مش كل "أذى" بيبقى واضح ١٠٠٪؜، ولا كل مؤذي بيبقى مكتوب على وشه إنه "مؤذي"!.. الكلام اللي زى السم أذى، عدم التقدير أذى، الإستهانة بزعل حد غيرك أذى، التخّلي أذى.. الكذب، الخيانة، وإستغلالك لـ طيبة حد مديلك الأمان أذى.. الأذى له مليون شكل، ومش كل أذى لازم آثاره تبقى متشافة على ملامح اللي قدامك!.. معظم اللي بيإذوا غيرهم بيقفلوا عيونهم عن تصرفاتهم المؤذية اللي بسببها فيه حياة ناس بتتغير للأسوأ.. ربنا يكفينا شر المؤذيين المقرفين وشر أذاهم ويبعدنا عن أذية الغير بقصد أو بدون.

في عتمة هذا الليل كانت تستلقي وتنظر إلىٰ حائط غرفتها كان يمتلئ بالصور والذكريات الجَمِيلة بدِاخلها حَنين بالطبع لهذه الأيَّام بِ حلوها ومُرها ، قَدْ لا تُدرك أن كُل شيء يمكنه أن يتغير بلَحْظات لا نضع بالٍ لها ، يبدو علينا أننا نسينا ولَكِن كُلما مررنا بلَحْظة من اللحظات نندَهش مِن إنهمار المشاعر نحنُ ما زلنا محتفظين بِها في داخلنا ولَكِن في الداخل العَمِيق جدًا حيث يصعب أن يراه أحد أو يصدق وجوده ، كانت تحبس بدِاخل هذه الرُوح بكُاء شَديد ، ولا علم لها كيف تعود للماضي ، أو كيف يعود الماضي لها ؟ وحتىٰ وإن عاد لنْ يُعاد بتِلك اللَحْظات الدافئة التي كانت مِن شِدَّة دفئها تشعُر أنها بحُضن مليء بالحَنان يأخذها بين جناحيه لكي يحلق بها إلى سماء بَها نسمة هواء باردة تشعرها بأنها خفيفة الرُوح .
ما أقسىٰ الحَنينٌ لِ ماضي انتهيٰ ..

- لـِ مَـلَـكْ سَـامِـح .

Private life always wins , الحياه الخاصه تفوز دائماً .

الجُمله دي حقيقيه فعلا ، مش اي حاجه تحصلك تنشرها وتحكيها علي السوشيال اذا كانت نجاحك ، مواقف يوميه ، صحاب ، علاقه ارتباط او صداقه ، زي مابيقولوا كده داري علي شمعتك تقييد اي حاجه تفرحك حافظ عليها فِـ السر عشان تكمل وتدوم ، مفيش احليٰ من انك تكون عايش فِـ حالك ومش شاغل دماغك بِـ اي حد غير نفسك وتخليها احسن يوم عن يوم ودايره صحابك والقريبين منك صغيره ولطيفه ، وتكون محافظ علي اسرارك لنفسك مهما وثقت فِـ اللِ حواليك ، متخليش حد يعرف عنك حاجه غير اللِ انت عايزوا بس وتكون مكبر دماغك من كل حاجه وتشتري راحه بالك وروقانك .

لِـ مَـلَـكْ سَـامِـح .

1- ابعد .. عن اللى طبعه مش طبعك .. وإللي مالوش غالي و لا عزيز عشان متصغرش نفسك .

2- ابعد .. عن الناس القاسية و حط تحت كلمة قاسية ١٠٠ خط اللي مالهمش عزيز ولا غالي .

3- ابعد .. عن الكدابين بتوع الحوارات واللى بوشين عمرهم ما هيكونو مخلصين , الإخلاص فعل خفى لا رقيب عليه الا الضمير .

4- ابعد .. عن اللى هونت عليه. هونت مرة , هاتهون عليه الف مرة .

5- ابعد .. عن الشكاك والنكدى وإللى ضميره اسود ، بيبقى من وحاشه اللى جواه مفكر كل الناس زيه .

6 - ابعد .. عن بخيل المشاعر الانانى، هيستكتر عليك اى كلمه حلوة تجبر خاطرك .

7 - ابعد .. عن اللى شايف غلطته صغيره أو شايف نفسه مابيغلطش، انت مش ناقص مرضى نفسين ف حياتك .

