ነፃነት!!
✍️ ✍️ ደምስ ሰይፉ

“ነፃ ሆነን ብንፈጠርም በየሄድንበት እንደታሰርን ነው” ይላል ሩሶ… “Man is born free, and everywhere he is in chains. One man thinks himself the master of others, but remains more of a slave than they are.” ~ Jean Jacques Rousseau … ይህን ጥቅስ ለረጅም ጊዜ አብሰልስዬዋለሁ…  በርከት ላሉ ጊዜያትም በነፃነት የትርጉም ፈለጌ ላይ ተጋድሞ ማለፊያ ነስቶኝ ያውቃል… ‘ነፃ ነኝ’ ብዬ ባሰብኩ ቁጥር ድንገት ከች ይልና የተተበተብኩበትን ድር ያሳየኛል… ምንም ጥያቄ የለውም – አባባሉ እውነት ነው… እንዲያውም በነፃነት ትርጓሜያችን፣ በአማናዊው ነፃነትና በኑሮአችን መሃል ያለውን ተምታቶሽ ሰከን ብለን እንድናይ የሚረዳን ታዛም ይመስለኛል…
~
ስለ ነፃ ንግግር፣ ስለ ነፃ ጽሑፍ፣ ስለ ነፃ አስተሳሰብ ወዘተ. . . ከሚሰብከው ዘመነኛ ብያኔ በፊትም ሆነ አሁን ነፃነት አለ… ልዩነቱ የትርጓሜና ግንዛቤ ብቻ ይመሰለኛል… ትርጉምና አረዳዳችን ከግለሰባዊ ተሞክሮአችን ደጃፍ ሳይሆን ከውጪያዊው ቅኝት አፍ ስለሚቀዳ እውነቱና ትርክቱ ሳይገናኝ ይኖራል… እርግጥ ነፃነትም እንደበርካታዎቹ እሳቤዎች የግለሰቦች መረዳት ጥላ ስለሚያጠላበት ወጥ ትርጓሜ እንዲኖረው አይጠበቅም… የትርጉም ማጠንጠኛው ውጪያዊ ጫና ላይ ሲንጠለጠል ግን ነፃነት ‘ነፃ’ መሆኑ ይቀራል…
~
የምንም ነገር ትርጉም ‘ይህ ብቻ ነው’ በሚል ዶግማ ውስጥ ሲታጠር ነፃነት ያሳጣል… ዶግማዊነት አጥር አበጅቶ ከመስክ እውነት መፋታትን ያነግሳል… ልክ ‘ጉድጓድ ውስጥ ተቀምጦ የጉድጓዱ አፍ ከሚፈቅደው ስፋት በላይ ሰማዩን እንዳለማዋቅ’… ራስህን ወደ አንድ አጥር ከወረወርክ በኋላ ከአጥሩ ማዶ ላለው ኑረት እውቅና ያለመስጠት ንፍገት እንጂ ‘እዚያስ ቤት ምን አለ’ የሚል በጎነት አይስተዋልብህም… እዚህም ነፃነት አለ…
~
የነፃ መሆን አለመሆን ነገር አወዛጋቢ ነው… ለአንተ ነፃነት የሆነ ነገር ለሌላው ‘መታሰር’ ሊሆን ይችላል… ያንቺ የባርነት ጥግ ለሌላዋ የነፃነት ጠገግ ሊሆን ይችላል… አንዳንዴ ነፃ ወጣን ባልንበት ነገር ተመስጠን የነገርየው ሎሌ የመሆን ዕጣ ሊወድቅብን ይችላል…
የሆነው ሁሉ ሆኖ ግን፡-

— [ከማሰብ ነፃ አይደለንም]… ማሰብን ትልቅ ቁምነገር የሚያደርገው ማሕበረሰባዊ ግንዛቤያችን ሰውን ከማሽን ለይቶ አያይም… በቀን ውስጥ ከሰባ ሺህ በላይ የሃሳብ ሰበዝ አዕምሮአችንን ሲያባትል እንደሚውል ስናስብና ስንቱን ሃሳብ ፈቅደን እንደምናስብ ስንጠይቅ የነፃነት ነገር ይገባናል… የሃሳብ ፈለጋችን ሲሶው እንኳ በገዛ ፈቃዳችን አይተለምም… እግረ አዕምሮአችን በደረሰበት የምንደርስ እንጂ የፈቀድነውን የምናስስ አይደለንም… ሰው በትክክል የሃሳብ ማሽኑ ባሪያ ነው… በአዕምሮችን ላይ እንሰለጥን ዘንድ ገና ነፃ አልወጣንም!!… ነፃ ከሆንክ አዕምሮህን ፀጥ አድርገው። …
~

— [ከስሜት ነፃ አልወጣንም]
… በሚግለበለብ የስሜት እሳትና ከስሎ ሲያበቃ በሚያምድ ፀፀት መሃል ስንታኘክ የምንውለው ለዚህ ነው… ለበርካታዎቹ የስሜት ጥያቄዎቻችንን የእምቢታ ድፍረት የለንም… ስሜት ግዘፍ ነስቶ ከክፉ ግብረ መልሱ ጋር ሲያጋትረን ነው ልክ ያለመሆን እምነት ሆድ ሆዳችንን የሚበላው… ስሜቱን በሚያስተናግደውና በስሜቱ ምላሽ በሚቆጨው እኔነት መሃል ልዩነት ኖሮ አይደለም ሰበብና ድርጊት የተለያየ አቀባበል የቆያቸው – እኛ በስሜት ላይ ስላልሰለጠንን እንጂ… ከስሜቱ አንድ ስንዝር የቀደመ ሰው ከስሜቱ ምስ ከሚለጥቁ እልፍ ኪሎሜትሮች ድካም ይድናል…

