خد إجازة، أو استدرك لو فايتك شيء، أو لو محتاج تراجع عن شيء شايف إنك كروتته أثناء المذاكرة.

أو لو شايف إنك هتنشغل الفترة الجاية، فذاكر واسبق في المقرر.

" إنسان "

غريبة ليه؟

بالعكس دي من أكتر الأسئلة هنا 😁

ولكن اقرأي إجابتنا هنا (هذه الإجابات، وبنكون مكملين تحتها في رسالة تانية علشان عدد الأحرف)

https://t.me/Answer_Q/284

https://t.me/Answer_Q/463

وممكن تشوفي إجابتنا هنا عن الزواج، هتحبي الزواج بعدهم على طول :'D

https://t.me/Answer_Q/955

___

وعامة اعرفوا أنتم بتتكلموا مع مين يا جماعة، ابعدوا عن الجُهّال المتعالمين كفّار النعم.

" إنسان "

في برنامج اسمه Moises
وفي برنامج جامد ف الايفون اسمه ادارة الملفات

ولو حد عنده ترشيحات كمان
⚙️

لأ كون إننا نروح نسلم فمعناه إننا مؤيدين للفكرة، وإنك تتشافي في هذه الأماكن سمعة مش كويسة ليك.

أنتم على حق يا أهل الخير، وأنت على الحق ولو كنت وحدك، وهذه الأمور مبادئ لا تقبل النقاش، وتكلموا بصوت عالي، ولا تعطوا الدنية؛ زاحموا أهل الباطل بثباتكم.
__
حاشية ضرورية للعقلاء: متروحش تعلي صوتك على أبوك وأمك، وتقول إنسان قال زاحموا أهل الباطل بثباتكم؛ لأن إنسان (أنا) بيكلم إنسان مسلم عاقل المفروض 😁

" إنسان "

مفيش أي مشكلة طالما الشخص مناسب من بقية الجهات

" إنسان "

يعني أنتم بتتخانقوا من يوم الخطوبة، وخطوبة بكل هذه المشاكل، فمكملة ليه؟ (بسأل بجد)، ايه حلو مخليك متمسكة بالخطوبة؟

أنتم حرفيًا لو اتكلمتوا كلمتين مع بعض بتتخانقوا، حتى لو متكلمتوش بتتخانقوا :'D

وبالمناسبة فالمشاكل بتجيب جفاء، مش بتزود القرب ولا حاجة

" إنسان "

مهو بتحايل عليه واقسم الفيديو لفيديوهات 3 دقايق واشيل الموسيقى وبعدين بجمعهم تاني

مجربتهاش ف حاجة تتقسم اكتر من 2 بصراحه ف معرفش لو حاجة كبيرة اوي هتبقى مرهقة ولا لا

و moises استخدمه مرة زمان ومش فاكر بصراحه ف ممكن تشوفي فيديو ليه ع اليوتيوب

وممكن تشوفي لو في بوتات على التليجرام بتعمل كدا اصلا

⚙️

عليكم السلام ورحمة الله وبركاته

عايز ارتبهم من وجهة نظري

انتي حاسة ان مفيش حد بيحبك ف بتعزلي نفسك عن الناس ف بقيتي وحيدة ف اصبحت شخصيتك ضعيفة


السؤال : ليه حاسه ان مفيش حد بيحبك؟

⚙️

لو قصدك ان بتنامي متأخر وتصحي متأخر يعني ف انا بشوف ان الانسان يقدر يجبر نفسه يصحى بدري بس ميقدر يجبر نفسه ينام بدري

ف الدورة تبدأ بانك تنامي عادي ف ميعادك بس تجبري نفسك تصحي بدري وتشغلي نفسك اليوم كله بحيث متناميش ف نص اليوم
تلقائي هتلاقي نفسك بتنامي بدري

لازم برضو وقت م تقرري تنامي او تحسي انك نعسانه متمسكيش الموبايل
ممكن تقرئي كتاب احسن هيزود احساسك بالنوم اصلا

⚙️

خلينا متفقين ان احنا لو ادينا للناس قدرها وفقط هنرتاح جدا
لو عملنا كدا هنقدر نقلل سقف توقعاتنا من الناس ف بالتالي مش هنتصدم من ردود الافعال
دي النقطة المحورية والاهم في المشكلة كلها


الناس مش كلها حلوة ودا بشكل عام مش معناه ان هم مش بيحبوكي لكن في اشخاص جافة ف التعامل ودا مينفعش يقلل ثقتك بنفسك

