له عنده عشر حسنات، إلى سبع مائة ضعف ، إلى اضعاف كثيرة ، ومن هَم بسيئة فلم يعملها كتبها الله له عنده حسنة كاملة ، فإن هو هَم بها فعملها كتبها الله له سيئة واحدة"

المقصود هنا ب لم يعملها ان اللي منعه من فعلها هو خوفه من الله

لكن اللي منعه سبب تاني زي خاف من الناس او مات زي حديث اذا التقى المسلمان بسيفيهما فالقاتل والمقتول في النار فقيل يا رسول البه هذا القاتل، فما بال المقتول ؟
قال: إنه كان حريصا على قتل صاحبه.

وكذلك حديث الاربعة نفر اللي اتاه الله العلم والمال واللي اتاه الله العلم ولم يؤته المال واللي اتاه الله المال ولم يؤته العلم واللي لم يؤته الله العلم ولا المال. الى اخره

الشاهد ان اللي لم يؤته الله المال ولا العلم بيقول لو كان لي مثل هذا عملت فيه مثل الذي يعمل (يقصد الرجل اللي اتاه الله المال ولم يؤته العلم فانفق ماله في غير حقه) قال رسول الله فهما في الوزر سواء

⚙️

جزاكم الله خيرا

⚙️

مقدرش احكم على الموضوع صح ولا غلط لان الامر مرتبط بالعرف والعادات اكتر
ف لو الموضوع دا مش معتاد عندكم قوليلها لا


⚙️

عليكم السلام ورحمة الله وبركاته

ايوه المنتقبة لا يراها الا الخاطب بس

الرجالة تقعد كلها يتكلموا ويتعرفوا وبعدين حد ياخد عمه ويطلع برا وانتي تدخلي تقعدي معاه
لحد م تخلصي ولو حد عايز يدخل تلبسي النقاب تاني ويدخل

⚙️

عليكم السلام ورحمة الله وبركاته
الرؤية الشرعية فقط

⚙️

عليكم السلام ورحمة الله وبركاته

جزاكم الله خيرا
⚙️

قال الله تعالي " وَإِذَا مَسَّ الْإِنسَانَ الضُّرُّ دَعَانَا لِجَنبِهِ أَوْ قَاعِدًا أَوْ قَائِمًا فَلَمَّا كَشَفْنَا عَنْهُ ضُرَّهُ مَرَّ كَأَن لَّمْ يَدْعُنَا إِلَى ضُرٍّ مَّسَّهُ كَذَلِكَ زُيِّنَ لِلْمُسْرِفِينَ مَا كَانُوا يَعْمَلُونَ(١٢) "يونس
ربنا بيبعث لينا رسالة هنا بيكشفلنا فينا حقيقتنا ، ان الانسان مش بيلجأ لربنا غير لما يقع ف كرب ، وميبقاش لاقي حل ليهه بامور الدنيا ، يبدأ بقا يفتكر ربنا ويدعيه يكشف عنه اللي هو فيه ، ف ربنا يستجيب له ، لكن للاسف بدل م نشكر ربنا بننسي خلاص

وكذلك ربنا بيقول "...حَتَّى إِذَا كُنتُمْ فِي الْفُلْكِ وَجَرَيْنَ بِهِم بِرِيحٍ طَيِّبَةٍ وَفَرِحُوا بِهَا جَاءَتْهَا رِيحٌ عَاصِفٌ وَجَاءَهُمُ الْمَوْجُ مِن كُلِّ مَكَانٍ وَظَنُّوا أَنَّهُمْ أُحِيطَ بِهِمْ دَعَوُا اللَّهَ مُخْلِصِينَ لَهُ الدِّينَ لَئِنْ أَنجَيْتَنَا مِنْ هَذِهِ لَنَكُونَنَّ مِنَ الشَّاكِرِينَ(٢٢) فَلَمَّا أَنجَاهُمْ إِذَا هُمْ يَبْغُونَ فِي الْأَرْضِ بِغَيْرِ الْحَقِّ يَا أَيُّهَا النَّاسُ إِنَّمَا بَغْيُكُمْ عَلَى أَنفُسِكُم مَّتَاعَ الْحَيَاةِ الدُّنْيَا ثُمَّ إِلَيْنَا مَرْجِعُكُمْ فَنُنَبِّئُكُم بِمَا كُنتُمْ تَعْمَلُونَ(٢٣) " يونس

لما الانسان بيزول عنه الكرب ، بيبغي في الارض ، فيا تري هل هنستغفر ربنا ونحمده بعد م يزول عنا البلاء والوباء ولا كل حاجه هترجع تاني والمسلسلات والافلام والاغاني ومبارزة الله بالمعاصي هترجع تاني " فإذا هم يبغون في الارض " ، ربنا بيقول انما بغيكم علي انفسكم يعني محدش هيتضر غيركم ، ربنا بيقولنا اننا هنقف قدامه وهنلاقي كل حاجه عملناها سواء خير او شر.