— [ከነኝነት ነፃ አይደለንም]… ‘
እንዲህ ነኝ’ – ‘እንዲያ ነኝ’ ስትል የምትውለው ከነኝነትህ ተጽዕኖ መላቀቅ ባለመቻልህ ነው… ነኝታህ ከመሆንታህ ይበልጥብሃል… የሆንከው ግን ነኝ ከምትለው የማይናጸር ጥልቅ ነው… ነኝታህ የመሆንታህን ብርሃን ያደበዝዛል… ነኝታህ ከጎሳህ፣ ከስራህ፣ ከችሎታህ፣ ከሃብትህ፣ ሐይማኖትህ… ወዘተ ይመነጫል… መሆንታህ ግና የአማናዊው ተፈጥሮህ መሰረት ነው… The essence of who you are in the deepest level. አግዮስ፣ ንዑድ፣ ክቡር፣ ጽሩይ… ነኝ የምትለውን ሁሉ አውልቀህ ብትጥል ምን የሚቀር ይመስልሃል?… ምንም!… መሆንታው ላይ የቆመ ግና ያልሆነው ስለሌለ ነኝ የሚለው አይኖረውም… የሚያጣው ስለሌለው ባዶነት አይሰማውም…
~
         @Another_view7
ምንጭ ethiosecret

ተፈጥሮን በጥልቀት ተመልከት ያን ጊዜ ሁሉንም ነገሮች በተሻለ ትረዳለህ ፫፮፱

ሙሉ በሙሉ ውስጥህን ባዶ አድርግ እርጋታ ይኑርህ። ምንም እንኳን ሁሉም ነገር አንድ ለይ ቢነሳም፤ ሲመለስም ተመልከት። ሁሉም ነገር ያብባል፣ ግን ውሎ አድሮ ወደ ስሩ ይመለሳል። በእርጋታ እያንዳንዱ እጣ ፋንታውን ያሟላል

ወደ መሰረቱ ሲመለስ እርጋታ ይባላል፣ እርጋታው ደግሞ ወደ ተፈጥሮ ይመልሳል፣ ወደ ተፈጥሮ መመለስ ደግሞ ጽኑነትን ያመጣል፣ ጽኑነት ሲኖር ደግሞ ግልፅነት ይመጣል፣ ግልፅነት ደግሞ ሁሉን ቻይ ያደርጋል፣ ሁሉን ቻይ መሆን አድሎን ያስቀራል፣ የማያዳላ ንቁ ይሆናል፣ ንቁ ሰው ደግሞ የሠማይን መንገድ ይከተላል፣ የሠማይን መንገድ የሚከተል ከዳኦ ጋ አንድ ይሆናል፤ ከዳኦ ጋ አንድ መሆን ሥጋዊ ሞት የማይነካው ዘላለማዊነት ይሠጠዋል።

From the book-📖 Dao De Jing  

    Author -  #Lao_tzu

       ምንጭ ethiosecret
@Another_vIEW7

ሞቴን ኖሬ አየሁት.
ሞትህ መስታዎት ሆነኝ የውስጤታዬ መመልከቻ,
ተደብቆ የኖረውን ባመት ዘመናት ስርቻ.
የሚያስፈልጉኝን ገፍቼ የምፈልጋቸውን ሳሳድድ,
ስንቶች ጥለውኝ ሄዱ ወደማይቀረው መንገድ.
አንተም እንደሌሎቹ በመለየት ቀጣኸኝ,
ኖረህ ያልነገርከኝን በሞትህ አስተማርከኝ.
በመታመምህ ወራት በስቃይህ ሰአታት,
ስቃይህ በበረታበት መቃተትህ ባየለበት,
ከጎንህ ያጣኸኝለት አዝነህብኝ ከነበረ,
ይቅር በለኝ ወንድማለም ካለህበት ካብርሀም ጎን,
ከፃድቃኑ ሀገር ገነት ካሳረፈበት፠ ነፍስህን.
እኔማ ያኔ ስትቃትት በብቸኝነት ስትደማ,
በአይዞህ ባይ እጦት ቆስለህ በመከፋትህ ቁዘማ,
ያኔ በስቃይህ ወቅት የት ነበርክ ጓዴ ካልከኝ,
ምን ስሰራ እንደነበር ሁናቴዬን ከጠየቅከኝ,
የምታስፈልጉኝን አንተና ወዳጆቼን, ወንድሞቼን ረስቼ,
ስርመጠመጥልህ ነበር የምፈልጋቸውን ሽቼ.
አዎ እነዚያ ስር ነበርኩ እየተለማመጥኩኝ,
በግራቸው ስር ተወሽቄ እያባበልኩ እንዲወዱኝ.
ማስታወሻነቱ ምርጥ ጓደኞቻቹህ በጊዜና በቦታ ርቀት ተሸፍነው ለተረሷቹህ ሁሉ!
@Another_view7

Opportunity 🤾
እድለኞች አጋጣሚዎችን ያገኛሉ
ጀግኖች አጋጣሚዎችን ይፈጥራሉ
ግን እውነተኛ አሸናፊዎች ችግራቸውን ወደ አጋጣሚ መቀየር የሚችሉት ናቸው 🥊🥋
@Another_View7

Falling is not ending