شوفي الرد هنا
https://t.me/Answer_Q/769

وعليكم السلام ورحمة الله وبركاته
الله يجبر قلبك ويخلفك خيرًا ويزرقك زوجًا صالحًا تقيًا يا رب العالمين

شوفي الرد هنا
https://t.me/Answer_Q/731
🌱

القاعدة الاساسية بالخط العريض هي…

الايمان يزيد وينقص ، يزيد بالطاعة وينقص بالمعصية.

قال الله (وإذا ما أنزلت سورة فمنهم من یقول أیكم زادته هـٰذهۦ إیمـٰنا فأما ٱلذین ءامنوا فزادتهم إیمـٰنا وهم یستبشرون)

فطبيعي ان ايمانياتك بعد المعصية لا تكون هي هي زي قبل المعصية.


وقال رسول الله ﷺ " إن المؤمن إذا أذنب كانت نكتة سوداء في قلبه ، فإن تاب واستغفر صقل قلبه ، وإن زاد زادت حتى تعلو قلبه ، فذلكم الران الذي ذكر الله تعالى : كلا بل ران على قلوبهم ما كانوا يكسبون . "

ومش شرط انك عملتي ذنب بعدين توبتي ف تلاقي نفسك رجعتي زي م كنتي لان القلب بيتأثر وانما تداومي على الطاعة وتزيدي في الاستغفار عشان ترجعي توصلي لنفس اللي كنتي عليه

بل ممكن الانسان يقعد يتعافى من أثر الذنب مدة كبيرة

قال سفيان الثوري رحمه الله " حرمت قيام الليل خمسة أشهر بذنب أذنبته "
ف ذنب اهو حرمه من القيام لمدة خمسة اشهر


ولكن بنفس عقيدة اهل السنة وهي ان الايمان يزيد بالطاعة ف الاكثار من الاستغفار والطاعات هيزود الايمان في قلبك بسرعه ويساعدك في التعافي من الذنب اسرع

المهم صدق التوبة والنجاح في الاختبارات بعدها لان ربنا ممكن يختبر صدق توبتك.

فالمهم الثبات على الطاعات وزيادتها


وفي مجالس القرآن للدكتور احمد عبدالمنعم هتساعدك لتدبر القرآن ان شاءالله.

⚙️

اجازة ما قبل نهاية العالم 😁

⚙️

عليكم السلام ورحمة الله وبركاته

دعواتكم لنا


الشيخ سمير مصطفى -فك الله كربه- كان ليه محاضرات وخطب في شرح اسماء الله الحسنى

واقرئي كتاب لأنك الله لعلي جابر الفيفي في البداية جميل جدا


⚙️

تبليغة اليوم

يقول الله -سبحانه وتعالى-: "يا أيها الذين ءامنوا اتقوا الله حق تقاته ولا تموتن إلا وأنتم مسلمون".

فمن طرق الثبات على الإسلام؛ تقوى الله -عز وجل-، ويقول الإمام السعدي: يا أيها الذين آمنوا بالله واتبعوا رسوله، خافوا ربكم حق المَخَافة، وذلك باتباع أوامره واجتناب نواهيه، وشكره على نعمه، واستمسكوا بدينكم حتى يأتيكم الموت وأنتم على ذلك.

#بلغوا_عني_ولو_آية.

" إنسان "

محض فضل وتوفيق وكرم من الله سبحانه وتعالى!

ولكن مر سيدنا عامر بن ربيعة بسيدنا سهل بن حنيف -رضي الله عنهما- وهو يغتسل، فقال عامر: لم أرَ كاليوم ولا جلد مخبأة، فما لبث أن لبط به -سيدنا سهل بن حنيف-، فأتي به النبي -صلى الله عليه وسلم- فقيل له: أدرك سهلًا صريعًا، فقال رسول الله: "من تتهمون به؟"، قالوا: عامر بن ربيعة، فقال رسول الله: "علام يقتل أحدكم أخاه؛ إذا رأى أحدكم من أخيه ما يعجبه، فليدع له بالبركة، ثم دعا بماء، فأمر عامر أن يتوضأ، فيغسل وجهه ويديه إلى المرفقين وركبتيه وداخله إزاره، وأمره أن يصب عليه".

" إنسان "

طيب بالله عايزه ايه تاني !