فمن وجد خيراً فليحمد الله ... ومن وجد غير ذلك فلا يلومن إلا نفسه.

⚙️

وما منع الناس أن يؤمنوا إذ جاءهم الهدى ويستغفروا ربهم؟

لا تكذبي ولا تجاوبي
توهيه ف الاجابة لتستري نفسك فالستر اولى وطالما انك تائبة منه

كما ورد عن الصحابي عمران بن حصين رضي الله عنه " إن في المعاريض لمندوحة عن الكذب "

والمعاريض معناها التورية

و ممكن تقوليله مثلا يعني
انت تصدق اني ممكن اعمل ذنب زي كدا !
او انت ازاي تشك اني ممكن اعمل حاجة زي كدا
ونحو هذا الكلام يعني

لكن لا تهتكي ستر الله عليكي طالما انك توبتي من الذنب

⚙️

عليكم السلام ورحمة الله وبركاته

يأثر عليكي ف الدراسة ازاي

انتوا اول حاجة هتتكلموا فيها اصلا موضوع شغلك وتشوفي هو رأيه ايه منه
طالما انتي عايزه تشتغلي يعني

مينفعش الرؤية تعدي وانتوا متكلمتوش ف الشغل او الكارير عامة ي جماعة
عشان اللي اوله شرط اخره نور ف كل واحد يكون على بينه
وعشان دا موضوع عليه خلافات كتير بين الناس كل واحد وحسب دماغه ف خدي اللي مناسب مع تفكيرك وانت خد اللي تريحك

⚙️

كتير

وانا شايف ان حتى لو الفرق مش كبير برضو كل واحد يروح ف طريق احسن عشان كل واحد مش هيبقى عنده ثقه ف التاني ف الغالب يعني

مش قاعدة بس النسبة الاكبر كدا

⚙️

طيب هو بما إن السؤال دا متكرر، فخلينا نقول إنه من الأسئلة التي نقف عندها، ولا نجد لها إجابة، حتى إحنا لما بنسأل بعض امتى كانت اللحظة الفارقة، ايه أكتر حاجة أثرت فينا فمش بنعرف برد على بعض، فمش بنلاقي إجابة غير إنه محض فضل وكرم وتوفيق من ربنا سبحانه وتعالى.

والأمر مش مقتصر على التعليم أو متابعة حد بعينه، وإلا فطلاب وطالبات العلم كتير جدًا بفضل الله -سبحانه وتعالى- وكرمه، ولكن قليل جدًا منهم فعلًا مَن ينتفع بما يتعلم؛ وهنا قال رسول الله -صلى الله عليه وسلم- في حديث سيدنا أبو موسى الأشعري: "مثل ما بعثني الله به من الهدى والعلم كمثل الغيث الكثير أصاب أرضًا: فكان منها نقية قبلت الماء، فأنبتت الكلأ والعشب الكثير. وكانت منها أجادب أمسكت الماء، فنفع الله بها الناس فشربوا، وسقوا، وزرعوا. وأصابت منها طائفة أخرى إنما هي قيعان لا تمسك ماء ولا تنبت كلًا، فذلك مثل من فقه في دين الله ونفعه ما بعثني الله به فعلم وعلّم، ومثل من لم يرفع بذلك رأسًا ولم يقبل هدى الله الذي أرسلت به".

فالمشكلة دايمًا مش في التعليم، المشكلة في طريقة التعليم، وإلا فإحنا دايمًا بننصح بتعلم آداب العلم، والتعليم بشكل منهجي، ولفترة طويلة.

" إنسان "

لما بنحط كدا شوية صفات إحنا محتاجينها في الطرف التاني، بيكون منها صفات مينفعش نتنازل عنها زي الدين والأخلاق والمسئولية وشوية حاجات كدا حسب احتياج كل واحد مننا، وكذلك بيكون منها صفات قابلة للتنازل حسب الحالة وحسب تواجد مجموع الصفات التي نحتاجها فيه، ومن الصفات التي يمكن التنازل عنها فرق السن طالما باقي الأمور تمام.

