#mantiqiy

8⃣-savol:

Monopolistik kapitalizm davridan to 2000-yilgacha ular jami 20 martacha bo'lgan. Birinchisi "birinchi shaxs" nomi bilan ataluvchi shaharda bo'lgan bo'lsa, 2-si Mexikoda, 3-si Rio de-Janeyroda, 4-si esa "yaxshi havo", "shamol o'tib turuvchi" ma'nolarini bildiruvchi shaharda bo'lgan.

DIQQAT SAVOL: siz menga 4-si bo'lgan shaharni emas, gap nima haqida ketayotganligini ya'ni bu shaharlarda nima bo'lganligini yozib bering. Albatta bu haqida maktab darsligida o'qigansiz.

Javob variantingizni izohlarda qoldiring.

@Amirov0215_tarix

#mantiqiy

8⃣- savolning javobi: Panamerika konferensiyalari.

Izoh:
1-konferensiya Washington shahrida 1889-yilda bo'lgan. 4-si esa 1910-yil Buenos-Ayresda bo'lgan. "Birinchi shaxs" nomi bilan ataluvchi shahar - Washington edi. Jorj Washington AQShning 1-prezidenti. "Yaxshi havo", "shamol o'tib turuvchi" shahar bu - Buenos Ayres. Savol matnidagi Mexiko va Rio-de Janeyro shaharlaridan bu Amerikaga oidligini payqash mumkin edi.

Rasmdagi shaxs kim? Bu AQSHning XIX asrning 2- yarmidagi mashhur siyosiy arboblaridan biri Jeyms Bleyn. U 2 marotaba Davlat kotibi bo'lgan, presentlikka nomzod, senator va yana ko'plab muhim lavozimlarda ishlagan. Shu inson 1888-yilda "Panamerika" iborasini ilk marta qo'llagan va bu tashkilotni o'tkazish tashabbuskori bo'lgan. https://en.m.wikipedia.org/wiki/James_G._Blaine

Birinchi bo'lib Jahongir Abdurashidov ismli tarixchimiz to'g'ri javobni yozdilar.

👏👏👏👏👏👏👏👏👏👏👏

Qolgan javob variantini yozgan barcha tarixchilarga e'tibor uchun tashakkur

👏👏👏👏👏👏👏👏👏👏

@Amirov0215_tarix

#mantiqiy

9⃣ - savol:

O'rta asrlarda Ildegizidlar sulolasi boshqargan bir davlat mavjud bo'lgan. Faoliyat ko'rsatgan yillari 1136-1225-yillar. Siz bu davlat haqida endi o'qib turgan bo'lishingiz mumkin. Lekin darslikda bu sulolaning oxirgi hukmdorini siz yaxshi taniysiz. Uning ismini bitta o'qishda yod olgan bo'lishingiz ham mumkin. U inson hozirgi Naxichevan Avtanom Respublikasi hududida joylashgan Alindja qal'ada jazirama issiqda vafot etgan. Vafot etishidan ozgina avval ayoli boshqa bir insonga turmushga chiqqanligini tarixchilar yozishgan. Siz darslikda u insonning ismini ham, ayolining ismini ham va yana ayoli turmushga chiqqan insonning ismini ham o'qigansiz.

DIQQAT SAVOL: tarixiy davrni tahlil qilgan holda, Ildegizidlar sulolasining oxirgi hukmdorining ismini bizga begona bo'lmagan so'z bilan yozib bering.

Javob variantingizni izohlarda qoldiring.


@Amirov0215_tarix

#mantiqiy

9⃣ - savolning javobi: O'zbek

Izoh: Ildegizidlar sulolasi faoliyat ko'rsatgan yillari 1136-1225-yillar. Demak, 1225-yillardagi er-xotin ismi kerak. Darslikda yozilgani O'zbek va Malika xotun. Ismi O'zbek bo'lgani uchun uning ismini bitta o'qishda yod olgan bo'lishingiz ham mumkin. Naxichevan Avtanom Respublikasi hozirda Ozarbayjon hududida joylashgan. O'zbek vafot etishidan ozgina avval Malika xotun Jaloliddin Manguberdiga turmushga chiqqanligi yoziladi.