المواجهة هي الحل مش الاختباء
مش معنى اني اتصدمت من ردة فعل شخص او اتنين اعزل نفسي عن الناس دا هيزيد الطين بله

بل ان الاندماج والتعامل مع ناس اكتر ومختلفه هيخليكي تكسبي ثقة وخبرة في التعامل مع الناس


واما بالنسبة لذنوبك ف لازم تقعدي مع نفسك قعدة محاسبه وتشوفي ايه اللي بيوصلك لكل ذنب من دول وتحاولي تعالجي الاسباب

واهم حاجة انك تندمجي وسط الناس متسيبيش نفسك للعزلة والوحدة

الذكاء مش ف الهروب بل ف اني اعرف ازاي اتعامل مع كل واحد وابقا متوقع ايه من كل شخص


⚙️

كنا اتكلمنا عن الموضوع دا هنا قبل كدا

https://t.me/Answer_Q/584

https://t.me/Answer_Q/609

https://t.me/Answer_Q/611

⚙️

https://vocalremover.org/

جزاكم الله خيرا
⚙️

سيبك مننا، إحنا أبسط مما تتخيل

أنت بس حط في بالك تتعلم؛ تعليم منهجي طويل يرسخ المعرفة، وربنا يبارك فيك، وجزاك الله كل خير على حسن ظنك فينا.

" إنسان "

بنفس المنطق متاكلش ولا تشرب وكدا كدا لو مكتوب تموت هتموت، ايه يا إخواننا المنطق الواهي أوي دا؟ طب وعلى كدا في حساب ليه يوم القيامة بقى؟ :'D

سبق في علم الله -سبحانه وتعالى- كل شيء سيحدث، ولكن دا مش معناه إنك مجبر؛ لأ أنت مخير، ولكن ممكن نبسطها ونقول أنت مخير ولكن معلوم كل شيء هتعمله.

الأمر أشبه من إنك تكون مدرس، ويكون عندك طالب فاشل، فتقولي ١٠٠٪ الطالب دا مش هينجح، وفجأة مينجحش، هل دا معناه إنك أجبرت الطالب على الفشل؟ ولا كان مخير عادي يذاكر ويبذل ما في وسعه؟ ولله -سبحانه وتعالى- المثل الأعلى.
وشوفي كلامنا هنا علشان تحلي المشكلة الأساسية:
https://t.me/Answer_Q/449

" إنسان "

ميفرقش في يومك ليه؟ أنت آلة؟ :'D

لأ طبيعي يحصل زعل، ولكن اشغلي وقتك ويومين والأمور هتكون بسيطة خالص بإذن الله، وشوفي كلامنا هنا

https://t.me/Answer_Q/948

" إنسان "

قال الله تعالى " فَخَرَجَ عَلَى قَوْمِهِ فِي زِينَتِهِ قَالَ الَّذِينَ يُرِيدُونَ الْحَيَاةَ الدُّنْيَا يَا لَيْتَ لَنَا مِثْلَ مَا أُوتِيَ قَارُونُ إِنَّهُ لَذُو حَظٍّ عَظِيمٍ(٧٩) " القصص
قارون لما ربنا اداله الكنوز دي كلها والاموال ف الناس اللي ايمانها ضعيف ، الناس اللي لسه متعلقة بالدنيا قالوا ياريت عندنا زي قارون ، ياريت عندنا الاموال دي كلها ، ياريت حظنا زي حظ قارون ، إنه لذو حظ عظيم
الناس دي موجودين دلوقتي ، موجود كتير اوي منهم ، الناس اللي بتبص علي احوال غيرها وبتبص لحالها وتسخط ، الناس اللي بتشوف ان هم دايما مظلومين بعيشتهم دي وحالتهم دي
الناس اللي بتسخط من القدر اللي شايفينه وحش
تعال شوف بقا ربنا بيقول ايه
" وَأَصْبَحَ الَّذِينَ تَمَنَّوْا مَكَانَهُ بِالْأَمْسِ يَقُولُونَ وَيْكَأَنَّ اللَّهَ يَبْسُطُ الرِّزْقَ لِمَن يَشَاءُ مِنْ عِبَادِهِ وَيَقْدِرُ لَوْلَا أَن مَّنَّ اللَّهُ عَلَيْنَا لَخَسَفَ بِنَا وَيْكَأَنَّهُ لَا يُفْلِحُ الْكَافِرُونَ(٨٢) " القصص
الناس دول اللي كان نفسهم يبقوا مكانه ، الناس اللي مكانش عاجبهم حالهم ، دلوقتي بعد م ربنا أهلك قارون عرفوا ان اللي كانوا فيه نعمة ، عرفوا ان المحنة اللي كانوا فيها كانت هي الخير كل الخير ، دلوقتي بس قالوا لولا أن مَّنَّ الله علينا ، دلوقتي عرف ان ربنا مَنّ عليه لما مجابش المجموع اللي هو عايزه ، دلوقتي عرف ان ربنا مَنّ عليه لما مجاتلوش السفرية اللي كان بيحلم بيها ، دلوقتي عرفت ان ربنا مَنّ عليها لما حصلها ظرف ومقدرتش تروح لفرح صاحبتها
خليك عارف ان قدر الله ليك هو الخير لا محالة ولكن انت مش شايف دا دلوقتي
خليك عارف ان من قلب المحنة هتخرج المنحة