8 - ابعد .. عن اللى تجبر بخاطره وتراضيه وتقربله ، وهو يفضل مكانه .

9 - ابعد .. عن اللى تسامحه مره واتنين ويكرر غلطه، بيبقى فاكر نفسه أذكى منك وانك مابتحسش .

10 - ابعد .. عن اللى ف شدتك عمرك ما لاقيته .

11 - ابعد .. عن اللى مابيحترمش ولا يكبر للكبير، هيبقى شايف نفسه شبح وبيعمل الصح وهو قليل الادب والأخلاق و عمره ماشاف تربيه .

12 - ابعد .. عن اللى يصغرك قدام الناس .

13- ابعد .. عن الكهين ابو دمعه الممثل هيجبلك الهم .

ابعد من غير ما تعاتب , العتاب اتعمل للناس الراقيه و اللى انت لسه باقي عليهم , خليك باقي على اللى باقى عليك , انك تنسحب من حياة الناس دي مش نداله لا دي منتهي القوه والجدعنه مع نفسك .

قرب لولاد الأصول اللى تقربلهم خطوه يقربولك الف وإللى قعدتهم مش هم ونكد اللى لو ماكلمتهوش يكلمك هو يسأل عليك ، قرب للشبعان القنوع ده اللي يستحق كرمك و اهتمامك .

- كل أزمة بتعدي عليك بتضيف لك حكمة جديدة و خبره جديدة في الحياة ،بعد ما العاصفه بتعدي بتعرف إنك إتغيرت بسببها للأفضل .

-كل أزمة بتمر بيها مهما كانت صعبه بتُخرج منها إنسان أحسن من الاول ، عارف إنت عايز إيه وعارف هتعمل إيه و عارف هتتعامل إزاي.
-مهما كانت أزمتك صعبه هتلاقي ليها جانب إيجابي خفي بيظهر في طريقتك مع اللي حواليك ، بيظهر حتي في طريقتك مع نفسك .

-الأزمات منحه من الله ، علشان نختار الطرق بعد كده بشكل احسن وأفضل بس المهم نستفيد من المنحه صح و مانعتبرهاش بس مجرد محنه و ننسي نتعلم منها .

- في علاقاتك سواء في الشغل أو البيت أو حتي مع أصحابك لما بتتنازل عن جزء من وقتك ، او بتعمل حاجه بدافع الجدعنه او حتي بدافع الحب و تبدأ تعود اللي قدامك عليها .
- بعد شوية وقت بتلاقي نفسك مضطر تعمل الحاجه دي و الأسوء إنك لو قصرت في يوم هتتحاسب عليها .
- هما بيطلبوا اللي إنت كنت بتعمله بدافع التعود وممكن يزعلوا لو إنت قصرت ، رغم انك كنت بتعمل ده بدافع الحب ، فبينسوا او يتناسوا انك عملت كده علشان تريحهم لكن مش علشان يتعبوك .
- بس الحقيقه ان الغلط بيرجع ليك من البداية ، لأنك مش بس إتنازلت، لأ وكمان قررت تعودهم علي التنازل فطبيعي هيحاسبوك عليه لأنهم اعتبروا ده حقهم
- طيب حقك إنت علي نفسك فين ، قبل ما تقرر تتنازل عن حاجه إتأكد إن هيكون ليها مقابل مش شرط يكون تنازل زيه لكن علي الاقل يكون ليها مقابل معنوي كلمة شكر أو تقدير أو إحساس إنك فعلا عملت حاجه مهمه للي حواليك.
- ولو ملقتش التقدير البسيط ، الفت الإنتباه انك زي مابتتنازل لازم يكون فيه مقابل لأن الحياه خد وهات من الطرفين ولو ملقتش مقابل ولو بالتقدير ماتكملش تنازل علشان ماترجعش تندم .
- العطاء شئ جميل بس لازم كل حاجه تكون بحساب لأن الناس بطبيعتهم بيتعودوا ومع الوقت بيعتبروا إن ده حقهم ومش من حقك ترجع عنه حتي لو كنت إنت اللي بدأته بإرادتك مع الوقت بيبقي غصب عنك ومفروض عليك .