Birinchi bo'lib @MR_YURIST_01 profilidagi tarixchimiz izohda to'g'ri javob yozdilar

👏👏👏👏👏👏👏👏👏👏👏👏

Qolgan javob variantini yozgan barcha tarixchilarga e'tibor uchun tashakkur

👏👏👏👏👏👏👏👏👏👏👏👏

Rasmdagi bosh kiyim Ozarbayjon otabeklarining (o'rta asrlarda bu yerda hukmdor "otabek" deb atalgan) bosh kiyimi ekan.


@Amirov0215_tarix

#Tarix
#Amirov

Bugun 25-noyabr.

Tariximizda 1221-yilning 25-noyabrida Sind daryosi bo'yidagi jang bo'lib o'tgan. Bunga roppa-rosa 800 yil bo'libdi.

Jang vaqtida sultonning oilasi, goʻdak oʻgʻli ham yov qoʻliga asir tushadi. Chingizxon ularni qatl etishga hukm qiladi. Jangda mag'lubiyatga uchray boshlagach, noiloj ahvolda qolgan Jaloliddin Manguberdi oti bilan Sind daryosiga sakraydi. Daryoning narigi qirgʻogʻiga sogʻ-salomat oʻtib olgan sultonning bu qahramonligini koʻrgan Chingizxon Jaloliddinni taʼqib etishni man qiladi va oʻz aʼyonlari hamda farzandlariga qarata shunday deydi: "Otaga shunday oʻgʻil zarurki, u ikki girdob — olov va suv girdobidan ozodlik maydoniga chiqa oldi" (Mirzo Ulugʻbek, Toʻrt ulus tarixi, T., 1994).

Sind daryosi bo'yidagi jangda yana bir hodisa bo'lgan. Unda Jaloliddinning jang maydonida ketma-ket ikkita oti yaroqsiz ahvolga kelib qoladi. So'ngra yana bitta ot olib kelishadi. Mana shu 3-oti bilan Sind daryosidan sakragan. Shundan keyin Jaloliddin bu otni e'zozlab minmasdan 5 yil ya'ni 1226-yil o'z ajali bilan o'lguncha yonida olib yurgan. (Bu ot 1226-yil Gruziya poytaxti Tbilisi egallanishi arafasida o'lgan ekan).


T.me/Amirov0215_tarix

#Tarix

Jaloliddin Manguberdi bilan bog'liq ma'lumotlar bilan tanishishda davom etamiz.

Barchangiz 7-sinf jahon tarixi darsligida nomi keltirilgan Berkaxonni o'qigansiz. Uning otasi Jo'ji bo'lib, Chingizxonning o'g'illaridan biri edi. Onasi esa Xon Sulton bo'lib, Alouddin Muhammad Xorazmshohning katta qizi edi. Ya'ni Xon Sulton Jaloliddin Manguberdining opasi bo'lgan. Jaloliddin Manguberdi 1198-yil tug'ilgan bo'lsa, Xon Sulton 1190-yil tug'ilgan. Demak, Berkaxon Jaloliddin Manguberdiga jiyan bo'ladi!

Berkaxon 1221-1266-yillarda yashagan. U Oltin O'rdani xonlaridan biri bo'lgan. U o'sha davrning mashhur shayxlaridan biri Sayfiddin Boxarziy guvohligida islom dinini qabul qilgan. Islomni qabul qilgan birinchi mo'g'ul hukmdori sifatida tarixda qolgan.


https://t.me/Amirov0215_tarix

#Amirov
#ABITURIYENTLARGA


7-sinf jahon tarixi darsligida nomlari keltirilgan janglar va ularning izohlari

1. Puate jangi - 732-yilda bo'lgan. Franklar hukmdori Karl Martell arablarni yengib, ularning Yevropaga yurishlariga chek qo'yadi.