اقرئي ردنا عن حفظ القرآن ف الاجابة دي من اول سادساً

https://t.me/Answer_Q/285

والراجل مطبق الدين زي م بتقولي اهو ف افعاله ودا المطلوب من الدين
اعمل ايه بواحد حافظ المصحف كله ومش بيعمل بيه!


تقولي خلاص هو دا لما تبقي مرتاحه زي م انتي مرتاحه دلوقتي والاسباب اللي قولتيها مش اسباب للرفض


⚙️

مهم نعرف اننا مش بنفصل بني ادم ي جماعة سواء بنت او ولد

احنا بنختار الشخص اللي معندوش مشاكل ف الاساسيات وعنده مرونة وقابلية للتعديل وفق الدين

لان طبيعي مش هتلاقي حد فيه كل الصفات

لو البنت بتدور على الراجل اللي ياخد بايديها والراجل بيدور على البنت اللي تاخد بايده محدش هيتجوز

لازم تبقى البنت متقبله انها هتبذل مجهود في الجواز والراجل متقبل انه هيبذل مجهود

المهم الشخص التاني يكون عنده القابلية بس

ومن مناسبة الموضوع
كان في قصة لرجل شيخ اسمه ابو عزيزة واحد بعتله عايز واحدة بمواصفات كذا وكذا
ف انشد الابيات دي

بعث امرؤ لأبي عزيزة مرة
برسالة يُبكي ويُضحك مابها
فيها يقول أريد منك صبيــة
حسناء معروف لديكم أصلها
وأديبة ولطيفة وعفيفــــــة
وحليمة ورزينة في عقــــلها
قد أحرزت في العلم غير شهادة
وعلي النسا طراً تفوق بفضلها
وتكون أيضاً ذات مالٍ وافرٍ
تُعطيه من بعد الزواج لبعلها
وأريد منها أن تكون مطيعة
أمري فتتبعني وتهجر أهلها
فأجابه:
وافي كتابك سيدي فقرأته
وعرفت هاتيك المطالب كلها
لو كنت أقدر أن أري من تشتهي
طلقت أم عزيزة وتزوجتها

⚙️

هي اللي تقعد معاه وتقرر مش احنا

⚙️

لا انتي اللي مأڤوراها اوي

عادي كلنا حاطين صورنا ع البروفايل بابلك والناس كلها بتشوفها
ف مفيهاش حاجة لو صورته عدت على حد مهو كدا كدا صورته ع السوشيال ميديا

انا ممكن اتفهم رفضك للسنتين الخطوبة واقولك كتير اه بس حاولوا تتكلموا ف انها تقل شوية وبتاع
لكن الصورة لا

⚙️

عليكم السلام ورحمة الله وبركاته

كنت اتكلمت مع حد ف موضوع المسلسلات والغناء زمان اوي وكتبت الموضوع دا سؤال وجواب كدا ف كانت المسلسلات ( ماراثون رمضان ) كالاتي

⚙️

س/ هل المسلسلات حرام ؟!

ج/ قال الله تعال " وَلَا تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُولَئِكَ كَانَ عَنْهُ مَسْئُولًا(٣٦) " الإسراء

ربنا امرنا بحفظ البصر والسمع والقلب ، وعدم استعمالهم فيما يغضب الله ، فحفظهم اساس كل خير ، واهمالهم اساس كل شر.
قال الله عز وجل "قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ(٣٠) " النّور
فغض البصر مقترن هنا بحفظ الفرج ، فحفظ البصر سبب لحفظ الفرج واطلاق البصر سبب لوقوع الفاحشة.
وعن أبي هُرَيْرَةَ رضي الله عنه عَنْ النَّبِيِّ صَلَّى اللَّهُ عَلَيْهِ وَسَلَّمَ قال : (فَزِنَا الْعَيْنِ النَّظَرُ ، وَزِنَا اللِّسَانِ الْمَنْطِقُ ، وَالنَّفْسُ تَمَنَّى وَتَشْتَهِي ، وَالْفَرْجُ يُصَدِّقُ ذَلِكَ كُلَّهُ وَيُكَذِّبُهُ )