"من جاور السعيد يسعد " ، يعني لما تقرب من الناس الإيجابيين واللي بيفكروا بطريقه منظمه وسليمه ودايماً عندهم حُسن ظن بالله وتفاؤل ، تلقائي هتفكر وتتصرف زيهم والعكس صحيح ، علشان كده دايماً اختار الناس اللي بتتعامل معاهم ، ولو الظروف فرضت عليك أشخاص سلبيين حاول متتأثرش بتصرفاتهم و ركز وانت بتتعامل علشان متاخدش من طاقتهم السلبيه وتصرفاتهم وانت مش حاسس لأن اوقات بتكون مضايق ومش عارف أنه السبب الناس اللي انت مختلط بيهم ، و دور دايماً علي الاماكن اللي فيها ناس ليهم نفسك اهتماماتك وطاقتهم ترفع من روحك المعنويه وتواجد فيها في معظم الأوقات ، لو عايز تكون سعيد لازم تبذل مجهود وتدور علي اللي يسعدك وتقرب منه سواء كانت سعادتك في أماكن أو في أشخاص .

واحدة من علامات نضج العلاقات إنك تتكلم عن طلباتك واحتياجاتك من الشخص اللي قدامك بمنتهى الوضوح والسلاسة والشخص اللي قدامك يسمعها ويتقبلها ويشتغل على نفسه فيها ويحاول علي قد ما يقدر يلبّيهالك من غير مشاكل وقمص ، العلاقة اللي الطرفين بيشرحوا لبعض فيها شخصياتهم واحتياجاتهم وخصوصاً النفسية من غير ما كل واحد يستنى التاني يشم على ضهر ايده بتبقى علاقة مريحة وقوية وبتسمح للطرفين يكبروا ويتطوروا فيها أكتر ، هنعيش مرة واحدة وهو شخص واحد اللي بنختاره للمرة دي فَ ملوش لازمه نفرهد بعض .

ماتقفش كتير عند لحظة خذلانك أو صدمتك من فلان.. في الزمن ده وبقلة الذوق والجليطة اللي بقوا عنوان لمعظم الناس؛ لازم تتعود تتجاوز وتعدي.. مش كل الناس شبهك، ولا هيتعاملوا بنفس معاييرك، ولا اتربوا نفس تربيتك.. ماتتعشمش عشان ماتتصدمش.. "علّم" على فلان.. "اتعلم" من اللي عمله.. "كمل" طريقك.. علّم، اتعلم، وكمل.

مفيش أزمة أو موقف صعب مش هتتعلم من وراهم.. تتعب شوية فتعرف قيمة الصحة.. تنخدع في حد كنت مديله الأمان فيطلع ندل ومش قد شرف قربك فتتغير معاييرك في تقييم الناس.. تتساب لوحدك في لحظة ضعف فتفهم إن انت أول وأمتن إيد بشرية هتتمدلك عشان تقف.. الصعب بيعلمنا مش بيعلم علينا، وبنخرج منه أجدع، أنضج، وأقوى.. بنعرف قيمة النور لما الدنيا بتبقى كُحل قبله.. شكراً لكل ضلمة اتنورنا بسببها.

صادفتني جُملة بتقول: "لا تُحاول تغيير أحد، اِبحث عن الروح التي تشبهك مُنذ البداية" والحقيقة أنا مُتفق جدًا مع المبدأ دا، لإن بحُكم تجاربي في الحياة ما شوفتش طرف نجح في تغيير الطرف التاني، بل بالعكس الطرف اللي بيضحي وبيحاول يغيَّر من الطرف التاني بييجي في الأخر وبيندم على عُمره اللي ضاع، ولو الزمن رجع بيه تاني كان هيختار حد شبهه من البداية ومش هيجازف بحياته وسلامه النفسي مع شخص ما عندوش أي إستعداد يساعد نفسه من الأساس.

أكبر مشكلة بتواجه أي إنسان مرّ بتجربة قاسية، عرف خلالها الألم بشكله الحقيقي ووجهه شديد الشراسة، إنه لما بيفوق، وبيحاول يتجاوز اللي مرَّ بيه، بيظن إنه لازم يحاول يرجع لنفسه اللي كانت قبل ما يخوض التجربة، وده مستحيل للأسف.. التجارب الصعبة العظيمة بيكون ليها آثار إيجابية وسلبية عظيمة بردو على روح صاحبها.. الألم بالفعل أفضل مُعلِّم، بس محاولة الإنسان للهروب من إنه اتغيَّر بالفعل بسبب التجربة الصعبة اللي خاضها، هي اللي بتزوِّد سلبيات الألم، وبتخفي إيجابيات التجربة عن عيون صاحبها.. مفيش حد بيعدي من تجربة صعبة من غير ما يتغير، وأهم التغيُّرات دي بتكون النُضج الحقيقي اللي بيلمسه في روحه؛ نُضج بيخليه يستوعب إنه حتى لو اتغير، فدي حاجة متعيبوش، دي حاجة تقوله إنه كبر، وشاف، واتعلم من تجربته.. دفع تمن كبير، بس اتعلم.. ومش مستعد يدفع أتمان كبيرة تاني إلا في حاجات مستاهلة التعب، أشياء حقيقية مش مُزيَّفة.

