؛
138 subscribers
7 photos
4 videos
2 links
Download Telegram
خفت أشب آخر قصيدة
‏و أنت برد و ليل ..
‏خفت أقول إني أحبك
‏وأنا أحبك حيل
‏لا تهب الريح ..
‏و تنثر باقي أحلامي رماد
‏لا يمر العطر
‏يمكن يلمس جروحٍ جْداد
‏وين أسافر و القصيدة
‏بإتجاهك
‏و القوافي شعلة
‏بجمرة شفاهك
‏لا شعوري مركبٍ غارق
‏ولا أنت
‏كلما جدفت .. نيل
شروق الشمس مايعني رجوع الحب والآمال
‏يجوز إنه وداع الليل لأحلامي بـ مرثية

‏وأظن حتى غروب الشمس مايعني ظلام الحال
‏أنا أشعر فيه يكسيني حكاوي ناس منسية
علمتني الحياة إن كل حاجة تصير
‏وإن الآمال والآلام متزامنة

‏وإن الايمان ميزان العقل والضمير
‏واللي قلبه مافيه ايمان لا تامنه

‏يكبر الجرح إذا الجارح مقامه كبير
‏العجايب سبع وجروحه الثامنة

‏لاتقرب كثير ولا تبعد كثيـر
‏بين هذي وهذي منطقة آمنة
انثنى العزم طيحي يا عصاة الضرير
‏الركايب عقب طول المسير اهزلت

‏راحت احلام عمري مثل دمعة فقير
‏يوم زانت ظروفه أبتسم ونزلت

‏كنت احسب الظروف القاسيه تستخير
‏لين شفت الليالي جمعت وعزلت
حبيبي كل ماذعذع جفاك و ناحت الورقى
يتل البال قلبي و أهدي السجات جنحانه

حبيبي و أنت مرقاب الشجون و هاجس المرقى
ترى كلٍ يموت إلا الوفي بعيون خلانه

حبيبي و الجروح إللي سببها ليلة الفرقا
ضمايدها الوصال إليا ظما المحروم حرمانه

حبيبي لو يسامحك البحر و تبيحك الغرقى
أنا ما أسامحك لو لامني ملحه و مرجانه
فيه شطر للشاعر حسن الهارب يقول فيه " أنا صديق الشعر .. لكن عدو الظهور " وكإني أرى به حالي هنا
سبق جيلة بجرح و تجربة وأستنكر الميدان
وكسر نايْ صدره و الشغف لا مره يكنه

يخاف من الحياة وهالغلاف اللي بلا عنوان
ويخاف يموت هامش في بياض ولا يصيحنه

بْهَت عمره و الأيام تتشابه كلها سيان
لك الله عيد ميلاده يفوت ولا درى عنه

كذا حزن المواني من ورا التوديع و التحنان
بكت للمنتظر حتى النوارس و البحر حنه
اللهم أشفي كل من أتعبه المرض يا رب أرح كل نفس لا يعلم بوجعها إلا أنت
‏أنا العليل اللي إذا هب العليل
‏ما عاد يدري كيف يخفي علّته!
‏ما ظنتي بلقى ورى صبري دليل
‏مليت و صدور الليالي ملته
‏خلوني أحبابي ولا حولي خليل
‏والحزن زايرني بكامل حلته
‏يا ليل ما بعدك سوى شرواك..ليل
‏قمراك كل دمعٍ نسيته.. هلته
‏بكرّه ولا فيني من الرحمه قليل
‏لي قلب كل ما حب حاجه.. خلّته
أشوف الموت يتهيّا على رمضى الحزن سواح
‏يجي يرعب مدى خوفي ولا أدري وش تاليها

‏قفى نبكي على الأطلال وش باقي بعد ما راح
‏أنا لو جابت الدمعة طواري قمت امشّيها
‏"ليلة اللي ذاب تلويح بكفوفي
‏ ومرت الريح بفراغات الأصابع
‏كان خوفي: أطول من الليل
‏و أحلك من سواده
‏و كان لي نارٍ بجوفي
‏تآكل أخضر ضحكتيني
‏و تحرق أجمل ما ذخره الوقت فيني
‏و كنت أكثر من يخاف يحس
في خيبة رماده"
أبركب مركبي وأبحر وأدور لي بدل مرفاك
شواطيك الكئيبه حطمت كل الأمل فيني
بكن الهم في صدري وأسافر للبعيد هناك
عسى الأيام والغربه من إجروحك تداويني
اللي يقولون ياخي فلها وانبسط
‏انا عشان انبسط يبيلي بساط ريح

‏ماهيب مشكلتي إني فالطريق الغلط
‏مشاكلي كلها إني فالطريق الصحيح
توسد غيمتك واغفى على الرمضاء ولا ترتاب
‏وحاول قد ما تقدر تعيش بهالزمن راضي

‏تغاضى عن خطاياهم ولا تزعل بدون أسباب
‏يقال إن تسعة أعشار السلام تعيش متغاضي
‏زهودٍ ما يطيق الدم لا داين و لا طلاب
‏شجاع وعارفٍ نفسي و أظن أنك تعرفيني
‏غيورٍ ماعرفت أضحك مع الغدر ببرود أعصاب
‏أبيع عيوني الثنتين قبل أنك تخونيني
‏إذا شد الغرام أترك خفوقي بين ناب و ناب
‏لفرقى تكسر ضلوعي و لا عشق يوطيني
‏اللهم هون علينا ثقل الأيام ومرها اللهم أبدل عسرها يسراً ومرضها عافية وضيقها سعةً يالله
‏" ولا تتعب
‏أنا ماني غريب وبس .. أنا أغرب
‏أنا الفكره قبل تكتب
‏وأنا التنصيص .. وأنا المذهب
‏وأنا الكوبليه .. متى ما سلطن المطرب
‏وأنا كل النهار اللي غرق في حمرة المغرب "
Forwarded from آنـه خيرٍ
"ويغفر ذنب من صلى عليه ويكفى همه سرًا وجهرًا"
‏اللهُم صلِ وسلم على نبينا محمد
ترجى الخالق لكل الصعيبات تسهل
وأجلد الكايد ولعوايق احلامك بارزها

إحذر لأساليب غيرك تخضع وتتوسل
إفرض اسلوبك لو الخلايق ماهيب عاجبها
أعد النجوم الساريِه والعرب ممسين
‏وأعد الأسامي وأرفع الصوت وأنادي

‏أبتعبك يا فكري مع الصوت والتلحين
‏أجاوب حمام الورق وأشدي مع الشادي

‏سرى النوم من عيني مع هجعة السارين
‏وصارت هجوس القلب سرداد مردادي
لأن الماء يرد الروح
ويحيي من الظما انسان
‏احس ان السماء امي
واحس ان السحب أمي
‏واحس ان المطر وان البحر
وان النهر أمي