دلوقتي بقا الممثلات متبرجات وبشعرهم وبزينه كامله وبلبس فاضح ويكشف عوراتهم ، والرقص والغناء. كل دا مش حرام ؟!
طيب والمشاهد القبيحه زي الاحضان والتقبيل وغيره اللي بتكون في المسلسلات بين الممثلين والممثلات مش حرام ؟!
طيب الافكار السلبية اللي بتنشرها المسلسلات بين الشباب والبنات زي البلطجه وتجارة المخدرات والزنا والقتل وقصص الحب المحرمه مش كل دا حرام وهم بيبثوه في عقول اللي بيسمعهم ؟!
_________________________________________

س/طيب ولو مسلسل مفيهوش مشاهد مُخله ، مجرد مسلسل بيحكي قصه؟!

ج/ هل المسلسل دا مفيهوش اختلاط مُحرم بين الرجال والستات ؟!
طيب هل الممثلات بيبقوا لابسين فيه لباس شرعي ومش بشعرهم ومش حاطين زينه ؟!
مش المسلسل دا الكاست اللي فيه مثلوا قبل كدا مسلسلات اللي هي احنا بنعتبرها حرام ؟!
مش انت لما بتسمع المسلسل بيجيبلهم فلوس ؟!
مش انت لما بتسمع المسلسل بياخد مشاهدات وبيحسوا انهم عملوا عمل بطولي ؟!
الفكره انك بتساعدهم بطريقه غير مباشره وتعاون علي الاثم
لانك ساعدت ناس بتعصي ربنا مش هقولك يعم في المسلسل دا بس هم ليهم مسلسلات تاني بيعصوا ربنا فيها.
اديتهم فلوس وساعدتهم انهم يتشهروا وان حد يعرفهم فيتابع الممثل الفلاني وممكن يسمعلهم مسلسلات تاني .
طيب المسلسل دا مش ممكن يجي ف وقت صلاه وتأخر الصلاة عن ميعادها بسببه ؟!
طيب المسلسل دا مش فيه اغاني ؟!
خلينا ف اقل مسلسل اللي هو المصري ٣٠ حلقه يعني ٣٠ ساعه
لما ربنا يسألني عليهم يوم القيامه - وهيسألنا عليهم كدا كدا ، مفيش لحظه الا هنتسأل عنها- هنقول لربنا ايه ، كنت بسمع مسلسل ؟!
طيب انت ترضاها انك تقول لربنا انك كنت بتسمع مسلسل ؟
واحد سأل ابن عباس قاله افتني في الغناء ، فقاله اذا كان يوم القيامه ، اتري الغناء مع الحق ام مع الباطل ؟ قاله مع الباطل . فراح قاله اذهب فقد افتيت نفسك.
دلوقتي لو جيت يوم القيامه ، هتلاقي المسلسل دا في ميزان حسناتك ولا ميزان سيئاتك؟
اصل لازم يبقي ف واحد م الاتنين ، شوف هيبقي ف انهي بقا ؟!
استغفر ربنا ، تُوب قبل فوات الاوان ، اعقد العزم انك خلاص مش هتساعد اخلاء الشيطان دول.
افتكر قول الله عز وجل " وَاللَّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُوا مَيْلًا عَظِيمًا(٢٧) " النساء

⚙️

بالمرة بقا بتاع الاغاني ( صوت الشيطان )

هو الموضوع كان شات ف يعتبر سؤال وجواب وانا مكسل اكتبه كموضوع على بعضه

س/ هل الاغاني حرام ؟

ج/ اسمع قول الله تعالي " وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ...(٦) " لقمان
ابن عباس رضي عنهما قال في تفسير الآية دي انه الغناء
والحسن البصري رحمه الله قال انها نزلت في الغناء والمزامير ، وابن مسعود رضي الله عنه قال انه الغناء.
الآيات هنا تضمنت ذم استبدال لهو الحديث بالقرآن ليضل عن سبيل الله بغير علم ويتخذها هزوا.

قال الله تعالي " وَاسْتَفْزِزْ مَنِ اسْتَطَعْتَ مِنْهُم بِصَوْتِكَ...(٦٤) " الإسراء
قال مجاهد رحمه الله " استنزل منهم من استطعت ، وصوته الغناء والباطل "
وقال ابن القيم رحمه الله " فكل متكلم في غير طاعة الله أو مصوت بيراع أو مزمار أو دف حرام أو طبل فذلك صوت الشيطان "

قال رسول الله صلى الله عليه وسلم : " ليكونن من أمتي أقوام يستحلون الحر والحرير والخمر والمعازف .. "
ومن سياق الحديث باين انه حرام النبي قال يستحلون ومعني كدا انها مش حلال ، غير كدا جت ف الحديث مع الحاجات اللي كلنا عارفين انها حرام زي الخمر والحر (الزنا).

