تحذير مهم جدا ⚠️

البارحة جاي ادور حل لمشكلة على فيسبوك ف لكيت عدة قنوات تقدملك الحلول وبسهولة . عن طريق تضيف تثبت اضافة لمتصفح كروم وتكمل شرح.
طبعا قبل سنتين وكت بهيج خدعة مع العلم اني شخص تقني وماتعبر عليا هيج امور مع ذلك عبرت عليا .

خلي احجيلكم شنو الي يصير
تروح تبحث على مشكلة بالفيس او وتريد تحلها يطلعلك فيديو يعلمك الطريقة وينطيك اضافة تثبتها يمك .
انت سويت الخطوات بس مانحلت المشكلة راح تنسى الموضوع
بعد ساعة او نص ساعة راح تدخل لحسابك تلكي كل كروبات وبيجاتك واي شي تملكه راح من حسابك + راح تلكي نفسك مسوي لايكات لحسابات ومنضم لكروبات غير معروفة ومرات ينزل ستوريات اباحية بحسابك .
هو شنو الي صار ؟!
الي صار الاضافة من تثبتها راح تاخذ تلقائي كوكيز متصفحك للفيسبوك والسيشن والايدي وكل الهيدر الي يخص فيسبوك .
راح تنرسل على صفحة عالفيسبوك وتنحذف المراسلة بينك وبين الصفحة باقل من ثانية بدون ماتلاحظ هذا الشي .
لان اني لاحظت هذا الشي وجربتها على حساب فارغ ودققت بيها .
الهكر بدوره راح ياخذ معلوماتك وينفذ عليها الي هو يريده سحب كروبات وبيجات وكلشي يسوي .