አማራ ፋኖ📡

ከምስራቅ አማራ ፋኖ የተሰጠ መግለጫ‼️

አማራን በጅምላ እንደ ጠላት ፈርጆ ማጥላላቱም ሆነ ይፋዊ የሕግ ሽፋን በተሰጠው ሁለንተናዊ መዋቅራዊ ጥቃት ሰለባ ማድረጉ በቂ ያልመሰለው ኦህዴድ መራሹ ብልፅግና ስልጣን ከያዘ ማግስት ጸረ-አማራ ጥቃቱን ወደ ለየለት ብሔር-ተኮር የጅምላ ጭፍጨፋ ከፍ ያደረገው መሆኑ ዛሬ ዛሬ ዋቢ የማይሻ ጥሬ ሀቅ ሆኗል። በአጠቃላይ በብልፅግና ስር በወደቀችው ኢትዮጵያ አማራ በሰብአዊ ፍጡር ላይ ሊፈፀም ቀርቶ ሊታሰብ የማይችል የጭካኔና የግፍ አይነት መሞከሪያ ተድርጓል ብሎ መደምደም ይቻላል።

አብይ መራሹ ፋሽስታዊ መንግስት አማራን እንደ ህዝብ ለማጥቃት በተለያየ የዳቦ ስም በሚጠራቸው ቡድኖች በየክልሉ የማያቋርጥ የጅምላ ጭፍጨፋ፣ ማፈናቀልና እገታ ሰለባ ማድረግ ሳይበቃውና ለተከታታይ ይፋዊ ወረራና ጭፍጨፋ ማጋለጡ ሳያረካው ያለውን ሙሉ የጥፋት አቅም አሟጦ በመጠቀም በአማራ ሕዝብ ላይ ይፋዊ ጦርነት ከከፈተ እነሆ ውሎ አድሯል። ይሁንና የአማራ ህዝብና ከአብራኩ የወጡት ፋኖ ልጆቹ ፋሽስታዊው መንግስት በተዘዋዋሪም ሆነ በቀጥታ የሚፈፅማቸውንና የሚያጽፈፅማቸውን የግፍ ወረራወች ለመመከት ብቻ ሳይሆን ለመቀልበስ ታግሏል፣እየታገለም ይገኛል።

በአማራ ሕዝብ ላይ የተቃጣውን የእጅ አዙርም ሆነ ቀጥተኛ ወረራና ግፍ ለመመከትና ለመቀልበስ በግንባር ቀደምትነት ተደራጅተው ከታገሉና ከሚታገሉ የፋኖ አደረጃጀቶች መካከል የምስራቅ አማራ ፋኖ አንዱ ነው። ምስራቅ አማራ ፋኖ ከምስረታው ጀምሮ በደል እና ሰቆቃ አምጦ በወለዳቸው ታማኝ ሀቀኛ እና ጀግና መሪዎቹ እየተመራ በብዙ እንቁ ወጣቶች ጓዶች መስዕዋትነት እዚህ ደርሷል። ትላንትም ዛሬም የወገኑ መከታነቱን አሳይቷል። ፋሽስታዊው መንግስት የሚፈፅመውን ግፍና ጭፍጨፋ ወደ ይፋና ቀጥተኛ ወረራ ከቀየረው ወዲህ ደግሞ በወታደራዊ አቅሙም ሆነ በትጥቁ ግዙፍ የሆነው ምስራቅ አማራ ፋኖ የሚያደርገው ትግልም ሆነ ትግሉ የሚጠይቀውን መስዋዕትነት ወደሚመጥን አደረጃጀት በፍጥነት ቀይሮ እነሆ ራሱን ወደቻለ ዕዝ አሳድጎ አሁን በሚገኝበት ቁመና ላይ ይገኛል። ይህ ሁሉ ያለ አማራ ሕዝብ ሁለንተናዊ ድጋፍ፣ ያለ አማራውና ፍትህ ወዳዱ በውጭ ሀገራት ነዋሪ ወገን ድጋፍ እውን አልሆነም።