واقوال السلف كتير جدا جدا علي حرمة الاغاني.

_________________________________________

س/ طيب والاغاني الدينيه ؟

ج/ لو فيها موسيقي يبقي زيها زي الاغاني العادية لان الاغاني هنا حرمتها بحرمة الموسيقي ، لكن الكلمات بس ، دي زي الشعر كدا الكلام الحرام حرام ، والكلام الحلال حلال.
_________________________________________

س/ لكن الدف حلال ؟

ج/يستثني من التحريم الدف - بغير خلخال - في الأعياد والافراح للنساء فقط. قال شيخ الإسلام رحمه الله : ( ولكن رخص النبي صلى الله عليه وسلم في أنواع من اللهو في العرس ونحوه كما رخص للنساء أن يضربن بالدف في الأعراس والأفراح ، وأما الرجال على عهده فلم يكن أحد على عهده يضرب بدف ولا يصفق بكف )
قال رسول الله صلي الله عليه وسلم " التصفيق للنساء والتسبيح للرجال ، ولعن المتشبهات من النساء بالرجال والمتشبهين من الرجال بالنساء "

ولما كان الغناء والضرب بالدف من عمل النساء كان السلف يسمون من يفعل ذلك من الرجال مخنثا ، ويسمون الرجال المغنين مخانيث.

_________________________________________

س/ طيب وحديث الجاريتين ؟

ج/ اسمع ابن القيم رحمه الله قال ايه "وأعجب من هذا استدلالكم على إباحة السماع المركب مما ذكرنا من الهيئة الاجتماعية بغناء بنتين صغيرتين دون البلوغ عند امرأة صبية في يوم عيد وفرح بأبيات من أبيات العرب في وصف الشجاعة والحروب ومكارم الأخلاق والشيم ، فأين هذا من هذا ، والعجيب أن هذا الحديث من أكبر الحجج عليهم ، فإن الصديق الأكبر رضي الله عنه سمى ذلك مزمورا من مزامير الشيطان ، وأقره رسول الله صلى الله عليه وسلم على هذه التسمية ، ورخص فيه لجويريتين غير مكلفتين ولا مفسدة في إنشادهما ولاستماعهما ، أفيدل هذا على إباحة ما تعملونه وتعلمونه من السماع المشتمل على ما لا يخفى ؟! فسبحان الله كيف ضلت العقول والأفهام "

وقال ابن الجوزي رحمه الله : وقد كانت عائشة رضي الله عنها صغيرة في ذلك الوقت  ،و لم ينقل عنها بعد بلوغها وتحصيلها إلا ذم الغناء ، قد كان ابن أخيها القاسم بن محمد يذم الغناء ويمنع من سماعه وقد أخذ العلم عنها .

_________________________________________

س/ طيب لو انا راكب مواصلات وشغال فيها اغاني ؟

ج/ في فرق بين انك تستمعها بإرادتك وإنك تسمعها غصب عنك. قال شيخ الإسلام رحمه الله : ( أما ما لم يقصده الإنسان من الاستماع فلا يترتب عليه نهي ولا ذم باتفاق الأئمة ، ولهذا إنما يترتب الذم والمدح على الاستماع لا السماع ، فالمستمع للقرآن يثاب عليه ، والسامع له من غير قصد ولا إرادة لا يثاب على ذلك ، إذ الأعمال بالنيات.
لو نيتك انك تسمع الاغاني هتأثم عليها ، اما لو مش نيتك انك تسمع الاغاني وهي شغاله غصب عنك ف كدا مش عليك وزر.
_________________________________________

س/ طيب انا بسمع اغاني من زمان وعايز ابطلها

ج/ جميل كدا انت خلصت الجزء الاصعب وهو انك تقتنع انها حرام ، ودلوقتي متبقي الجزء السهل.
اول واهم حاجه هي التوبه النصوحه لله والعزم علي ترك الذنب. وانك دايما تسأل الله انه يعينك ، وربنا لو شاف منك صدق في النيه هيعينك.
تاني حاجه ابن القيم بيقول " ان حب الغناء وحب القران لا يجتمعان في قلب واحد " فكل م هتسمع قران كتير وهتقرأ قران أكتر كل م قلبك هيتعلق بالقرآن وهيترك الاغاني.
تالت حاجه هي انك تشوف صحبه صالحه يعينوك علي ترك الذنوب وفعل الطاعات ، وتبعد عن اصحاب السوء اللي كانوا بيدلوك علي الشر دا.