2. Bavariyaning Lex daryosi bo'yidagi jang - 955-yilda bo'lgan. Otton I vengerlarni mag'lubiyatga uchratgan.

3. Gastings jangi - 1066-yilda Normandiya gersogi Vilgelm I Angliya qiroli Garold ustidan g'alaba qozongan.

4. Mansikert jangi - 1071-yilda bo'lgan. Saljuqiylar sultoni Alp Arslon Vizantiya imperatori Roman IV Diogen ustidan g'alaba qozongan.

5. Lenyano jangi - 1176-yilda bo'lgan. Milan boshchiligidagi Liga qo'shini Germaniya imperatori Fridrix I Barbarossa ustidan g'alaba qozongan.

6. Kalka daryosi bo'yidagi jang - 1223-yilda Dashti Qipchoqda bo'lgan. Mo'g'ullar ruslar va qipchoqlar ustidan g'alaba qozongan.

7. Neva daryosi bo'yidagi jang - 1240-yil 15-iyulda bo'lgan. Aleksandr Yaroslavich shvedlar ustidan g'alaba qozongan.

8. Muz ustidagi jang - 1242-yil 5-aprelda Chud ko'li ustida bo'lgan. Unda Aleksandr Nevskiy nemislar ustidan g'alaba qozongan.

9. Kresi jangi - Yuz yillik urushdagi janglardan biri. 1346-yilda sodir bo'lgan. Inglizlar fransuzlar ustidan g'alaba qozongan.

10. Puate jangi - Yuz yillik urushdagi janglardan biri. 1356-yilda sodir bo'lgan. Ikki baravar ko'p bo'lgan fransuz qo'shini inglizlarga mag'lub bo'lgan. Fransiya qiroli Ioann Saxiy va o'g'li Filipp ingliz qiroli Eduardga asirga tushadi.

11. Voje daryosi bo'yidagi jang - 1378-yilda sodir bo'lgan. Moskva knyazi Dmitriy Ivanovich mo'g'ullar ustidan dastlabki g'alabaga erishadi.

12. Kulikovo jangi - 1380-yilda bo'lib o'tgan. Moskva knyazi Dmitriy Ivanovich Don daryosi sohilidagi Kulikovo maydonida Oltin O'rda tumanboshisi Mamay ustidan g'alaba qozongan.

13. Qunduzcha jangi - 1391-yilda sodir bo'lgan. Sohibqiron Amir Temur Oltin O'rda ustidan g'alaba qozongan.

14. Tarak daryosi bo'yidagi jang - 1395-yilda Shimoli Kavkazdagi Tarak daryosi bo'yida bo'lib o'tgan. Amir Temur Oltin O'rda xoni To'xtamishxon ustidan g'alaba qozongan.

15. Anqara jangi - 1402-yil 20-iyul sanasida Anqara yaqinidagi Chubuk mavzeyida sodir bo'lgan. Amir Temur Turkiya hukmdori Sulton Boyazid ustidan g'alaba qozongan.

16. Azenkur jangi - Yuz yillik urushdagi janglardan biri. 1415-yil kuzda sodir bo'lgan. Fransuzlar inglizlarga mag'lub bo'lgan. Fransiyaning yarmi Angliyaga o'tib ketadi.

17. Kompen qal'asi uchun jang - Yuz yillik urushdagi janglardan biri. 1430-yilda sodir bo'lgan. Janna d'Ark burgundlar tomonidan asirga olinib, inglizlarga topshiriladi.

18. Bosvort yaqinidagi jang - Angliyada "Qizil va oq gullar urushi"dagi jang. 1485-yilda sodir bo'lgan. Jang yakuniga ko'ra Genrix VII Tyudor Angliya taxtiga o'tiradi.




Muallif: O'rol Amirov
(@Amirov0215)

T.me/Amirov0215_tarix