الواحد مننا بيفضل يسعى لإرضاء غيره، وحب غيره، ودعم غيره، والوقوف جنب غيره، وينسى نفسه.

نفسك ليها عليك حق، زي إنك ترضيها ومتعملش حاجة تقلل منها، ولو عشان مين ومهما بلغت درجة حبك له، نفسك محتاجة ترتاح، إنك تتواجد في مكان بيبعدك عن الضغوطات، مع أشخاص يحسسوك إنك بني آدم محتاج رعاية واهتمام برضه.

الواحد بيفضل يتسابق ويجري، ويهتم ويحب، ويضيع لحظات ثمينة من عمره، كان مجهوده أولى إنه يتوظف لنفسه؛ بدل ما يروح لناس متستاهلش.

ماتزعلش من "الحقيقة" اللي بتظهرلك فجأة فتبين لك حاجة كانت واضحة بس إنت كنت بتتعمد ماتشوفهاش.. فيه حد يتضايق إن النور طس في وشه وعيونه فتحت!.. تتصدم النهاردة أحسن من بكره.. الحقيقة اللي تبان مُرة في لحظتها؛ دايماً مخبية في مرارها لحظة فوقان بتفرق معاك بعدين، وبتخلّيك مصحصح للي جاي، أكتر خبرة، نضج، وأقل ألم.. "جلال الدين الرومي" قال: (‏من جمال الحياة أنَّ الله يبعث في طريقك مايوقظك بين الحين والآخر، وأنت الذي ظننت لوقتٍ طويل أنك مستيقظ).

كل يوم بعيشه بيأكدلي إن العلاقات الصحية هي اللي مبنكونش فيها مضطرين نبذل مجهود عشان نبان لُطاف ومبهرين، ولا حاسين إننا دايمًا محطوطين في اختبار وممكن نتساب في أي لحظة، إحنا محتاجين نطمن بس، ساعتها بتلاقي كل حاجة ماشية بسلاسة، وتكتشف إنك مش بالسوء اللي كنت حاسه في نفسك.. إنك تلاقي إنسان يقبلك بنواقصك، بالشروخ اللي مالية روحك، يتقبلك ويحبك من غير ما يفصص فيك، ده كفيل إنه يخليك مرتاح.

- تمنيت أن أكون فراشه صغيرة ..
لأذهب إليك متيٰ اردتُ ، اتأمل عينيك عن قُرب ، اهمس بأذنيك بأنني أحبك ، واقبلك ، تخبأني من وحشيه هذا العالم ، وتعيد جناحي الذي قد كُسر فتقول لي : ما بكِ يافراشتي الصغيرة ! .
فأقول اليك عن كُل ما حدث بينما كُنت أنت بعيد عني ، هل ستبقيٰ تخبأني عندك ام فِـ يوم سوف تمل ! .
فقد كدت أن أموت من فرط التفكير بك ، وبِـ حُبي إليك وشوقي الذي فاض حنين إليك ، يا جاهل بلحُب هل نسيتني ؟ بعد كُل حُب اعطيته اليك فقد كسرت كلاِ جناحي بعدما جعلتني أُغرم بكلماتك الحنينه الذي اوقعتني بك .. أخبرني يا حبيب عيني كم بلغت قساوتك علي وكأنك لم تحبني يوماً ؟.

لـِ مَـلَـكْ سَـامِـح .