⚙️

كنت دايما لما بشوف الغرب والمال اللي عندهم والجمال ، طب ازاي يبقوا كدا وهم اصلا كفار ، ليه ربنا بينعم عليهم بالمال والجمال !!

بس لما قريت قول الله " أَيَحْسَبُونَ أَنَّمَا نُمِدُّهُم بِهِ مِن مَّالٍ وَبَنِينَ(٥٥) نُسَارِعُ لَهُمْ فِي الْخَيْرَاتِ بَل لَّا يَشْعُرُونَ(٥٦) " المؤمنون
عرفت اني كنت فاهم الموضوع غلط خالص.

ربنا بيبعث لينا رسالة هنا ف الآيات عشان منفتكرش ان ربنا كدا بيفضلهم علينا ، ولا هم كدا احسن مننا.

الآيات هنا معناها ان ( هل هم فاكريين ان ربنا بيرزقهم بذريه ومال وجمال وكل دا عشان معزتهم عليه وافضليتهم عند ربنا ؟! ولا يبقي كدا ربنا راضي عليهم وبيزيدهم من الخير ؟! كلا...الامر مش زي م هم فاكرين ابدا وعشان كدا ربنا قال "وهم لا يشعرون" يعني هم مش عارفين حاجه.)
دا استدراج من ربنا ، وان ربنا بيديهم دا لان هو دا اللي هم عايزينه ، هم بيعملوا الخير عشان ياخدوا فلوس ، عشان يبقوا مشهورين ، عشان يبقوا محبوبين ، لكن مش عشان ربنا ، فربنا بيديهم اللي هم عايزينه ف الدنيا.

افتكر دايما قول النبي صلي الله عليه وسلم لعمر بن الخطاب رضي الله عنه

" أما ترضي أن تكون لهم الدنيا ولنا الأخرة "

⚙️

عليكم السلام ورحمة الله وبركاته

شبههم ف اسلوبهم ازاي

دا ذم ولا ايه😂


⚙️

عليكم السلام ورحمة الله وبركاته

قال الله تعالى (والذين جاهدوا فينا لنهدينهم سبلنا)

وقال رسول الله ﷺ "إن الله كتب الحسنات والسيئات ثم بيّن ذلك، فمن هَم بحسنة فلم يعملها كتبها الله له عنده حسنة كاملة، فإذن هو هَم بها فعملها كتبها الله له عنده عشر حسنات، إلى سبع مائة ضعف ، إلى اضعاف كثيرة ، ومن هَم بسيئة فلم يعملها كتبها الله له عنده حسنة كاملة ، فإن هو هَم بها فعملها كتبها الله له سيئة واحدة"

المقصود هنا ب لم يعملها ان اللي منعه من فعلها هو خوفه من الله

لكن اللي منعه سبب تاني زي خاف من الناس او مات زي حديث اذا التقى المسلمان بسيفيهما فالقاتل والمقتول في النار فقيل يا رسول البه هذا القاتل، فما بال المقتول ؟
قال: إنه كان حريصا على قتل صاحبه.

وكذلك حديث الاربعة نفر اللي اتاه الله العلم والمال واللي اتاه الله العلم ولم يؤته المال واللي اتاه الله المال ولم يؤته العلم واللي لم يؤته الله العلم ولا المال. الى اخره

الشاهد ان اللي لم يؤته الله المال ولا العلم بيقول لو كان لي مثل هذا عملت فيه مثل الذي يعمل (يقصد الرجل اللي اتاه الله المال ولم يؤته العلم فانفق ماله في غير حقه) قال رسول الله فهما في الوزر سواء

⚙️

جزاكم الله خيرا

⚙️