____

وعلى فكرة التصنيف دا مهم جدًا، لازم نحدد إحنا عايزين ايه ومينفعش نتنازل عنه، وايه ممكن نتنازل عنه في مقابل الأشياء الأخرى.

" إنسان "

للأسف لأ

بإذن الله الدفعة العاشرة هتفتح خلال شهر وأسبوع بالكتير بإذن الله

" إنسان "

هو انا مكنتش متعصب بجد
انا بشرح بس 😅

حلو…ف الغالب اللي رايح هيبقى عارف نظام شغل الاطباء ولكن وانتوا بتتناقشوا برضو ف لازم تخلي جزء تشرحيله فيه نظام شغلك انتي شخصيا على وجه الخصوص هيبقى ازاي

يعني هتاخدي نيابة ولا لا والنيابة هتبقى اكاديمي ولا كلينيكال
طيب ناوية على كلينيكال تخصص كذا والتخصص دا بتبقى نبطشياته نظامها كذا
لان كل تخصص غير التاني

طيب لا انا هاخد صحة
بس هاخدها ف وحدة صحية
طيب لا هاخدها ف مستشفى تعليمي ودا بيبقى نظامه كذا


ف الموضوع مش بيبقى انا هشتغل طيب تمام او لا مش مناسب وشكرا
بيبقى في نقاش

⚙️

من أعظم المبادئ التي نتعلمها في المساق، وبناخدها من البشمهندس أيمن عبدالرحيم -فك الله كربه-: أننا نريد زواج صحيح لا رائع، فهو أنت ليه بتقولي إنه عنده الأساسيات وكأنها شيء عادي؟ "ما تقرب إلي عبدي بشيء أحب إلي مما افترضتُ عليه"، ورد النبي -صلى الله عليه وسلم- على أعرابي الذي قال أنه لن يفعل سوى أركان الإسلام "أفلح إن صدق"، فإحنا ليه نهون من الأساسيات ونقلل من شأنها؟

ثم وإن كان يخشى الكلام في السياسة لخوف أو ما إلى ذلك، فقد رخص النبي -صلى الله عليه وسلم- لعمار أن يذمه ويمدح هُبل، فليه منراعيش خوف الناس بأدب؟
وإلا فهو بالفعل خير من كثييييير ممن يتكلمون في السياسة بغير علم، وبالمناسبة الشجاعة في غير محلها وبدون داعي قلة وعي وحكمة.

أنت عندك مشكلة في التقييم، ووضع الأمور في نصابها الصحيح.

" إنسان "

متتجوزش قبل ما تشيل مسئولية بيتهم بالكلية سنة كاملة، وخلال السنة دي تتنازل عن كل شيء عي شايفة إنه رفاهية يمكن التنازل عنها

" إنسان "

مش إحنا متفقين إننا مش بناخد قرارات عنكم؟ :'D

المفروض البنت تكون عارفة كل تفاصيل أحكام النقاب علشان تقدر ترد على أي مشكلة تقابلها من هذا القبيل، ولكن عامة هنا المفروض نخلي بالنا من شوية أمور كدا في الرجل (قلة الحكمة، التشدد، التعالم وإدعاء العلم، المرجعية الدينية الواهية).

أما مسألة لسه بدري ولا لأ، فهو بالفعل ملهوش الحق لسه في الكلام في مثل هذه الأمور، ولكن إحنا بنتعلم مع بعض إن من أهم مبادئ الزواج أنه لا يؤخذ من كتب الفقه، وإننا مش بنمشي الأمور بحقس وحقك، ولكن بنمشيها من باب أوسع اسمه المودة والرحمة، ومش بنروح لحقي وحقك دا غير عند استحالة العلاقة ومحتاجينها تمشي لأي سبب.

" إنسان "

ما هو علشان مش معناها إننا لازم نظهر ونتعامل مع الشباب، إحنا بنقول نحط نفسنا في البيئة، والبيئة دي مع البنات عادي وممكن بعد كدا البنت دي ترشحك لأقاربها وما إلى ذلك :')

حرروا المعلومات يا جماعة، وخلوا في شوية مرونة في التعامل معاها :')

" إنسان "