የምስራቅ አማራ ፋኖ ዕዝ ከኦህዴድ ወራሪ ሰራዊት ጋር በየአውደ ውጊያው በእየዕለቱ በሚያደርገው ትንቅንቅ ከሚከፍለው መስዋዕትነት በላይ በሲቪሉ ህዝባችን ላይ የሚደርሰው ግፍና በደል በእጅጉ ያመዋል። ሴት እህቶቻችንና እናቶች በአገዛዙ ወታደሮች በግፍ ይደፈራሉ።የአማራ ወጣቶች እና ምሁራን የጅምላ ጭፍጨፋና እስር ሰለባ መደረጋቸው የዕለት ተዕለት ክስተት ነው። በአብይ ዙፋን አስተባቂ ወራሪ ሰራዊት አዛውንት ያለ ጧሪ፣ ልጆች ያለወላጅ፣እህቶቻችን ያለ አባወራ ቀርተዋል። ዛሬ የጤናና የትምህርት ተቅዋማት ሥራ፣የንግድ፣የፋይናንስና የግብርና ሥራ በአማራ ምድር ላይ የለም።እናቶችና ሕፃናት በሕክምና እጦት እንደቅጠል እየረገፉ ነው። ህዝባችን ድርቅ ባስከተለው ረሃብ ይረግፋል። ይህን ሁሉ የህዝባችን ሰቆቃና እልቂት የአብይ አህመድ ፋሽታዊ አገዛዝ አማራን ለማጥፋት እንደ ዋነኛ ግብዓት የሚያየውና የሚጠቀምበት መሆኑ ሊሰመርበትና ዓለም ሊያውቀው ይገባል።

አማራ እንደ ሕዝብ ሕልው ሆኖ እንዳይኖር የተከፈተበትን ዘርፈ ብዙ ጥቃት ለመመከት የሚደረገው ሁለንተናዊ ትግል ከምንጊዜውም የበለጠ ትብብርና ሁለንተናዊ ድጋፍ ይሻል። በጋራ ወገናችን ላይ የሚፈፀመውን ዘርፈ- ብዙ፣ተከታታይነት ያለው፣መዋቅራዊና ስልታ እልቂትና ሰቆቃ ለማስቆም ዛሬም እንደትናንቱ የሁላችንንም ትብብርና መስዋዕትነት ይጠይቃል።የምስራቅ አማራ ፋኖ ዕዝ ህዝባችንና ለሕዝባችን የሚደረገው ትግል የገጠሙት ችግሮች ጊዜ የማይሰጡ መሆናቸውን በመገንዘብ ትብብርና ርብርብ ለማድረግ እንዲረዳ በሚል ወደፊት በጋራ እንደ አንድ አማራየጋራ አደረጃጀት እስከሚፈጠር ድረስ ጊዚያዊ የአስቸኳይ ጊዜ ፋይናንስ አሰባሳቢ ግብረሃይል እንዲመሰረት ያደረገ ሲሆን በውጭ ሃገራት የምትገኙ የአማራ ሕዝብ አብራክ ክፋዮችና የአማራ ሕዝብ የሚያደርገውን ፍትሃዊ ትግል የምትደግፉ ወገኖቻችን ግብረ ኃይሉ የሚያደርገውን ጥሪ ተከትሎ በሚደረጉ የፋይናንስ ማሰባሰቢያ መረሃግብሮች በመሳተፍ ወገናዊ ድጋፋችሁን እንድታደርጉ ስንል ጥሪያችንን እናስተላልፋለን።

የህልውና ትግሉ በአማራ ሕዝብ ድል ይደመደማል!!

#ድል ለአማራ ፋኖ

ለፈጣን እና ታማኝ መረጃዎች ቻናላችንን ይቀላቀሉ!!👇👇👇
https://t.me/AmharafanoZ