ASRLARNI BO‘YLAGAN BOBUR

📣Andijon shahridagi Prezident maktabi hamda Muhammad Yusuf nomidagi ijod maktabi hamkorligida Zahiriddin Muhammad Boburning ilmiy-ijodiy merosini o‘rganishga bag‘ishlangan ilmiy-badiiy anjuman oʻtkazildi. Anjumanni Andijon shahridagi Prezident maktabi ijrochi direktori S.Rislikboyev o‘z so‘zi bilan ochib berdi.

✅Buyuk shoh va shoir, sarkarda Z.M.Bobur hayot yoʻli u qoldirgan adabiy meros va uning yoshlar tarbiyasidagi ahamiyati haqida soʻz yuritdi. Soʻzga chiqqan Muhammad Yusuf nomidagi ijod maktabi direktori Sh.Nurmatova, Andijon Davlat Pedagogika Instituti dotsenti Sh. Xolikova, Milliy gvardiya Andijon viloyati boshqarmasi harbiy xizmatchisi Sh.Ro‘zmetovlar oʻz nutqlarida buyuk mutafakkir shoh va shoir Z.M.Bobur haqida yanada kengroq ma’lumotlar berib oʻtdi.

🗣Shuningdek, anjumanda Andijon shahridagi Prezident maktabi ma’naviy-ma’rifiy ishlar bo‘yicha direktor o‘rinbosari R.Rustamova Z.M.Boburning hayoti va ilmiy merosini targʻib etuvchi xalqaro ilmiy elektron platforma - Baburid.uz va Bobur va dunyo jurnalining ahamiyati haqida maʼlumotlar berdi.

Ona tili va adabiyot fani oʻqituvchisi M.Moʻminova oʻz taqdimotida Z.M.Boburning ijodini oʻquvchilarga oʻrgatishda interfaol metodlar haqida tavsiyalar berib oʻtdi.

Anjuman mobaynida Andijon davlat Pedagogika institutining “Dilnavo” maqom ansambli tomonidan kuy va qoʻshiqlar hamda Muhammad Yusuf nomidagi ijod maktabi oʻquvchilari tomonidan aytilgan ruboiy va gʻazallar ishtirokchilarda katta taassurot qoldirdi.

©️Andijon shahridagi Prezident maktabi axborot xizmati

🌍Biz ijtimoiy tarmoqlarda
Veb-sayt|Facebook|Telegram|YouTube