؛
138 subscribers
7 photos
4 videos
2 links
Download Telegram
هني القنوع اللي على القلب حط سياج
‏يمر الدروب المغريه .. ويتعداها
بين أحط الرحال وبين أشد الرحيل
‏خايف إن لذة العمر المطرف تطوف

‏ليت قلبي مقفل كنه مجلس بخيل
‏لا يقلط ضيوف ولا يودع ضيوف
لا استمالت يم قلبك ذعاذيع الهبوب
‏بتذكر حسن وجهي على وردٍ ندي

‏ثم عاد الله يعينك على قطع الدروب
‏لا أشتحن صدرك من الشوق يا وين تغدي
‏يحزني الفقد والحاجة وضعف الكبير
‏ودي الحوايج تجي سهلة مهي عايقة

‏يارب لا تترك على الأرض هذي فقير
‏ولا تخلي الصدور الطيبة ضايقه
‏والسفينه اللي ما تشيلك تغرقك
‏والاهتمام بعد الطلب ماهو اهتمام
‏والصديق اللي في ضيقتك يتركك
‏ما يلزمك تبقى صديقه بالتمام
‏وأبد لا تهمل اللي يعشقك
‏انتبه تقسى ولو صرتوا خصام
‏ولا تركض ورا اللي يسفهك
‏ما يراكض الا رخيص المقام
‏ماني بـ ناقص لا ناس ولا خوي
‏أنا الذرى اللي دون ظلي ناقصين

‏هم خابرين أني على الصده قوي
‏وأنا عادني مثل ماهم خابرين
اللهم في يوم الجمعه اجعلنا اسعد خلقك واقرب عبادك إليك ، اللهم اغفر لنا ما مضى واصلح لنا ما بقى واكتب لنا رضاك والجنه
‏لا تحاول ترضي الناس لاجدوى
‏غايةٍ من دونها السبل مقطوعه

‏والمصيبه صار حتى الزعل عدوى
‏لازعل واحد زعل معه مجموعه
كنت الوم السحاب ليا جفى ياسمينه
لكن الحين اقدم للسحاب اعتذاري

موصد الباب دون الذكريات الحزينه
وش يذرّيك لاهبت عليك الطواري؟

خل كل الهموم اللي بصدرك سجينه
دام محدٍ عن اللي في حناياك داري

"مابقى للرحيل إلا صعود السفينه
ليت الاحلام كانت تستحق انتظاري"
‏العاقل اليوم حاله مثل حال الغريب
‏يستغرب الناس من حوله وتستغربه
حنا كذا صافين دايم و وافين
‏ما عندنا فالناس نية خباثه

‏واصحابنا سبعين مدري ثمانين
‏والصادقين ثنين مدري ثلاثة
ياراعي الياس عن باب الرجا وش تقول
والعمر جرة مسافر ما يبي له ترجمه

ماحير الناس واصحاب النظر والعقول
ألا انك تعيش واقع .. و أنت ما تفهمه
‏لا تكثر من مديح اللي تحبه
‏ولا تماشي واحدٍ ما طاع ربه
‏لا تثرثر في المجالس
‏ولا تسلم وأنت جالس
‏والصديق اللي تخلى عنك
‏لا تسعى لقربه
"دنياك هذي كلها دمعتيني
‏دمعة لقا و الثانية دمعة فراق
‏لا تجرحيني قدري و اعذريني
‏وش تنفع الكلمة ليا قلت مشتاق؟
‏ضاع الأمل وش عاد أنا في يديني
‏الصيف ما قدر ظما خضر الأوراق
‏ما هو تهرب قلتها شوف عيني
‏شمس المحبة مالها نية إشراق"
كيف أناديك لا خان الزمان المكان ؟
‏و أنت صوتيني التعبان والمستريح
يا حلمي اللي ما ورا طرده سبيل
‏لا تحدني للضيق وأمر الله سعة

‏ما عاد لي بالٍ على الدنيا طويل
‏قْصرته ظروف الليالي وجْبعه

‏صبرٍ مهو والله بالصبر الجميل
‏عيت تطيب النفس فيه وتبلعه

‏ثقيلةٍ نفسي وجا حملي ثقيل
‏واللي تعانده الظروف تطوعه
هذا القلب اللي مملي طهر واسائه
‏يعيش فـ داخله طفل وشعوره غير
‏
‏عن الواقع وعن ناسه واسمائه
‏ابتساماته مرايات الشجر والطير
‏
‏صديقه ذكرياته وأصغر اشيائه
‏وحكاياته مع الشعر ومع التصوير
‏العاقل يراقب الدنيا بعقل فطين
‏حتى لو الصيد بأطراف العجاجه يلوح
فتشي في دفتر العشق القديم
ربما تلقين وردة ذابلة

ودمعتين وحرف شعرٍ بك يهيم
وغيم ذكرى مر شوقي وابله

كنت و لازلت الغرام المستديم
فـ السنين الماضية و القابلة

أسأل اللي في مخاليقه حليم
ينعش ورود الغرام الذابلة
‏هذا أنا والظنون تصيب وتخيب
‏والناس شفقه على الحكي وعجوله

‏إذا ما عندي كلام أقوله أغيب
‏و أجي إذا صار عندي شي أقوله
يروح النهار ويلفي الليل ما سجيت
‏ولا عاد لي نفسٍ مع الناس منطربة