الشخص اللي بيبعد عن حد بيأذيه وبيستغله وبيهمله اسمه شخص قوي مش بيّاع، البيّاع دا اللي ياخُد خيرك ويرميك بعد كدا، لكن اللي بيبعد عشان يحمي نفسه ويرحمها من قِلة القيمة والتجاهل المُستمر دا شخص ضحية ويادوب بيلم اللي باقي منه عشان يلحق اللي باقي في عُمره وأنا شايف إن القرار دا منتهى القوة، إنك تقدر تمشي رغم إنك لسه بتحب دي قوة، إنك ترجح كفة عقلك على قلبك قوة، وقرارك دا هتفتخر بيه بعد كام سنة لما تشوف الفرق بين حياتك قبل وبعد وتشوف نفسك وصلت لإيه ومرتاح إزاي؛ قرار العقل رغم صعوبته لكنه سينصفك حتمًا في النهاية.

ساعات بيعدي أوقات علىٰ الإنسان ويسأل نفسُه مليون سؤال { ليه بنحب الشخص الغلط ؟ ، ليه بنفكر فالشخص الغلط ؟ ليه بنتعلق بالشخص الغلط ؟ ، ليه اصلا بنقرب للشخص الغلط } ، الحُب عامل زي المرض ، لما بيمسك فِـ الإنسان مبيطلعش مِنه غير يَـ قاتل يِـ مقتول ، وفِـ الحالتين انت ميت ، الشيخ الشعراوي رحمُه الله ، قال حكمه جميله ( الحُب لما يبقا مِن طرف واحد ، بيبقا إسمه الشقاء ، ولذالك أنت الحبيب ، ولَكنني أعوذ بِه من أن أكون حبيباً ) ، انت مبتخترتش الحُب ، لا هو ال بيختارك عامل زي المرض ، وفجأه تلاقي نفسك بتهرب من العالم سواء أهلك ، صُحابك ، اياً كانوا ، عشان شخص واحد كسر جُزء منك ، والجُزء د فِضل يكبر يكبر يكبر يكبر لحد مكسر الباقي ، ربنا سُبحانه وتعالى قال { وَإين يَمسَسك اللهُ بضرًّ فلَا كاشِف لَهُ إلا هُو ، وإين يُردك بخير فلَا رادَّ لِفضلِهِ ، يُصيب بهِ مَن يشاءُ مِن عبادِهِ ، وهوَ الغفُورُ الرحِيم } ، لِسه فِيهّ أمل .

- Ahmed , Magdy .

أسوء سؤال مُمكن يسأله الإنسان لنفسه لما يقول: "أنا ليه حاولت تاني؟ كان المفروض أمشي من زمان"؛ الواحد مننا لو وصل للمرحلة دي اِعرف إن في حاجة جواه ماتت، حاجة كبيرة اِتكسرت جوّاه، ثِقته اتهزت في أكتر شخص حبّه ودا هيخليه يبطل يثق في أي حد تاني، يعني حتى لو قابل شخص كويس مش هيعرف يتعامل معاه وهيصده وهيبعد عنه لإنه خلاص زي ما بيقولو الشخص دا اكتفى خذلان وشبع وجع قلب، فأصبحت المُغامرة بالنسبة له شيء مُرعب، ومع الوقت الشخص دا هيتحوّل لنُسخة هشة وواخدة جنب من كُل الناس سواء الكويسين أو الوحشين هو خلاص سستم نفسه إنه عايز يبقى لوحده وما بقاش عنده ثِقة في أي حد.

كُل بني آدم مننا عندهُ طمُوح ، وحِلم ، وهدف ، قليل جدا لو فيه حد معندوش هدف ف حياتهُ بس على حد عِلمي ربنا خلقنا كُلنا عشان هدف ، انت بتجاهد ، وتجتهد وتجري وراه هدفك دَ ومتيأسش ابداً ، وتيجي في لحظه بسبب موقف واحد تلاقي الهدف دَ بدأ يتفتت لـ حتت صغيره ، بسبب موقف واحد من أقرب الناس ليك ، عارف لما تكون عندك إزازة بتحبها وتيجي فِـ مره تُقع من إيدك بتتفتت لِـ قِطع صغيره جدا ، إنت لو لميت القطع الصغيره دي عُمرك ما هتقدر ترجع الأزازه دي تاني ، صح ؟ ، اهو الإنسان الداخلي زي الأزازه دي ، لو اتكسر مَن جواه بسبب أقرب الناس لهُ ، عمرهُ ما هيقدر يرجع الِـ إتكسر دَ تاني ولا يقدر يصلح الـ إتكسر دَ تاني .
- Ahmed ' Magdy .