خليك عارف أنه لولا أن مَنّ الله علينا .. لخسف بنا


⚙️

تبليغة اليوم

يقول الله -عز وجل-: "كل مَن عليها فان، ويبقى وجه ربك ذو الجلال والإكرام"

فيا طالب الدنيا ليُثقِلَ نفسه
إن المُخِفَّ غدًا لأحسن حالًا

#بلغوا_عني_ولو_آية.

" إنسان "

من أسباب دراسة السيرة، والأمور التاريخية في المساق

وعليكم السلام ورحمة الله وبركاته
آمين يا رب العالمين وإياكِ،
جزاكِ الله خيرًا على دعواتك الطيبة.

اللي بتمرّي بيه شعور فطري وطبيعي جدًا، لا يُلام عليه الإنسان، لكن المهم هو هنتعامل مع الشعور ده إزاي.

فأول شيء؛ افتكري أن الزواج رزق كسائر الأرزاق، فالله هو الذى يحكم ويرزق، وقد قال النبي ﷺ: "فإن نفسًا لن تموت حتى تستوفي رزقها وإن أبطأ عنها"
فما قُدّر لكِ سيأتيك في وقته الذي اختاره الله؛ فاحنا ناخد بأسباب هذا الرزق ونسعى، لكن منشيلش همّ هييجي امتى أو ازاي.

تاني شيء؛ نستغل الفترة دي في إننا نشغل وقتنا في تطوير شخصيتنا بشكل يُرضي الله عنا، ويناسب دورنا كأزواج وأمهات صالحات، ونبدأ طريق الاستعداد والتأهل للزواج والتربية ونقرأ ونتثقف ونتعلم بكل الطرق؛ تعبّدًا لله، قبل أي اعتبار آخر.

تالت شيء؛ زي ما ذكرنا إن الزواج رزق؛ فمينفعش ناخده بمعصية الله عز وجل كإطلاق البصر، كما قال النبي ﷺ : " ولا يحْمِلَنَّكم اسْتِبْطاءُ الرِّزقِ أن تَأخذُوهُ بِمعصيةِ اللهِ ، فإنَّ اللهَ لا يُنالُ ما عِندَه إلا بِطاعتِه"

وابن القيم رحمه الله قال:- إطلاق النظر معصية ومخالفة لأمر الله عز وجل، يفرق القلب ويشتته ويبعده من الله، وليس على العبد شيء أضر منه، فإنه يوقع الوحشة بين العبد وربه.

فاستغفري الله وغضّي بصرك واحفظي نفسك وقلبك من أي شيء لا يرضي الله عز وجل،
أسأل الله أن يبارك فيك وأن يرزقك زوجًا صالحًا تقيًا يا رب العالمين
🌱

وعليكم السلام ورحمة الله وبركاته
قال الإمام ابن باز رحمه الله:
"الصلاة صحيحة، وليس من شرطها زوال الإبط والعانة، لكن سنة للإنسان أن يتعاهد عانته وإبطه، وألا يتركها أكثر من أربعين، يقول أنس رضي الله عنه: «وقت لنا في قص الشارب، وقلم الظفر، ونتف الإبط، وحلق العانة، ألا نترك ذلك أكثر من أربعين ليلة» فالسنة للمؤمن أن يتعاهدها قبل كمال الأربعين".

ومن تركهما أكثر من أربعين يوماً فقد فعل مكروهاً وكان مخالفاً للسنة، لكن الصلاة لا تبطل بترك هذه الخصال إلا إذا ترتب على تركها تجمع أوساخ تخل بالطهارة، فعند ذلك يجب إزالة ما يمنع صحة الطهارة وإلا لم تصح الصلاة.
🌱